Mihonte Tawh Zeisu Kikhawl: Sabbath School Lesson Zomi 2016 3r Quarter Lesson 6

Sinna 6                                                                           July  30 - Aug. 5

Mihonte Tawh Zeisu Kikhawl’

  

Nipini (Sabbath) Nitak lam                                                           July  30

Sim Dingte:  Matt. 1:22, 23; John 1:14; Luke 15:3-24; Matt 9:10-13; Late 51:17; 1 John 2:16; Philpp. 2:13-15.

Kamngah:   “Tua lai tak in siahdongte leh migilote khempeuh in Zeisu thu ngai dingin akiang ah anai uh hi.  Pharisee te leh laitheite in, “hih pa in migilote ngai a, amau tawh ann nekhawm hi, ci in ako uh hi”  (Luke 15:1, 2).

Pawlpi upa khat in khanghamte omna inn ah kikhop pih dingin kha sim in khangnote tawh hong pai zel uh hi.  Anipi masa pen ah, khangnote’n amakaih san laitak un, tutna pei nei tawh papi khangham khat in tua upa pa khut ahun bawl sung len hi.  Kha khat khit khat tuaci den zel hi.  Khat vei tak ciang bel tua pa na om nawnlo hi.  Tua mun a nasemte khat in tu zan bei man nawn lo kha mawk ding hi ci hi.  Tua upa pa, tua pa inndei sung ah valut a. khua phawk nawnlo a om mu hi.  Tua puteekpa khut la in, Topa in tawntung nuntakna apiak nang thu ngetsak hi.  Khua phawk nawnlo a, akingaihsun hi napi tua upa pa khut len tentan a athungetna kiza in kisang cih thei hi.  Khitui naptui tawh tua inndei pan hong paikhiat leh “atanu hing” aci numei khat phukha hi.  Ka pa’n “kha khat khat vei Zeisu hong pai in ka khut hong let sak hi.  Zeisu in khat vei ka khut hong let kik ma in si nuam keng” hong ci hi, cih thu gen hi. - Adapted from “The Least of These,” a video produced by Old Fashioned Pictures(2004).  Used by Permission.

Christian hihna ih cih pen mi khat peuh adingin “Zeisu” suahna ahihi.  Nungsang sinna tampite ah Zeisu’ tangkoziate leh tua bangin apawlpi in bangci tangko thei ding cih thute ahi hi. 

*Aug. 6 Nipini adingin tu kal sinnate hong sin in hong kiging in maw. 

Nimasani (Sunday)                                                                  July  31

Khazih’ Sepzia Bek Tawh

           Akiman zelzel E.G. White at lai khawkno in, mi teng’ tung ah hotkhiatna atun na dingin Zeisu sepzia bang a sep ding vai teng tomkaih hi (Matt. 9:35, 36 zong en in). 

           “Khazih sepzia bek in mite tung a tangkona ah picin’na diktak hong pia ding hi.  Amaute ading deihsakna tak tawh kikholh pih hi.  Amaute alainatna lak in, atangsapnate uh ah panpih a, amaute’ muanna ngah hi.  Tua khit ciangin “hong zui un ci in khoo hi”.  E.G. White, Damna Thupha, MH p. 143.

Hih thute tel et dih ni. 

1. Zeisu in amaute deih sakna tak tawh kikhawlh pih hi. (kizopnate bawl sak hi.)

2. Zeisu in mihingte lainat hi.  (amau tawh kizopna bawl hi).

3. Amaute kitangsapnate ah panpih hi. (amau tawh kizopna khat mah hi).

4. Akhatna pan athumna dong tungtawn in mite lungsim zo ngiat hi. 

5. Tua khit ciang bek in, “hong zui in” ci in khoo hi. (nungzui suak sak hi).

Hih mun a vai teng ahuamkim tangkona kimu thei hi.  Hih bang a sepna in thupha tangkona picing sak in makaih ding hi.  Zeisu in nuntakkhop-ziate tuam koih lo in (no. 1 - 4).  Amah zui dingin samm (no. 5) a, e’n zong ih tua cih ding ahihi.  Hih bang teng tawh pangkhawm leng “gualzawhna diktak” hong tun ding hi. Hih sinna in Zeisu sepzia masapen hong tel et pih ding hi.  Sinna 7 - 11 in adang teng hong limh et pih ding hi. 

