FSS ZIRLAI 1 : LEI LE VAN HUAPIH THU ELAWKNAK (The Cosmic Controversy)

ZIRLAI 1 : 

LEI LE VAN HUAPIH THU ELAWKNAK (The Cosmic Controversy)

                                                  March 31- April 6

SABAT TLAILAM:                                                    March 31

TUZARH SIAR DING: Ezek. 28:1,2,11-17; Sem. 3:1-7; Rev. 12:1-17; Rom 8:31-39; Rev. 14:12.

BIBLE CANG KEN: “Rul hreng cu nunau nui parah a thin a heng tukih Pathian thukham thluntu le Jesuh ih a phuanmi thutak rinsantu nunau nui tefa hmuahhmuah do dingah a pok lala” (Rev. 12:17).

DO-AWKNAK mak kan ti theu mi hi Bible thlirdan a si ih, lei le van huap thudik cuhawknak a si. Lei le van huapih thu elawknak hmun cu hi lei tlun hi a si. Sualnak, tuarnak, thihnak, ram khat le ram khat doawk ih ukawknak, thuthangtha sim thehnak pawl hi ni neta ih thil thleng dingpawl an si.

Tuzarh ahcun doawknakih athupi zetnak hmun kan zoh ding. Mi famkim Lucifer thinlung sungin a hung suakih ziangruangah a thok ti kan thei lo. Cuih doawknak in sual nei lo Adam le Eve kha sualah an tluk. Lucifer le Adam le Eve an umnak hmun hi leilungpi hi doawknak hmun a si. Van le lei doawknak ah  a thupi bik mi ah kan tel.

Setan parih Jesui nehnak famkim thuthangtha kha ni khatniah a cemzo tiah a ti mi sawn a si. Cross parah Jesui a tuah famkim zo mi ruangah mikip hnenih  pekmi thuthangthaa sunlawinak a si. Ka ra rori ding tiah Jesui thu in kami a hngaktu kan zaten nehnak cotu kan si vekin zumngamnak nei in zawnlung dingih kawhmi kan si.

THAWHSAL NI                                                            April 1

MI FAMKIM TLUKNAK

Van le lei doawknak hi Bible thlirdan ih kan sim ahcun thusuhnak tampi a suak. A thupi bik mi pakhat cu ziangtin so hi mipawl hram a thok?  Thil tha lo sualnak le dodalnak hi a hramthok ih ummi a si lo ti kan thei ziangah ti le duhdawtnak Pathian in lei le van a tuah a si. Thu elawknak hi sersiam miah a tel lo timi le sualnak ih tha man hi a tul lo mi a si tiah fiangten kan thei. Cuti cingin kanmah tla thu elawknak hmunah kan um ih cumi ah kan tel vei.

Ezek. 28:1,2,11-17 le Isaiah 14:12-14 siar aw. Lucifer ih tluknak le thil tha lo thu ziangso in zirh?

Lucifer hi vanih a um laiah mi famkim a si. Amah ihsin sualnak a thok ih, a kiangkap ziangtin so a hnawihhnih thei? Bible in sualih thuthup a relmi hi kan thei ban lo mi thu pakhat a si (2 Thess. 2:7). Pathian in a semsuahmi hmuahhmuah duhhril theinak famkim tein a pek. Lucifer ih tluknak hi a san um lo a si. E.G White in thuk zetih a tarlang mi cu, Sualhram thoknak le a rak umnak san hi simfiang theih lo mi a si …. Sual hi hramhram in a lutih a luhnak san sim theitu an um lo. Thuthup a siih puhmawh ding zohman an um lo. Kan him theinak dingah cun amah hnen ihsin venhimawk hi a si ko. Sualnak hmun le sual ngaihthahnak hmun cu amai parih um sual cemter a tulmi a si. (TheGreat Controversy, Pp. 492, 293).

Thil tha lo timi aiawhtu ah sual tiah hmang sehla, a tuahmi a langdan thawn a rem sawn. Sual le a umnak san simfiang thei lo mi a si …. Hramhram in a lut, puhmawh ding dang a um lo. Thuthup a si ruangah suanlam hawl theimi a si lo. A hnen ihsin venhimawk hi kan ti theitawk a si ih, sualnak le a sinak kha cemter tul mi a si.

Zalen zetih duhhril theinak na neih mi ruat salaw? Duhhrilnak zalen zetih kan tuahnak thuah fimkhur zet le thlacamnak thawn tuah a tulnak ziangruangah so a si?

