Zomi Sabbath School Lesson SINNA 3: KUMPI SIAMPI PAWL

SINNA 3: KUMPI SIAMPI PAWL                                 APRIL 8 – 14

_______________________________________________________________________

NIPINI (SABBATH NITAK LAM) April 8

SIM DINGTE: 1 Pet. 2: 1-3; Heb. 4:12; 1 Pet. 2:4-8; Isa. 28:16; Paikhiat. 19:3-6; 1 Pet. 2:5, 9, 10. 

KAMNGAH: “Ahi zongin note pen Pasian in a hong teelkhiat minam, Kumpi siampi pawl, a siangtho minam, Pasian’ mite na hi uh a, khuamial sung panin a lamdang mahmah ama khuavak sungah a hong samkhiapa’ nasepna a lamdangte a genkhia dingin Pasian in a hong teel mite na hi uh hi”. (1 Pet. 2:9)

Jew te ii ngeina, biakna, leh tangthu sungah a kidiah mahmah Peter in, Thuciam Lui sunga kamciam kammal te a hi, “a siangtho minam, Pasian’ mite” ci-in Tanglai Isreal te’ akawk pen, Thuciam Thak sunga Pawlpi tungah na bulh suk hi.

Zeisu sungah, Gentile thu-um mi te in, Pasian’ mite cih theihna hong ngah theihna uh pen, lamdang sak ding hi lo hi. Amau te in, Pasian’ thuciamna kamciam te a ngah thei hi ta uh hi. “A kicing oliv kung a hiangte kisatkhia-in gamlak oliv hiangte tawh kipeh hi. No Gentailte pen tua gamlak oliv hiangte tawh a kibang na hi uh a, Jew mite’ hamphatna teng a ngahkhawm na hi uh hi. Tua ahih manin oliv hiang a kisatkhia tawh a kibang Jew mite simmawhbawl kha kei un. Note na kiphatsak theihna ding uh a thu omlo hi. Note pen a hiang tawh a kibang lel na hi uh a, note in a zungpi a hingsak hiloin, a zungpi in note a hong hingsak ahi zaw hi.” (Rom. 11:17, 18)

Tu kaal sunga I sin ding sunga panin, Peter in abvlaisim mi khempeuh tungah, Pasian in a hong teelkhiat, a siangtho dinga kamciamna ngah teeltuam minam te hong ci hi. Paul kammal ah, Oliv hiang te tawh a kipeh te I hi hi. Tua kamciam na tawh kizui in, tanglai Isreal te in a tangko Gupkhiatna thu a tangko dingin masuan a nei te I hi hi.

NIKHAT NI (SUNDAY) April 9CHRISTIAN NUNTAK ZIA

1 Pet. 2:1 I sim ciangin, “Tua a hih manin” cih kammal hong zang kik hi. A beisa kammal khat tungtawn in zuih ding om hi cih thu a hi hi. Peter masa sunga ih muh sa mah bangin, Zeisu in ei a dingin hih zahin hong sepsak manin, ei te in koi ci bangin sepsak kik ding cih thu ih sinkhin hi.

1 Pet. 2:1-3 sim in: Peter in koi ci bangin nungta ding cih hong gen hiam?

Peter in, Christian te’ a hong sawlna asia leh apha, thu nih hong pulaak hi. Tua sawlna sungah a seploh ding, I paihkhiat ding leh sep ding kalsuan pih ding ci in, a hong kalh thu nih om hi. 

Tua hong hanthot na sungah, Christian te in, gitlohna, zuauna, kineihkhemna, huaihamna, leh kigensiatnate na omsa nawn loh na ding a hi zongin, kiim leh paam a midang te sangin a ki lamdang zaw dingin sawlna ahi hi. Migit sawm na in midang te tawh hong kilem saka, huaiham na in ei sanga a nei zaw te hong eng sak hi. Ki gensiatna in kizahtak na susia hi.