Anuai a munte in Topa Pasian in eite hong kikhawlhpihna thu bang hong gen hiam? (Matt. 1:22, 23; John 1:14).

______________________________________________________________

____________________________________________________________________________________________________________________________

Eite in mawhna hangin thuuk tak dong in liamma ngah in ih siasuak khinta hi.  Ahi zongin mawhna hang a piang thusiate khempeuh pen Zeisu mi bang a hong pianna tungtawn in mihingte tawh apicing Pasian hong bawlsak kilemkikna thupha in hong siansuah theita hi.  Amah mihingte tawh kikhawl in lainat a “asia pen” a angaihsutte uh zongh panpih hi. 

Piansakte khempeuh a piangsak Pa (John 1:3 en in), Zeisu in mihing in hong piang a mite tawh kikhawl in a tangsapnate uh ah panpih hi.  Hih alamdang lametna dim thumann in midangte tawh ih kikholhna leh ih sep ih bawlna koici sukkhak ding ahi hiam? 

Ninihni (Monday)                                                                      Aug. 1

Kimansuah in Kimu Kik

           Luke 15 ah Zeisu in gentehna 3 te Pharisee te leh thukham hilh siate in Zeisu amawh sakna vai uh ahi “mawh neite lawmbawl in annne khawm” cih vai adawn kikna a agen ahihi (Luke 15:2 NIV). 

          

Anuai a munte sim in la akimawh sakna adawn kikna vaite ciamteh in.

Luke 15:3-7 ___________________________________________________

Luke 15:8-10 __________________________________________________

Luke 15:11-24 _________________________________________________

Gentehnate ah amangg na khat tawh kipan in pawi khamna tawh tawp a, Pasian hong itna vai genna leh hotkhiatna vai ah a lunglut mahmahna thute hong theisak ahi hi. 

Pastor khat  VOP nasepna vai alunglutte thu akan hi a, a innkuan bup un khat lo buang Laisiangtho sinpih a ut vive ahi uh hi.  Anu, apa, anaunu te in Khazih thu sangthei uh a  tua Pastor a inn vuah paiden sak nuam uh hi.  A upa in bel Christian acih ngiat langpan in azak inzong za nuamlo hi.  Pastor pa hong pai nitak sim in, tua pa’n bang mah sin nuamlo hi.  Kal 6 sung limtak a Laisiangtho asinkhawm khit ciang un Pastor pa in tuiphum ding vai hong genpih ta hi.  Khat sim in akhentat thei ma uh kha tawmvei sung ngak dingin amau paulap tek tawh hong gen uh hi.  Lamet loh takin tua khangnopa annbuuk lampan tua a sinna mun ah hong lut in Pastor pa’n kilawm asak hun peuh ciang aki tuiphum nop thu hong gen hi.  Amah in laibului zuakna mun pan Laisiangtho bului khat lei a sinna khat khit lam khempeuh ana et tohtohna tawh alungsim kikhel in ama upmuanna mihon mai ah genkhiat kul cih hong lungngai hi.  Kal 2 khit teh tua pa tui kiphum a, kha khat khit teh  adang teng kitui phum uh hi.  Gentehnate sung pan hih khentatna thu ah vantung ah lungdamna om cih ki ngaihsun thei hi.

Zeisu in bel tua bang te tawh kimuh theih ding lampi zong a; tuikhuuk gei a Samaria numei nu, Rome galkapmangpa, “mi mawh numeinu, kum khat khasum manh akhe phung a paknamtui ava buak cih te leh mi tampi te muh ding a kilawm lo asiangtho akisalua te tawh kimuh ding Zeisu in hong vaihawm hi. 

