Zo Phualva Thupuak Vol 07, Issue 07: Upna Hangin Thumaanna leh Gupkhiatna Sungah Lungnopna (Khen 1na)

H


ih Thulu ie Ahang: Upna maanlo bulpite sungah mi tampite in lungkimna mu uh hi, amaute leh leitung pen kilamdanna ahkl buaina omlo kha ding hi. Ahih hang in Pasian tate ih hihna tawh thumaan teci ih pua teeiteei ding aa, lai leh aw bek tawh hilo in ih zia ih tong leh lungsim tawh ih lah kul hi.

 Ka vaak kawikawi aa pawlpi-mi tampitakte tawh ka kiho na ah kanopmawh ding thu tampitak ka mu to semsem hi. Tua kanopmawh thu in amaute in amau le amau ki lungkhamsak, hehsak, beidongsak nate tawh tua dan a thuak ding dingmun ah amau le amau ngaihsutnate ah a kitun uh hi. Amaute’ a kibeidonsakna thu aki lahkhiat na in: “Pawlpi in hih dan tua dan in hong hihleh lungnopna kamu ding hi,” cih thu ahi hi. Hih ngeina ngaihsutna in ahi thei thu ahi adawl adawl thu ngaihsutna veina te ah hong makaih to a: “Pawlpi maanlo sungah om ka hi kha hiam. Abeibaang pawlpi hi kei kha ni, hi zenzen le hang hih dan in veina neilo kha ding hi ing,” cih thu om hi.

Natna, satna, veina, lungkiatna te omlo ding aci hilo hing, thuakna zong om takpi ding hi. Ahih hang, tuate in khat veivei bek hong piang thu hi nawnlo ahkl tuhun pawlpi ading ngeina hi nawnlo; cihte sangin, tuate in hong uk leh nisim phial ih nuntakna ah lamet huai khat hong hizaw aa – cih nopna ah nisim nuntakna ah hizaw lai hi.

Kei upna ah ei Christiante pen leitung maitangah lungnopna tawh  kalsuan apai mite ih hi hi. Ahangin, eite in hahkatna leh kipiakkhiatna thupuak khat kinei bek thamlo aa, Genkholhna Kamsang Thupuak zong ih nei lailai hi.

Tualeh, buaina bang ahiam? Tampi takte in upna hangin thumaanna ih telloh man ahi kha diam? Eite in a lang zawzaw ah khau tawh aki hen khate hi aa ih tellohna tawh buaina banghangin akip kho takin len ih hiam? A langah thukham athupi sak zawte maw, akhatah hehpihna hang bek ci a tha apia zawte ih hi hiam? Tua bang in alang khat bek thupi seh in ih neih leh, a piang theilo hi a, tuate nih pen Zeisu lo in bangmah hi kilkel lo hi. Amah’ abulpi thukham leh hehpihna akisam mi khatciat ie ih kisapna hi.

 Upna hangin thumaanna tawh kizom thu kasimna hangin thupha ong nah sak avanglian pen siksan in:

Paul in Pasian thukhaam atawntung in apahtawi den hi. Amah in mite thumanhlohna hang in athuak dinguh pan in a honkhia zo ding vangliatna thukhaam sungah omlo hi ci in hong lak khin hi. Akhialte in Pasian mai ah amaute ie mawhnate kisiik-kik ding leh kiniam khiat ding aphamawh ahi hi, Ama’ thukhaam palsatna ie thaman in Ama’ thutaan hehna, leh amaute ading mawhmaina bek ahi Khris ie sisan ah upna aneih ding zong peelmawh kisam hi. Pasian Tapa in amaute ading sihna tawh kipiakkhiatna leh amaute ading Pa mai ah Palai aa ding in vaan ah akah khin hi. Kisiik-kikna leh upna hangin amaute mawhna ie suksiatna ding pan kipelh theih nading Khris thusiamna in gualzawh theihna hangin tu aa kipan Pasian thukhaam azui sak zo hi.