Athu nihna ah thuhoih lam a hanthot na ah, “naungek suakciil te’ nawizu duhna” dan cih (1 Pet. 2:2) a hi hi. Christian nuntak zia pen thusia te hangin lungkia pahpah ding hi lo a, kha lam dinmun khangto-sak zaw in, hotkhiatna na ngahtheihna dingin kha thu tawh kisai nawizu siangtho duh belin I neih tawntung ding hong hanthawn hi. (Heb. 4:12; Mat. 22:29; 2Tim. 3:15-17) Tua kha thu hi ta leh nuntak zia dingah hong khangto sak thei pen in “Laisiangtho” Pasian Thubu bek mah hi a, Zeisu sungah nuntakna in, Pasian zia leh tong neih theihna ahih banah, Itna leh Sepna tawh hong gamtang sak hi.

Peter in hong phawksak nop thu in, A tunga thu nih te kikoi ci zop sak theih ding cih thu leh, Gamtat siatna panin Pasian kammal nawizu te tawh ki koi ci bangin kidal theih ding I hi hiam? cih kidawt huai hi.

NIKHATNI (MONDAY) April 10

AMANPHA SUANG

1 Pet. 2:4-8, Isai. 28:16; Late 118:22; Isa. 8:14, 15) sim in. Peter in bang a gen nuam hi ding hiam? Zeisu a dingin nuntakna ah koici gamtat ding I hi hiam?

Peter in, Khalam nawizu thu a genkhit ciangin, Zeisu thu tawh hong zom to paha, Jerusalem Biakinn kiu a om, a manpha suang tawh na memat hi. (IPet.2:4-8). Tua a manpha suang Zeisu a hih zia, Peter bekin a gen hi lo in, Laisiangtho mun thum ah kidawk hi. Topa Zeisu mahmah in Late 118:22 bulphuh in a thu gentehna ah na zang ngei hi. (Mat. 21:42), Jewish makai te kiangah Peter mahin a genna (Sawltak 4:11) ah leh Paul in (Isai. 28:16) bulphuhin (Rom. 9:33) ah na pulaak hi.

Peter gennop thu in, Mi te in a nialin a khailup uh Zeisu pen, Pasian in kha lam innkiu suangpi ding in a teelna thu leh, Christian te in, hih a manpha suang tungtawn in a ki lam a hih zia hong thei sak nuam a hi hi. 

Christian suahna in kipawl khopna khat sungah, a hih kei leh Pawlpi khat sungah mapan khopna hi a, Suang neu khatin suangpi a thek mah bangin, a kilom khopna hangin, inn lianpi a suak thei bek ahi hi. Christian suahna in, aituam khattang bek kipeek kawmin, Zeisu nungzui suahna hi thei lo a, tua mah bangin, midang te tawh kipawl khawm thei na pi Biakna a kin lohna zong hi thei tuan lo hi. Christian suahna pen, Zeisu sungah tuiphumna, Zeisu tawh tuiphum khopna leh Pawlpi sungah tui kiphum na te ki hel hi.

Peter in Pawlpi pen, “a siangtho siampi nam” na ci hi. Hebrew Laisiangtho sungah, Siampi te na sep in Pasian leh mihing te kikaal ah kilemna a bawl te a hi uh hi. Laisiangtho thak sungah Biakbuk leh Siampi cih kammal tam veipi kidawk a, Pawlpi in Biakbuk limciin na hi paha, Mi te in Siampi te limciing pah hi. Laisiangtho lui hun lai a, biakpiak ngeina khempeuh Christian te in I nuntakpih, I kalsuan pih ding deihna tawh Siampi nam cih min a vawh a hi hi. 

1 Pet. 2:5 sim kikin la, Tu lai ih biakpiak na leh kiim leh paam mi te tawh kizop na ah “santheih khalam biakpiak na pia” cih kammal, koi ci zat theih ding ih hi hiam?

NINIHNI (TUESDAY) April 11

PASIAN’ THUCIAMNA NGAH MITE

Peter laikhak te ih sim ciangin, Thukhun Lui hun lai thu te a tam dawk simsim hi. Jewish te’ Theology sungah Thuciamna (Covenant) cih kammal pen amau minam a dingin a thupi mahmah khat leh a bulphuh mahmah khat uh ahi hi.

Thuciamna ih cih in bang a hi hiam?

