ZSS Qtr1, 2018: NEISAKEP-ZEEKNA: LUNGSIM II SAWMNA-STEWARDSHIP: MOTIVES OF THE HEART

KHANGHAM SABBATH SCHOOL

LAI SIANGTHO SINNA

STEWARDSHIP: MOTIVES OF THE HEART

NEISAKEP-ZEEKNA: LUNGSIM II SAWMNA

By: John H. H. Mathews

January, February, March

2 0 1 8

တီးတိန်ချင်းဘာသာ

ပုံနှိပ်သူ

ဦးဖုန်းနိုင် (ဝဝ၃၅၄)

မန်နေဂျာ

ကင်းစောင့်ပုံနှိပ်တိုက်

၂ဝ၆ ရွေသစ္စာလမ်း၊ ရန်ကင်းမြို့နယ်

ရန်ကုန်မြို့

ထုတ်ဝေသူ

ဦးစောထီမသေ (ဝဝ၅၈၉)

ဥက္ကဌ

မြန်မာပြည်သတ္တ မနေ့ဥပုသ်အသင်းတော်

၆၈ ဦးဝိစာရလမ်း၊

ရန်ကုန်မြို့

အုပ်ရေ - ၁၂ဝဝ

ဓမ္မဒါန

ပထမအကြိမ်

Christian Neihsakem-zeektu Khat ii Nuntakna Christian khat in i kikhel ding a kulna i muh maa in mawhdim i dinmun i kitel masak ding kisam hi. Christ in i sungah na hongsepna bek tawh tua kikhelna kipan leh picing thei pan ding hi. Eite sungah na hongsepna akilatna khat in thupha kepzeekna ahi hi. Thuphakepzeekna i cih i Christian nuntakna ah zaapi huammah tase leh, muhlawn theih leh muhlawn theihloh neihsate Pasian’ minthan nadingaa kepzuunna ahi hi. 

Lai Siangtho hong hilh bangin, thudang tampite lak ah, neihsakepzeekna in kha nuntakna gal ahi a lauhuai neihngulhluatna (neih leh lam lunggulh luatna) leh leitungvai in dona ding a thahat galhiam khat ahi hi. Mi tampite in hauhna leh nei le lamte a sawtlo in a limna a bei ding a kibawltawm mehlaksawh bang lel ahih lam phawk khalo uh hi. Adahhuai thu ah, mitampite in leitung itluatna nusia zolo ahihmanun mangthang ding uh hi. Leitung lampi zuihna ahi ci le sa lunggulhna, mittang etlahna, leh neih leh lam ah kisialhna (1 John 2:16) te neihsakepzeekna thumanpha ii nuntakna ah zatna tawh kikhiam beklo in kiphelh thei hi.

Tua hiaa, tu quarter neihsakep-zeekna thu i sin dingaa, tua in Pasian’ hong deihsak nunzia ahi leitung lunggulhna panin suahtak nading hong hilh ding hi. Neihsakep-zeekna in nisim aa atak a Jesu nungzui i hihna lahna leh Pasian i itna i lahkhiatna ahi hi. Eite Pasian in hong it masa ahih manin neihsa kemzeek ihi hi.

Neihsakep-zeektu nuntak i cih in i lungsimpuak, kikhelna, ki-apna, kikhalna, leh a dangdangte kihel hi. Jesu tawh isep leh ipau khempeuh ah kizopna tawh angsungkhuallo takin acitak leh amuanhuai Pasian’ nasemte ihih ding kisam hi. Neihsakep-zeekna ii gah in humaan nuntakna ah lungkimna ahihna Christ thuhilhna ah kimu thei hi. Pasian’ neihsate Ama’ minthan nading leh Ama’ nasepna kizawhna ding panpihna ah kepzeek ding i sin ding hi. 

Pasian’ neisakem-zeektu te in tu in “limlang ah ahi milmial a i mu” (1 Cor. 13:12) aa, ahi zongin Jesu in ciantak in mu hi. Amah in eite muanna tak tawh a nasep hong ap hi. Leitung hong zolna muikai a liat hangin i siamna, sum le paai, cidamna leh kiim le paam te eite in diktak aa kepzuun ding vaipuak i nei hi. Hih thusinnate in neisakemzuun eite i vaipuakte bang hi aa gupngahna ding hilo gupngahkhin ahih ziakin Pasian hehpihna tawh tua vaipuakte lawhcing takin bangci matut ding cihte hilh dingin a kibawl ahihi.

Christian neihsakem-zeektu nuntakna in Pasian’ zia te tong leitungah a kilengsak hi. Khuahun zui aa kikhel zel i ngeinate langah Lai Siangtho hilhna bangaa dingtang ngamte nuntakna ah hoihna, lungnopna, leh Pasian’ mi hihna om hi. Leitung vai aa nuntak ding mikhempeuh in ze-etna i tuak hi. Ze-etna te a kilangtang leh kilangtang lo in i kiim le paam ah om den hi. Christian, adiakin Christian neihsakem-zeektute, i hihna ah hih bang ze-etna te pan bangci suahtak ding cih bek hilo in tuate tungah gualzawh nading kamciam zong i ngah zo hi. 

Hun bei ciangin, lungsim ngaihdan namnih lak ah khat zawzaw i za kha ding hi: “note kong thei ngei kei hi, gitlohna a bawlte aw, kei kaingpan taikhia un!” (Matt. 7:23, ZIV) ahih keileh, “Ahoih, amuanhuai na sempa aw, pha hi! Na tawmkha tungah na muanhuai hi; na tampi kong uksak ding hi. Hong pai inla na pu tawh lungdam khawm in!” (Matt. 25:23, ZIV). 

Tu quarter sung i sin neihsakep-zeekna hangin “Hong pai inla, na pu tawh lungdam khawm in!” cih kammal a za ding i lametna leh thungetna ahi hi. 

John H. H. Mathews, D.Min., pen Andrews University ah om hiaa, Florida, Alabama., Iowa, Missouri, Tennessee, leh Nebraska te ah Pasian’ sathaunilh nasempa ahi hi. Tu laitak North American Division Neihsakep-zeekna (Stewardship) Nasepna makaipi (Director) hihna tawh Pasian na asep laitak hi.

Asung Om Thute:

1. Neihgulhluatna Ii Huzap

2. Kamu, Ka Deih, Ka La

3. Pasian maw, Hauhna?

4. Leitung Ziate Pa Suahtakna

5. Eden Khita Neihsakeem-Zeektute

6. Neihsakeem-Zeektu Khat Ii Ciaptehna

7. Pasian Tungah Thuman Cihtakna

8. Sawm-a-Khat Ii Phattuamna

9. Lungdamna(Biakpiakna) Sumpi

10. Neihsakep-Zeekna Ii Panlakna

11. Leiba - Nisim Khensatna

12. Neihsakeem-Zeektu Ii Zongsatnate(Habits)

13. Neihsakep-Zeekna Ii Gah