GUPKHIAT NADING GEELNA AH HEHPIHNA VAIPUAK

 

GUPKHIAT NADING GEELNA AH HEHPIHNA VAIPUAK

 

1). Hehpihna hangin gupna ngah cih a khiatna bang hi- am?

"Ahih hangin hehpihna kicing a nei Pasian in itna lianpi tawh eite a hong it hi. Tua ahih manin mawhna sungah si a, i om laitak nangawn in Khazih tawh hong hing khawmsak a (hehpihna thupha hangin hotkhiatna na ngah uh hi), Pasian in amah tawh hong tho khawmsak in Khazih Zeisu sungah vantung ah amah tawh a hong tu khawmsak hi. Tua in Kha- zih Zeisu sunga ama migitna tawh a hong lahkhiat gen zawhloh a kicing ama hehpihna thupha a hong tung ding hunte ah a hong lah theih nading ahi hi. Banghang hiam cihleh hehpihna thupha hangin upna tawh hotkhiatna na ngah uh hi. Note thu in hotkhiatna a ngah na hi kei uh hi. Hih in Pasian letsong ahi hi." (Ephe 2:4-8, ZSV).

 

2).  Pasian tawh eite koi bangin kilemkik thei ie hiam?

"Banghang hiam cihleh mi khempeuh mawh khin uh a, Pasian minthanna cin zo nawnlo uh hi. Tua ahih manin Pa- sian in Khazih Zeisu hong tatkhiatna tungtawn in Pasian in ama hong hehpihna tawh manngen loin midik a hong tang- sak hi. Pasian lungkim nadingin Zeisu sisan luanna tawh upna tungtawn in mawhna a mai theih nadingin Pasian in ama thoihna in a hong pia hi." (Rom 3:23-25a, ZSV).

"Tua hi a, upna hangin diktansakna ngah i hih manin i Topa Zeisu Khazih tungtawn in Pasian tawh i kilemkik  hi." (Rom 5:1, ZSV). 

3).   Hehpihna hangin gupna ih ngah khit teh, Pasian' thukham ih palsat nuam lai diam?

"Tua ahih leh upna thu hangin thukham in kimanna neilo a suaksak i hi hiam? I hi peuhmah kei hi. Thukham a kipsak i hi zaw hi." (Rom 3:31, ZSV).

"Tua ahih leh bang i ci om ding hiam? Thukham nuai ah om loin hehpihna nuai ah om i hih leh mawhna i bawl- bawl  lel  ding  hiam?  I  bawlbawl  peuhmah  kei  ding  hi!" (Rom 6:15). 

4).  A kikheel mipa lungsim ah Pasian' thukham bangci om ding hiam?

Jesu in, "Ka thukhamte amaute lungtang sungah koihin amaute lungsim ah ka gelhsak ding hi" ci hi. (Hebrew 8:10, ZSV).

―TOPA thukham hoihkima hinna a puahpha hi. TOPA‘ ngeinakipte muantaka, mipil lote a pilsak hi. TOPA‘ pat- tahnate maana lungsim a nuamsak hi. TOPA‘ thusehte vaam a mitte a vaksak hi. TOPA kihtakna siang a, a kip tawntung hi. TOPA ngeina khunsa kician a, thumaan vive ahi hi. Tuate kham sangin manphazaw a, kham citak sangin a manphazaw tham hi; tuate khuaizu sangin khumzaw a, khuailu zu sangin a khumzaw hi. Tuate-in na nasempa ki- vauhilh a; tuate zuihna hangin pahtakman  lianpi  kingah hi.‖ (Late 19:7-11, ZIV). 

5).   Jesu in singlamteh ah asih ciangin Ama thukham beita hi, cih hong hilh hiam?

"Thukham ahi a, Kamsangte laibute ahi zongin a beisak dinga hong pai hong sa kei un. A beisak dinga hong pai hilo in a kicingsak dinga hong pai ka hi zaw hi. "Aman tak- pi kong cih in ah, van le lei a mangthang zongin thukham khempeuh a tangtun khit mateng laimal neu khat ahi a, lai- mal them khat nangawn ahi zongin a mangthang kei ding hi. (Matt 5:17-19, ZSV).

===== xxx =====