“Thuciamna” (Heb. Berit) cih kammal pen, Party nih ki thutuak tak a, thukim na tawh kamciam bawlna a hi hi. A tawm penin mi nih kihel hamtang hi. (Gtn: Laban leh Jacob kiciamna: Pian. 31:44), Kumpi nih kikaal (Gtn: Solomon leh Hiram: I Kumpi. 5:12), Kumpi leh mipi te kikaal (Gtn: David leh Isreal Up ate: 2 Sam. 5:3). Kawlpau in Sa-choh i cih pen a hi hi. 

Pian. 17:1-4; Pai. 2:24; Pai. 24:3-8 sim in. Pasian leh Isreal mite koi ci bangin thuciamna bawl uh hiam? 

______________________________________________________________________________________________________________________

Piancilna bu sungah, A masa pen Pasian inAbraham tawh ki thuciamna a bawl lam uh kimu thei hi. (Pian. 15:9 -21; 17:1 -26). Egypt te’ Sal, a suak a mite Pasian in a thuciamna “Phawk”a hih manin amau te a honkhia hi. (Pai. 2:24), Pasian in Moses tungtawn Israel te tawh thuciamna thak bawl kik uh a, Thukham Sawm leh Thukham tuamtuam te a pia hi. 

Thuciamna tungtawn a kamciam te kip tawntung hi ki ci thei lo hi. Isreal te in zong, Pasian thu mangin Pasian vaihawm na tungah a citak sunguh ciangciang, Topa in thupha pia in, asep abawl na khempeuh uh ama a vangsak hi. EG.White: 2T. 574.

A khangkhanga om Kamsang te in, Isreal mite tungah Pasian Thukham palsat a poi zia pulaak tawntung uh hi. Kamciamna thupha te zong thumaan na tungtawn in kinga ahih manin, Thuman na tawh a kalsuan uh ciangin Thupha in nung zuih takpi a, a thuman loh uh ciangin, A Thuciamna uh a om lai phial zongin Topa in gimna tun veve hi. 

Pasian tawh na kizopna ah Thuciamna tawh kisai in, nang a dingin bang khiatna nei a hi hiam? Pasian thuciamna in nang ading in bang ci bangin ahi ding ciang dinmun hong tun hiam?

NITHUM NI (WEDNESDAY) April 12

KUMPI SIAMPI NAM

"Pasian kiangah Moses paito hi. Topa in mual panin amah sam a, “Jakob’ suanlekhak Israel mite tungah hih bangin na gen ding hi: Egypt mite tungah ka bawlna leh muvanlai in a kha tawh a note a puak bangin note hong pua-in keima kiangah kong paipihna na mu khin uh hi. Tua ahih ciangin tu-in note in ka thu mangin ka thuciamna na zuih uh leh mite khempeuh lak panin note pen keima mi na hi ding uh hi. Bang hang hiam cih leh leitung khempeuh keimaa’ hi a, note pen keima siampi nasep a sem minam, leh minam siangtho na hi ding uh hi. Israel mite tungah hih thute na gen ding ahi hi,” a ci hi. (Pai. 19:3-6) 

1 Pet. 2 : 5, 9, 10; Pai. 19:6 sim in: Bang hangin Peter in Christian te pen “Siampi nam” leh “A mi siangtho” ci a asap na pen bang deihna ahi ding hiam? Tua kammal te tawh, Ei SDA’ a kibulh thei mah ding a hi hiam? 

_______________________________________________________________________

“Kha biakbuk”, “Teeltuam minam”, “Siampi nam”, “Pasian mite” cih kammal te in, Abraham’ suan leh khak te, Pasian tawh a kizom mite tungah ki pahtawh natawh ki sapna a hi hi. Hih kammal mah Singlamteh hangin Zeisu tawh a kipawl Christian te adingin, Peter in muhna a zai zaw in hong bulh kik a, Jew te tung bek hi nawn lo in, Mi khempeuh, Abraham suan’ leh khak asuah theih na dingin kamciamna ngah cih thu a hi hi. “Khrih Zeisu tawh na kipawl manun note khempeuh Pasian’ tate na suahtheihna uh pen na upna hang uh ahi hi” na ci hi. (Gal. 3:29). Tua ahih manin, Zeisu hang bekin, tua Siampi nam cih zaa a ngah thei te I hi hi.

A mi siangtho, Kumpi siampi nam ci in, Pasian hong sap na tawh kizui in, ih mimal nuntak zia leh ih kim leh paam tawh, kipawlkhop nate ah hong koi ci huzap sak zo a hi hiam?

