“ India’ Thusinna Phualpi Thak”

Gen Masak Pen Ding!

Tu Kuata Sabbath sawm leh thumna sumpi tawh a kilam dingte:

1.  India gam a laizang aa a om Telangana state ah Division bup thusinna kikhop nading phualpi khat;

2.  India saklam’ nisuahna lam ah a om Nagalan state ah numei bawda khat;

3.  India khanglam’ nisuahna lam ah a om Tamil Nadu state ah a kiphut James Memorial taan (12) saangpi ah

     numei bawda khat;

4.  India khanglam ah a om Kerala state ah a kiphut Vellarada Adventist tan (10) sangpi aading lai sin na block

     khat;

5.  India nitumnalam ah a om Maharashta state ah a kiphut Alate Adventist tan (10) sangpi aading lai sin na block

     khat;

6.  Tona: Asia khanglam Division ah mi mak za khat leh sawmthum teeng in, Adventist pawlpi mi awn khat leh

      sang guk dektak om a, Adventist mimal khat ciangin gammi 870 ta om hi.

7.  1995 kum in hih Division bup ah pawlpi mi 200,000 pha zo nailo hi.

############################

Sim ding hi peuhmah lo, Gen Ding!!

July  01                                         India Gam  A Laizang

Vara Prasad Jacob, president of the South Andhra Section, in
Thusinna Phualpi  Thak Lam Nading  mun a lah laitak hi.

“ India’ Thusinna Phualpi Thak”

Thusinna phalpi thak pen dawl thum in kilam ding a, pawlpi makaite aadingin kikhoptuahna lemsak ding hi. Sangnaupangte’n biakinn ah Adventist a hi nailo a lawmte sam thei tading cih zong lawptakin gen uh hi.

Hih thusinna phualpi pen a kingah ding tu kuata sawm leh thumna sumpi pawl khat tawh a kilam ding innpi (5) te sungpan khat ahi hi.

Hih phualpi’ min pen “Pioneer Memorial Discipleship Training Center”, (“Pasian’ Nasem Masate Phawkna  Thusinna Phuapi”) ahi hi. Tuma kum (100) lai-in India laizang ah a hong pai masapen Pasian’ nasem pa min vawh in min a kiphuak ahi hi. 

Tua Pasian’ nasemte America leh Europe gamte pan hong pai lo uh hi. Amaute pen India mi lakah Adventist a suak masapente ahi uh hi. Tuni a India laizang ah a kizom  Adventistte nasepna pen amau lam sialsa ahi hi.

“Pasian’ Nasem Masate Phawkna  Thusinna Phuapi” ah a zai khaan lianpi khat, thusinna inndeite, annekna inndei leh leengla khaan te kilam ding hi.  Tua phualpi pen Khanglam Andhra Section te biakinn huang sungah kilam ding hi. Tua thusinna phualpi pen Khanglam Asia Division sungah a om pawlpimi khempeuh in a kisam bangin zang thei ding uh hi.

Khanglam Andhra Section President Pr. Vara Prasad Jacob in hih thusinna phualpi vai ah lawp mahmah hi. Amah in, “College leh sangte ka neih uh hangin hih bang thusinna phualpi division bup ah ka nei kei uh hi” ci hi.

Tua thusinna phual ah tutna 1000 a ta inn lianpi khat, leeng-la khaan khat leh anhuanna leh annekna khat kilam ding ahih man in Pr. Jacob lawp mahmah hi. A tamzaw in, pawlpi-mite in thusinna a neih ciangun,  hotel ah giak in, ansai ah an ne uh a, kikhopna ah hun la in pai uh hi. Tua ahih manin hun leh sumbeina tam hi.

Thusinna phualpi dawl nihna dong lamnading sum bei khempeuh pen pawlpi sung mihau khat in hong sik hi. Thusinna phualpi dawl nihna ciangdong pen tu kuata thumna a bei ciangin lam khitzawh dingin kigeel hi. Tu kuata sawm leh thumna sumpi pawlkhat tawh a dawl thumna kilam ding hi.

