Sinna 9: Khasiangtho leh Pawlpi

  

Nipini (Sabbath) Nitak lam Feb. 25

Sim Dingte: Eph. 1:22, 23; 1 Cor. 12:13; Rom. 6:3-7; Sawl. 17:11; Eph. 4:5, 6; Sawl. 2:4-11.
Kamngah: "Kilemna tak tawh Khasiangtho hangin kipum-khatna akip aom den theih nangin na hanciam un. Lametna khat ah hong sam in pumpi khat, Khasiangtho khat bek aom mah bangin; Topa khat, upmuanna khat, kituiphumna khat bek aom hi." (Eph. 4:3-5, NASB).
Khasiangtho nasepna pen khat veivei mimal tungtawn leh thu-um mite nuntakna dingin ih ngaihsun kha hi. Mimal tung a nasepna pen khalam innkuan kipatna bulpi hipan zaw hi. Khazih pawlpi apiankhiat nang pen Khasiangtho mawhpuak ahihi.
Pawlpi pen ei sepna bawlnate tungtawn bangin ih ngaihsun kha mawkmawk hi. Pasian in Ama pawlpi pen Ama geelna pha ei panpihna tawh picingsak nuam hi. Ahizongin pawlpi omna thu pen ei sepna; ei makaihnate zong athupi khat ahi ta zongin, tuate‟ hangg hi peuhmah lo hi. Pasian in asepkhiat khitsate‟ hang a pawlpi ading hi a, Khasiangtho tungtawn in eite adingin hong piang toto ahihi. Khasiangtho in Laisiangtho sung ah khalam a kipawlkhopna hong piangsak in upmuanna leh sepkhiatna Khasiangtho‟ humuap Laisiangtho in Pasian thu sung ah kipumkhatna‟ bulpi ahihi. Khasiangtho nasepna lo tawh pawlpi ding theilo in kipawlkhawm a nasepna picing theilo hi.
*Mar. 4, Nipini a dingin tukal sinnate hong kiging in maw.

Nimasani (Sunday) Feb. 26
Khasiangtho in Khazih Tawh Pumkhat Hong Suah Hi

“Khasiangtho in lamtampi tawh hong gawmkhawm hi. Khasiangtho in Khazih tawh hong gawmkhawm masa kei leh pawlpi khat in ih ding zokei ding hi. Khazih in pawlpi‟ lutangg ahihi (Eph. 1:22, 23; 5:23 en in). Khasiangtho tungtawn in Khazih tawh pumkhat isuak hi. Khazih tawh pum-khat ihihna in hotkhiatna thupha bulpi ahihna thu hia, Topa sung a ineih khempeuh Ama tungtawn a hong pai ahihi. Khazih tate isuahna in eite dik-tanna leh siansuahna ahi, mawhna tung a agualzo nuntakna leh atawpna ah minthanna cihte pen Khazih tawh kipawlkhopna tungtawn a ingah ahihi. Tua hi a, amah pen ih Christian hihna‟ bulpi ahih hong kul hi.
Eph. 2:18, 20-22 leh 1 Pet. 2:6, 7 sim in. Pawlpi phuhna vai ah Khazih leh Khasiangtho in bangh mun la hiam?
_______________________________________________________________________________________________________________________________________________________________________________________
Khasingtho tungtawn in Pa Pasian tawh ih kipawl thei hi. Zeisu in suangpi hi a, ih hotkhiatna bulpi hi in, abuppi in Ama tung ah ih kinga hi.
Milip tung ah Khasiangtho nasepna in upmuanna kikhat ahi: pawlpi hong suah hi. Upmuanna tungtawn in Khazih sung ah hotkhiatna ingah a, Pasian‟ itna in hong lawng ahih manin A Khasiangtho pawlpihna‟ thupha, pawlpi sung ah ih ngah hi (2 Cor. 13:14, NASB). Thu-um mite Pasian Khasiangtho biakinnpi ah “Khasiangtho tungtawn in” kha lam inn thak isuak hi (Eph. 2:22, NASB). Khazih nungzuite hi a, “Khasiangtho sung ah lung-muang in pum khat isuah nang ahihi” (Eph. 4:3, NASB). Ahi thei bangin, ahi theilote ngaihsun lo in thu-um mite ki lungtuak in pumkhat isuah ding ahihi.
Col. 3:12-14 sim in. Hih sung a thute tawh kizui in koici bangin pawlpi ki pumkhatna lam na zuatpih thei ding hiam? Hih thute pawlpi ki pum-khat nangin bang hang in thupi mahmah hiam?
______________________________________________________________________________________________________________________________________________________________________________________