TLAWNGKAI NIKHAT                                                  April 2

MILAI THEIH THIAMNAK HNAKIN

Sual a hung suahnak a san kan thei thei lo nan, sualnak hi thiam coter theih a si lo. Bible in vanih Lucifer thinlung sung ihsin a thok tiah a sim. Vanih doawknak thu Bible in tampi a sim lo. The Great Controversy timi cabu ah “Sual thawhkehnak” timi calu ah ‘mi hip thei zet’ tiah E.G White cangan mi sungah a um. Leitlunih sual thawhkehnak thu ah Bible ih simmi a fiang zet.

Gen 3:1-7 siar aw. Adam le Eve ah sualpuh theinak ziangso a um? Thil a langsuak mi ziangso a si?

Pathian ih thupek cia zomi an si nan, hitawk ah Eve ih tonmi thil kha ziangtluk riahsiat za so a si. Pathian ih a rak simmi “Kha mi kha nan tham lo ding, nan ei lo ding, nan ei le nan thi rori ding” tiah Eve in a sim sal (Gen. 3:3 NKJV). Bible sungih thu lo vekih a simmi a um. Pathian in nan tham lo ding tiah a sim lo. Eve ih a theihfiang mi thu cu theirah einak ruangin thihnak a thlenter timi thutak a si.

Cule Setan in hngalhngawng zet le langhngan ih soiselnak a simmi cu Eve hnenah nan thi hrimhrim lo ding tiah rulpi in a ti (Gen. 3:4).

Hi thu ah a ruhlang rori in an danglam nasa. Nunau nu kha Setan in hrawkhrawl zetin a panih, a thinlung duhmi hmakhatte ah a kai ngah. Setan in Pathian thu rinsan tlak lo le zumtlak lo a sinak langhngan in a sim ih, Eve in a do neh thei lo. Eve in a theih lo mi thil ihsin a poi zetmi sualnak a tuah lo. Ka thei hrimhrim lo tiah a sim fawn lo.

A theih zo mi thu kha a poi lo tiah sualnak zin a zawh. Eden human ah humhimnak a tha zet ko nan, Eve himnak dingah a theihnak a rak famkim lo. Adam khalin sual a tuah hnu lawngah thutak a theifiang. Sual theihnak lawngin kan rundamnak a famkim ko tiah aatthlak zetin kan ruat ding a si lo. Pathian in ziangso in sim timi kan theih a tulih cumi in zawnlung ih thuthlunnak kan nei ding a si.

Pathian in thu simmi pakhat a nei ih Setan khalin simmi a nei ve, Adam le Eve in kha mi an thei. Setan thu lung dingih duhhrilnak an tuah mi a poi lo tiah thil fate zetih an ruah mi kha kum thawng tampi a liam tikah ziangtluk in so danglamnak a um timi ruatsal aw. Kha vekih palhnak ziangtin so kan hrial thei ding.

TLAWNGKAI NIHNIH                                                  April 3

VAN LE LEI AH DOAWKNAK

Kan nu le pa hmaisapawl ih an tluknak kha thil tha lo sualnak le thihnak ih luhnak a si. Sualnak a tuah mipawl in lak hruak thilcang mi parah an lungkim thei lo nan, hnaihnoknak, buainak le pawngsualnak dodalawknak le natnak hi  anhnon theih mi a si lo.

Thudik cuhawk nak ah van le lei doawk buainak kan reltlang ih, a tha , a felih a dik fawn. Van le lei buainak hramthoknak hi a tui leitlun ih a cang rero mi bangtuk a si ko. Bible sungah tampi a sim ih, Eden ih tluknak kha a netabik Jesui ratsalnak thlentertu a si. …. Bible sungah a

phunphun ih a langter mi cu doawknak thu a si. Hi thu le hla cuhawknak lakih khawsa mi kan si. Bible in fiangte ih in simmi cu tui thil cang rero lai mi le a liam zo mi ah ziangvek so a si ih, a thupibik mi cu can netnak ziangvek in so a thlen ding ti mipawl a si.

Rev 12:1-17 siar aw. Na  mitthlamih a lang theinak dingah lei le van doawknak ziangvek in so na hmuh ve?

Ral donak hmaisabik kan hmuhmi cu lei le van ih doawknak kha a si (Rev. 12:7-9) ih, Michael le Setan timi (Hebru tongih Pathian thawn bangaw mi) doawknak a si. Dodaltu cu Setan timi ralpa tinak a si. Amah cu sersiam mi a si ih, a sersiamtu Jesuh a dodal (Heb. 1:1,2; John 1:1-4).

Doawknak mak hi Setan in a sersiamtu a donak a si. Sersiam mi in sersiamtu dodalnak a si.

