FSS ZIRLAI 10: AMERICA LE BABULON

ZIRLAI 10                                     June 2-8 

AMERICA LE BABULON

---

SABAT TLAI LAM:                                      June 2

TUZARH SIAR DING: Rev. 13:1-12; 14:9-11; 16:2; 19:20; 20:4; Jer. 51:6,7,53,57; Rev. 18:1-4.

BIBLE CANG KEN: “Puan hmangfem ih tahmi hnipuan a hruktu vancungmi in, cuih canah na minungpawl a kilvengtu vancungmi maksak, Mikhael a lang ding. Hi miphunpawl hnenah an thawhkeh ihsin an ton dah lo mi harsatnak nasa zet a thleng ding. Cuih tikcu a kim tikah Pathian cabu sungih hmin nganmi na miphunpawl cu runsuak an si ding” (Dan. 12:1).

SETAN (rulhreng) le leitlun ih thu nei zet pahnih tangtlang in Pathian zumtupawl parah hremnak an tuah ding.

Rev 13:1-10 ah tifinriat sung ihsin sahrang a hung suak mi kha tlavang, vom le kiosa tiin (Rev. 13:12) thu kha (Dan. 7:4-6) sungih sahrangpawl kha taksa pakhat parah an zaten a langter theh. Zirlai 6-nak ih kan zoh mi vekin Dan. 7 kha Babulon (kiosa) lal ram a ding hnu ah Medo le Parsia (Vom le Grik (tlavang) cuih hnu ah thuneibik lalram Rome a hung suak. A hramthok ah milem biaknak ram in a ukih a hnu ah Rome Pope lalram ah a thleng theh. Cule sahrang palinak ihsin a hung suak mi thu nei zet Kifate a hung suak (Dan. 7:7,8,19-21,23-25). Phundang zetin Rome ih um Pope thuneihnak a um ih, midang thawn an bangaw lo (Dan. 7). Kha mi kha Rev. 13:1-10 ah tifinriat sungih sahrang in a langter sal. Bible zirsangpawl in Rome hi midang dodaltu, Thuphuan 13 ih can neta thil thleng dingni tlangzarhnak a si.

Rome hi amah lawngin a lang lo, lal thuneihnak dang a langter. Tuzarh sungah Thuphuan 13 sungih thil cangmi le thuneihnak langtertu kha a tlangpi in kan zir ding. Cumi cu thusuhnak an tuah theu mi a si. Hi thil cangmi ih tican ziangso a si? Cumi hrangah ziangvek in so kan timtuahawk ding?

THAWHSAL NI                                           June 3

THIHPITLAK HLIAMHMA DAM

Rev 13:1-10 siar aw. Himi thupawl in Pope thuneihnak ziangso a sim duh? Ziangah so hlanih Pope thuneihnak le a ralai dingmi ih thuneihnak pahnih fehdan ziangtin so a langter. Uar zetin a umdan a langter mi kha hminsin aw. Himi in ni neta ih thil cang dingmi umdan ziangpawl so a langter?

Pathian hi kawhhran hmuahhmuah ih minungpawl hnenah rinsantlak mi rinum a si. Thuanthu sung ihsin a lak mi a si ih a tuah dingmi kha Bible in felfaiten a tarlang. Ni neta ih thil thleng dingmi khalah hivek thotho a si ding.

Thuphuan 13:3 siar aw. Thil cang mi ziangso a um. Rom thuhla fel zetih in zirhmi ziangso a si?