Thusinna phualpi lam nadingin avekin India sum Rupees awn (50), US $ 730,000 bei ding hi.  

Pawlpi makaite in hih thusinna phualpi lam nading mun pen hoihsa uh hi. Khanglam Andhra Section huang pen ekah (acres)  60 zai in, Tapidawte aadingin Pasian’ thu genkhiat nading mun hoih khat zong ahi hi.  Hihlai mun ah Pasian’ thu tangko nadingin mundang tawh tehkaak ciangin ol zaw lem zaw hi.

Hih huang panin khuapi sungah mawtaw tawh nai khat bek kipai a, bus, meileeng leh vanleeng tuanna lem mahmah hi.

Pawlpi in kum khat sung tawntung tua thusinna phualpi pen thusinna in deih bangin  zat dingin geel uh hi.  

Sangnaupnagte Phattuamna

Tua huang sungah a kiphut sang pan-in sangnaupangte pen thusinna phualpi a kilam kaal ding a ngaaklah pente hikha ding uh hi. Tua sang ah sang a kah sangnaupang (700) te kikhop kim theih nadingin biakinn lian om lo hi. Tu laitakin akizang biakinn sungah mi (250) bek tu thei ahih manin a dang mi (250) te Sabbath ni simin anneekna inn sungah kihen in Pasian bia uh hi. Thusinna phualpi sungah thusinna a om loh ciangin sangnaupang khempeuh Sabbath niin Pasian bia khawm thei ding uh hi. Sangnaupangte in Adventist a hilo a lawmte uh inn lianpi sungah Pasian bia khawm dingin sam thei tading uh a hihna lawp takin gen uh hi.

Kum16 a pha khin a, tan (10) a sin John in, “Ka vekpi un Pasian bia khawm nuam ung” ci-in lawp takin gen hi. John pen sang hong kah cil lai-in Adventist hi nai lo hi. Sang hong kah ciangin Pasian leh Sabbath thu sin hi. Amah pen bawda ah a om sangnaupang 450 lakah khat ahi hi.

John in inn a ciah ciangin sang ah a sin thute a pa tungah gen hi. Amah in tan (8) a kah lai-in a pa tui kiphum hi. Tua zawh kum khat ciangin John zong tui kiphum hi.

Thusinna phualpi thak ah sangnaupang vekpi tawh Pasian biak ding a lawp pen John bek hilo hi. Kum (17) a pha khin  Vinutna zong lasak a uk khat ahi hi. Tu tadih a kizang biakinn pen neu lua ahih manin Sabbath ni-in lapawl sa dingin sangnaupang 35 bek kihel thei uh hi. Ahi zongin, Innpi lam kiman khin leh lapawl sa dingin mi tampi in a aw uh tawh Topa Pasian pahtawi thei ding uh hi. Vinutna in,“Thusinna phualpi kilam saan ahih manin a tamzaw tham in Sabbath ni-in phatna leh lasakna tawh Pasian bia thei ta ding hi,” ci-in lawp takin gen hi.

Hehpihna tawh “Pasian nasem masate Thusinna phualipi” aadingin na sumpi uh tawh thu-ngetna ah hong phawk un.

Ciapteh Ding Thute:

· India gam pen leitungah a zai pen a sagihna hi a, America gam ii seh thum suah seh khat zai hi.

· India gam ah khuapi lian 10,000 om a, ahi zongin khuapineu leh khuata te ah mi 600,000 val teeng lai uh hi.

· India gam sumzon khuasakna a khantoh mahmah hangin, mi tampitak zawng lua lai uh hi.

· India gammi a lang dektak in lai at theilo beklo in sim theilo lai uh hi. Mi tampi takin an gina ne zolo ahih manin natna a tuamtuam thuak uh hi.

@@@@@@@@@###############@@@@@@@@@