Amaute Pasian Kisam

Maja 

Nipi 10na:
March 11, 2017

A gelh: Maja(Awsuah: Mai-Ya) pen Europe ie nisuahna lam Yugoslavia gam pan khangkhia a, Pasian thu a za ngeilo khat ahi hi. Ni khat Maja ie pi leh a pisawn te in Zeisu thu a kikup uh hong za hi.

“Amah pen mi hoih mahmah khat hi” ci in Maja ie pi in gen hi.

“Hilo hi, Amah pen Pasian hi,” ci in maja ie pisawn in dawngkik hi.

Tua kihona pen Maja ading in ong thupi mahmah mawk hi. Lim phatak in hong ngai gige in, a pisawn ie gen ahi Zeisu pen Pasian hi cih ong sang siam hi.

Tua zawh kum 6 khit ciangin a zak ngei pawlpi khat ah hong lut hi-tua pawlpi pen Roman Catholic ahhi hi. Pawlpi upna leh thukhunte ong kancian khit ciangin RC sungah tui hong kiphum ta hi.

Tua zawh a sawtlo in Croatia gam sunga om Maruševec(awsuah: ma-ru-sa-vek) a oom sang khat ah ong kah in, tua mun aha sangkahpih Adventist lawmte hangin Seventh-day Adventist hong thei khia hi. Tua bek thamlo, Adventist tan 10 sanga sangsia te in tua khua ah English hilh ding in hong pai uh hi.

Tua khit ciangin, Maja ie nulepate zong Adventist sang tawh kisai mipi kiang hilhcianna hunk hat ah va kihel thei uh a, tua mun a thugente a zakna uh panin Maja zong Adventist sang ah kah sak dingin hong khensat uh hi.

Kum 14 a phak ciangin Maja zong Maruševec  a om Adventist sangah hong kah in, lawm thak lah ngah, a thu zakte zong a thak hong om hi.

“Late Lai Siangtho leh Paul laikhakte biakpiakna hun sungah kisim cihloh, Catholic sungah Lai Siangtho ka sim ngei kei mawk a,” cih hong kiphawk san hi. “Himah leh, tu in Adventist te tawh ka kikholh ciang, Lai Siangtho bu hong pia uh a, sim kipan in, Sabbath ni hun kipat cilte in phatna late ka sak pen kei adingin a masa pen tuahkhak thu hi. Kei adingin thupi lua hi” ci in Maja in gen hi.

“Isai 58:13- sunga Sabbath zatdan ka sim tak ciangin, Adventist te in thumann pen a bup in len uh a, tua thu zah zuau gen lo ding hi, banghang hiam cih leh thupi lua hi, cih ka phawk hi.

Late Lai Siangtho in bangci thunget ding cih hong hilh a, Lungdamna thubu leh Paul Laikhakte in ih nuntakzia ding leh mite ih pattah zia ding hong hilh hi cih thu nakpi a Lai Siangtho a simna leh Sabbath School Lesson te a simna pan in hong mukhia hi. Tu in Lai Siangtho bu pen a nuntakna ading in Sinna (text book) laibu hong suak ta hi. Pasian gelsakna tawh Daniel tawh hong kiteng uh hi.

Maja zong Maruševec sang pan hong man ciangin, Croatia pau tawh laihilh siamah a suak zawh ding lunggulh ahih manin Cakovec khuapi a university ah va zom kik hi. Himah taleh Maruševec sangah sem dingin sapna ngah kik hi.

A beisa kum 12 panin Maruševec sangah na ong sem hi. A pasal Daniel tawh tapa 2 nei in numei Dean ah nasem hi. Tu in tua sangah sang naupang 230 ding om a, a tamza Adventist hi nai lo hi. Sang naupang tampi ong kah beh theih nangin innpi khat kisam hi ungh cih Maja ing pulaak hi.

Hih sang pen South-East European Union ie Mission nasepna mungtup lianpen ahi hi. Tu Quarter Nipi 13na sumpi tawh hih sangpi kilam ding hi.