Rome Kawhhran hi sakhuanak, thildang a phunphun, ram kheldan tiangin nitlaknak ram khawvel ah a tlaitluan in a thupibik mi a si. Rome siangpahrang Henry IV nakih thuanthu kha Pope thuneihnak hmuhsaknak ah hmang sehla. Pope Gregory VII nak in siangpahrang Henry parah a thin a hengih Pope lalnak ruh kulh sungah siangpahrang cu remnak tuah dingin a lut. Siangpahrang Henry IV nak cun Pope ih ngaihdamnak ngahih a bawi tohkham hmaiah lut theinak dingah rulh kulh sung tualah thlatang vurtlak laiah nit hum sung kedam hruh loih dingin a hngak. Gregory VII nak pain siangpahrang lalnak khaisannak le thumnak a tuahmi kha tluangkhawngin nehnak a ngah mi parah a lung hmui zet. Zabi 18 laiah remthatnak in a luah khatih ruahnak dik nei dingah French ramkhel buainak khalah Rome-pawl ih ramkhelnak le sakhuanak, lal thuneihnak in a uk ih remthatupawl tla an thekdarh theh. Kum 1799 ah thawnginn sungah a thi mi Pope Pius VI nak kha French ralkap in 1798 ah an kai ih, Pope lalnak thuneihnak kha a cem ih, thihpitlak hriamhma a tuarnak a si.

Thuphuan 13 ah thihpitlak hriamhma a damsalnak a um ih, nunnak a neisal tiah a sim. Gregory VII san laiah ral hriamnam thawn rampi thuneihnak phun a neihmi kha tui nitiang ah Rome-pawl in an nein awn lo. Pope ih thuneihnak an neihsal mi kha tu baite lawngin a si ih, lungawi za ngaingai a si. Sakhuanak le ram uknak tiangin lal thuneihnak a hmangih (Santhar thuanthu ngan miih hmuhdan ahcun 2015 ah American dan thu an zohfel ih mipi hruaitupawl zungpi ah sakhuanak le ram uknak thu ah Pope Fransis ih thu simmi ah an thuneihnak hmaisabik a hmanmi kan hmu) simsung thu kan zoh mi vekin himi thuneihnak lawng hi a thangso vivo dingmi a si.

Thucah sim ding tuanvo pekih kawhmi kan si ih, huatawknak fate khal um lo dingin le thucah rinum zetin ziangtin so kan sim thei ding. Ram uknak dan tuahtupawl ih soisel ding um loin, an tangah kun loten um dingin tlaitluan thutak kan sim phuang thei ding, ziangah so a tul?

TLAWNGKAI NIKHAT                                 June 4

SIMSUNG THU IH U.S.A

Thu an suh theu mi cu: Tui sanah le hmailam canah Rome in hlan lai vekin thuneihnak an neisal kem? Kha mi kha Thuphuan 13 ah ngan in a um. Hlanlai ih an tuahdan vekin cumi ni ah ralkappawl kha thupeknak a tuah ding. Thuphuan 13 ah cumi ih a phi kan hmuh thei mi a um.

Rev 13:11,12 siar aw. Himi thuneihnak neitu zoso a si? Kan theihthiam dingah hminsinnak ziangvek in so in bawm?

Himi sahrang hi hlanlai ah a rak um zo mi a si. Protestant-pawl in can reipi Rome an hmuhdan ahcun thla 42 sung kha thuneihnak pekmi a si (Rev. 13:5). Thla 42 hi kum thum le hrek thawn an bangaw (Dan. 7:25 le Rev. 12:14). (or) Simsung thu ih ni 1260 ti mi (Rev. 12:6) a si ih, Pope in amah dodaltupawl a hremnak le thuneihnak a neih sung can a si. Simsungnak ih can tuatdan ah (ni khat kha kum khatih reldan a si). Pope thuneihnak kha AD 538 ihsin thokin 1798 kum tiang a si. AD 1798 ah Pope thawng an thlak a si. Cui canah Pope thuneihnak kha thihpitlak in hriamhma a tuarih himi hi simsung thu a thlen famkimnak a si.

Himi thuanthu ih thla 42 a cemnak 1798 kumah thuneihnak dang a hung umsal (Rev. 13:11; 13:1). Cui thuneihnak cu lei sung ihsin a hungsuak, a hlanih thuneihnak dangpawl thawn an bangaw lo, a dang cu ti sung ihsin an suak (Dan. 7:2,3). Tipi timi cu mipi tampi umnak tinak a si. Na hmuhmi hlawhhlang nu ih tonak tipi kha a thangso zo mi mipi tampi umnak ram le miphun tinak a si (Rev. 17:15).

