Sinna 11: Pingpei Kawmkal Pan

Dec.  3 - 9

  

Nipini (Sabbath) Nitak lam Dec.  3
Sim  Dingte:

Job 38 - 39, John 1:29, Matt. 16:13; I Cor. 1:18 - 27; Job 40:1 - 4; 42:1 - 6; Luke 6:1 - 8.
Kamngah: “Leitung ka bawl lai takin nang om na hi hiam? Thei kisa 
na hih leh tua thu hong gen in” (Job 38:4).

Job thubu sung a mite aki lamdanna uh tampi a om zongin akibatna uh khat om a, Pasian thu amau theih dan a gen ding tampi nei tek uh hi.  Amau gente ih thukim‟ ding tampi om hi.  Hih thu bang kua‟n nial mawk ding:  “ganhingte dong lecin hong hilh ding uh hi; huihlak vasaten hong gen ding uh a; leitangh hopih lecin hong hilh ding hi; tui lak ngasate in hong tel gen ding uh hi.  Topa khut in asep abawl hi a, amau nuntakna Topa khut sung ah om in mihingte‟ nuntakna hu zong om hi lo hiam (Job 12:7 - 10, NKJV)? Tua hi kei leh:  “Pasian in thudik thu khenna langdo maw?  Thumanna palsat maw leh?”  (Job 8:3, NKJV)?
Avai  pen  thuaksiatna  hi  na  pi,  agen,  akikup  thu  uh  pen  Pasian  hi dihmawk hi. Akipatna alian 2 te lo buang ah Pasian‟ genna omlo toto hi.
Tun bel hong kikhel ding hi ta sam.  Job thubu sung a amau kikup kinial bulpi ahi Pasian in ama thu hong gen ta ding hi.
* Dec. 10, Nipini ading in sinna hong kiging in maw.

Nimasani (Sunday) Dec.  4
Pingpei Kawmkal Pan

Job 38:1 sim in.  Adang holimna teng tawh akibangh hetlo bangh thu hong piang hiam?
______________________________________________________________
______________________________________________________________
Thakhat thu upmawh loh takin, Job thubu ah Topa hong kilangh a Job 2:6 a, - “Topa in Satan kiang ah, anuntakna lobuang na khut sung hi ei” acihna pan tun hong kilangh kik pan ahihi.  Kiginhkholhna om hetlo pi in Pasian hong kilangh vat hi.  Job 37 pen Elihu  thu  genna  tawh  tawp  a,  tua  khit  teh  “huihpi  lak    pan  Topa‟n  hong dawng hi” (Job 38:1).  Hih lai ah Pasian leh Job bek hi uh a, tu kikal sung adangte ngaihsut khak hilo hi.
Hih kammal Hebrew kammal ah “tuihual” ahihkeh “huihpi” cihna hi a, Pasian kilaakna tawh kizomh in kizangh hi (Isa. 29:6, Zech. 9:14 en in).  Elijah van akahna ah zong hih kammal kizangh hi.  “Topa in Elijah vantung ah huihhualpi tawh alak hun hong tung a, Elijah leh Elishate Gilgal lam apai laitak uh ahihi (2 Kumpite 2:1, NIV).
 
“Mihing mit muh a, Pasian hong kilaakzia” hong ki ciangen lian loh hang, Pasian in Job pen “aw‟ damno” (I Kumpi 19:12) tawh ahopih ahih loh lam kician hi.  Vanglian takin Topa hong kilangh a, Job linglawng sak hi. Hih pen apuksa mihingte kiang a Pasian kilatna om sun hi lo hi.  Mihingte tawh Pasian‟ kinaihzia Laisiangtho in hong lak zelzel hi.

Hih thu in ei tawh Pasian bang zah dong in kinai thei cih hong hilh hiam?  Pian. 15:1 - 6, Pian. 32:24 - 32; John 1:29.
______________________________________________________________
______________________________________________________________
______________________________________________________________
Laisiangtho hong hilhna ah Pasian in  eileitung abawl khit ciang in ei a gamla  pi  a  hong nusia  vingvengh  hi  peuhmah  lo  hi.    Eite  tawh  hong  kikhawlkhawm Pasian ahihi.  Ih dahna ikahnate leh ih tuah khak haksatna tuamtuamte ah Amah‟n hong ompih in muantaak cing hi.

Eite tawh hong kinai cih itheihna tawh iupna, leh hong naina ih ngah ih veina  pen kilamdang  mahmah  hi.  Pasian  tawh  kinai  in  amah  tawh kikhawlkhawm in lametna le lungnopna koici ngah thei ding nahi hiam? 