Van ih Khrih le Setan  doawknak ah Setan a sung ko nan, leitlunah Bawi Khrih naute ih a suah laiah Setan in amah do dingin a pok lala (Rev. 12:4). Himi hmun khalah Setan a sungsal. Cuih hnuah hramlak ram thing hmun khalah Setan a sung. Calvary Cross ahcun Setan kha tho thei nawn lo dingin a neh nan a tlen mi zumtupawl hnenah nasa zetin a dosal lala a si. Himi hi thinnatnak le aithok thinhengnak ruangih ral donak tiah Khrihfa thuanthu ah tampi kan hmu (Rev. 12:6; 14-16). Cuih doawknak cu can cem tiangin a um vivo ding (Rev. 12:17). Jesui ratsalnak can tiangin Setan a sung thotho ding.

Thuphuan 12:10-12 siar aw. Bible cang dangah dodalawknak le thu elawknak sungah himi Bible cang ihsin ruahsan ding ziangso kan neih thei ding?

TLAWNGKAI NITHUM                                                 April 4

CAN CEM TIANG NANGMAH THAWN KA UM RINGRING

Pathian zumtupawl in harsatnak an tong ding tiah Thuphuan ih a rak sim mi kha Kawhhran thuanthu ah a tha lamih hmuh dingin a um. Thuphuan 12:6 ih sim mi thu kha Thuphuan 12:14 khalah kan hmu ih kum 1260 sung kawhhran in harsatnak le dodalnak a tonnak thu a si.

 Siangpahrang Nero uknak sung ihsin martar a thok ih tuar hmaisa bik tu cu Paul asi. Himi hremnak hi a nasa deuh le nasa lo deuh in zabi tinah a pehzom in a um vivo. Amahte a ra cangmi siatnakpawl, mangtam, linghnin pawl a umnak hi Khrihfapawl ruangah a si tiah dik lo zetin an puhih nun rawng zetin an hrem. Huatmi le rinhleh mi ah an cangih sualnak nei lopawl hek dingah a man cia mi le an heknak man ngah tumtupawl an um. Uktu siangpahrang dodaltu le sakhuanak ral tihnung le mi hnaihnoktu le harsatnak thlentertu ah an puh. Amphitheater bualrawnpi sungah sahrang rawlih hlon le nung cingih mei urnak an tong (The Great Controversy. Pp. 88).

Cui san laiah nunau timi Kawhhran kha hramlak ramthingah a tlan (Rev. 12:6). Mupi thla pahnih a nei ih a sim duhmi cu bomnak a ngah theinak hmun hla zetah zam hlo dingih pekmi a si. Setan ih a kaih ngah lonak dingin ram car ramthing ah nunau nu kha kilkhawi a rak si (Rev. 12:14). Nasa zetih hremnak a um laiah Kawhhran kha Pathian in a kilhim ringring vekin ni neta ih kawhhran khal a tuah ding.

Ni neta ih tihnungza thil ummi thawn peh zom awknak a um ruangah Khrih in a thluntupawl hnenah a simmi cu ‘Nan hnenah can cem tiang ka um ringring ding’ tiah a ti (Matt. 28:20 NIV). Martar hremnak tong dungthluntupawl parih thil thlengmi zoh tikah a sunglawi zetmi thukam hi ziangtin so kan theithiam thei ding (Rom 8:31-39; Matt. 11:28).

Harsatnak mangtam le thihnak khalin Pathian duhdawtnak thawn in then theitu a um lo. A tu le can cemnak ni khalah Bawi Khrih kan hnenah a um ringring. Kan hnenih in umpi ruangah natnak riahsiatnak, harsatnak le thihnak ihsin kan luat ding tinak a si lo. Khavek tong lo dingah thu in kam lo. Kumkhaw nunnak nei dingih thukam mi kan si ih, lei thar le van thar ah kumkhua in kan um ding. Jesui in tuahsak mi a si ruangah harnak lak khalah Pathian in in umpi dingin thukam mi kan si ruangah ruahsannak kan nei. Paul vekin hitawk ih thil ummi ngaihsak lo in ruahsannak a tha sawn mi thawn kan nung thei maw? Paul in a dingmi thuthentu kan Bawipa in cuih ni ah in pek dingmi nehnak laksawng in retsak mi in in hngak. Cuih laksawng cu dingnak sui lukhum a si. Ka hrang lawng a si lo, duhdawtnak thawn amah a hngaktu hmuahhmuah hrangah pek a si ding (2 Tim. 4:8). Hngakhlap zetin a ratsalnak thlirtu kan si ih, himi ruahsannak le thukam mi hi ka ta a si kan tin gam kem?

