MS 13: Pa in Na Khempeuh Kheelkhin Zo

“Pa in Na Khempeuh Kheelkhin Zo” 

Sabbath Sawm Leh Thumna Hungeelna

Nipi 13na: December 30, 2017

Mipi lasakna: “A Nai A Gamla Lote Ah” ZBC 285

 Sabbath School Makaai or Sabbath School Sia in mipi muakna:

 Hun aap thungetna:

 Hungeelna: “Pa in Na Khempeuh Kheelkhin Zo” 

 Sumpi donna: Sumpi don laaitakin, naupangte in “Sing Hallelujah to the Lord” in 

 Tawpna la: “Lead Them, My God, to Thee”

The Seventh-day Adventist Hymnal, No. 653

 Tawpna thungetna:

A kihel ding teng: A thupaipi a geen pa/nu leh taangthu gen ding: upa ahihkeileh sia te khat peuhpeuh leh kum 13 leh 19 kikaal nungak khat. 

[Theih ding: A kihelte in amau geen ding thu lotngah leh hoih peen hi. Lotngah zawh het keileh laai sim thapaai loin a geen theih nadingun kisin ding uh hi. A geen ding ciangun hoihtakin kisin dinga, kiging ding uh hi.] 

Thupaipi a gen pa/nu: Tu kuata sungin, Euro-Asia Division bup sungah pawlpimi a tuamtuamte taangthu ih za thei hi. Lungdamnathu taangkona nasep sep nading mun zai mahmah laai hi. 

Tuni-in innkuan khat taangthu i geen ding hi. Taangthu geennate na ngaihuh ciangin, Topa Pasian in Euro-Asia Division bup sungah a teeng a awn aa sim mite a makahzia phawkkik ciat ni. Ei gam ei mun ciat ah zong i zak taangthu tawh kituak in ih sep theih nadingin ki-aap in thu ngen ciat ni.

Pa In Na Khempeuh Kheelkhin

Demitili Kositasih leh a tanu Anzila

[Gamdang Taangthu geen dingin upate ahih keileh siate khat peuhpeuh leh kum 13 -19 kikaal a phaa nungaak khat sawl in.]

Anzila: Ka min Anzila hi-in, kum 18 ka phaata a, kum 14 a phaa ka naupa leh ka nu leh ka pate tawh Moldova nitumna lam ah a om khuapineu khat ah ka teeng uh hi. Amah peen ka pa hia, a min Demitili ahi hi. Ka pa pen a heh suak thapaai hi.

Demitili: Na dam uh hiam? Kei pen tumtheihte a hilh sia dingin teentaan ka zo khin hi. Ahizongin tumtheih a hilhdingin nasep ka mu zokei a, mihaute ngakhuuk ah na ka seem hi. Ka nasep pen, ngasate an piak ding leh ngabengsimte vil ding ahi hi. 

Anzila: Kum 12 ka phaak ciangin Seventh-day Adventist nupi khat ka inn uah hong pai-in, kum 8 a phaa pan ka nau tawh ka nih un amau biakinn ah a kikhawm dingin hong zawn hi. Ka nu un, Sabbathni simin biakinn ah hong kikhoppih a, tu-in kum khat hong cingta hi. Ahizongin ka pu leh ka pi in diksa hetlo hi. “Mi khempeuh in hong zahpih uh hi. Zumhuai lua hi,” hong ci zeelzeel uh hi. 

Ka nu un, ko tawh a kikhawm dingin ka pa uh zong sam a, a hizongin ka pu leh ka pi taai ding lau ahihmanin paulap tuamtuam zongin hong kikhawm nuamlo hi. Hih bangin paulap tuamtuam zong a, : 

Demitili: Ka vaai sahlua hi. Pasian aadingin hun ka pia zokei hi. Inn leh a tuamtuam ka puahkhit ciangbekin Pasian aading leh kikhop nading hun ka nei thei ding hi. 

Anzila: Tua ka kikupna uh a tawpna hita mawk hi. Pawlpi vaai tawh kisai geennaate in ka pa in cimtaak luata hi. Biakinn ah kikhawm dingin kuamah hong phal nawnlo hi. 

Tua nupi hong hawh zeeleel in, kikhawm dingin hong sam zeelzeel a hihhangin, ka kikhawm nawnkei uh hi. 

Tua zawh kha tampi khitciangin ka pa in a innpuah manta hi. 

Demitry: Tu-in a hih leh hun awng neita ing. 

Anzila: Ka pa in Pasian aadingin hun pia nuamlo hi. Biakinn kikhop ding a kamciam zong peel hi. 

Tua khitciaangin, ka pa tungah thu lamdang mahmah khat hong piang hi. Inn ah amah guak om ngamlo hi. Amah pen alung am in, huumhaam thapaai hi. Sikhang nei sawnsawn a, Siavuan kiangah ka lah uh ciangin, zatui nesak hi. Ahizongin dam tuamlo hiSiavuan in zong a cih nading thei tuan nawnlo hi. 

Ka pii in phongzite omna inn naai ah a pai dingin ka pa sawl hi. Tua siampipa in bangmah geen kuul loin hong damsak thei ding cih ka pii in ka pa kiangah geen hi. Ka pa zong tamveipi mah va kilak a, ahizongin damtuam tuanlo hi. 