Himi thu hi American ram a relnak rori a si. Himi ram hi ramdang uknak tangah a um loih minung um dahnak hmun khal a si lo ruangah hi vek ram le thuneihnak nei an um lo.

1798 ihsin a hung thangso mi thuneihnak neitu leitlun ram pakhat a si ih, cahnak le ropitnak leitlun mipawl ih uar mi le rinsan mi a si ko lo sawm? Hi tahthimnak a hmanmi in thu elnak um thei lo dingah a tuah. Ram uknak pakhat lawnglawng hi simsung thu ih a tarlang mi a si ih, USA American ram hmuhsaknak a si ti mi hi a palh thei lo mi a si. E.G White, The Great Controversy. Pp. 440.

Himi uknak hi tuufa ki pahnih nei ti in a tarlang ih, tuu timi in nunnemnak a khihhmuh. Cui ram uknak in “rulhreng tongin a tong” (Thup. 13:11). A sim duhmi cu uknak thuneitu dangpawl ih kut tangah hremnak a um vekin a tuah leh ding tinak a si. Rev 13:11-17 ah Rome in simsung thu rak phuan mi thuneihnak ih a rak hruainak ziangvek in so a hmang. Kha mi thuneihnak kha U.S.A American phenih a um mi a si.

TLAWNGKAI NIHNIH                                  June 5

BIAKDAN DING THUSUAHNAK

Sakhua thuanthu hmuahhmuah ah milem biak le biaknak fehsualnak thu ah Pathian in a cingfel theu (Matt. 4:8-10). A netabik buainak Thuphuan 13 ah Biaknak thu a suaksal ding mi kha a tarlang. Pathian fapawl in an rianmi le an biakmi ah duhhrilnak an tuah a tul (Josh. 24:15).

Zirlai 2-nak ah Daniel le can cemnak thuah sui milem tumpi be dingih fialmi Hebru tlangval pathum thuanthu kan zir (Dan. 3:5). Thuphuan 13 ah kan hmuhsal mi ih tongkam hmandan ah can cemnak ih a um mipawl in hremnak an tuar ding thu a tarlang sal. Dan. 3 ih thil thleng mi hi ni netnak ih a thleng dingmi rak langter sungmi a si. Thuphuan 13 ih sahrang thuneihnak a tarlang mi ah mi hmuahhmuah milem be dingih thupek mi a si (or) meipi sungah hlonih thah ding an si. Thuphuan 13 thawn an bangaw ih sahrang ih mi zuk biak lotu cu thah an si ve ding (Rev. 13:15).

Rev 14:9-11; Rev. 16:2; Rev. 19:20; Rev. 20:4 siar aw. Biaknak thuthawn pehaw in a ra thleng dingmi tihnung zet ziangso a si?

Babulon hi biaknak fehsualnak ih khawlipi a si ringring. Babel in sangdawl mi in a saktupawl ih tumtah a langter. Cumi cu Lucifer in mero tlunah kai in to a tum mi vek a si (Isai. 14:14). Leitlun pumpuluk tilik a tlung laiah anmahte in runawk a tumaw mi thawn an bangaw (Gen. 9:8-11). Babulon thar kha minung kutsak mi siangpahrang cawisanawknak vek a si. Nebukhanizar in “A ropi zetmi Babulon ka kut ih sakmi” tiah a porhaw (Dan. 4:30). Cui hnuah Belshazzar in Solomon biakinnpi sungih sui khuathai pawl kha puai tuahnak ih zu innak ah a lak ih Sabit zu innak ah a hmangih sui, ngun, dar thing le lungih tuahmi milem pathianpawl an thangthat (Dan. 5:34). Biakinn sungih khuathai thianghlim a sunglawi zetih hmanmi cu riter theitu Sabit zu innak ah an hmang ih an zaten thleidan thiamnak an thinlung a hloter theh. Babulon a sungih siatsuah an si thehnak kha a rahsuah an ton mi a si. Babulon zu in thihnak tlak lenglam thatnak thutakawkternak in kanmah siatsuah dingah in bum thei. A dik lo mi biaknak le ruahnak sualpawl hi Setan uknak ram ah a tlaitluan ih an hmanmi a si.

