Mission Story: A Nuam Inn by Ranjith Kumar

September 2                                                                                                                      India Gam Khanglam

“A Nuam Inn”

Agen: Ranjith Kumar (Ranzit Kumaal), 17

            Ama’ nu amah leh amah kithat in, a innkuanpihte in amah inn pan hawl khia uh hi. Ahi zongin Ranjith in pasal no a hih lai a, a theih khaak ngaihsutna hoih khat hangin lametna nei laai veve hi.

            A zawng innkuan panin a khangkhia Ranjith pen a gilkial thei zel hi. Ahih hangin Inn leh lo a nei Seventh-day Adventist paapii pa kiang panin ngaihsutna hoih hangin a nu leh a pate in amah inn ah sam kik uh hi. Tua pa in, “Nisim in thu ngen in la, Lai Siangtho sim in, Topa Zeisu in hong makaih ding hi,” ci-in hanthawn hi.

            Tua pa in Ranjith pen Adventist saang khat ah a kah hangin a sangkahna sumbei teng huh hi. Ranjith pen taan nga ah hong kah ciangin amah a huhpa gamdang ah lal ta ahih manin kumpi saangah a kah kul ta hi.

Lamet Ngam loh Adang Thupha Khat

            India gam aa om Adventist Child kipawlna pan in saangsaap a kisik a, Adventist saang ah Ranjith saang kah kik thei ta hi. Ranjith pen ama’ sangkahna sumbei a huh Adventist Child kipawlna tungah lungdam mahmah hi.

            Taan 7 a kah kum sungin, India gam khanglam aa kihong James Phawkna Taan (12) saang (James Memorial Higher Secondary School) pasal bawdaa ah hong kituah hi. Hun beisa aa amah a huhpa hilhna bangin  biakinn ah hun maan takin kikhawm hi. Saang pen ama aadingin vantung inn tawh kibang sa ahihna Ranjith in gen hi. Banghanghiam cihleh a inn vuah a nu leh a pa kitawng thapaai uh hi. “Hih saang ah ka kah peen ka lung nuam mahmah hi,” Ranjith in nuihmai takin gen hi. 

Tuasiahna Thuak

            Raanjith taan (8) hong kah ciangin tuahsiatna khat thuak hi. A nu leh a pa nasiatakin kitawng a hih manin a nu amah leh amah mei tawh kihaal lum aa, si hi. “Tua pen kei aa dingin a suuksia pen tuahsiatna hi. Ahi zongin a zawng saangnaaupang kei hong don ka saang ah inn khat ka nei laai veve a, ka lung a dam hi,”  Ranjith in ci hi. “

            A nu sihna hangin dah mahmah a, citak takin Pasian’ nasep ding hong khensat hi. Saang aa om pawlpi ah a ksam bang sem in kipumpiak a, tawh kalh ding masuan zong nei hi.

            Ranjith in a upna thak khauh takin a let manin, a innkuante in paampaih uh hi. “Ka pa hong itna ka taan a, ka unau laizomte tawh ka kizom nawn kei uh hi.  Ka innkuanpih te tawh Pasian thu kikup ding ka hanciam hangin hun hoih ka ngah zo mahmah kei hi. Amau in kei hong peel thapaai uh hi,” Ranjith in ci hi.

            A pa in zi kik a neih ciangin a zi kik in Ranjith a inn vuah om sak nuam nawn lo hi. Hih huh sungin a sangkah zom ding haksatna hong om ciangin saang tawp ta hi. A hoih lo lam ah a gamtat pih ding lawm thak kha thong nei a, Topa Zeisu nangawn nungngat ding khensat ta hi. Ahi zongin a sang vuah a kibawl kaal khat thungetna kikhopna ah kikhawm in, a taangthu teng thuhilh siapa ahi Adventist pastorpa tungah gen hi.  “Pastorpa in kei aading thu hong ngetsak in kei zong ka kisapna khempeuh leh ka thuakna aadingin thu ka ngen hi,”He prayed for me, and I prayed about all my needs and sufferings,” Ranjith in ci hi.

A Thak Leh A Khauh Upna

            Ranjith ii upna hong thaksuah kik hi. Tuni in, Rajith pen kum 17 phata a, taan 11 ah lai sin hi. Nisim in aman thu ngen a, Lai Siangtho sim hi. Tui kiphuum nuam ahih manin Topa Zeisu deihnate zong kan hi. “Bawdaa pen kei aadingin a nuam mahmah ka inn ahi hi. Biakinn pen kei aadingin mun muanhuai khat ahi hi,” Ranjith in ci hi.

            James Phawkna taan (12) saang (James Memorial Higher Secondary Schoo) pen kei aa ding leh saangnaupang 100 te aadingin ka inn uh ahi hi. Saangnaupangte in Topa Zeisu thu leh Ama’ hong itna thu sin uh hi. Hih saang hangin mi tampi nuntakna kikheel hi.

Tu kuata Sabbath sawm leh thumna sumpi khen khat pen James Phawkna Taan 12 saang ii numei bawdaa kilam ding hi. Tulaitak a kizang numei bawdaa pen a kilam zawh kum 65 cingta a, numei 100 te zat ding ekbuuk 5 leh kisilna buuk 5 bek om hi.  Numei bawda thak ah saangnaupang a tamzaw om thei ding a, saang kah nadingin cidam huai zaw ding hi. Hehpihna tawh thu nong ngetsak uh baan ah phal takin Sabbath School sumpi zong hong pia uh. Lungdam lua hi.

@@@@@@@@@@@@@@@@@##############@@@@@@@@@@@@@@@@@