Mission Story: “Mangthang In Kimukik”

September 9                                                                                                                      India Gam Khanglam

“Mangthang In Kimukik”

Agen:Sneha (Sineha), 14

            Sneha [Si-ne-ha]  pen kum 14 pha in. Indi gam khanglam aa kihong  Seventh-day Adventist bawdaa saang ah a kah saangnaupang khat ahi hi.  [Tu zingsang in ama’ taangthu ngai ni]

            Ka pa pen ngabengpa hi a, ka nu pen zato siama (nurse) khat ahi hi. Ka nu sungpan ka suah ciangin ka nu leh ka pa lungdam mahmah uh hi. Ahi zongin ka nau nu a suah khit ciangin ka pa zu dawn kipan hi.  

            Tua hun aa kipanin ka pa pen a nuntaak zia hong kilamdang hi. Kuamah in a zu dawn nawnloh nadingin kho zo nawnlo uh hi. Ka pa pen zankim ciaangin hong cciahpan a, bangmah thu om lo pi-in hong haanggawp hi. Ka nu pen kah cihtakin kap a, kuama’n a kah nawnloh nadingin kho zo mahmah lo uh hi.

Tagah Suahna

            Ni khat, kum 10 ka phaak ciangin ka nu in kei leh ka naunu saang ah hong dawn in, inn ah ka ciahkhawm uh hi. Tua leh ka pa uh zu kham lua mahmah a, kician takin pau theimeel nawnlo hi. Ka nu in kam khat zong paupih lo seelo hi. Ahi zongin ka pa in zu lei nading sum ngeen a hih lam ka nu in thei hi. Ka nu in sum a neih lam gen a, tua ciangin ka pa heh lua mahmah ahi manin ka nu tawng gawp hi. Ka pa in ka nu lim vuak lua ahih manin ka nu gamtaang zo nawnlo hi. A huh dingin kuamah hong pailo sawnsawn hi.

            Tua ciaangin ka pa in ka nu pumpi tungah namgim tui buak in haal hi. Ka nu pen lim kaat mahmah hi. Ka pa in a zukhamna a ven ciangin zatopi ah paipih hi. Ahi zongin ka nu pen mei in lim kaat lua ahih manin siavuanpa in nungta zo nawnlo ding ahih lam genpih ta hi. Ka pa taaimang a, tuni dongin a omna ki theilo in si maw hing maw cih zong ki theilo hi.

            Ka naunu tawh ka nih un zatopi ah ka nu kiangah ka om uh hi. Zatopi tun zawh ni 15 ciaangin ka nu si ta hi.

            Ka nu hong sihna hangin ka naunu tawh a kha aa sim in ka kapkap uh hi. Ka pii un ama’ hih theih tawpin ka unau un hong khoi, hong vaak hi.

Kimukik!

            Ni khat, Seventh-day Adventist pastor khat ka pi kiangah hawh hi. Pastorpa in ko piita teng hong hehneem hi. Ko k tagah lam uh hong theih ciangin James Phawkna Sang (James Memorial Higher Secondary School) thu hong kuppih hi. Tua saang ah ka kah theih nadingun lampi hong zon sak dingin hong kamciam hi. Adventist Child India kipawlna pan huhna ka ngah theih nadinguh hong vaihawm pih hi.

            Saang ka kah ma-in Pasian’ thu ka za ngei kei hi. Ahi zong in a thak lawmte leh siate in Pasian’ thu leh a nungta Gumpa thu,  hong genpih uh hi.  Lai Siangtho ka sim pah a, thu zong ka ngen pah hi.

            Tuni-in kum 4 ka pha a, taan 10 ah pilna ka si hi. Ka naunu pen kum 12 pha in tan 8 ah pilna sin hi. Topa tungah hong piak thuphate hangin ka lungdam a, hih bangin Adventist saang ah pilna ka sin theih pen ka aangtang mahmah hi.

            Ka nu leh ka pa a om nawnloh hangin, a tate hoihtak in a keem leh a vaak vantung Pasian ka neih lam ka thei hi. Amah um a, Gumpa in ih saan naakleh Amah in hong nusia ngeilo ding hi.

          Ka saang ka it hi!  Ahi zongin ka omna bawdaa pen lui luata hi. Saang hong kah numei 100 te aadingin kisilna buuk kicing lo hi. Tu kuata Sabbath sawm leh thumna sumpi tawh James Phawkna Adventist saang (James Memorial Higher Secondary School) ah a kisam numei bawdaa thak kilam ding ahih manin ka lungdam lua hi.

            Hih bawdaa thak kilam khin leh numei saangnaupang tampi saang hong kahbeh thei ding uh hi. Kei mah bangin nuntak khuasakna haksa a sa saangnaupang pawlkhat zong om ding hi. Ahi zongin Pasian in amaute a itna leh amau vangtung Pa ahihna hong thei ding uh hi.

            Tu kuata Sabbath sawm leh thumna sumpi phaltak in hong pia ding nahih manun lungdam hi. Bawdaa thak kilam ta ding a, kei bang aa a tagah saangnaupang tampi in zong Khristian pilna sin thei ding uh hi. Topa Pasian in minthanna ngah ta hen.

           

@@@@@@@@@@@@@@@@@##############@@@@@@@@@@@@@@@@@