MS 1: A phengphe Pasalno Aadingin Thungetsakna

Gen masak peen ding:

Tu kuata Sabbath sawm leh thumna sumpi tawh a nuaiaa saangpi thum teng kihuh ding hi.

• America gam, Arizona State aa kiphuan Holbrook Seventh-dayAdventist Indian Saangpi
• Canada gam, Alberta piine (state) aa kiphuan Mamawi Atosketan Native Saangpi,

• Ebeye leh Marshall tuikulh aa kiphuan Ebeye Seventh-day Adventist Saangpi

         *************###########************

Nipi Masa April 7:  “A phengphe Pasalno Aadingin Thungetsakna”

Marshall Tuikulh

Agen: Elisa Albertsen, 21

Pasalno Lomon in Marshall tuikulh ah a kiphuan Ebeye Seventh-day Adventist Saangpi ah saang a kah masak ni-in, a saang uniform puan silh lo hi.

Kum nga a phaa pasalno in a kisawl bangin a ni nihni in,

bombi vom teengin,  a mialsuah puanaak khat silh hi. Ahizongin, tut hithiat ding leh sianu laihilh ngaih ding haksa salaai hi. Elisa Albertsen pen, U S gam, Alaska piine (State) pan a khangno lai Pasian’ nasem, gamdangmi khat ahi hi.

Saang khaan sungah, Lomon in a dang naupangte eekgawp

ding kipan hi.

Elisa in thu khat hong vaihawm aa, amah a tut hiathiat mateng a dang naupangte kiangpan mundang khat ah tusak hi. Ahi zongin, Lomon tu hithiat nuam tuanlo hi. Tua saangsik-in, ngia bangin, “Oo-oo-oo-ooooooo!” ci-in ku gawp hi.

Elisa in saangsiapipa kiangah Lomon paipihaa, ahizongin a ngeina kikheel tuanlo hi. Thusia piangsak seemseemin, a dang tanlang sangnaupang (19) te zong laai gina takin sin theilo uh hi. Amau khat leh khat kivua in kiphuai gawp uhaa, a sianu nangawn uh vua in phuaigawp uh hi.

Ni khat, sangnaupang (20) in diangkhia in lamziik lamah a taai theih nadingun saanginn tawlet vang maante sukham uh hi.  Elisa in kho aa, khawlsak thei bilbel hi.

Elisa in Lomon’ nii tawh kiho uh hi. Tua ciangin, pasalno’ nu leh zu dawndawn a pa te a dang tuikulh khat ah teeng a hihman in a nii leh a gang tawh Ebeye tuikulh ah teeng uh ahihna hong theikhia hi.

Elisa in Lomon nuntaak zia ding vei mahmah hi. “Amah in inn paanin a nuam nuntakna nei loin, sang a kah masakna zong hi laai hi. Amah in itna tampitak leh khual ding kisam ahihlam ka phawk hi,” Elisa in ci hi.

Saangkah zingsang khat, a pumpi tungah liamna tawh Lomon saang hong kah ahihlam na theikhia hi. A sanggampa hong pai in a mitvom hong lak hi. Elisa in zong amau innkuan sungah buaina a om lam thei-in, a saangsiapipa tawh tua pasalno vaai kikum uh hi. Ahizongin, tuahsiatna huhna leh naupangte kepna om lo a hihmanin, tua pasalno huh nading om theitak lo hi.

Elisa in Lomon’ innkuanpih tungah Lomon ii gamtat hoih lohnate geennawn loh ding leh thu ngetsak dingin khensat ta hi.

“Tua ni-in, khitui luangsa in ka ciahaa, Topa Pasian tungah, ‘Hih pasalno aadingin bang hih ding kahi hiam? Tu kum sungin, a laai ong leh ka deih hi,” ci-in veinatak tawh gen hi.

A saangnaupangte tanlang hipan ahih hangin, ama’ laihilh na

khaan ah kha lam gal kidona a om dingin ngaihsun hi.

“Hih tanlang gualte pen a hoih leh a sia a sin kipat uh kum ahi hi. Satan in zong hih gualte pen Topa Zeisu tawh a kizopna uh a suktat noppen gual hi,” Elisa in ci hi.

Elisa in Lomon aading bek hilo, a dang saangnaupangte leh a

nu leh a pate aadingin zong Topa Pasian in a makaih nadingin thu ngetsak den hi.

Elisa in sangnaupangte leh a nu leh a pate min uh ciamteh in,

a min uh lo kawm in zingsang sim leh nitaak simin thu ngetsak hi.

“Ka laaihilh saangnaupangte tungah kikheelna om ding ahih

lam ka tel mahmah hi,” Elisa in ci hi.

Saang ah Lomon in thu a man loh ciangin, saang tuah ciang

in Elisa in Lomon aa dingin khukdin khawm in thu ngetsak hi. Lomon in thunget zia  ding theilo a hihmanin, thungetzia zong hilh hi.

“Vantung aa om Pa aw, tuni nong kep manin ka lungdam hi. Nong piak an hangin ka lungdam hi. Tuni-in laaisinna ah buai sak in ka taanpihte lungsim nasak ka hihmanin dah mahmah ing. Hehpihna tawh ka mawhna hong maisak inla, zingciangin ka migiit nading leh Sianu thu ka man nadingin  hong huh in,” ci-in pasalno pa’n Siamanu gen bangbangin zui hi.

Ni khat Siamanu in Lomon tawh thu a nget khit ciangin, Lomon in, “S ianu aw, hih tutphahte a tangin ka gual ding hiam?” ciin dong hi. Lomon in a sianu a huh A khatveina ahi hi.

A gualh min zui-in saangnaupangte aadingin thungetsakna a

kipatzawh kaal nih ciangin a laaihilhna khaan sungah kikheelna lianpi a pian lam hong tel ta hi.

Saangnaupang dangte in niin a paih ciangin Lomon in hah siang pahpah hi. Saangnaupangte kitawng a muh ciangin kho-aa, kikawisak pahpah hi.

A dang saangnaupangte zong hong migi seemseem ta uh hi. Amaute’n “khial ing” cih leh “hehpihna tawh ka mawhna hong maisak in” hong ci theita uh hi. Simmawhna a thuakte’n zong, “Ka hong maaisak hi,” ci-in dawngkik in, kawi uh hi. “Topa Pasian itna tawh saang khaan sung dim ta hi,” Elisa in ci hi.

Saangsiate in paaktat tuam neih ding hilo himah taleh Lomon pen aama’ aadingin a ithuai deuh hong suak hi. “Amah pen mi a buaisak naupang a hih ngei hangin, tu-in mi it ding a lunggulh a naupang hong suakta hi,” ci-in kum 21 a phaa Elisa in gen hi.

Tu kuata Sabbath sawm leh thumna sumpi pawlkhat tawh Ebeye Seventh-day Adventist saangpi kitaangsap phatdiak lai sinna khaante puahkik nadingin kizang ding hi. Tua hileh, Lomon bangin gamtat hoihlo naupangte a hoih lamin kipantah thei ding hi. Sumpi phal takin nong piak manun lungdam mahmah hi.

#######@@@@@@@#######