Ninihni (Monday) Feb. 27
Khasiangtho in Tuiphumna Tawh Hong Gawmkhawm

1 Cor. 12:13 sim in. Tui phumna in koici bangin Khazih tawh hong kipawl sak hiam?
____________________________________________________________________________________________________________________________
Thu um mite pumkhat hong suah pen Khasiangtho ahihi. Khazih‟ khalam gam sung lutna in ki tuiphumna ahihi. Pawlpi khat ah iki tuiphum hi. Tua hi a, ki tuiphumna in ki pawlkhop ki thuahkhopna vai zong ahihi. Kha-zih nungzuite ihi a, ei thu a anungta ihi kei hi. Midangte‟ panpihna, thapiak-na, huhna, ih kitanggsamh tek hi. Ei bek in Topa hong piak masuan ih tun thei kei hi. Tua hi a, Pasian in pawlpi hong bawl‟sak hi. Khazih nungzuihna pen thu um midangte tawh ki pawlkhopna ahihi. Tua hi a, tuiphumna in pawlpi tawh muhtheih kizopna suak hi.
Rom. 6:3-7 sim in. Laisiangtho tuiphumna in bang lahna hi mawk hiam?
____________________________________________________________________________________________________________________________
Tui hann sung ah tui phumna tungtawn in Zeisu Khazih tawh kiphum khawm a, ih Topa leh Honpa Zeisu tawh nuntak thak ah kipawlkhopna pen ih nuntak lui khailum a, mipi mai ah Khazih honpa a pulaakna ahihi.
“Ki tuiphumna in leitung nialna ciikpen ahihi. Mawhna nuntakna ah sih-na alak ahihi. Tui in tuum suk a, vantung muhna ah kamciam apia ihihi. Pa min, Tapa min, leh Khasiangtho min tawh mihing tui hann ah kisial a, Kha-zih tawh kiphum khawm in Pasian tung ah thumann nuntak thak tawh nungta ding in atho kik ihihi.” -- E. G. White, 6 SDA BC, p. 1074.
Pa, Tapa, leh Khasiangtho min tawh Ama thuneihna sung ah nungta ding in ki tuiphumna ahihi. Kammal dang in gen leng ki tuiphumna in kisiikna diktak, nun lui khailupna, leh suahthakna, ahihkeh kikhelna lak hi. Maban hong om tuak hi. Pasian leh athukham, athupiakte ah muanhuai tak a omna ding leh ih kitanggsapna peuh ah ahunhun in Pasian hong panpih na ding hong kamciamna zong ahihi.
Upna tawh ki tuiphumna dingin khentatna na bawl khin hiam? Tua ahih kei leh, tuiphumna tawh Khazih nung zuih ding vai ah bangh in hong dal hiam? Tui sung ah na kiphum khit leh tua kamciam in Zeisu tawh akikhawl na kha nuntakna hong koici zuun hiam?

Nithumni (Tuesday) Feb. 28
Pasian Kammal Tungtawn in Khasiangtho in Pawlpi Lommkhawm

Sawl. 17:11; leh John 5:39, 46, 47; 8:31, 32 sim in. Khazih nungzuite’ kiciaptehna bangh hiam? Khazih hong kawhmuh ding leh muanhuia tak a zuih nading in bangh hangin Laisiangtho lo in piang thei ngiatlo hiam?
__________________________________________________________________________________________________________________________
Khasiangtho in Khazih tawh hong gawmkhopna pen Akammal Laisi-angtho tungtawn ahihi. Laisiangtho in Zeisu leh Ama deihna ih theih nang a amuanhuai thu ahihi. Tua hangin Lasiangtho sinna leh lotngahna pen athupi mahmah ahihi. Laisiangtho in khalam thumann leh zuauthute kankhiat nad-ing mun muanhuai ahihi. Paul in Berea khua mite lungsim picingte acihna (Sawl. 17:11) thu in azak uh thu adik leh adikloh atheih nang un Laisiangtho limhtak in simtel uh ahihman ahihi.
Kipuahphatna leh lawpthakna khatpeuh in milip leh pawlpi bup hong sukkhakna pen Laisiangtho tung ah akingak kul hi. Laisiangtho in ih upmuanna thu kilamhna bulpi hi a, Zeisu hong itna leh Ama kammal in eite hong gawmkhawm ahihi.
John 17:17-21 sim in. Hih mun ah Zeisu in kipumkhatna pen nungzui hihna lahna pipen hi na ci hi. John 17:17 ah hih bang kipum-khatna thu bulpi bangh hi naci hiam?
_________________________________________________________________________________________________________________________
Pasian kammal in thumann thutak hi (John 17:17, Late 119:160). Pawl-pi kipum-khatna in khasiangtho nasep hia, Pasian kammal tungtawn ahihi. Khasiangtho in Laisiangtho vai ah lunghei neihna, lehdotna, khengval deuh leh kisam lai cih bang lam ah hong paipih lo ding hi. Laisiangtho‟ tunglam thuneihna ah hong lungkim hong lungmuang thei sak hi. Khasiangtho in Laisiangtho pan hong paikhiatpih ngeilo in, anungta thu ahi Zeisu kiang pan taikhia ngei lo hi. Kiptak, lunglut tak in deihna tak tawh Ama kiang hong zuatpih zaw hi. Laisiangtho in Pasian thu ah leitung bup kipumkhatna‟ bulpi ahihi. Laisiangtho pen Pasian kammal ahihna vai lungheinei kha leng pawl-pi kipumkhatna hong sia ding hi.
Pasian kammal tawh hun bang zah na zangh hiam? Athupi zawlai ah ahilh thute ah koici kipumpiak thei ding nahi hiam?