Ka pa zong a dam nadingin a tuamtuam hong hanciam hi. Mite kiangah nuntakna thu zong va dong hi. Mi khat a hopih leh tua pa pen, Adventist pawlpi upa pa nahi giigee hi. A kiho khituh ciangin, biakinn ah a kibawl ding pawi ah a kihel dingin upa pa in ka pa sam hi. Ka pa zong tua sapna saang hi. Inn hong tun ciangin tua thuteng ka nu kiangah geen hi. 

Demitili: Bikinn ah pawi siim in ka pai leh ka lung hong nuam mahmah hi. Inn ka ciah ciangin, ka zi kiangah, “Adventist biakinn ah kikhawm ta ni,” ka ci hi. 

Anzila: Ka nu zong kilat liangh hi. Ahizongin lungdam lua hi. Kei zong ka lung dam lua. Ka mang ahia, ka tak ahia cikha liangh ing. .

Hong tung masa Sabbath ni ka innkuan un ka kikhawm uha, tua ni aa kipan Sabbath ni sim in ka kikhawm den uh hi. 

Demitili: Anzila aw, na theihkhaak loh kha thong geen ning. Biakinn kikhop ding khensatna i neih ma-in ken thu na ngeen ing. 

Heh thapaih ding leh laau thapaih ding pen ka uut kei hi. Ahizongin, ka nuntakna a bei ding tawh kibang hi. Nuntaaakna in man nei ka sa nawn kei hi. Ka tungah vangik mahmah khat in hong nengh keihkaih tawh kibang hi. Satan in ka tungah thusia hong bawl a hihlam ka thei hi. Satan in hong that nuam hi. 

Tua ahihmanin, ni khat, khuukdinin thu ka ngeen hi. Topa Pasian bekin hong huh zo ding a hihlam ka thei hi. “Topa aw, mawh nei keimah hong huh in. Ka tungah bangteng piaang hiam cih ka theikei hi. A thahaat Na khut tawh hong huh in,” ci-in thu ka ngeen hi. Thungetna ka man ciangin, ka liangko paanin ka vangikteng a kidomkhia tawh kibang kasa hi. Aw khat in, “Na mailam na nawt ding kisam hi, na kheempeuh hong lem ding hi. Kong huh ding hi,” hong cihna ka za hiauhiau hi. 

Anzila: Ka innkuan un Adventist biakinn ah ka kikhawm uh hi. Pastorpa in tuiphuum sinna inndei sungah Adventist upna bulpite a sin dingin hongs am hi. Ka pa, ka nu, ka naupa leh kei tawh nung kumin tui ka kiphuum uh hi. 

Ka puu leh ka pii bel, Adventist pawlpi sungah tui ka kiphuum uh na lungdamlo uh hi. Amau in ka naupa leh kei peen biakinn ah a kikhawm dingin hong kithagumsawl a hi dingin na ngaihsun uh hi. Ka pii un ka pa leh ka nu kiangah, “Na tate uh vaang na kiamsak uh hi. Amaute khangno lai uha, masuan tampi neilaai uh hi. Mi lakah kihel theilo ding uha, laampawi ah laam ngamlo ding uh hi. Bangci bangin mi tawh kiteengthei mawk ding hiam?” ci-in geen hi.

Ka puu leh ka pii kiangah, nuntaakna ah kiteenna leh laamna in a thupipeen a hih lohna ka geen hi. Biakin ah kikhawm dingin ka puu leh ka pii uh zong ka sam uha, ahizongin amau uutlo uh hi. 

Topa Pasian in ka pa tungah a bawl na lamdang hangin Top aka phat hi. Ka pa pen a hoihlohna khempeuh kikheeI khin hi. Amah pen lungam nawnlo in lungkham nawnlo hi. Tu aa kipan, amahin Pasian it-in, pawlpi upaneu seem hi. Tua baanah, ka pawlpi uah, tumtheih lam makaaipi (Music director) zong seemlaai hi.

Demitili: Ka innkuanpih tawh Adventist pawlpi ah tui ka kiphuum uh hi. Tua pawlpi peen tu-in lam mu masate giahbuuk (Pathfinder camp) leh kikhopna phualpi in kilaih hi. 

Tu kuata Sabbath sawm leh thumna ah na sumpi uh tawh ka pawlpi kipuahthak ding hi. Thank you for remembering Tuni-in, Moldova leh Euro-Asia Division hong phawk in, Sabbath School sumpi tawh nong huh uh lungdam mahmah ung. 

Thupaipi geen pa/nu: Tu kuata Sabbath sawm leh thumna sumpi pawlkhat tawh Euro-Asia Division sungah a om gam tampite ah a tuamdiak geelna ah hong kihuh ding hi. Tuate a kicing in Sabbath School lesson bu nungah kigelh hi. Ko division leh leitung mun tuamtuam ah Topa Zeisu hong paibaih nadingin bangci nasep ding cih pen Topa Pasian kiang dong ding hi hang. \

##########@@@@@@@@@@@##########