NIH VEINA KUMKIKNA A NAI LAM KOICI THEIH DING?

 

NIH VEINA KUMKIKNA A NAI LAM KOICI THEIH DING?

1).   Laisiangtho in Jesu hong kumkik nading ani anai kician takin hong gen mah hiam?

"A ni le a nai ding kuamah in a thei kei hi. Vana om vantungmite in zong a thei kei uh hi. Ka Pa bekin a thei  hi." (Matt. 24:36, ZSV).

2).  Ih Topa hong paikik hun ding bang hun cih thei khol lo ihih manin koici kigin ding ie hiam?

"Tua ahih manin hong tung ding hih thu khempeuh pan suakta in Mihing Tapa mai ah a ding dinga kilawm mite na suah  theih  nadingun  pilvang  unla  thungen  tawntung un." (Luke 21:36, ZSV).

"Tua ahih manin midangte a ihmut bangin ihmu loin pilvangtak in omin pumpi kikhalna nei ni." (1 Thess. 5:6, ZSV).

3).   Nitawp ni naita ahih lam eite in koici theih ding ie hiam?

Zeisu in, "Note in, 'Nitak lam in meiisan hong suah leh khua pha ding hi,' na ci uh hi. Zingsang lam ahih leh, 'Tuni in meiisan in khua nim ahih manin khuahun a sia ding hi,' na ci uh hi. A kineihkhem mite aw, tua bangin van maitang khentel thei napi uh cin banghang in a hun zui a piang theihsakna limte khentel theilo na hi uh hiam! (Matt. 16:2- 3, ZSV).

"Theikung tawh kong gentehna panin hih thu na theih un. Theikung a hiangte dawn a, a tehte hong sel ciangin khualkhal hong naita hi ci in na thei uh hi. Tuamah bangin hih thu khempeuh a hong piang na muh ciangin tua hun nai mahmah ta a kongbiang dong a hong tungta hi ci-in na thei un." (Matt 24:32-33, ZSV). 

4).   Leitung biakna vai ah, bang limte in Jesu hong pai ding a naina hong lak hiam?

"Keima minin mi tampi hong pai dinga, 'Keimah in Khazih ka hi hi,' ci in mi tampi a khem ding uh hi … Kam- sangzuau tampi hong piang dinga, mi tampi a khem ding uh hi … Khazih maanlote le kamsangzuaute a hong  piang ding hi. Amaute in hi thei hileh a teelsa mite nangawn a khem zawh nadingun limlamdang le nalamdang lianpite a piangsak ding uh hi." (Matt. 24:5, 11, 24 – ZSV). 

5).  Gam khat le gam khat gal vai, sa vai tawh kisai Jesu in bang gen khol hiam?

"Gal kidona thu le gal hong tung ding hi cih thuthangte na za ding uh hi. Tua ciangin patau kei un. Banghang hiam cihleh hih thu khempeuh a pian loh a phamawh hi a, ahi zongin beina a tung nai kei ding hi. Minam khat le minam khat, kumpigam khat le kumpigam khat hong kido ding uh hi. (Matt 24:6-7a, ZSV).

"Gal kidona thute za in gam sung buaina hong pian ciangin patau kei un. Hih thute a piang masa ding mah hi a, ahi zongin hun bei nading hi nailo hi." (Luke 21:9, ZSV). 

6).   Christ hong kumkik madeuh in leitung omzia ding Laisiangtho in koici gen hiam?

"Tua hun ciangin ni, kha le aksite ah limlamdangte a hong piang ding hi. Tuipi tuihualte nakpi in kilok dinga, leitung a om minamte lungzing in a amkham ding uh hi. Vantung nate kiling dinga, mite in leitung a hong piang ding nate mukhol in lau in a sibup ding uh hi. Tua ciangin vangliatna le minthanna lianpi tawh meiitung tuanga hng pai Mihing Tapa a mu ding uh hi." (Luke 21:25-27, ZSV).

"Mite in, 'Lungmuanna om hi Launa om lo hi!' a cih laitak un thakhat in suksiatna a thuak ding uh hi. Naupaai numeite tungah nausuah natna a tun vat bangin thakhat in siatna amaute tungah tung dinga, a  suakta  kei  ding  uh hi." (1 Thess 5:3, ZSV).

"Kialpi le pulnatnate hong tung ding hi. Mun tuamtuam ah zin hong ling ding hi." (Matt 24:7b, ZSV). 

7).  Christ hong kumkik madeuh a mite' omzia ding koi- ci bang hiding hiam?

"Ni nunung ni ciangin hun haksa hong tung ding hi. Banghang hiam cihleh mite in amau le amau bek a ki-it, sum a duh, a kisial, a kiphasak, mi kosiat hat, nu le pate thu a manglo, a lungdam theilo, a siangtholo, itna a neilo, mi dangte mawhna a maisak nuamlo, mi a gensia, amau pumpi ki-uklo, a gamhtat, thuhoih a deihlo, thuciamna a palsat, lungtang a khauh, a kihisak, Pasian it ding sangin noptat ding ut zaw ding uh hi." (2 Timothy 3:1-4, ZSV). 

8).   Christ hong pai baih nading alak tel pen khat in bang lim hiam?

"Minam khempeuh tungah teci ahi dingin Pasian kum- pigam lungdamna thu leitung khempeuh ah kitangko dinga, tua khit ciangin beina atung ding hi." (Matt 24:14, ZSV).

"Tua ciangin van laizang a a leng kawikawi, a dang vantungmi khat ka mu hi. Amah in leitunga a teeng gam khempeuh, minam kim, paunam kim le mi khempeuh tun- gah tawntung lungdamna thu a tangko ding ahi hi. Amah  in, 'Pasian thukhenna hun hong tungzo hi. Tua ahih manin Pasian kihta unla amah phat un. Vantung, leitung, tuipi le tuinakte a bawlpa bia un," ci-in a kiko hi. (Kilaakna 14:6,7, ZSV). 

9).  Christ kumkik nading limte ah, eite'n bang cih ding ie hiam?

"Hih thute piang dingin a hong kipat ciangin na lu uh phong unla khuadak un. Banghang hiam cihleh note a hong kitatkhiat nading hun hong naita hi." (Luke 21:28, ZSV).

===== xxx =====