Zomi Sabbath School LESSON 10: HILHKHOLH NA LEH LAISIANGTHO

LESSON 10: HILHKHOLH NA LEH LAISIANGTHO      MAY 27 – JUNE 2

NIPI NI (SABBATH) NITAK LAM May 27

SIMDING TE: Isai. 53:1-12; Dan. 7:13, 14; 2 Pet. 1:16- 20; Mat. 17: 1-6: 2 Tim. 3:15-17. KAMNGAH: Tua ahih manin kamsangte’ gen thute a man taktak ahihna thu ka teltheih uh hi. Note’ lungsimah Zingsol hong suakin khua a hong vak matengin khuamial laka meitaang bangin hih thute ngaihsun le uh cin hoih mahmah ding hi. (2 Pet. 1:19)

Peter laikhak te I sin tohtoh na leh, a lai-at sung pan-in, muhkhiat theih thu khatin, Peter pen Paul mah bangin bang zah takin kimuan na leh, a upna kician hiam cih kimu thei hi.

Tukaal I sinna ding sung panin, A ma hun lai a Milim biakna dangte thu “phuahtawm tuanthute “ ka um kei uh hi, (2 Pet. 1:16) ci hi. A hi zongin, ama thugen te kician in, uptak cing a hih zia thu nih tawh kimu thei hi.

Amasa in, a mahin, Chris, a Topa Zeisu pen “mit a mu pa” ahi hi. (2 Pet. 1:9), a nihna a thupi zaw ah,” kamsangte’ gen thute a man taktak ahihna thu a teltheih pa” a hi hi. (2 Pet. 1:19). Kamsang te In Zesu thu genkholhna a tangtun zia a hi zongin, Zeisu mahmah in a kigen na tungtawn (Mat. 26:d54; Luke 24: 27) pan ahi zongin a man zia tel mahmah hi. Zeisu leh Peter mahmah in nasia takin Laisiangtho sang thei a hih leh ei te in bang hangin a hi lo lam in sang ngam ding I hi hiam?

NIMASA NI (SUNDAY) May 28
THUCIAM LUI SUNGAH ZEISU

Peter laikhak te I sim ciangin, a laikhak te in, A mah in bang thu a gennuam hi a, kua thu a gen hiam cih kician takin kitel thei mahmah hi. A hangin Zeisu pen Laisiangtho Lui hun lai a, Kamsang te in a a kan uh thuzung pi a hih lam thei mahmah hi.

1 Pet. 1:10-12 sungah, a pulaak mah bangin Tanglai Kamsangte in, a Hebrew Laisiangtho tungtawn in a kankan uh Zeisu thu hi a, Peter laikhak tungtawn panin, Zeisu tawh kisai, Laisiangtho Lui sungah, Khasiangtho in a lahkhiat thunih na om hi. Tua te in, Khrih in gimna a thuak na ding leh, tua khit ciangin minthan’na a ngahna ding thu a hi hi. (1 Pet. 1:11). Laisiangtho Lui sungah hi thu nih ki tam muh pen pah hi.

Hih a nuai a Laisiangtho Lui mun te in, Zeisu tawh kisai bang teng na genkhol uh hiam? Late. 22; Isai. 53:1- 12; Zech. 12:10; 13: 7; Jer. 33:14, 15; Dan. 7:13, 14.

______________________________________________________________________________________________________________________________________________________________

Gupkhiatna tangthu a picin theih na dingin, Tanglai

Kamsang te in, a mau hun tawh kizui in, na phuang khia

tawntung uh a, tua a mau te genkholhna kammal te Zeisu

Chris a hong pai masiah na tangtung thei nai lo hi.

Tua Kamsang te genkholh te thugen te, honpi khat

mah Peter hun lai a, a laikhak asim kha te tungtawn panin,

a tangtung pan zong om lai hi. Tua thu in: “ Vantung panin

a hong kisawl Kha Siangtho’ vangliatna tawh thu a gen

thupuakte’ tung panin na zak uh Thute mah kamsangte in a gen

laitakun, tua a thugente uh amaute-a’ ding hiloin note-a’

ding ahihna thu,…Vantung mite nangawn in hih thute a

theihtelnop khat uh ahi hi.” (1 Pet. 1:12).

Tua kamsang te in athei nop uh hangin, a

theihkhak loh thu leh, Peter’ hun lai a mite in a theih

khak uh thu in, Honpa’ in hong koi ci sih ding cih leh,

hong koi ci kiniamkhiat ding, Khrih in gimna thuakin,

tua khit ciangin koi ci bangin minthan’na a ngahna ding,

tua Khrih’ Kha Siangtho in kua a cihna hi a, bang hun

ciang hi ding hiam, cih thu a hi hi.

Laisiangtho kamciam na te, na nuntakna ah

bangzah tangtung khin ta a, bangzah kisam sak lai na hi

hiam? Bang bang a piang zongin koi ci bangin kep cing

ding na hi hiam?

NINIH NI (MOINDAY) May 29

VANGLIANA MIT TAWH A MU PA

2 Pet. 1:16, 18 sim in. Peter in Zeisu sungah Upna

a neih zawhna bang hang hi cih beh hiam?

_____________________________________________________________________________

Kamsang te’ genkholhna kul lo in, Peter zong a

muhkhiat thu te tampi gen ding a nei pa a hi hi. A hi zongin

apiangsa tungtawn panin a hi zongin a hong piang zel thu te

tungtawn panin, Peter in teci apang pang a hi hi.

Lungdamna thubu te sungah, Peter pen, Topa

Zeisu nasep na ah a mapang, amungpi khat ahi hi.

Thugenna, thuhilhna, na lamdang bawlna te ah kihel kha

den hi. Galilee tuipi tunga,Ngasa matna (Luke 5:4-6)

tungtawn panin, Thawhkikni (Johan 21:15) dong na

lamdang a mu ngekngek pa ahi hi.