Na pawlpi zia tawh kituak a na up loh mi khat peuh kiang ah teci na pang ngei kha hiam?  Tua bang “mawh neite” huap zo dingin nang leh na pawlpi in hehpihna kicing angah theih nang bang akisamh tam?

Nithumni (Tuesday)                                                                  Aug.  2

Mawhneite Tawh Annkuang Umkhawm

           Matt. 9:10-13 sim in.  Zeisu in Amah atel sit te adawn kikna pan athupi bang thupuak la ding ih hi hiam?  Hosea 6:6 sim in. 

______________________________________________________________

______________________________________________________________

______________________________________________________________

Zeisu in tua hun lai mite’n “deih huai lo” asak uh mite tawh anneek dawhkan ah holim khawm uh hi. 

Na ngeina vuah “adeih huai lote” kuate hi pipen hiam?

____________________________________________________________________________________________________________________________

Pharisee te dotna in Zeisu tatzia ahi mi’ simmawh mi’ pampaihte tawh kikholh khawm huai lohna vai ah Zeisu in hehpihna leh biakpiaknate’ kilamdan’na thu sinn ding in sawl hi.  “Hih thu akhiatna thei ta un:  biakpiakna hi lo in hehpihna ka deih hi.”  Tua hi a, midikte sam ding hi lo in, mimawhte kisiik kik nang ahihi (Matt. 9:13, NKJV).  Zeisu in biakna makaite

kiang ah amau upmuanna vai thupipen te sin ding a asawl bawl pen khasiat huai mahmah hi. 

Tu in zong Laisiangtho lui hun a thu nawngkai, puatham biakpiaknate leh pawite mite in thupi ngaihsut zaw in midangte koici bawl cih ngaihsun kha mello uh hi.  Hih vai ah Laisiangtho lui man’ in agen nop hong kitel-sak (Hosea 6:6) mahmah hi. 

“Matthew pawi ah Khazih in ataii gawp Pharisee te mah bangin mi tul tampite in khial kha uh hi.  Alunggulh vaite uh leh alungsim kuanziate uh ataisat sangsikh un mi tampite in khuavak  Pasian thumann nial zawsop uh hi.  Amau mah kimuang uh a, amau pilna muang in, kha lam azawngkhalnate uh phawk kha lo uh hi. . . . .

“Kidik-tawmsakna tawh kipawl ann ngawlna leh thungetnate Pasian mai ah kihhuai hi.” - E.G. White, Khangcin’ Lunggulh, DA, p. 280.

Ei deihdan pen adik a ngaihsun a, midangte’ gamtatna vai ah thu khen ding baihlam thei mahmah hi.  Ei ma deihna pampaih in kiniamkhiatna tak tawh Khasiangtho panpihna leh hehpihna pen ei lungkimna suahsak ding ahihi. 

Late 51:17 in eite bangh hong hilh hiam?  Mawhna tawh ih kidimh lam ih theihna in hih thu hong koici telsiam’ sakzaw thei ding hiam? 

<Nilini (Wednesday)                                                                    Aug. 3

Pilvang Tak a Kikhawlkhawm

           Thuhilhpa khat in “Adventist ahi lo” lawm bangzah na nei uh hiam cih Adventist mihon khatte dongh hi.  Anung lam a tu mi khat in gualzo takin, “kuamah ka neihloh kipaak ing!” ci hi.  Ahoih mahmah a angaihsun zong hikha mah leh, amah leitung adingin koici bang khuavak ahihna hong gen suak hi.

Ih muhsa bangin Matt. 5:13 ah, note in leitung cii na hi uh a, ahi zongin hih ci in alimna tann thei hi.  Sidon khuapi sumlengpipa khat in lei bek mah dapphah in ci tampi khol hi.  Leitangh tawh kisawh kha thapai ahih manin alimna hong bei hi.  Hih cii te lampi ah kizalh in kongzing bawlna in kizangh hi.  Tua bang mah in hih leitung tawh ih kizopzia vai ah ih kidop hong kul a, ih limhna tuam hong mangthang sak hiam?  Thupi ih sak te leitung ngaihsutna tawh akibang mah peuh ahi kha hiam? 

