Zo Phualva Thupuak - Volume 06, Issue 09: IT HUAI “KHANG SUANGPI"

Tedim Labu sunga “KEI AADING TAM KHANG SUANGPI” cih la pen leitung ah aki thei pen le a kideih pen la khat ahi hi. Anglican pawlpi phunggyi Augustus M. Toplady (1740-1778) in aphuah hi’n hih lamal sungah mawhna hangin thu-khenna athuak ding mite ading ih lamet gupkhiatna pen Jesu Christ le singlamteh pan bek hi cih teltak hong gen phadiak hi. Jesu Christ cih akibang namnih in suangpi tawh a kigen na bulpite Lai-siangtho sungah ih mu thei hi. Tua hi’n “suangpi” cih kammal pen Laisiangtho sungah Pasian le Jesu Christ gennopna in kizang hi. Suangpi ih cih ciangin, Pasian in hong piangsak pa (Deuteronomy 32:18), a mite’ thahatna (Deuteronmy 32:4), a mite’ kidalna le munkip muan-huai (Psalms 31:2-3, 94:22), a mite’ Honkhia-pa (Deuteronomy 32:15; Psalms 89:26) cihna ahi hi. Thuciam thak sungah Jesu Christ pen Kha tawh kisai nuntakna tui hong luanna Suangpi (John 4:13-14; 1 Corinthians 10:4), pawlpi’ bulkip (Matthew 16:18), le innkiu suangpi (Ephesians 2:20) na ci hi. Israel mite gamlak hong pai khiat lai in zong, Paul gelhna ah “ . . . kha lam Su-angpi panin dawn uh a, tua Suangpi Christ ahi hi” (1 Corinthians 10:4 ZIV) na ci hi. Hih mun ah Paul in Exodus 17:6 sunga thupiang siangtak in hong telgen kik ahi hi. Pasian’ sawl bangin Moses in Horeb a su-ang hong sat ciangin a lamdangin mite kisap tui ong phul khia hi. Tua suangpi in mawhnei te kisap nuntak-
na tui hong luanna Jesu Christ’ lim ahi hi. Thuciam lui sungah zong Topa pen “Suangpi” or “gupkhiatna Suangpi” cih agen na tampi om lai hi.

Jesu Christ’ lim ahi Suangpi pen mawhnei mite’ khalam bukna munkip muanhuai ahihna Moses (Exodus 33:20-22) hun pekin na ciam khin uh hi. Moses zong mawhnei mi mah ahih manin Pasian’ mai mu theilo hi. Pasian in akhen khit matengin akhut tawh liah in suangpi kitam sungah kem hi. Tua mah bangin singlamteh tungah a kitam Suangpi Jesu Christ sungh akisel thu-um mi khem-peuh in a siangtho, a thuman Pasian mai adin ciangin angah ding tawntung sihna pan in kipelh (suakta) khinta hi.
Hih lamal sungah Pasian kiang pan gupkhiatna ih ngah theih nangin mihing i hihzawhna them beek om hetlo ahih lam hong gen phapha hi. Paul in Titus agen in-ah “Amah (Jesu Christ) in thu-maanna i sep hang hilo, ama lai-natna hangin eite hong hon hi” (Titus 3:5a ZIV; See also Romans 3:20, 28; 4:5; 11:6; Galatians 2:16; 3:16-21; Ephesians 2:8-9; 2 Timothy 1:9) na ci hi.
Sanggam, tu in a kitam Suangpi sungh na om hiam, ahih kei leh nangma hanciamna tawh gup-khiatna a ngah sawmsawm lai na hiam? Ama sun-gah kibu in, na kisik ngei kei ding hi.
Topa’ Lenggah huan ah,
Bayo Afolaranmi (Pastor)

Zo Phualva Thupuak - Volume 01, Issue 09  on Scribd