Kumkikkna Lamen Innkuan - Khawk 13 (Azom5)

MAIHUN ADING KAIHKHOPNA

Inn ading leh Kholna.—Sanggampa leh sanggam nu B in sumcil theilo uh hi. Sum tam lua-in atuah bangun zang uh hi. Nuam asak bangun sum zang uha, haksatna hun adingin kiging khollo hi. Sanggamnu leh sanggampa B in sum cil uh hileh a keinial ding uha, tuin amau ading inn zong neita ding uh hi. Hun haksa tuak leuh zatding sum zong neita ding uh hi. Midangte bangin cil lo uha, nisim sumneih tungah kingam uh hi. Cilding angaihsut kei uhleh Topa’ ni ciangin gamtat hoih kimulo ding hi.1

Hih Hilhna in Hong Huh Khading.—Sumbawl khat nahia, khatveivei ameet tampi nangah thei hi. Sum tampi zong kholzo hinapi in, sumcil nameel nathei keia, nangaihsun bangin nadeihdeih leeina in sum nazang hi. Nang leh nazi in Pasianin ahong piak tavuan ahi mailam hun adingin geelkholh ding leh note deihna nialin tuni adingin nungta beklo in, mailam hun akhual dingin hong kihilhnate thei nailo nahi uh hiam? Sinding thu tampi nanei lai uh hi. Naneih zah uh tawh lam saupi nazin theih nading uh kisam hi.2

Maanmaanin akholdingin.—Tuni in tutawm a zatding sumbul nei in Pasian’ nasep nadingin cil theihzahin nacil ding hi. Nipi sialin nangah lakpanin sum pawl khat na khol dinga, kitangsapna taktakloin zatloh ding hiding hi. Ahihkei leh Pasian adingin piakkik ding sumpi hiding hi.

Nangah sumte pilvang takin leh cil takin kizanglo a, innkuan sungah acina khat omkha leh zat ding omlo hi. Na innkuanpihte in acihmawhtai nading uh sum om dinga, hunhaksat ciangin zat theihding kholkhol ding hi.3

Innkuandang zong Sumkholdingin kihilh.— Cinat hun lohbuangin akizanglo dingin nipi khatin pek 5, 10 cihbang na khol ding hi. Cilsiamna tawh ameet ngahdingin zong nakoih thei hi. Leeibat loh nadingin zong nakhol thei hi.4

Innkuan khatin nipi khat sungin zatding 20 ta ngah uha, amau zahmah apha adang innkuan inzong 12 bek ngah hi. Hih innkuanin nipi khat in pek 2 ta khol uh hi. Cilsiamna tawh acingdingin akizek thei thu ahi hi.5

Neihsa Kipnading Laibawlna.—Topa’ neihsate akemcingte in mipilte bangmahin haksat hun adingin zong kiging uh hi. Thakhat thu in hun hoih hong kikhak hileh buai luat kulloin aneihsa uh vaihawm theih ahi hi.

Mitampite in acidam laitakun thuvaikhakna laibawl khollo uh hi. Hih vai pen sanggamte in kin ngaihsut leuh kadeih sak hi. Asum neih zah uh thei uh henla, aneihsa uh tawh abuailo dingin geel khol uh hen. Aneihsate uh vaihawm khol uh hileh a uthun hun un nusia thei ding uh hi.

Neihsa vaikhakna laite in thukhun tawh kituakin bawlding ahi hi. Lai akibawlkhit ciangin buaina aomloin kumtampi zong kip thei hi. Pasian’ nasepna akisap bangin zong huhna kipia pia thei hi. Neihsa vaikhakna lai kibawl ahihmanin sihna in nikhat lol zaw in hong tung theilo hi. Na meeltheihte kiangah kamvaikhakna lai akipulaak ciangin Pasian’ nasepna namangngilhloh nading thei in. Nangmahin Pasian khutzat khat nahia, Ama’ na akem nahi hi. Pasian’ ngetna amasa penin ngaihsut ding ahi hi. Nazi natate pen guaksuakin koih ding hilo hi. Akisap uh leh zatdingin kaihkhopsa na neikhin hi. Ngeina ahihmanin kisapna aneilopi nasanggam teng gualsuk kei in.6

Nanuntak laitakin Pasian’ Nasepna Phawkin.— Nuntak sungin sumte kholcipna leh sihciangin ahoih nasep nadingin hawmkhiatna tawh Christ ie lungkim pihna angah dingin kuamah kilamen kei hen.7

Pawl khatte in anuntak sungun aneihsate uh kholcip uha, neihsa kamvaikhakna laite tawh mannei takin akizangdingin amaute’ kinlohna melh uh hi. Tuabanga gaam kinutsiatna tawh za lakah alangin zong mannei takin zeklo uh hi. Sanggamte aw, vantung bank ah sum khol zaw un. Midangte tungah nasumkepna tavuan apse kei un.8

Tate tung Sumkemza Piaksuknain Pilna hilo.— Nakhut sungah Pasianin muangin ahong kepsak talentte pen tate tungah nakhak sawnding uh lau-in nei un. Natate in nozahmahin ngimna ahoih nei in, itna, Pasian nasepna masotding tupna aneihlam theilopi in na tavuan amau tungah koih ding hilo hi. Nu leh pa sangin Pasian nasepna ah kuhkal zawin neihsa tawh panpih takpi ding theihcian ding kisam hi. Nu leh pate’ neihsa tate’ khut sungah ahong tun ciangin leh amau’ tavuan pen tate tungah asuatna uhpen Satan hanthotna ahi hi. Tuabangin sumkemza tate tungah piakna in galte khut sungah piakna tawh kibang hi. Satanin ama’ ngimnate apicin nadingin tua neihsate zek sak hi. Pasian’ nasepnate kinelhsiah hi.9

Akikholcip Hauhna ie Samsiatna.—Kholdingin sum leh paai alamtein atate tungah samsiatna akoih tawh kibang hi. Hihbang gamtatna in nu leh pa adingin kha amangthang zozah dinga mawhna hia, hih mawhna in asuan akhakte tungah zong kikhaksawn lai hi. Atamzaw in nu leh pa’ neih sumte atate in uangtatna, gualnopna in zek uha, khutdawhngente suak uh hi. Amaute in azat uh sum leh paaite ie amanphatna theilo uh hi. Nu leh pate in lim phatakin lak uh hileh, kholcipna lim hilo, hopsawnna tawh limlak hileuh, vantungah sum akhol uh hidinga, mailam hun nuntakna ah lungnopna leh tawldamna ngahkikna in neiding uh hi.10