Hih thute pan leitung tawh ih kizopzia ding koici sin  thei ding ihi hiam?  Pian. 13:5-13, 19:12-26, Gamlak 25:1-3 leh 1 John 2:16 zong en in. 

_____________________________________________________________________________

_____________________________________________________________________________

_______________________________________________________________________________

______________________________________________________________________________

Hih Laisiangtho munte in 1 John 2:16 sung a leitung ngaihsutziate tawh ih nuntak khakloh nang in mite tawh ih kizopzia kidop kisamh hi.  Kidop kullo ih sak khak leh ei mah akikhem ih suak ding a, leitung ziate pan kidop kul lo bangin ih ngaihsun ngei kei ding hi.  Tua kawmkawm mah in amau’ hong siatlawh loh nang un ih bukk mawk leh bang phatuam mawk ding ahi hiam?

Hih adikkim leh akikhaikim ngaihsut piakna ciamteh in:  “Christian akicite’n ahilote tawh kikhawl lo in amau tawh kikawm lo ding maw?  Hi lo e, amaute tawh kikhawl in leitung ah leitung mite bang lo in, amaute lampi tawnlo in, amau a’ te peuh thupi sa khalo in, amau zialehtong zil kha kei ni.  Midang tawh kikholhna pan Zeisu kiang azuatpih ding ihi hi. - E.G. White, Teltuam Thupuakte 3 SM,  p. 231.

Adventist ahi lo lawm bang zah nei na hi hiam?  Amau tawh kikoici pawlkhop nahi hiam?  Kuan huzaap zaw a, nang amau maw? ahihkeh amau nang zaw maw?

_______________________________________________________________________________________________________________________________________________________________

Ningani (Thursday)                                                                   Aug. 4

Alungsim Kawi Khangmite Lakah

           Khazih sung ah ih ngahte leitungte zong kitasamh uh hi.  Ih neih athupi sak pen eima sung pan hi lo hi.  Khazih kiang pan a ih ngah thu in midangte ih hopsawn ding akul sak thu ahihi.  Eite tampi hong kipia ahih man a anei lo te ih hopsawn akul ahihi.  “Manh neilo in na ngah bang un, manh sanglo in na pia un” (Matt. 10:8, NKJV). 

Philip. 2:13-15 sim in.  Hiah ei bang hong kigen a, en siat lawh lo a, ih hopkhiat kik ding vai tawh ki koici zop hiam? 

__________________________________________________________________________________________________________________________________________________________________________________________

Leitung tawh ih kizopna ah amau ngaihsutziate pan ih kidal ding kisamh hi.  Ei ngaihsutna tawh om in biakna vai ah mi kilawh theilo thei hi.  Tua bang a ei omom a omna pen angsung vai biakna suak thei hi.  Pawlpi pawl khatte ah biakpiakzia leh upna guipite buaipih in acimawh leitung kiphawk khalo hilo hiam? 

Robert Linthicum, in alaibu at “Azawngkhalte Thapiakna, Enpowering the Poor,” pp. 21-30, ah pawlpi nam thumte gen a: 

1. Khuapi (mihon) sung a pawlpi.  Hih bang pawlpite mihon tawh kisawh kha lo hi.  Apawlpi ngaihsutpi in, apawlpi mite’ tangsapna ahihi. 

2. Khuapi (mihon) te kianga pawlpi. Hih pawlpi mihonte kiang ah amau ngaihsut dan bangin na sem hi.  Amipi kisap ngaihsun kha lo hi.  Hun tuamtuam bawlpih in amite kisapna tawh kituak lo in mipi zong kihel kha taktak lo hi. 