Ninihni (Monday) Dec.  5
Pasian’  Dotna

Pasian  in  agen  masakte  Job‟  zaknop  dante  hi  kei  kha  mah  leh  zong,
tawlpi khat khit ciangin Pasian hong paukhia hi.
Pasian in Job adot masak bang hi a, bang gen nuam hi mawk hiam? (Job 38:2).
______________________________________________________________
______________________________________________________________
Laisiangtho sung ah Pasian in mite thu dong cih kimu toto hi.  Adawnna theilo a dongh hilo hi.  Sia hoihte‟n asang naupangte adotna tungtawn a angaihsut  atelsiam  a  thukhupna  diktak  aneih  nang  uh  a  adot  bang  un  aki ngaihsun sak ahi hi. Tua hi a, Pasian hong dotte ama theihloh hilhna ding hilo hi. Mihingte‟n atheih ding thu uh atel  theih zawk nading uh a angaihsutna uh panpih na ding hizaw hi.  Pasian dotnate pen Pasian thumann theihsak nang a zat ahi hi.

Anuai a Pasian dotnate sim in.  Tua dotnate Pasian in bang adeihna a 
adot hi in na ngaihsun hiam?  Bang thu athei sak hi mawk hiam?
Pian. 3:11
____________________________________________________
Pian. 4:9
______________________________________________________
I Kumpi. 19:9
__________________________________________________
Sawl. 9:4
______________________________________________________
Matt. 16:13
____________________________________________________
Job in Pasian thu agen ding tampi thei  a, atheih loh leh atel loh atam zaw tham om lai cih musak nuam hi.  Thu tampi ah, Job bangin adotnate pen alawmte‟n adot agente uh tawh kivalak mahmah hi (Job 8:1, 2; 11:1 - 3; 15:1 - 3 en in.)
A zenzen in Pasian in tulaitak a na nuntakzia thu hong dong ding hileh, bang hong dong ding na um aa, na bangci dawn ding hiam? Tua dotna le dawnna in nang le nang bang hong hilh hiam?

Nithumni (Tuesday) Dec.  6
Hong Piang Sak Topa

Job 38:4 - 41 sim  in.  Pasian in Job bang dotnate dongh hiam?  Hih 
dotnate’ deihna bang hi mawk hiam? 
_____________________________________________________________
_____________________________________________________________
_____________________________________________________________
Job in ama tung a thupiang haksatnate athu ala thei nuam hi leh, thei kha  lo  hi.    Angah  khak  sun  pen  amahmah  akingaihsut  nang,  piangsakpa' vangliatna, Job  i  ngaihsut picinlohna leh  ngaihsut  khak  vetloh thute  kikal kigamlat vaite ahihi.

“Leitung tawphah ka bawl lai in nang koi lai ah om na hi hiam?” cih tawh  Topa‟n  pan  hi
(Job 38:4, NKJV).    Piancil  vai  teng  ahuam  gen  khit ciang, -leitung, tuipi, khuavak leh khuamialte‟ kipatkhiat cilna -Job tung a Pasian gen nop bulpi pen “nang tua hun a piang khin in mu khin, thei khin na hi leh aci hi peuh mah lo hi. (Job 38:21, NKJV).

Topa  in  piansakna  thusimte  vai  ah  kingaihsutna  ding  thute;  leitung tawphah  vai  dotnate  ban  ah  khuahun  omziate  leh  aksite  vai  dongh  hi.  “Seguukte na khil thei hiam?, Zawlzawngte na khinkhia thei hiam?”  (Job 38:31, NKJV ).  Leitung thu vai ah Job lut pih kik in mihingte muhzia (Job 38:36)) gamsate‟ nuntakzia (Job 38:39 - 41) -thuthak dang tampite akhong akhia in Job 39 sung ah dongh to lai hi.  Tu lai in Job thubu kigelh ding hi
leh, Topa dotna pen, “proton te leh neutron te kua‟n khih hiam?”  “Ka  tehkhiat lai in nang koi ah om na hiam?” “Na ciimna tawh hun leh munte huupna zangh in kualvial nahi hiam? peuh zong ci kha ding hi.

Hih te khempeuh dawnna pen kibang kim a:  thei kha peuh mah keng cih ding vive ahihi.  Tua vaite ah Job kihel kha peuhmah lo hi.  Pasian gennop pen Job in atheih khempeuh gen in “dikkim” (Job 42:7) in hih mite tawh kinial  thapai  mah  leh  zong  atheihnate  tawmlua  mahmah  aci  ahihi.  Atheihlohna akilatkhiatna pipen in hih leitung kibawlzia mahmah zong angaihsut khak vet loh vai ahihi.