TLAWNGKAI NILI                                                        April 5

DAAN THUKHAAM LE THUTHANGTHA

Seventh-day Adventist kan si vekin kan hmin kan dinpi a tul. Seventh-day timi in ni sarih sabat a tarlang ih kan zummi a langter. Khami pakhatte lawng kan zum tinak a si lo, a zaten kan zummi a sitheh. Adventist timi in Jesuh ratsalnak kan zummi a langter. A voi khatnak Khrih a ratnak in remnak in tuahsak mi ih a thumaw mi thutak a si. Seventh-day Adventist timi kan hmin hi a hmun ringring mi thutak thawn then theih lo thukhaam le thuthangtha kha a tarlang.

Thuthangtha le thukhaam naihaw zetih an pehzomawknak hi mi Bible cangpawl in ziangvek in so a langter.

Jeremiah 44:23

  ……………………………………………

Rom 3:20-28

 ………………………………………………… 

Rom 7:7

 …..……………………………………………

Thuhla tha hi thuthangtha a si. Pathian thukhaam kan buarih misual ah kan cang. Cross parah Khrih ih in tuahsak mi ruangah sual ngaidam mi kan si. Cule kan buar zo mi Pathian thukhaam zawnlung teih thlun thei dingah thiltitheinak in pek ih, thukhaam thlun thei ah kan cang.

Doawknak mak a si vekin thinhengnak le nunrawng zetin a tuan ih ni neta khalah a tuan thotho dingih cumi cu mangbang ding a um lo. Hi zawnah Pathian zumtupawl in nun ziaza mawinak in kan langter ding a si.

Rev 14:12 siar aw. Thuthangtha le thukhaam pehzomawknak ziangtin so in sim?

Seventh-day Adventist kan si ih, Pathian thukhaam zawnlung ih thlun ding timi kan thei. Amah ruangih rundam ngahmi kan si ruangah kan sinak sualnak thawng in Pathian duhdawtnak nunpi ih thangso ding kan si tiah ziangtin so midang hnenah kan langter thei ding. Danp. 11:1 le I John 5:3 pawl in himi thuhngetkhoh dingin ziangtiih sawh hnget ding so kan si?

TLAWNGKAI NINGA                                                    April 6

RUAH BET DING: Lei le van ih Pathian sersiam mi hmuahhmuah in duhdawtaw le rualrem teih um ding ti an thei ko. Cumi cu van mipawl ih lungawinak khal a si ih, anmah sersiamtu khalin a saduhthah mi a si. A ropitnak le sunloihnak langter an duh. Pakhat le pakhat duhdawtaw ih rinsan awknak hi Pathian duhdawtnak ihsin a ra. Cumi ah rem lonak le siatsuahawknak a um lo, vanlam umdan thawn an remaw zet. Asinan himi nun nuamnak pawl hi thil danglam tak in a thlengh theh. Pathian in a sersiam mi hmuahhmuah hnenah a pekmi zalennak kha mi pakhatin a hmang sual ih, cumi cu Khrih dottu Pathian ih cawisan mi hnen ihsin a ra suak a si (E.G. White, Patriarchs and Prophets, Pp. 35).

Duhdawtnak ah rinum timi E.G White ih simmi kha hminsin aw. Duhdawtnak ah rinum zet le rinsantlak si dingah hmual nei le san nei zetih hruai mi kan si. Kan kopi nupi pasal hnenih duhdawtnak a langter mi kha rinumnak a si. Pathian thawn a tuih kan pehzomawknak kha duhdawtnak ih rinumnak a si ih, van khalah hiti thotho a si.

RELTLANG DING:

1.     Doawknak mak ah Setan amah lawng si loin ahnatuannak tiang a takih khihhmuh theitu Bible ih a langmi ziangso kan neih? Setan hi milai thinlung sungih thil tha lo khihhmuhnak lawng si loin taksa pum nei rori a sinak midang in fiangte ih an theih theinak dingah ziangtin so na bawm thei ding?

2.     Seventh-day kan si vekin mi sunglawi kan sinaktheihawk hi Bible thu tak a si ih, pom harsa zet a si. A mak zetmi cu kan theihnak men in rundam kan si thei lo. Ziangah so a si ding? A tui kan theihnak lawng hi cu a famkim lo, tampi kan theih a tul. Cucu ziangpawl so an si?

3.     Jesui hmai ah tu fangih na tuah rero mi le tonnun naneih mi ziangpawl so an si? Ziangti vekih harsat mangbangnak ah himi tonnun in ziangtin so a lo bawm thei ding?

4.     Duhdawtnak ah rinum timi kha reltlang uh. Zumnakzawnlung ih thuthlunnak, thukhaam le zangfahnak karlak an pehzomawkdan theithiam dingah himi pomdan in ziangtin so a lo bawm? Kan pianken, kan sinak in duhdawtnak hi famkim in kan nei timi pomdan hi zalennak thu in ziangtin so in zirh? A tu ah duhdawtnak ah rinumnak ziangtin so kan langter ding?