Mission Story: Meiilumte Kiko Ta

October 28                                                                Euro-Asia Division

Nipi Lina: Meiilumte Kiko Ta             (Agen: Murad, 10)

    

Kum sawm a pha Murad [Muuret] in a laisinna a man ciangin a sianu kiang vanaai in, “Thusim khat nei ing,” ci-in a sianu huausim hi.

Suahtakna a kiciangtanna gam ah Pasian’ na a seem, Seventh-day Adventist pawlpimi khat ahi sianu in zong saangnaupangpa thu dong nuam hi. Murad pen Siamanu lai hilhna khan sungah kha tampi sungmah a om hangin, tua bangzia in khatvei beek a sianu hopih ngeinailo hi.

 “Kong gen ding thusim khat om hi,” ci-in Murad in a sianu huaukik hi. “Bang ahi hiam?” a sianu in dong hi.

Meiilom Sungah Mangmuhna

Murad in thu a gen kawmin a biang tungah a khitui luang keuhkeuh hi. “Ni khat, sang kah dingin ka pai leh, singlamteh tungah mi tawh a kibang khat a kikhaai daan meiilom khat ka mu hi. Topa Zeisu thu nong genna panin ka zak masiah, Amah kua hiam cih ka thei kei hi. Tua meiilom ka phawk mahmah hi,” ci-in Murad in gen hi.

Murad’kammalte leh a khitui luanna in baanah a geen a thusim in sangsianu lungsim sukha mahmah hi. Murad in aa mangmuh pen banghiam cih kiciantakin tel lo hi.

Murad thugeen a ngaih kawmin a sangsianu zong a khitui a biang tungah hong luang keuhkeuh hi. Murad kiangah bangci kuppih ding cih theipak lo hi. Amah in Lai Siangtho taangthu sungaa Topa Zeisu thu leh nuntakpih ding thute  genpih hi. Ahizongin a khauh mahmah Muslimte omna ahih mah bangin a piang thei buainate tawh kisai-in, sangsianu in a gentheih bangmah om tuanlo hi.  

Murad in a sangsianu muang mahmahin a gen sim hia, a hizongin, “Bang hih ding cih ka thei kei hi,” ci-in a sangsianu in lungnuam lopi mah in gen hi.  Murad ii nulehpate in Topa Zeisu a up ding khaam ahihmanin a sangsianu tungah a mangmuh thu a gensim ahi hi.

Lametna Thu Manpha

Murad’ teenna mun tawh a kibang a haksa leitung mundang ah Lungdamnathu taangkozia dingpen thu haksa khat ahi hi. Ahizongin, hih khangno Murad’ taangthu in Topa Pasian in Ama’ hong itna thu cih thadah Ama’ min nangawn a kilawh ding bekzong a lauhuaina munah  Amah om takpi ahihna kilangsak theilua hi cih thu hong telsiam sak hi.

Ellen White in, “Vantung panin Thumaan taangko ding a kiphal nawnloh ciangin Topa Pasian’ misiangthote tungah Kha Siangtho vangliatna kipia dinga, a uhaamzaw Pasian’ naseemte sep theihloh Thumaan tangkona nasep seem ding uh hi,” ci-in hong gen hi. (Testimonies for the Church, Vol. 6, p. 202).

A ngei bang a hilo meiite in 10/40 tawlet (window) sunga om Gupkhiatnathu taangko nadingin a haksa munte ah Topa Zeisu a theihtheih nadingun Topa Pasian’ khutzat ahi hi. Mi pawlkhat te’n zong   a mangsung uhah Topa Zeisu mu uh hi. Tua bangin mi tampi takin Topa Pasian muanna leh upna in hong nei uh hi. Hihlai munah mitampi in Topa Zeisu a mangmat khit uh ciangin amau Gumpa dingin Topa Zeisu saang uh hi. Murad in meii sungah singlamteh mangmuhna in Topa Zeisu Kammal hong phawksak a, “Ken kong gen in, hih nungzuite daai in a om leh, hih suangte kiko ding uh hi,” (Luke 19:40) Topa Zeisu in ci hi.  Topa Zeisu Messiah ahihna nuamsa takin a awngziahziah a nungzuite a taai dingin Phazisete in Topa Zeisu aana sawl uh hi.

Tuamah bangin, tuni-in Gupkhiatna thu a kitaangko theihlohna munte ah meiilomte awngkhia ta hi. Murad in a inntunga meiilom a muh ciangin Topa Zeisu in singlamteh tungah a kikhailum Gumpa  hi cih hong telsiamta hi. Murad’ saangsianu zong meiilom tungtawnin Topa Zeisu in pasalno ii lungsim lawng ahihna hong telsiamta hi.  Amah in bang hih ding cih a theihlian loh hangin Topa Zeisu in meiilom kikosak thei hi cih hong telsiamta a, a lung kham nawnlo hi. “A thupipen in, Ama’ nasepna maa a pan Topa Pasian mahin Ama’ nasepna mahial ding hi. Mihingte in i sep zawhloh nasepte Topa Pasian in seemkhin siang ding hi,” sangsianu in ci hi.

Hehpihna tawh Pasian thu ah a suakta naailo leitung gam tuamtuam ah a teeng mite’n Topa Pasian’ hong itna thu a zaak theih nading leh a saan theih nadingun thu hong nget pih un.

Na mission sumpi un, leitung ah vaphaak nadingin a haksatna gamah a teeng mite vaphaak nadingin hong huh ding hi. Nong piakkhiat uh lungdam ung.

#######@@@@@@@#######