GAL GAM KHAT AH UPNA – Khen 1 na (Mission Story)

Mission Story ( 2nd Sabbath of 3th Quarter, 2016)

July 9, 2016                                                                                    Sudan Khanglam

                                                                                                     

GAL GAM KHAT AH UPNA – Khen 1 na.

(A gen:  Pastor Mark Igga Mona)

Pulaak masak ding: “Gal gam khat ah Upna ” cih thu hong gen Pastor Mark Mona, pen Sudan khanglam aa om Greater Upper Nile Field ah President a hihi. Amah in Sudan khanglam aa a zum omna khuapi a hi Malakal khuapi sung aa tualgal lak aa a tuah thu a hong gensawn ahihi.

            2013 kum,  December in, East-Central Africa Division pan a vaihawm na tawh kizui in Rwanda ah Bible conference a kah dingin Malakal khuapi pan in ka zin khia hi. Tua laitakin  Juba khuapi ah buaina a om thu ka za hi. December 15 ni-in kumpi ten thu kikupna a neih sung un, Vice-president in President thugente thukim pih lo hi. Amau lam tuak aa pangte kitawngin mi tampi si hi. Gam kumpi langpang  te gam do dingin hong kipan pah uh hi.

            December 24 ni ciangin fighting started in our northern city of Malakal khuapi ie a saklam ah kidona kipan hi. Ka innkuanpihte om uh a, thauvui thautang lak ah a kikep na ding uh in lupna nuai ah lum uh hi. Kumpi langpangten’ khuapi a lang la khin ta uh hi.  Kumpi galkap te hong kuan in langpangte khuapi pan niilkhia mang uh hi. Tawmvei sung kidona tawh kisai in kilemna bawl uhhi.

            Tua laitakin Juba khuapi ka tung khin hi. Ka zi leh kum 4, kum 7 leh kum 10 a pha ka tate thum teng  a suahtak nading uh inn ah ciah in ka huh nuam mahmah hi.   U.N. te vanleng tawh  Juba khuapi pan Malakal khuapi ah Sunday, Jan. 13, 2014 ni-in ka tung hi. Khuapi sungah mi khempeuh galtai khin uh a, kuamah om lo hi. Kumpi langpang te’n khuapi hong la ta uh hi. Pawlkhat te Nile gun gal ah galtai uh hi. Kumpite mawtaw tawm khat lo buang a dang mawtaw om vet lo hi. Bangci inn ciah thei mawk ding?

            Khuapi ukpa ka mu a, ka zi leh ka tate kiang mawtaw tawh hong kha hi. Ahizongin ka suahtak nadinguh lame tom vet lo hi. A zingciang zingsang tungin kumpi langpangte hong tung uh a, nitaaklam nai 2 pawl in Malakal khuapi la kik uh hi.     

Ka zi leh ka ta te thum teng tawh ka lupna nuai uh ah kihen in ni 3 sung ka bu khawm uh a, Pasian in hong kep nadingin  ka thuum uh hi. Thursday nitak lam ciangin  ka minam pih uh lah  hi in , pawlpi mi khat zong a hi kumpi langpangte khat kei leh ka innkuanpihte a sitel dingin hong pai hi.  U.N. huangah va ki-ap un ci-in hong sawl a, a pau uh thei lo in, ko guak ka pai theih lo lam uh ka gen hi.  Amah zong ko UN huang ah hong paipih dingin  thukim a, a lauhuai galgam sungah hong cing uh hi.  Inn pan ka paikhiat uh ciangin ka computer leh ka puansilh tawm ding tawm ka keng a, ka zi leh ka tate in zong puan silh tawm ding leh van tawmkhat a keng uh hi. Inn pan ka paikhiat limphet un, ka inn uh ki buluh pah in a sung aa om khempeuh hong laak sak uh hi.

            Biakinn kiim ka nawk kha uh a, langpang ten biakinn sung buluh in vante a lak khit uh ciangin biakinn zong susia mang uh hi.  Ka lungsim ah, “amau thau tawi hi ven maw? Ken bang cih thei mawk ding?” ka ci thei bek hi.

            Tua zan in kumpi langpang khat’ inn ah k alum uh hi. Tua pa minpen Matthew a hihi.  Matthew in tua kiim ah Adventist pawlpi khat na phuan khin hi. Ko hong cing galkap pen ama’ tanu a hihi.  Tua zan mahin Matthew’ minam pih te khat inn ah hong pai in ko hong thah theih nadingin ko hong paikhiat pih nadingin thu pia hi. Ahizongin  Matthew in kote a mau mai pan hong dal in langpangte kiangah,  “Amaute that kei un, amah ih pastor pa hi” ci-in hong thuum sak hi. Tua zan in nuamtak in ka ihmu thei uh hi.

            A zingciang zingsang in  Matthew in mawtawh khat hong pai pih a, thakhat thu in UN huang ih pai kul ding hi ci-in kithawi in hong paikhiat pih pah hi.  Mawtaw lampi ah misi luang tampi ka mu uh a, Topa tungah hong kepna hangin lungdam ka ko uh hi.

Khen 2 na mai Sabbath ciang ngai zom ni maw.

Mission Dinmun

1.      South Sudan Attached Territory (SSAT) pen 2015 in kiphuan a, East-Central Africa     Division ie huam sungah om hi.

2.      Sudan khanglam ah Adventist pawlpi 59 om a, pawlpi mi gawm vekpi 24, 092 pha     uh hi.