“A Taimang Pa In Topa Zeisu Muta” by Vaishali

September 16                                                                                                                      India Gam Khanglam

“A Taimang Pa In Topa Zeisu Muta”

Agen: Vaishali Papa (Vai-sa-li), 15

            Vaishali [Vai-sha-li] pen India khanglam ah a kihong  Seventh-day Adventist bawdaa saang ah a kah kum 15 a pha saangnaupang khat ahi hi. [Vaishali nungaknu in ama’ taangthu hong gen ding hi.]

            Ka neu laai thu ka phawk kik khat pen ka pa in nasia takin ka nu vua a, ka nu a kahna aw te tu dongin ka bilkha ah za laai ng. Ka pa nu vua gawp zeelzeel hi.

            Ka pa in mehteh mehgah zuak a, ahi zongin ka neulaai aa kipan in zu kham den hi.

            Kum 8 ka phaak ciangin ka veengte un Seventh-day Adventist pastor khat thu hong kuppih uh hi. Pastorpa in ko innkuan aading thu hong nget sak a, Topa Zeisu taangthu hong genpih hi. Amah in Topa Zeisu in hong honkhia thei a, ih vangikpite zong hong suahkhiatsak thei ahihna hong genpih hi.  Topa Zeisu in a lungkham mite hong hehneem thei a hihna zong hong genpih hi.

            Pastorpa hong gen thute ka nu leh kei aadingin lamdang in zaknop hi. Ko zong ka nuntakna uh Topa Zeisu tungah ka aap uh a, ka mawhna uh zong hong maisak khin ahihna ka tel uh hi. Seventh-day Adventist innkuan sungah ka luut uh hi.

            Ka pa bel, hong luut nuam naailo mawk hi. Amah in a zu dawn khawl lo in ka nu uavua laai hi. Topa zeisu thu ka man nopna nangawn ka pa heh nuam laai tazen hi.

Lauhuaina Pan Taaimang

            Ka pa hehna in ka nuntaakna a hoihlo lamin hong sukha lua hi. Ka laite sim thei nawnlo ka hih manin ka pa hong muh theih nawnloh nadingin kha thum sung saang ka kha nawn kei hi.

            A tawpkhaakna ah, ka pa tawh ka kimuh theih nawnloh nadingun tai 20 bang a gamlaatna khuapi ah ka nu in hong taaipih hi. Ka nu in nuntakna thak tawh hong kalsuanpih nuam hi. Ka nu ii a lawmte inn ka beel uh hi.

            Ahi zongin ka pa in ka omna uh hong zongin hong mu hiau mawk a, ko tawh hong om khawm hi.  Ka pa pen ko tawh ni thum sung hong om khit ciangin innteekte van pawlkhat guuk sak hi. Zan kim laitakin ka pa in siik phelkhaai leh van pawlkhat tawh na taaikhia sim a, tua vante a zu lei nadingin zuak hi.

            Ka pa hong muh theihloh nadingin ka nu in a gamla zaw mun ah hong taaipih dingin khensat leuleu hi. Tawlkhat sung ka pi kiangah hong taaipih in ka om uh hi. Tua panin ka nu in India khanglam ah a kihong  James PPhawkna Saang (James Memorial Higher Secondary School) thu hong thei khia hi. Ka nu in hih saang pen kei aadingin a hoihpen mun hi ding cih um ahih manin  tua sang ah a om dingin leh saangkah dingin hong paipih hi. Ka nu in ka saangsap hong piaksak zawh nadingin saangah kong cing nasep seem hi.

            Hih saang in pilna ka sin nadingin hong huh hi. Hih saang in Pasian ka theihna khangto sak in, lungnopna zong hong pai hi. Kei tun kum 15 ka pha ta a, hih saang ah sang ka kah pen ka kipaak mahmah hi.

Ka Pa Aadingin Thu Ngetsak Ing

            Ka pa ka mangngilh thei kei hi. Nisim in ka pa in zu ngawl zo a, a lungsim Topa Zeisu tungah a piak nadinginthu ka ngen hi. Tua leh nung kum in thu lamdangpi khat piang hi!  Ka pa in a mawhnate pulaak a, zu dawnna panin hong kisiik kik hi. Zu ngawl ta a, guta nawnlo in tui kiphum ta hi. Tu-in amah zong  Seventh-day Adventist thu-um khat ahi hi.

            Ka lungdam luaI! Ka pa in zu a dawn nawn hetloh nadingin nisim in thu ngen toto laai ing. Pasian in ka thungetna hong dawn a, ka pa pen hong piangthak taktak ta!

            Mailam hun ah bang piang ding cih k thei kei hi. Ahi zongin ka tel thu pen: Topa Zeisu lo tawh nuntakna pen a lauhuai nuntakna hi. Topa tawh nuntakna pen lungnopna leh lungdamna hi.

            Kei bang aa a genthei saangnaupangte tawh pilna ka sinna uh hih saang ka it hi. Saangnaupang pawlkhatte hih saang hong kah ciangun  Adventists a suaksa uh hi a, a dangte a hihleh Khristian innkuan leh Topa Zeisu nangawn a thei nailo innkuan pan ahi uh hi. Ahi zongin saang ka kah khawm ngeeingaai uh a, a thak ka lawmte in zong Topa Zeisu thu hong theihpih uh hi. Tua in ka lung hong damask lua!

            Tu kuata Sabbath sawm leh thumna sumpi tawh James Phawkna Saang (James Memorial Higher Secondary School) ah numei bawdaa thak kilam ding hi.

Tulaitak a kizang numei bawdaa pen a kilam zawh kum 65 cingta a, numei 100 te zat ding ekbuuk 5 leh kisilna buuk 5 bek om hi.  Numei bawda thak ah saangnaupang a tamzaw om thei ding a, saang kah nadingin cidam huai zaw ding hi. Hehpihna tawh thu nong ngetsak uh baan ah phal takin Sabbath School sumpi zong hong pia uh. Lungdam lua hi.

                      #########################&&&&&&&&&&&&&########################