Nilini (Wednesday) Mar. 1
Upmuanna leh Upna Thuguipite ah Khasiangtho in Hong Gawmkhawm

Na khempeuhte tung, na khempeuhte‟ tungtawn leh note khempeuh‟ sung a om “Too khat, upmuanna khat, tuiphumna khat, Pasian khat leh mi khempeuhte‟ Pa, ahihi.” (Eph. 4:5, 6). Hih mun ah kipumkhatna thu leh hong kipatkhiatna vai ah Paul in bangh hong gen hiam?
____________________________________________________________________________________________________________________________
Upmuanna leh upna thuguipite‟ vaite ah kipumkhatna pen Pasian kam-mal tung ah muanhuaina tungtawn bek in piang thei hi. Zanni, tuni, leh atawntung a kikhel ngeilo Topa in thu um mi khempeuh hong gawmkhawm hi. Khasiangtho‟ piansak suah-thakna, Khasiangtho panpihna tawh Pasian kammal bang a, thuman‟na in upmuanna leh sepkhiatna ah hong kipumkhat sak a, mihing leh ngeina kibatlohnate nelhsiah mang hi.
Pasian kammal ah kinga in mite tawh kilem ding in ih hih theih bang a hanciam ding in hong kikhoo ahihna ah, (Rom. 12:18), Pasian thu vai leh pawlpi vai ah kipumkhatna bawl mawk theih hilo hi. Kipumkhatna pen ei‟bawl ei‟hanciamna tungtawn ahih sangin Khasiangtho silpiak hizaw a, milip leh pawlpi tungtawn ahihi.
Pasian thu abulpi in Pasian kammal Laisiangtho ahihi. Laisiangtho‟ cih ahi lo ngaihsut tawm vai khempeuh in upna leh sepkhiatna ah muanmawh huai suah thei hi. Khasiangtho makaihna ahi lo, ngaihsut tawm thu khatpeuh in Laisiangtho thu keu‟ suah a, ciing sak hi. Too khat bek aom mah bangin kitui-phumna khat ah amanawh pih upmuana khat bek om hi. Pasian kam-mal ah lungdamna tawh muanhuai tak a omna tungtawn in pawlpi kipum-khatna hong om thei ding hi. Upmuanna ah kipum-khatna om kei leh, sepkhiatna ah kipumkhatna hong omlo ding hi
“Eite in Too khat, upmuanna khat, kituiphumna khat, inei hi. Khazih‟ lungdamna thu in mi pawl khempeuh, minam khempeuh, pau khempeuh leh mimal sim azelh ding ahihi. Lungdamna thu in sanggam khat suahna ah hong huzaap ding hi. Gamtatzia ah ih etteh khat bek hi a, Khazih zuun‟na ngah in kilemh-kimna om ding a; Zeisu Khazih gammite suak in lungsim kikhat in, khentatna khat, genna hawmna khat tawh, aw kikhat in Pasian min phat ding uh hi.” - E.G. White, Our High Calling, p. 171.
E.G. White genna en in. Midangte vai leh sep leh bawlte tawh buai lo in, nang’ vai bek hawm in kidongh in la: hih ngimna hoih, ki pumkhatna koici panpih thei ding ka hi hiam? cih kidot ding ahi hi.

Ningani (Thursday) Mar. 2
Masuan leh Sepna Bawlna ah Khasiangtho in Pawlpi Pum Khat Suah

