SINNA 11 – JESU VAN AH A CIAHNA LE A NASEP

Thupatna: Jesu a sih khit ciangin a kiang nai-a han sungah kivui-a, zan nih sung tua lai-ah a luang kisial hi. Ni sagih lakah ni masa ni zingsang tungin a lawmte kimkhat han ah hong pai uh hi. A kikhailup ni-a a luang tunga a hih ding uh, hih man lo-a a nusiat pen uh a hih dinga a pai uh a hihi. Han sungah Jesu na om nawn lo a muh uh ciangin lamdang sa uh hi. Amah misi hi nawn lo hi. Misite' lak panin tho kik khin ta hi.

1. A thawh kik khit ciangin a lawmte tawh Jesu ni bang zah om hiam? Sawltakte 1:3/

Theih ding: Tua nisawmli sungin Jesu in, Ama sihna leh thawhkikna tawh kisai Lai Siangtho sunga genkholhnate A nungzuite' kiangah hilha, mihing hotkhiatna dinga a kisam a hih lam lak hi.

2. Jerusalem khua nawlah A nungzuite tawh a kiho laitakun, Jesu' tungah bang piang hiam? Luke 24:50,51. Theih ding: A nungzuite' mitmuhin van lamah Jesu kila to hi. Amah koi-ah pai ding cih A nungzuite

in thei uh hi.

 

3. Jesu koi-ah pai hiam?   Mark 16:19.

Theih ding: Bethlehem khua ah a hong suak dinga a hong pai lai-a a nusiatna mun, Pasian' tokhom omna ah Jesu ciah kik hi.

4. Van a tun cianga Jesu' panmun leh a nasep bang hiam? Hebrews 8:1,2; 9:24.

Theih ding: Jesu in eite' a dingin Siampi Lian sema, eite' ai-awhin Pasian' mai-ah va ding hi.

5. A nasem Moses' tung tawnin Pasian in Khrist' siampi nasep a sep dig zia koi bangin hong lak hiam? Paikhiatna 25:8,9; Hebrews 8:5.

Theih ding: Pasian in mual tung panin Moses' kiangah vantung biakbuk lim laka, tua lim zui-a na khempeuh a bawl dingin sawl hi. Moses in tua teng khempeuh hoih takin ciamteha, tangpi makaite' tungah gen sawn hi.

6. Leitunga biakbuk koici kigen hiam? Hebrews 9:1-4; Paikhiatna 26:33.

Theih ding: Mun khat pan mun khat ah a kituah kawikawi thei dingin biakbuk a phelphelin kisutuahin kilam hi. A sauna pi 55, a zaina pi 18, a sanna pi 18 a hihi. A tungkhuh, a deina a umna a vekpi-in puan tawh kihih hi. Dei nih kisuah hi.

7. Leitunga biakbuk sungah biakna koici kibawl hiam? Hebrews 9:6,7,9.

Theih ding: Biakbuk tual leh a dei masa ah siampite in nisimin biakna pia uh hi. Mawhna a kisikkik mawhnei mi a kithoihna ding tawh biakbuk ah hong pai hi. A ganno tungah a khut nga-in, a mawhna teng pulak hi. A mawhna teng ama tung pan la khia-in mawhna a nei lo ganno tungah a suan a hihi. Tua ciangin ganno a gawl ki-atin a si tawm khat biakbuk sungah kipaipih hi. Mawhnei mi' tung panin mawhna la khia-in biakbuk sungah a lima a kikoih a hihi.

 

8. Leptuahna (siansuahna) ni-in bang teng kihih hiam? Siampi-ngeina 16:29,30,33,34.

Theih ding: Leptuahna ni ciangin keel nih biakbuk ah kipaipih hi. Topa' keel ding leh dawi' keel ding lai-ai kisan hi. Topa' keel pen tangpi' mawhsutna dingin kigo masa hi. Siampi-lianpa in tua keel sisan la-in a siangthobel mun sunga hehpihna tokhom tungah theh hi. Siampi-lianpa in mawhna teng la-in biakinn tuala dawi' keel tungah a khut nga-in tangpi' mawhna teng suut hi. A man ciangin tua keel gamlapi ah kikhawl mang hi.

9. Leitung biakbuk leh biakbuknate in bang lim lak hiam? Hebrews 9:11-14.

Theih ding: Tu laitiaka eite' a digna Jesu in na a sepna vantung biakbuk pen a tatak hi-a, Moses' lam pen a lim bek a hihi. Vantunga Khrist' nasepna zong khen nih pha hi.

10. Leitung biakbuka nasepna bang huna kipan kisam nawn lo hiam? Matthew 27:50,51.

Theih ding: Leitung biakbuka nasepna in Khristu' sihna ding hong lak hi. Khrist in sihna thuak khin ta a hih manin, a lim pen bawl ding kisam nawn lo hi.

11. Pasian' mai-ah eite' tanga a ding dingin bang in Jesu, kicinna nei sak hiam? Hebrews 2:17; 4:14,15. Theih ding: Jesu pen Pasian hi-in, mihing zong a hihi. Mawhna in a khensa mihng leh Pasian, Jesu'

sungah kigawm hi. Mihing' thuak teng hong thuak a hih manin, eite' thuak khemna leh dahna te Jesu in thei hi.

12. Eite' palai a sem dingin bangzahin Jesu kilawm hiam? Hebrews 7:25.

Theih ding: A mawhna a kisikkik taktakte' a dingin, Pa Pasian' mai-ah Palai a sep sak dinga Jesu in a ai-awh lah ding mi gilo lua khat zong om lo hi. Jesu in mawhna daan hong thuak hin a hih manin, ih mawhnate a mai thei a hihi.

Thukhupna: Mawhna daan pan suahtakna ih ngahna dingin Jesu' sihna a thupi a hih tei hangin, Pasian' geelna ah khen khat bek hi pan hi. Leitunga mihinga a piang ngei mi khempeuh' mawhna a khuh zo dingin Jesu' sihna a kicing a hih hangin, mimal khat ciat' tungah a kicin theihna dingin, mimal khat ciat in Jesu Honpa-in sanga, Pasian' deihna a mang dingin ki-apa, Jesu' sihna paulama a mawhna a thuum ding kisam hi. A ut lote Pasian in hon khia lo ding hi. Thungetna tawh a ki-ap mawhnei mite, vantung ah Jesu in a saan laitak a hihi. Nang zong na ki-ap nak leh hong sang dinga, mawhna daan panin hong suakta sak ding hi.