ZSS Qtr 3: SAWL TAAK THU BU

KHANGCING PAWL

NIPI LAISIANGTHO SINNA

SAWL TAAK THU BU

Agelh: Wilson Paroschi

July, August, September

2018

Sabbath School Lesson

တီးတိန္ခ်င္းဘာသာ

ပံုႏွိပ္သူူူ

ဦးဖုန္းႏိုင္ (၀၀၃၅၄)

မန္ေနဂ်ာ

ကင္းေစာင့္ပံုႏွိပ္တိုက္

၂၀၆ ေရႊသစၥာလမ္း၊ ရန္ကင္းၿမို့နယ္

ရန္ကုန္ၿမိ႕

ထုုုတ္္္ေ၀သူ

ဦးေစာထီမေသ (၀၀၅၈၉)

ဥကၠဌ

ျမန္မာျပည္သတၱ မေန႔ဥပုသ္အသင္းေတာ္

၆၈ ဦး၀ိစာရလမ္း၊

ရန္ကုန္ၿမိ႕

အုပ္ေရ - ၁၂၀၀

ဓမၼဒါန

ပထမအႀကိမ္

THULU OMTE

1.  Ka Teci Te Na Hi Ding Uh Hi... 6

2. Pentecost........................................... 16

3. Pawlpi Masa Hun Lai A Nuntakzia          26

4. Pawlpi Makai Masate................... 36

5. Paul Kikheelna............................... 46

6. Peter Nasepna................................. 56

7. Paul Nasep Khualzin Masakna.. 66

8. Jerusalem Ah Thukikupna (Council)      77

9. Nasep Khualzin A Nihveina....... 88

10. Nasep Khualzin a Thumveina.. 99

11. Jerusalem Ah Kimatna.............. 110

12. Caesarea Ah A Kikhumcipna.. 121

13. Rome Ah Khualzinna................ 13

LUNGDAMNA THU I GUALZAWHNA

Jews mi pawlkhat in Kha Siangtho makaihna tawh leitung bup ah lungdamna thu apuak hun in leitung khang-thu a kilamdang sak a thupi mahmah kum sawm thum hi ci in leitung tangthu siamte in genciat uh hi. Sawltak thubu in tua a thupi kum sawmthum ahi Jesu sihna pan a thawhkik hun AD 31 pan Rome khua ah Paul thongkiat masak hun AD 62 (Sawl. 28:30) sung a thupiang te hong gen hi. Tua hun khit deuh in hih Sawltak thubu a ki-at hi dingin ki um mawh hi. Ahang in, tua nung thupiang te genna om nawnlo hi. Thong pan a suahtak khit zawh AD 67 Paul a kithat dong Pasian nasem in khualzin zel hi.

Hih Sawltak thubu a at mi min kidawk lo hi. Ahi zongin, pawlpi masa te in “lawm it siavuanpa” (Col. 4:14) ahi Paul khualzinpih Luke (2 Tim. 4:11; Phil. 24) in um ciat uh hi. Luke pen lungdamna thumna ahi Luke a gelhpa dingin ki um a, a laigelh zia tawh kizui in Sawltak thubu zong Luke at mah hi ding hi (Sawltak 1:1 leh Luke 1:3 etkaak in). Luke thubu leh Sawltak thubu in Christian biakna a kipatna laibu thupi nihte hi.

Luke leh Sawltak thubu kigawm in Thukhun Thak iu sehthuam suah sehkhat dektak (27%) bang hi a, khat guak gelh lak ah a tampen ahi hi. Colosian te tungah a laigelhna ah Paul in Luke pen Gentile naseppih, vun ki-atlo ahih na hong gen hi (Col. 4:7-14). Tua hi a, Jew mi ahilo Thukhun Thak at Luke bek ahi hi.

Hih thu in Luke thubulphuh pi ahi hotkhiatna in mi khempeuh a ding cih thu hong telsak hi. Pasian in maipha piaktuam neilo hi. Mi khempeuh, nam le phung, numei le pasal deidan lo a lungdamna thu puak dingin pawlpi hong kisawl hi (Sawl. 1:8; 2:21; 39,40; 3:25; 10:28, 34, 35). Deidanna leh nopsaklohna hang bek tawh tua bang

seplohna in Pasian kammal hong hilhna tawh kilehbulh a lungdamna thu i deihna siasak hi. Eite khempeuh Pasian mai ah i kibang khin a, Jesu Christ sung bek a om hotkhiat-na a kisam mawhneite vive hi hang.

Gentile te tungah lungdam thupuak ahi Paul nasep-na Luke in a limgen deuh na hang zong hih thu hangmah ahi hi. Sawltak thubu sehthumsuah sehnih in Paul nasep-na thu gen hi.

Sawltak thubu a kimu a dang thupi khat in Pasian ukzawhna leh Ama geelna (Sawl. 17:24,25; 20:27; 23:11), Jesu pen Topa leh Honpa aa lapsangna (Sawl. 2:32, 36; 3:13, 15; 4:10-12; 5:30, 31), leh a diakin Pawlpi nasepna ah Kha Siangtho panlaak makaihna leh vangliatna ahi hi (Sawl. 2:1-4; 4:2-31; 8:14-17, 29, 39; 10:19,20). Paul sep bangin nungzui dangte in sem theilo leh sem zolo phial ding hi mah ta leh, a taktak in pawlpi masa te gualzawhna in mihing pilna leh siamna hang hilo hi.

Sawltak thubu in pawlpi kiphut ma nasepna te, ki-ukna leh upna khantoh hun lai thu te hong gen hi. Gentehna in, Jesu hong paikik hun, Gentile te omzia ding, leh hotkhiatna ah upna in panlaak cih dotna te tampi kimu thei hi. Hun tomno sung in pawlpi masa te nasepna in kiniamkhiat a Pasian kiang thungen ki-ap mite tungtawn in Pasian minthanna ding a lamdang Kha Siangtho nasepna hong telsiam sak hi.

Sawltak thubu in nasem ding a kisam mite tangthu leh tua nasep zawhna dingin a hong kisam eite in amau tangthu bang bang sin thei ding cih thu ahi hi.

Wilson Paroschi pen Sao Paulp khuapi a om Brazil Adventist University (UNASP) ah Thukhum Thak telkhehna ah professor khat ahi hi. Andrews University pan Thukham Thak tawh PhD 2004 kum in zo hi. 2011 kum in Germany gam University of Heidelberg ah postdoctoral zo hi.