3. Khuapi (mihon) te tawh pawlpi.  Hih pawlpi in mihonte encian hi.  Khua sung makaite leh mipite tawh kikhawl in akitangsapnate uh dongh hi.  Asep abawlnate uh in mipi adingin kimanna nei in, mipite’n zong sang thei uh a, tua sung ah kihel uh hi.  Mipi ading a adeihsaknate uh mipi mah tawh vaihawm khawm uh a, amaute tawh kop in hanciam khawm uh hi.  Tua bang pawlpi, mihon kipawlnate ah kihel uh a, mipi kisaplai vaite ah akisap leh panpih hi.  Vaihawm khawm khawm a, nei khawm khawm in zong khawm uh a, akisapna ah zangh khawm uh hi. 

Kiginni (Friday)                                                                       Aug. 5

Ngaihsut beh Ding:  E.G. White, Damhna Thupha, MH, p. 17-28; pan leh “Etteh ding,” “Our Example,” leh “Levi Matthew,” pp. 272-280, Khangcin’ Lunggulh, DA, pan sim in. 

           Pawlpi nasep pen leitung ading hi a, pawlpi ading bek hi lo hi.  Midangte panpih nading a kibawl ahihi.  Pawlpi  khat huang sung lutna mipite’ omna tun ma biakinn mai ah akigelh lai suanpi khat om a, “nasemte’ (sawltakte’) lutna kici hi.  Tua in gensiang sa ing, hi lo hia? 

“Amangthangte tawh hun bei khawm lo in kitakhawm thei lo hi.”  Zeisu mite tawh kikhawl thei mahmah a, E. G. White in zong tu lai pawlpi tua ci ding in hong hilh hi.  Amite pen cii hi a, mihonte sung ah kisawh ding kul hi. 

“Gam lak a pai a, ganhingte kiang ah tangko dingin hong kisawl lo hi.  Zeisu mah bangin a ithuai lo, azawngkhal, amangthangte tawh kikhawlkhawm dingin Topa kamsangte’n hong khoo hi.  Zeisu in mawh neite lawmbawl hi.  Amaute tawh kikhawl in amau kiang vazuan hi.  A upmuanna dausak ngei lo in, mawh neite kiang zuan nuam hi.  Zeisu kiim a nuam asa diakte mawh neite ahi uh a, nuam asa lo pente misiangtho akici mawkpong te ahi uh hi.  Zeisu in bel tua vaite awlmawh in nei lo a, ama masuan bang in gamta in, mawhneite hotkhiat ding vai ahihi.  Tua pen amasuan hi a, misiangtho pawl khat in ih lung himawh sak kha phial zongin ei masuan ding zong hi pah hi.

“Adventist te ih kituam koih, ih kidai thah, ih tuam tat, kuamah dang omlo bang a ih tanggtatna sawtlua zota hi. Tua bang hun bei ta hi.  Tua bangin takhial ngam nawn lo in, ta thei nawn lo hi hangh. Ih mipihte lak ah ei mahmah leh ih pawlpi mahmah in zongh ih lut hun ta hi.” -Russell Burrill, How to Grow an Adventist Church (Fallbrook, Calif.:  Hart Books, 2008), p. 50.

Kikup Dingte:  

1. Ih tuamtatna tawh “apaikhial” kisuak cih vai kikum ni.  Uang ih salua kha hiam, ahi mah ahi hiam?  Ahih leh tua na dawnna Laisiangtho tawh koici nung thuap ding na hi hiam? 

2.  Amau ih huh theih nang in ih kikholh hangin ih pawlpi hong panpihna hong thuakpihnate bang hangin ih donn loh khak ding hi lo hiam?  Pawlpi khat ih hihna tawh midangte ih panpihna ah amaute’n ei khat leh khat hong kaih khiat zawk loh nangin ki koici panpih ding ih hi hiam? 

3.  Pawlpi sung vai teng tawh ih tha, ih sum ih paai, teng beimang in midangte kiang ah thumann kitangko khalo hi.  Hih thangg siahuaipi bang ci pelh thei ding ihi hiam?