Pilna mu a, theihtelna a ngahpa thupha ngah ahi hi (Paunak 3:13). Tua khitteh, upna hangin thumaanna kal thumte en kik ni.

1. Eite kisiik kik peelmawh kisam hi. Ahihkeh Pasian migitna in kisikna lamah nang hong pi lam phawklo in akicing ama migitna, athuakzawhna le a lungduainate sim mawh na hi hiam (Rom 2:4)?

Galilean gamah Zeisu Nasep Akipatna

John thong akiat khit ciangin Pasian lungdamna thuthak tangko in Galilee gam sungah Zeisu va pai hi. Amah in, “A hun hong tung zo hi. Pasian gam hong nai ta hi. Kisik unla, lungdamna thupha um un!” a ci hi (Mark 1:14-15).

* Kisiik-kikna: amaan takpile, eite in thumaanna ahi Khris hangin mawhmaina ie lungnopna khatsial in ih muh zawh na’ng hi. Amah in Diktatpa hangin diktatna amu zo ding hi.

* Hih banghangin thupi lua hiam? “Diktatna ih ngah ma in Pasian in lungsim khempeuh ki aap ding hong ngen hi; tua pen mihing in diktatna ih ngah theih na’ng, tua ah akizom paisuak thumangh na’ng, tatna tungtawnin anungta upna in itna tawh semkhia in hinna hong siansuah hi.” Pasian pen maan aa ei akhial hihang cih telna pen kisiikkikna hi aa, tua in eite ii sianthona ding Amah kisam hang cih in veeina ah hong makaih ding hi.

2. Eite ii mawhmaina in Khris ii sisan ah upna ih neih peelmawh ding kisam hi.

Ahangin, nangma hina tan sanga asangzaw in nang le nang kingaihsun kei in.  A hi hangin Pasian in nang hong piaksa upna zah tawh kizui-in amaan thukhenna tawh nang le nang na kingaihsut nadingin ka ngahsa hehpihna hangin note tungah kong gen hi. (Rom 12:3).

“Mi khat ie upna hangin diktatna ih neih theih na’ng, upna in tua mun khat ahi ki itna ii uk zawhna lungsim utna ding mun hong tutpih ding; leh tua thumanghna in tua upna mahmah hong kicing sak hi.

“Midang khat beek sungah hotkhiatna om kei hi. Ahangin, eite kihotkhiat nading van khupsin nuai-a mihing tungah akipia, mindang a om kei hi,” a ci hi (Nasepte 4:12).

A. Zeisu Khris ie sisan in kei’ mawhnate hong maisak hi cih in ka um takpi hiam?

B. Zeisu Khris ie sisan in kei’ mawhnate hong huam khin zo hi ci in ka um takpi hia

3. Thusiamna in Pasian ii thukhaam zui zawh na’ng eite a hong gualzo sak thei hi.

Khris ie thusiamna lo tawh, mawhnei mi lamet bei dinmun; ama ading bangmah hih theihna omlo; ahih hang Pasian thusiamna hangin, alamdang vangliatna in mitungah ngaihsut-theihna, lungsim leh ii zia ii tong ah sepkhiat-theihnate a hong guan ahi hi.

 “Thupalsatna a khan nadingin thu kham hong kipiak beh hi. Ahi hangin mawhna a khanna munah hehpihna a khang semsem zaw hi - Rom 5:20.”

“Tuhun in zong Topa in Adam leh Eve tungah a nget pen hong ngen hi – akicing Pasian thukhaam zuihna hi.” Tua ih hih theih na’ng Pasian in Ama thumaanna  eite sungah hong piak ciang bek hi ding hi.

“Kilaakna omlohna ah mite phengtat uh a, thukham zuipa ahileh thupha ngah ahi hi – Paunak 29:18.”  Hih thu thumte bangci dan in tel aa ei nuntakna sungah hong sep aa le lungnopna lai-gil ei aa ahong hi ding hi.