Sawl. 2:4-11, 16-21 sim in. Laisiangtho thak thu um mite tungah Khasiangtho hong kibuah ciangin bangh hong piang hiam?
_________________________________________________________________________________________________________________________________________________________________________________________
Tua hun ciang dong anasia pen Pasian‟ nasepkhiatna ah avangg neipen ahihi. Pasian in akiaap takpi lo mi tampite sangin akithutuak mihonno tawh nasia takin sem theizaw hi. Ahi zongin ivekpi in inuntakna, ihatna, ih talentte leh ineih ilamhte khempeuh; ih aap ciangin nak sep theizaw lai hi. Thu-um mite kipumkhat a, sepkhiatna tungtawn in Laisiangtho thak pawlpi hong khangkhia ahihi. Atawm, ameidawi thu-um mi tawmnote pen ngeina leh kampau tuamtuamte tung a, vanglian tak leh a zatcing mahmah hong suak hi. “Pasian sepna lamdangte” thu hong tangkona uh ah kipumkhat uh hi”. (Sawl. 2:11, NASB). Laisiangtho thak hun a gamtangg Pasian mah, hun bei kuan ciang leh nasepnate Ama hong paikik ma a, zawh akisap ciangin, hong gam-tangg kik ding hi.
Sawl. 2:42-47 sim in. Laisiangtho thak thu um mite bang thudang ah ki pumkhat uh hiam?
____________________________________________________________________________________________________________________________
Pentecost hun a sepkhiatna vai pen pawlpi kipumkhatna thu dang tampite tawh zong kigawm hi. Laisiangtho sinkhawmna leh nungzuipite thuhilhnate ah zong kipumpiak uh hi (Sawl. 2:42). Amaute in ann nekhawm tui dawnkhawm in kikhawl-khawm uh hi (Sawl. 2:42). Amaute thungetnate leh (Sawl. 2:42) Pasian minphatnate ah ki pumkhat uh hi (Sawl. 2:47). Na khempeuh neikhawm in mi kitangsamhte panpihna vaite ah ki thutuak takin semkhia uh hi (Sawl. 2:44, 45). Laisiangtho sinkhawmna leh kikhawlhkhopna in midangte tung ah lungdamhna thu taangko nuam sak in akisapna bangin midangte panpih uh hi. Khasiangtho in ikiim ipaan a mite‟ kitangsapnate hong muthei sak ding hi.
Na pawlpi ki pumkhat lam hong sepkhiatnate uh in akilangh sak hiam? Bang kisep beh thei lai ding hiam?

Kiginni (Friday) Mar. 3
Ngaihsutbeh Ding:

“Hih bang nasep eiten zong ih sep ding ahihi. Thalawp hun ding khat peuh ngakbawl sangin, tu mahmah a apiang thei thute ah pilvaang tak a, sepkhiatna tawh kha tampi te aki gupkhiat nang ahihi. Topa hong pai hun ding ama vangliatna tawh koih a mihing akuppih loh vaite ah ani anai peuh tuat in, thamang pong kha lo in, eite in Khasiangtho‟ mapina bang ih man‟h ding hi a, ih masuan ahi nuntakna khoomun hawm-khia in, asiasuak ding mite‟ lungngaihna tuamtuamte tawh iki siatsuah ding hilo hi” -- E.G. White, Teltuam Thupuakte, 1 SM p. 186.
“Mihingte bel amau bek mah kibul sak nuam ding uh ahih manin Pasian mai ah kiniamkhiatna bek in khalam muanhuaina apiak theih lam saang theilo ding uh hi. Mite lungtang kheltheihna thupha tungtawn in tu ciang dong apiang nailo kipumkhatna hong piang ding a, Khazih sung ah akipia takpite hong ki thuhual ding uh hi. Khasiangtho in kipumkhatna hong piang sak ding hi”. -- E. G. White, Teltuam Thupuakte, 3 SM, pp. 20, 21.

Kikup Dingte:
1. ―Mihingte bel amau bek mah hong kibul sak nuam ding‖ acih ciang E. G. White, gennop bangh hiam? Hih bang lungsim puak ih mi-hing lungsim paizia hi a, koici do in koici zawh thei ding ihi hiam? (Philip. 2:3, 4 zong sim in).

2. Mi pawlkhatte in hong kipumkhat sak ding pen sepkhiatna hi a, upna guipite hilo hi peuh cithei uh hi. Upna guipite’n hong khenkham hi; peuh ci zawlai uh a, thupi koih ding hilo hi peuh ci mawkmawk uh hi. Ahi zongin upna thugui kilamdang kawmkal ah sepna bawlna tu-amtuamte ah kipumkhatna koici om thei ding hiam? Upmuanna kikhat-na in aki pumkhat, amapai sepkhiatna ading in bangh hang in vangg nei mahmah hiam?

3. Upna’ thuguipite’ vai ah bang ciangdong kilamdang thei ding? Aki bang linlian a asang mi tamlo kha ding hi. A kibatna bang ciang dong ki pumkhat thei ding ihi hiam? No omna pawlpi tek ah bang ciang kilamdang in ki pumkhat thei lai ding ihi hiam?


4. Laisiangtho in kipumkhatna apiangsak hong koici suah thei ding hiam? Upmuanna leh sepkhiatna ah pawlpi iki pumkhat theih nangin Laisiangtho ih sinna ah bang ci bang lungsim puak kitanggsamh hiam?