MS 5: Anhuan Buuk Makainu In A Nasep Nusia

February 3: Anhuan Buuk Makainu In A Nasep Nusia

Agen: Mercedes Ruiz, 54, Belize Gam

Mercedes Ruiz pen nasep a hau nupi khat hi. Kaal khatin ni guk sungta, Radisson zintunna inn (hotel) ah anhuanna ah makaaipi seemaa, American vanleengte tungah tutna nuampen ah a tuangte aadingin an huansak hi. Sunday nite in, pawlpi kibanglo biakinn thum ah amah kikhawm hi.

Mercedes pen America laizang aa, a om Belize gam sung Mayan khuapi ah teengaa, Pasian tawh kinaai takin a nungta nuam nupi khat ahi hi. Pawlpi tuamtuam ah a kikhop kawikawi hangin lungkimna ngah thei tuanlo hi.

Amah in Laai Siangtho bu leem in Daniel bu sim ding hong kipan hi. A lian (9)na a tun ciangin, Daniel in Pasian’ nasem khat ahihna tawh an tangin, thu a ngetna hong theita hi. “Topa aw, Daniel in an tangin thu ngen zo ahihleh kei zong ka hih zawh nadingin hong huh in,” ci-in Mercedes in thu ngeen hi. Amah zong antang in thu ngeen hi. Nisim in, Daniel 9 sungaa Daniel’ thungetna, “Topa aw, hong za in! Topa aw, ka mawhnate hong maisak in! Topa aw, hong ngaai inla, hong dawng in! Nangma ‘ aadingin hong zekai ken, ka Pasian aw, na khuapite leh na mite pen Nangma’ min tawh kilo hi,” ci-in thu ngeen hi (Daniel 9:19).

Sunday nitaak lam biakinn mun thum ah kikhop khit ciangin lam paina kiim ah laaileeng tampitak mu hi. Amah zong khat tawmin, a tua zaan mahin Lungdamnathu taangkona Seventh-day Adventistte in bawl nading vaai ahihlam a laai hong sim hi. Amah zong nitaak sim khatvei zong pelh loin thugenna ngaai hi. Sabbath ni-in a nasepna pan khuan ngenin, Thuhilhpa in a kituiphum nuam dingte a dot ciangin amah zong tuikiphumna ah kihel hi.

Amah in, Ninihni (Monday ni ciangin Saturday (Sabbath) ni sim, na sem nawnlo ding ahihna a gen ciangin ama’ nasepna ah a makaipa lungbuai gawp hi. 

“Hih bangin Saturday (Sabbath) ni tawh buaina na nei ngeikei hi. Mi khat peuhpeuh that kha na hiam? ahihkeileh a dang khialhna bawl kha nahi hiam? Banghangin tua ni, na sem lo ding nahi hiam?” ci-in a makaipa un lamdangsakna tawh dong hi. 

“Saturday ni pen Topa’ ni siangtho ni hi ci-in ka um hi. Topa Pasian tawh ka kinaai seemseem nuam hi,” ci-in Mercedes in dawngkik hi.

Nasepna makaipa thukimna omlo himah leh, Mercedes in a na sepna panin khawl ding khensatta hi. Amah in nasep khawl nading laai at-in, nasem makaipa saangin a lianzaw company makaipa tungah a laai pia hi.

Company makaipa zong a laai simaa, a laai nuaitum in niin bung sungah paai hi.

Amah in, “Na laai at a hong pialo bangin ngaihsun ni. Saturday ni nasepna pan khawltheih khuan kong pia ding hi,” ci hi.

Mercedes in Saturday ni na seem nawnlo ding ahihna nasep na makaipa in a theih ciangin heh lua mahmahaa, nasep a tam zawtham seem sak hi. Mercedes zong Pasian in thahaatna a guat nadingin kap in thu ngeen hi.

Ni khat, Mercedes a nasepna phual ah hong tun ciangin a makai pa uh a sihna thu hong thei hi. Nasem makaaipa, a zi leh a tate tawh tuipi piau ah midang pawlkhat tawh a zaan nitaak lamin pai uh hi. Amau gual nopna ah thautawi damiahte a pai ciangin amau zong a thaneihzah un taai uh hi. Ahizongin, thautawi damiahte in nasem makaipa te nupa kaplum bek loin a mawtaw zong guuksak laailaai uh hi.  

Mercedes pen a nasepna ah hong lungnuam ta hi. Amah in, “Sabbath ni sim, Pasian biak nuam kasa aa, ka nasep nite zong nuam kasa hi,” ci hi.

Ahizongin, tua thu pen Mercedes aadingin taangthu kipatna hipan hi. Kum tawm hong sawt khitciangin, Mercedes pen a pasal in sihsan in, a tate zong inntuanta uh hi. Amah zong a nuntakna Topa Zeisu khut sungah hong ki-aap kikin, Pastorpa in Lai Siangtho a kuppih dingin kun hi.

Pastorpa in zong Kiginni (Friday) nitaak ciangin Lai Siangtho sinpih ding kamciam pia hi.

Mercedes in, “Hih Laai Siangtho sinna pen kei aadingin a hoih a hihleh midangte zong ka theisak nuam hi,” cih thu hong ngaihsun hi. Tua ahihmanin, Laai Siangtho sinna ah a kihel dingin a veengte sampah hi. Ama’ inn maai ah tuipuan buuk khat lamin, tutphahte gualaa, a lim mah mah neek ding zong kigingkhol hi. Pastorpa aadingin sabuai khat leh tokhom khat tuuipuanbuuk maai ah koih hi.

Pastorpa in Kiginni (Friday) nitaak in amah a na ngaak mipite a muh ciangin lamdangsa hi. Laai Siangtho thu sinna a man ciangin mai Kiginni nitaak ciangin zong Laai Siangtho thu sinna om ding hi cih thu hong taangko khia hi. Tua thu pen Mercedes in lamdangsa hi. Ahangin, amah in tua nitaak bekin Laai Siangtho thu sinna a om ding sa hi. 

Nitaak khat khit nitaak khat Laai Siangtho thu sinna ah mipi hong tam seemseem hi. Tua khua sungah Adventist biakinn om naailo ahihmanin, Mercedes in a inn uh kikhop nadingin geel pah hi. Sabbath ni ciangin, a veengte uh tawh Pasian bia khawm theipah uh hi. Lai Siangtho thu sinna tungtawnin kha thak (16) tui kiphuum hi. Mercedes in tua zawh kum khat ciangin Adventist biakinn masa pen a kilam zawh nading in hanciam hi.

Ama’ sepnop tampi om laai hi. Atuamdiakin, Lungdamnathu taangkona tawh a minam pih Mayan te kiang vaphaak ding lunggulh hi. Tua ahihmanin, amah leitung bup a huam Pasian’ naseem khat (Global Mission pioneer) hong suak hi. Tu-in, Mercedes in Belize gam ii khuapi

ahi, Belmopan khuapi ah milip in a khangto Mayan mipite kha lam ah makaih hi.

“Hih bangin Pasian’ nasepna ah ka kihel thei hi. Pasian’ nasep nuam kasa hi. Hih in ki-aapna nasep hiaa, ka lungkim mahmah hi,” ci-in kum 54 a phaa Mercedes in gen hi. 

############@@@@@@@@###########