Hih piansakte‟ thu atheih tawm lua peuh mah leh apiangsakpa bang ci theih  ding?   Piangsakpa  leh  piansakte,  Pasian  leh  mihing  kinak  lamdan' mahmah hi.  Pasian in Job tawh aki genteh bek mawk hangin mi khempeuh Zeisu lobuang tawh genteh vet ding hi lo hi.  Pasian tawh teh in ei kua hi lel tak?  Tua hi napi, hih Pasian in eite hong honkhia in Amah tawh atawntung a ih tualbual‟ khawm theih nang a hong sapkhiatna thute lungngai dih ve ni.

Nilini (Wednesday) Dec.  7
Mipilte’  Ciimna

Tu ni a ih ngaihsut dingin, tu ma kum tul tampi lai a, Job tung a Pasian dot thute ah tua lai mite in leitung aki piansak vai atheih uh tawm mahmah hi.  Kum 1500 khit hun ciangin pawlkhatte in van a ni akin zia pen leitung kipeina  hang  ahih  lam  hong  thei  uh  a, tua  ma  in  mite  in leitung  akimkot sakha uh hi.

Tu lai natethu kankhiate‟ tung ah lungdam hangh.  Laisiangtho hun lai mite ngaihsut khakloh thute kitheita hi.  Ahi zongin ei leimite pen hih leitung leh akipatkhiat cilna kitawm theih mahmah lai hi.

Job 38 leh 39 a Pasian in Job adot thute sim kik in.  Tu lai mite’n koici ciangin ih dawng thei zaw diam? 
______________________________________________________________
______________________________________________________________
______________________________________________________________
Natethu sinna in pawlkhat nidang a aki theilo pawlkhat hong theisak hi.  Ahi zongin ih sin ding nak tamlai lua peuhmah hi.  Thu tampite ah Pasian piansakna,  avang  liatzia,  kiamsak  cih  thadah,  alamdanzia  aki  mukha  thei zawdeuh hi pan a, khang dangte a aki thei khalote aki theikha pawlkhat aom hi pan hi.

“Thusimte  Topa  tawh  kisai  a:    hong  kilak  thute  ei  leh  ih  tate  tawh atawntung in kisai hi.”  Thuhilhk. 29:29.  Piansakna koici sepkhiat cih Pasian in  mihingte  hong  gen ngeilo  a;  leitung  mite  kankhiatna  in  sangpenpa' thusimte mukhia sak thei lo hi.  Ama piansak theihna pen Ama pianzia bang mah in kithei zolo hi”. -E.G. White, Tuulpite leh Kamsangte, P.P. p 113.

Mihingte’ theihna ki ciangtanh vai tawh kisai in hih munte pan bang 
vauhilhna ngah thei ding ihi hiam? I Cor. 3:19; I Cor. 1:18 - 27.
______________________________________________________________
______________________________________________________________
______________________________________________________________
Tu ma kum zatampi sung akikhol toto pilna teng na ngawn tawh, piansakna pen alamdang theihzawh loh thute tawh kidim a, kingaihsun thei pong sam hi.  Piansak leitung thu ih theih semsem ciangin lamdang kisa thei semsem pan hi.  Aki piangsak leitung in koici bangin Pasian vangliatna lamdang hong sa sak  thei hiam?  

Ningani (Thursday) Dec.  8
Kisik Takpina Lak (Vut lak vai lak ah)

Job 40:1 - 4 leh 42:1 - 6 sim in.  Pasian in Amah hihna alahna vai ah Job in 
koici ngaihven hiam?  
______________________________________________________________
______________________________________________________________
Pasian  in  alah  thute  tawh  Job  lungngai  hi.    Job  42:3  ah,  “bang  mah
theilo napi kamkupna adon lo kua hiam?” (NKJV) acih ciangin; Pasian dot masak dotna adong kik ahihi.  Adawnna tun thei ta a:  Job mahmah hi in, atheih loh thu agen pa ahihi.

Job 42:5 sung a Job gen ngaihsun ni.  Pasian ih za ngei a tu‟n mu ta -acih ciangin, telmuh zawdeuh cihna hi a, ama hihna bang in Job pen amahmah hong kimu thei ta hi.  Tua ziak in tu a bang a agen hi a, amahmah kikih in vutlak vai lak ah kisiik hi.