NILI NI (THURSDAY) April 13

NA LAMDANG TE A GENKHIA DING

Pasian in amite hong teelin a hongsapkhiat khit tak ciangin, Ei te in tua dinmun tawh lungmuang takin ommuan om pah ding cihna hi lo hi. Bang hangin hong kisam khia in, Bang hangin hong kiteel hiam? cih dotna te ngaihsut huai mahmah hi.

Peter dawnna ah, “a hong samkhiapa’ nasepna a lamdangte a genkhia dingin Pasian in a hong teel mite na hi uh hi," ci hi. (1 Pet. 2:9). Tua bang geelna tawh tanglai Isreal te Topa in a saltan na panin samkhia a, Leitung khempeuh ah Ama thu tangko khia dingin a lunggulh hi. Leitung mi khempeuh te in zong, Tua a teel’ mite hangin Thupha angah na ding uh, Topa ngimna a hi hi. 

Hih a nuai a Laisiangtho mun te in, bang thu bek mah bulphuhin nei uh hiam? Thuhilhkikna 4:6; 26:18, 19; Isai. 60:1-3; Zekh. 8:23.

_____________________________________________________________________________________________________________________________________________________________

Thuciamna angah tanglai Isreal, mite in, Nasep ding (Mission) masuan khat nei uh a, Lungdamna thu Leitung ah kizeel sak ding cih thu a hi hi. Khangthak Christian te in zong tua masuan mah a zom ding te I hi hi. A maute in, a theihte uh leh a neih te uh mite tungah a hopsawn ding uh a hi hi. 

1 Pet. 2:10 sim in, Koi ci bangin hih Laisisangtho mun in, Christian te adingin, a bulphuh huai thu-laigil leh I nasep masuan ding hi thei ding hiam?

______________________________________________________________________ 

Leitung in mawhna sungah akiat tak ciangin, haksatna leh sihna ki manawh hi. A hi zongin Zeisu in a nuntakna tawh tua hamsiatna panin hong honkhia hi. Christian I cih ciangin mi mawkmawk ki hi nawn lo a, midang te kiangah tua lungdamna thupuak a gen dingin  panmun sangpi a nei te I hi hi. Laisiangtho in ‘siangtho’ a cih ciangin biakpiak na dingin ki tuamkoih cihna a hi hi.  ‘A siangtho minam’ cih dinmun in zong Leitungmi te tawh kibang lo in, mite adingin, zing khawvot nuaia, a kicih meikuang bangin mite lungsim a lumsak ding, aneih a lungnopna te uh a hawmkhia dingte a hi uh hi.

KIGIN NI (FRIDAY) April 14

SINBEH DING: Pawlpi ih cih pen, Pasian mitmuhna ah manpha mahmah hi. Leitung mite tawh a ki lamdang a  hih man un, manpha sa mahmah hi. Bang hang hiam cih leh, Zeisu’ thu a theihna uh khangto a hih man uh leh, Kha thu ah mi-picing a suah man uh a hi hi. A leenghuan sungah Zeisu in, a angsung a khuallo, lungsim sianthona anei te mu nuam ngaungau hi. A ma aiawh in anungta mite hoihna pen, bangmah tawh tehkaak theih ding’ a hih loh zia tel mahmah hi. A ma nasep na a tangzai semsem na dingin, A ma hehpihna in a mau te tuam dinga, a ma Khasiangtho in a maute lungsim leh lungtang ah na sem ding a hih man in, a khang akhangin honpa te Honpa thu a sutsut na hangun, Pasian thupha sangte suak den ding uh hi. EG. White: COL. P. 298.

KIKUP DINGTE:

1. “Khuamial sung panin ama khuavak sungah” cih kammal in, bang acih nopna hi ding hiam? Khuamial ih cih in bang hi a? Khuavak ih cihin bang a hi hiam? koi ci bang ki lamdang hiam? 

2. Thuhilhkikna 4:5-8 sim in la, SDA ih dinmun tawh koi ci bulh theih ding na hi hiam?

3. 1 Pet. 2:3 sim in la, Na bang cih na hangin Topa hoih hi ci thei ding ih hi hiam?