TLAWNGKAI NITHUM                                June 6

A MAKSAK ZETMI BABULON

A tangih Bible cangpawl siar aw. Babulon thu ziangso in sim  (Jer. 51:6,7,53,57; Zec. 2:7; Rev. 17:5,6; Rev. 18:2,3).

Sakhaw fehsualpawl ih khawpi kha Babulon a si tiah mizanah kan zir. Can netnak lamih miphun hmuahhmuah bumtu thiltithei zet tahthimnak thawn a remaw zet.

Rulhreng, tifinriat sungih sahrang le sahrang senpi thawn zohthim aw (Thup. 13:1-3; Thup. 17:3; Thup. 12:3). An bangawknak ziangso a si? Ziangmi so an danglamnak?

Sahrang pathumpawl in ki pahra le lu pasarih an nei cio. Dan. 7 sungih a simmi sahrang ki le lu pawl a langter sal. An hlanih a ummi ram uk thuneihnak par ihsin pehzom in ram an dinsuak vivo. Sahrang sen in rulhreng le tifinriat sung ihsin a hung suakmi sahrang sinak a zate komin a langter (Pope thuneihnak kha Rome uknakpawl khihhmuhnak a si). Cuvek in lei sung ihsin a suakmi sahrang (Rev. 13:11-14), Pathian dotu a langte ih pawlkomaw pawl an si (Jacques, B. Doukhan, Secrets of Revalution, The Apocalypse, Through, Hebrew Eye (Hagerstown, md: Review and Herald. Publishing Association, 2002). Pp. 162). Thuphuan 17 ih a bet sal mi thupawl cu sahrang sen parih totu nunau, cozah thuneihnak le sakhuanak komawknak a khihhmuh a si. Himi nunau hi Thuphuan 12 sungih fala thianghlim thawn a bangaw lo a si.

Fala Thianghlim (Thup.12)                Hlawhhlang (Thup. 17)

1.Van ah                                              (1) Tifinriat parah

2.  Ni ih thuamaw                                (2) Mepian le puan sendup ih thuanaw

3.  Arsi hleihnih lal lukhum                 (3) Sui, tikep lung le lungman tamih thuamaw mi lukhum

4.  Rulhreng in a do                             (4) Rulhreng ih bommi

5.  A tangmi Khrihfa bu ih nu             (5) Hlawhhlangpawl ih nu

Hlawhhlangpawl ih nu a si vekin, amahte ih cithlahawknak in a buai zet. A umnak kawhhran phatsantu nu, in phatsantu fanu tampi a hring. Pathian kha fehsual mipawl neitu a si lonak a phuang lang. Phatsantu Khrihfapawl cun rapthlak zetin sual an tuah. Pathian zumtu taktak pawl cu rulhreng in a do ih, kum za tampi sung tikcu pekmi le venhim an si ve.

Rev 14:8, Babulon siatnak kha mipipawl hnenah ralrinnak pek a si zo. Thutak an pialsan ih sahrang hminsinnak hmangin ni neta ih bumnak sungah hruaisal ding an si (Rev. 14:9-11). Himi ralrin peknak hi nasa zet le hmual nei zetih simsal a si ih, Babulon zirhnak sungih a um lai mipawl tiangin nunau nui sung ihsin tlansuak dingin ni neta ih atanglai mi Khrihfa thawn komaw dingah Pathian in kawhnak vawrtawp a tuahmi a si (Rev. 18:1-4).