Isa. 6:1 - 5 leh Luke 5:1 - 8 sim in.  Tua akigen vai Job hih dan tawh koici kituah hiam?
______________________________________________________________
______________________________________________________________
Hih mun a ih muhte Laisiangtho thubulpite hi a, tua in mihingte mawhna tawh akidimzia ahihi.  Job pen “kawkbang lo in thutang a, Pasian zahtak in  siatna  pell  hi.” (Job  1:1, NKJV).  Pasian  langpan  ding  a,  Satan  zolna kawmkal ah, muanhuai paisuak hi.  Hih mun a Topa amuang amuanhuai thu-um mi ahihi.

Tua nangawn -bang ci?  Isaiah leh Peter te mah bangin, Pasian sianthona leh vangliatnate tawmcik amuhna in ama neuzia leh mawhna tawh akidiamzia telsiang sak hi.  Ahang pen, ih vekpi in apuksa ihi a, mawhna hang in siasuak in ih pianphung mahmah Pasian tawh kibii kha den hi.  Tua hangin, atawpna ah ei leh ei kigupkhiat theih om peuhmah lo a; Pasian maimuh nading ahoih asem thei ih om kei hi.  Tua bangin, “ahoih pen” nangawn, ih vek
in  ahoih  apha,  mawh  pengg,  athu  tang,  Pasian  azahtak,  mawhna  apellte nangawn
-hehpihna, gumpa, ei hih theih ngeiloh hong sep sak ding khat ih tanggsam  hi.   Lungdamhhuai  takin  tua  teng  khempeuh  sang  a  tamzawlai Zeisu ah ih nei hi.

Pasian tawh tu mahmah in aki maingat hi lecin, bangci om in bangci om dingin na ki ngaihsun hiam?

Kiginni (Friday) Dec.  9
Ngaihsutbeh   Ding:

“Pasian  in  pilna  siamna  tuamtuamte  pan  in khuavak tampi ih ngah ding hong phal a; mihingte muhzia bek tawh natethu kansiamte‟n hih vai hong kankhiat uh ciangin, hong sang khial ding uh hi.  Pasian kammal a kigelh lian lo thute ah Laisiangtho paizia tawh aki lehbulh kei leh mawhkai lo napi; Pasian kammal nusia in piansakte natethu kankhiatna  bek  ih  bulphuh  leh  gam  lim  omlo,  lahna  (compass)  omlo  pi  a,  theih ngeiloh  tuipi  sung  a  pai  kibangh  ding  hi.    Laisiangtho  makaih  loh  mipil misiampente nangawn in azonkhiatnate uh ah natethu kankhiatna vai leh Pasian  hong  lahna  kawmkal  ah  tavaai  ding  hi.    Piangsak  Pa  leh  apiansakte kigamla  lua  uh  a,  tel  zolo  in  pianngei  omziate  tawh  aki  telgen  theih  loh ciangin Laisiangtho pen a muanhuai lo bangin ngaisun kha uh hi.  Tua bang a, Laisiangtho lui leh Laisiangtho thak amuanglo khate in kal khat suanbeh
kha leh Pasian omkei hong cinuam ding uh a; abul kip uh amat suah ciang un Pasian uplohna suangte tung ah kitatkha ding uh hi.” -E.G. White, Tuulpite leh Kamsangte, P.P. p. 113.

Kikup Dingte:   
1. Kiginni sinna sung a E.G. White genna en ni.  Hong hilhkholhte natethu kankhiatna lam diak ah hong tangtung takpita cih muhtheihna aom hiam?  Pasian kammal tawh akitukalh tulai thuthang bang thute om hiam?  

2.  Nung kum zalomh sung a, huzaap anei mahmah, aseh atuat lam siam minthang Alfred North Whitehead genna ah: “tu ma kum 57 lai University  of  Cambridge  ah  khangno  khat  ka  hih  lai  in  natethu  leh ganan pen sia siam mahmahte in hong hilh uh a; asiampen pawl ka hihi.  Tu kum zalom thak hun ciang tua lai thuzungpite ki dapkoih a natethu a thuzungpi thak amuhkhiatte    in, “tu ngawngaw ciang mu taktakta 
hang ci uh hi” -A.N. Whitehead, Dialogues of Alfred North White Head. Hih thu in mipil misiamte’n amuh zia uh Laisiangtho tawh hong kitukalh ciang  agen thute uh ih sanzia ding bang hong theisak hiam?  

3.  Job hun lai leh tu ma kum 200 lai a mite’n asan theihloh ding uh tu lai a alamdang piansakna vaite bang thute om hiam?  Tua thute in alamdang ih Topa’ piansaknate alamdan’zia hong koici lah hiam?

&&&&&&&@@@@@@&&&&&&&