Kumkikna Lamen Innkuan - Khawk 13 (Azom4)

SUMBAWL THUMAANNA

Laisiangtho in Sumbawl nading Thukhunbu.— Laisiangtho in sumbawl nadingin kithawina pia thei hi.

       Kuhkalna, thumaanna, cilna, kidekna, leh sianthonate in sumbawlna ah gualzawh nadinga thusim ahi hi. Hih thukhunte in Paunak sungah oma, nisial nuntakna ah akisam pilna ahi hi.

      Sumbawl, innlam, mi uk, leh panmun atuamtuamte in ama’ ading leh anasemte adingin thukhunte na gen hi:

     “Sumbawlna ah ahanciam namu hiam? Amahin kum pite maiah ding dinga, sinsia mite maiah dinglo ding hi.”

     “Nasepna khempeuhah meetna om a, kamtawh pauna bekin zawnkhalna piangsak hi.” “Athadahte in deih uha, bangmah neilo hi.” “Zuhai leh anhaite in zawng ding uha, ihmutna in puansia tawh tuamding hi.” Mihing bangzahin sumbawlnaah supna ngahdinga, Laisiangtho in ahilhnate akinte-in siatna ngah diam?: “Zankhatthu in ahauhnopna in mawhna baang hi.” “Zan khat thuin hauhna kikiamsak dinga, thatang nasepna tawh akingah hauhna in khangto ding hi.” “Khemna tawh akingah hauhna in sihna azongte maiah mawkna aleng suk alengto ahi hi.” “Sum leeitawipa in akawmpa tungah sila ahi hi.” Leengla adingin amahkhanpa in apil ding hia: amahkhanna amuhdahpa in kician ding hi.”1

      Thukham 8na in guktakna leh suhna mawhsak hi. Nuntakna anengtawngin thumaanding hong ngen hi. Sumbawlna ah avalthau a tatna khamna, leeiba leh thaman maantaka piakna kal hi.2

Thumaanlohnain Lungsim Gamtat ngiamsak.—Zuauthu genna khemna azang mite in zahtakna mansuah hi. Pasianin amah mu a, sum leh paai bawlna khempeuh zong theihsak ahihlam phawklo hi. Vantungmite in ama’ lungsim tawng khinkhaia, ama’ kampaute ngaihsakin, ama’ sepbangin thaman angah ding hi. Avil Pasian leh mihingte kiangpanin agamtatnate seelsim thei hileh, amah bekin atheihna mahmah in zong alungsim leh agamtat ngiamsak hi. Gamtatna khat bek tawh ihzia ihtong akikhensat hilo a, ahizongin kidalna susia a, ze- etna dang khat alutding dal nawnlo hi. Asawtlo in sumbawlnaah thumaanlohnaah zongsangin kuamahin amah muang theinawnlo hi.3

Thumaanlo in thu neu khat tawh ihkikhemnaah kihangsan tekteka, tuabangmahin Pasian tawh ihkizom ta hi. Thumaanlohna ah atawp theilote in khemna thukhun zuisuak uha, amau leh amau zong kikhemin, vantung leh tawntung nuntakna nangawn akikhemding uh hi. Leitung na khatah ameet nadingin pahtawina leh biakna nangawn apiakhia ngamding uh hi.4

Leeiba Pelin.—Azawng innkuan tampite in azawn nahang uhpen sum angah phet un azatpah manuh ahi hi.5

Leei aba theidingin kuamahin sum zeklo ding uh hi. Khatvei leeiba khin lengh amahin kha a awk nadingin akikhak Satan ukna sungah aom khin hi.

Sum thalawh nailopi in ngahding lametna tawh sumzatna in thaang ahi hi.6

Ngahna sangin Atamzaw azang Thuhilhna.— Sum tawh kisai in azahla dingin kiphal kei in. Leeiba nei, cihlimlimin na upna thanem saka, hong lungkia sak hi. Nangaihsut khakna inzong hong hehsak thei hi. Nazatnate khiam inla, na gamtatna thazawmna thahatsak in. Nangahna sangin atamzaw in nazat nopna lungsim ki uk in.7

Pasian’ Nasepna kidaisak Thei.—Laisiangtho Christiante athumaan dingin leitungin hong lamen hi. Leeibate mikhat ih piaklohna tawh adang khempeuh zong muanding hikei, akicihding lauhuai hi.8

Pasian umbangin akineihte in akihilh doctrine bangin nungta uh hen. Thumaan akizahpihloh nadingin hun pia kei uh hen. “Kuamah bangmah kiba sak kei un” sawltakpa in ci hi.9

Leeiba Neipa Thuhilhna.—Leeiba aneilo dingin khensat un. Leei nabat uhsangin nadeih nate atul in khiam zaw un. Leibatna in nuntak samsiatna ahi hi. Sumphuknatna napelh bangin pel un.

Pasian tawh kiciamna lain la, Ama’ thupha tawh nabatte pia khia in, buhcim bek ne zaw in. Sum pya 25 zat sangin nekding atawm man khatpeuh bawl baihzaw hi. Na sumnente nangawn kemcing inla, asumdalte hong kikemcing lelding hi. Pya nen hiah, pya nen huah zatnate in sumdal hong suak pak hi. Leei nabat laitakin nakei-nial in. Leeiba in ahong kim um laitakin kikhal in. Lungkia kei in. Nadeihna kinial inla, a pya nenin khol in. Na leeiba pia in. Nasem inla pia khia in. Leeiba beiin, kuamah nabat loh ciangin, gualzawhna lianpi nazo ta hi.10

Kamsiatna tawh Leeibatna Hehpihin.—Leeiba in alohzo vetlo namuhleh aana in lohsak kei in. Hun hoih zaw kipia in aloh theidingin ngaihsut sak in. Apiak nading tha aomlo pen kici theilo hi. Thutanna ahihhangin Pasian’ hehpihna leh itna hitheilo hi.11

Uangtatna Alauhuaina.—Pawl khatte teitanglo uha akipelhthei gegu ding hinapi leeiba uh hi. Pawlkhatte kidawm theinapi uplohpi in kipengzolo uh hi. Hamphatna la in, Pasian nasepna masot nadingin ahanciam uhhangin thukhun bangin sem veve uh hi.12