KAMTUAM PAU TAWI KISAI

 KAMTUAM PAU TAWI KISAI (sim tek ni)

Greek kammal “Glossa” akhiatna pen “Kamtuam pau-te” a hih kei leh Manglai in dialects = “Minam te pau” kici hi.

Greek kammal “Glosso” a khiatna pen “Bual Bual Pau” a hih kei leh Manglai in “ecstatic chattering” = “phun sau sau, pau bual bual” cihna ahi hi.

1. Khasiangtho hong ki buak ni ahi “Pentecost ni” in “Glossa” = minamte pau (minam 16) in ki pau hi. (Sawltak 2:5-12)

Theih ding: “Glosso” = tu hun a Bual Bual pau dan hilo hi)

2. Pentecost ni a “Kamtuam-te” a kipau ciangin a khiatna amau pautek in za uh a (Mi Tul Thum) piang thak uh hi.

Theih ding: Tu hun a Bual Bual pau tawh aki pau te ei pau tawh a za om ngei nai lo a, a piang thak zong a om nai lo hi.

3. Pentecost ni aa “Kamtuam tawh aki gen thu (message) in “Zeisuh pen Topa leh Khazih” hi cih message ahi hi. (Sawl 2:36)

Theih ding: Bual Bual Pau hih bang a ki gen om lo hi. Khasiangtho piak te pen a zaten amau ii pau tawh za uh hi.

4. 2 Korinth 14:2 Greek Laisiangtho masa pen ah “Lalei alla Theawi” (pasian khat peuh peuh tungah gen = adiak diak in nusian) “he speaks to a god” cihna hi a, Hih lai mun ah “Glosso” zang ahih man in “Bual Bual Pau” apau ten “nusian” (PASIAN ahi lo) tung ah apau cihna ahi hi.

5. Paul zong “Kamtuam = Glossa” in pau hi”

Theihding : Bual Bual Pau “Glosso” hi lo hi. 2 Korinth 14:18 (Paul in Hebrew, Latin, Greek, Aramic pau cihte apau agen hi.

6. Laisiangtho in “Bual Bual Pau = Glosso” tawh kam tul sawm (10,000) pau sang in “Kam Tuam = theih pau “Glossa” tawh mal 5 bek pau deih zaw hi. (2 Kor. 2:19).

7. “Bual Bual Pau = Glosso” tawh apau a om leh kamphen om ding hi (2 Korinth 14:28).

Theih ding: Kamphen omlo in kipau teitei in Laisiangtho gen manglo cihna hi pah hi.

8. “Bual Bual Pau = Glosso” a pau teitei a om leh khat khit khat a pau ding hi.

2 Korinth 14:31 “khat khit khat” ci tek tek hi)

Theihding : “Bual Bual Pau a pau teh khat khit khat a pau om nai lo in kituh ngeingai in Laisiangtho tawh ki tuak lo hi.

9. “Bual Bual Pau a pau nuam tan tan a om leh a tam pen 3 hi ding uh a (one by one hi ding uh a) Kamphen om ding , a om kei leh lah pau vet lo ding cih hi. (2 Kor. 14:29).

Theih ding: Laisiangtho gen a zui nuam lo veve a om lamtak kimu hi.

10. Matte 12:32 ah Khasiangtho gen siatna leh “Bual Bual Pau a ki sai hiam?

Dawnna : kisai lo hi. Khasiangtho zong ki bua nai lo hi. “Bual Bual pau (glosso) cih tha dah “Kam tuam (glossa) zong om nai lo hi. Zeisu I Messiah hihna pen Belzabul (Dawi te ukpa) cihna tawh kisai hi. “Gospel” Gupna thu naakpi tak aa ki genna a hei khia “another gospel” = gospel dang a kici vun-atna, zehtanna-te thupi genna) tawh akizom aa Dawi mangpa in thu-umte hong man lah sak na ding a, a zat pen “Bual Bual Pau (Glosso) ahi hi.

Kamtuampau adeihte Dawnna

• Kamtuam pau pen a lamdang Pasian nasepna, a hih man in Thupi hi. A hi zong in zang khai zat ding lauhuai a, zong kisin na tawh pau theih hi lo hi, Khasiangtho piakte bek pau thei uh hi.

• Kamtuam pauna Laisiangtho sungah om hetlo maw? A om mah hiam? cih ih kikum to nuam hi.

Ei upna tawh aki tuak lo peuh mah lang bawl pahna pen a hai vai pen te lak ah khat na hi gige hi. Tua bang gamtatna in ih kha ki gamla sak semsem aa Pasian tawh kizopna a khak tan a hi hi. Kuamah in ih nuntakna hong iplah het lo ding ban ah Pasian tawh kituak nuntakna na hi hetlo hi.

• 1 Cor. 14:2 Kam tuam pauna pen mite tung ah thugen hilo a Pasian tungah kizopna hi.

• Sawl 2:4 Khasiangtho tawh akidim khitteh kamtuam pau thei sak bek hi. Kamtuam pau thei lo khat khat tawh kidim nailo cihna hi pah hi.

• Sawl 10:46 Kamtuam tawh Pasian minphatna kimu hi.

• Sawl 19:6 Khasiangtho a tun bek ciangin kamtuam ngah uh aa tua tawh thuhilh thei bek uh hi.

• 1 Cor. 12:10 Khasiangtho tawh kizom aa khasiangtho kamtuam pau theihna thupha pia hi.

• 1 Cor. 12:28 Khrih pumpi a kimsak..kamtuam pauna hi.

• 1 Cor. 12:30 A vekpi mah un kamtuam pauthei lo, a vekpi mah un kamtuam pauna a khiatna thei lo uh hi.

• 1 Cor. 13:1 Pau tuam tuam ka theih hangin itna ka neih kei leh amawk na pi na hi ci leu leu hi.

• Mark 16:17 Jesu in agenna ah, “amah a um mite tungah .. pau lamdang pau thei sak hi.” Jesu ih up kei leh kamtuam pau ki zadah aa amite zong ki mudah zaw lai hi.

• 1 Cor. 14:2 Kamtuam paute na kham kei un, na ko dah un” ci laimal om ahih manin Pasian thu tawh kisai mite ih ko ding leh ih kham ding hong phal het lo na hi hi.

Hih 10 teng bekbek tawh zong tel huai mahmah hi. Laisiangtho en mello in ei ngaihsut tawm tawh akituak kei leh thungen in ih tel baih nangin Laisiangtho ih sim ding a thupi ahi hi. Kamtuam pau na pen mi tawh kizopna hi lo aa, Pasian tawh kizopna ahih manin hih te kitel khial baih mahmah hi.

Ref: Kamtuam Pau tawh kisai