Thukham in thumaanna hong kal hi, tua pen mawhnei mi in thukham tungah ih leibat; ahih hang amah in tua panpihna pia zolo hi. Upna hang bek tawh amah in tua thumaanna kingah thei hi. Upna tawh amah in Khris ii manhneihnate Pasian kiangah atunpih thei aa, leh Topa in Ama’ Tapa ii thumanghna mawhneih’ tungah akoih ciang hi. Pasian phatna ngah ta hen!  

Na thukham a itte in lungmuanna lianpi nei uh a, bangmah in amaute muktusak kei hi – Phatna La 119:165.

Mite in upna tawh kisiik-kikna ngah in Khris ie mawhmaisakna muanna ih neih teh eite ading kicing hi, Pasian in Ama ie thukham zuihzawh na’ng vangliat thusiamna piak ding hi. Amasa aki gensa kalsuanna thumte zuilo in lungnuam takin Pasian thukhaam eite in kizui zolo hi. Mitampite in lungnopna tawh gupkhiatna ah akisann ahih manh hiam, Ama mite tawh Apawlpi tawh Pasian tawh kilemna angah theih na’ng akisann ahi ding hiam?

Luther thu bang ci dan hiam?

Martin Luther(Nungsang ah Luther) in gupkhiatna sungah lungnopna cih buaina thu tawh na kisann khin hi. LST mun khat hong muh dong ahi hi: “Upna tawh adiktat mi in anungta ding hi, “hih alian kipuahphatnapa, ama in mitampi takte amau upna tungah kipkhoh takin adin theih na’ng tha pia in na huh khin aa, akizom paisuak ama upna tawh akido khin hi. Ama in lungnopna na neilo hi. Bangbang bawl khin hih tamaseleh, amah lungsim ading khawl hun neilo hi. Lungkiatnate ah lungkim na’ng atawntung in kibang khin aa, upna ah kisiatna in tua Pasian hoihna hih aa, tua Amah pen kei adingin hoih hi.”  

 “Amah ie lunghihmawhna pen hong khauh semsem zawhna thu in, amah pen mite ie zato siavuan hi aa; ama ading zatui akipiak pen leh mite ading apiak pen guza taktak na hi khin mawk aa, ama ading bangzah in lauhuai aa vaipuak na hi mawk hiam? Amah ie lungkiatnate koitak pan hong pai hiam cih thu theih ding Ama ading buaina hilo aa, ahihang bangcidan in tuate agualzo thei ding ka hi hiam, cih thu theih na’ng hi zaw hi.” Ama phawk khahlo tua ama tel lo peel mawh thu nih in amah ii lungkiatnate koi takpan hong pai aa, abang cidan in tuate agualzo thei ding ka hiam cih thu ahi hi.

 Tulai tampi te mah bangin, “Luther in ama lungkiatnate kisam sa hi. Tua hun sung mah in lipkhap huaisa in kipelh den himah taseleh gualzawhna ih ngah ding hi. Hih pen upna hangin thumaanna asiang takin atel lo tading buaina khat hi.

A. Tulai mi tampite phawk khahlo pen eite in ih tel ding akisam tua Zeisuh Khris bekmah tawh eite in gualzo thei ding …

B. Eite in zong lungkiatna koi takpan hong pai khia hiam ci in ih theih ding kisam hi. Hih thutheihna in akoi takpan hong pai khia hiam cih tel takin tua Ama hong sepsaksa sungah eite in abangbang kibeh lap theihlo cih thu hi. Hih in Ama sung upna hang hi, ei leh ei hilo.

C. Mi pawlkhatte in hidan in thukhup uh aa, tua dan amaute in natna thuaklo ahkl pai kawikawi in na khat peuh ading lungkia in, amaute in alungsim om zah in kipia thei kisa lo uh hi.

Luther tungah bang piang hiam en ni:

Ni khat ciangin, midangte sungpan in, pope hangin kibawlsiatna kamciam laah ding a ut mi khempeuh in amau khukte tungah dingin Pilate ie kahlei ci in akisapna, ahehpih huai Saxon akici phongyipa kiniamkhiat takin tua kahleite tungah akah ciatciat leh, Jerusalem pan Rome ah alamdang takin kitunpih hi ci in ama kiangah kigen hi. Ahihang tua dan in amanh nei sepna hong neih laitak, ama lungsim tawng pan ah van-ging khuaphia aw ngaih mahmah khat kaza hi ci in ki ngaihsun aa, Wittenberg leh Bologna a kigen thu in, “Upna hangin adiktat mi in anungta ding hi,” cih ahi hi. Nidang aa popete mah bangin tulai mitampi takte in kamciamte bawl uh hi. Aki sang zenzen hile, tua dan kamciamnate in amanh pha mahmah khate cimawh beidonna leh lamet bei na sungah hong tutpih ding hi.

Tulai pulpitte tung pan in kammal kipulaakte in “Um un, upna bek hi. Khris sungah upna nei in; thukhaam lui tawh na hih ding bangmah om kei, Khris bek muang in.” Sawltaakte ie gen khiatna ah sepna omlo upna in asi hi ci a gente tawh bangzah in kilamdang mawk hiam? Amah in ci hi, No le no kikheemin thungai lelte hi kei un. Thu banga agamtate na hi un – James 1:22. Itna hangin upna tawh sepkhiatna leh lungsim siansakna eite in ih neih peelmawh ding hi. Tampitakte in thumaan nuntakna pen apua tham upna tawh kheek aa tua dan ngaihsutna tawh gupkhiatna laak sawm uh hi.

 Luther tuahkhak kidonate khempeuh hangin – ei le ei kisatgawp in kibawlsiatna, Pilate ie kahlei tungah ama khuk tawh kahtohna, ahkl leitung nopsaknate khempeuh it tentanna, eite kipiakkhiatna in Khris kipiakkhiatna ah bangmah behlap thei nawnlo hi.  Luther in Pasian maipha muh theih na’ng ahahkat laitak hih thului hangin lungnopna muzo lo hi. Khris ie hong sepsaksa sungah upna tawh atawpna ah azonzon lungnopna Luther tungah na pia hi.

? Sia Noel Cinh Mangthuam

THUPILTE:

A Diktansakna leh tahksuahkikna pen kiton lian hi. A kimaisak mawhnei mi pen diktansakna hangin Pasian ta asuak hi. William J Seymore

A Upna in thumnna sungah nasem in gamtang hi. Na semkhia cih pen upna hang a ong piang leh diktanna ie gah ahi hi. R C Sproil

A Hotkhiatna in Zeisu upna hanga diktansakna ong pia hi cih mun ah na dang khat pepeuh tawh laih a ahilh pawlpi in angzuak pawlpi ahi hi. Charles Spurgeon

A Diktansakna a ngahte in sianthona a nei uh hi a, tu lian nuntakna ah sianthona a kilat kei leh diktanna nei nai lo ding hi. F. F. Bruce

A Pasian in eite ih manphat manin diktanna hong pia hi lo a, diktanna hong piak manin a manpha ih hi hi. Thomas Watson

A Mi khat in amah le amah in a pha ka bawl thei hi a cih leh Khazih Topa pen zuauphuakpa hi a ci hi pah hi. Martin Luther

A Pasian in sihna pana a thawhkik sak Khazih in eite diktanna leh gualzawhna hi. Martin Luther

A Upna hanga diktanna cih pen biakna te a kihei kawkawina patta(ပတ္တာ) ahi hi. John Calvin

A Upna hanga diktanna cih pen nam lugsim beisakna ahi hi. Shai Linne