TLAWNGKAI NILI                                       June 7

KA MINUNGPAWL NUNAU NU HNENIN SUAK UH

Kum rei lote ah Bible simsung thu zirtupawl in leitlun ih thil thlengmipawl hi simsung thu zulin a um an ti ih mak an ti nasa. Can cemnak thawn pehaw in an hmu hleice. USA American ih hnatuan danpawl kha ruat aw. Kum 1851 hlan thuah kirsal awla Adventist-pawl in American hi sahrang pahnihnak huham neitu a si tiah an sim zo (Rev. 13:11-15). Hlanlai khawvel kum 1800 hrawngah thuneihnak sang zet neitu an um ih, Prussia, Frace, Austria, Hangary le England pawl an si. Cui sanah U.S.A American sinak hminsintlak cu daihnak an neih can a si ih, an ram ralkappawl tla thawng kul tluk an si. Cumi lak ihsin thenhra ih thenkhat pawl kha Waterloo ral donak (1855 kum) ah ral dotu an si. 1814 kum a thlen hlan kum 40 a rak liammi ah British-pawl in an rak do ih, Washington D.C kha mei in an rak urkang. 1867 ah Sitting Bull’s mi ralthapawl in US ramih ralbawi (7) nak Custer ih hoha mi rang ralkap bu khatpawl kha an that fait heh. Cui hnuah America ram hi leitlun ah sahrang hminsinnak nei dingah thuneihnak neitu a si leh ding tiah hrilfiahnak a tuahtupawl in an rak sim zo. Anmah le an ram leilung ciar ihsin American-pawl an do rero ding nan, an neh lo ding.

Leitlun ih thil cang mipawl hi kan zum mi vekin a rak famkim rero mi hi mangbang ding a um lo. Can cem tiangin thil tampi ra thleng bet dingah phuan zo mi a si. Curuangah sahrang hminsinnak thu reltlannak ah amah hi a thupibik ih hmuh mi a si ih, amah vek zohman a um lo. Thukhaam palinak a thlun lotu tla a si.

Cuhlei ah phuan tulmi tampi a um lai.

Rev 18:1-4 siar aw. Thil cangmi ziangso a um? Himi hi kan hminsin ding ziangah so a pawimawh. Leitlun ih hnatuan dingmi thuah in zirhmi ziangso a si?

Himi Bible cang in leitlun ih ramkhelnak le uknak, thinlung put ziaza, thlarau lam thuah ruahsannak a um lonak thu a langter. Leitlun ih sakhua zirhawknak ah a sualmi in midang siatnak ding khawkhannakpawl a langter. Cui canah van ihsin vancungmi pakhat a tleu zetmi in leitlun a tleuter ih an hrangah ruahsannak sunglawi a pek. Pathian hnenah rinum zetih a umtupawl ih theih tulmi rak zir lotupawl kha Babulon ihsin suak dingah kawh an si. Himi hi can cemnak lamih thleng dingmi a si ih, Pathian a zumtupawl kha Babulon uknak sungih an um lan khalah Pathian hnenih rinumnak rak tuah zotupawl an si.

Babulon ih a um lai mipawl kha Bawipa in, “Ka minung” tiah a kawhnak kha kan hrangah sullam ziangso a neih? Midang thawn kan pawlkomawknak ah hngilh lo dingah ziangah so kan hrangah a thupit?

TLAWNGKAI NINGA                                   June 8

RUAHBET DING: Setan in Pathian daan a dodal ih Pathian khal a do. Pathian thuneihnak le a uknak lalram tiangin a dodal. Ni netnak ahcun doawknak netabik kha a tawp khawk a thlenpi ding. Setan in Pathian thukhaam thluntupawl kha a do lehsal ding (Rev. 12:17; 14:12). Leitlunah Pathian ai-awhtu le upatnak petu an si ruangah cumi nunpi thei lo dingin dodalnak a ummi a si. Pathian dodalnak kha vanah hlan laipi ihsin a rak tuah zo ih, kan umnak leilung tiangin a sunzom vivo. Van ih doawknak ah a sung zo ih leitlun khalah a sungsal. Vanah doawknak a suah thok laiah Setan ih a tumtah mi cu Pathian thukhaam hlonhlo ding hi a si.

Himi a tuah famkim thei lawng sersiamtu do dingin ral donak tualrawn ah a lut thei ding. A sung ruangah van ihsin hlonthlak a si ih, a ral donak thuam kha leitlun khalah a hmang vivo. Pathian dan buarih sualnak tuah dingah minung kha a bum ih zinpengah hruai hloih a dungthlun thei dingin a tumtah. Himi tuah famkim thei dingah cun thukhaam hlon fait heh ding. (or) Dan thu pakhatte kan hnon mi ih thaman kha a zate ih hnonnak tha man thawn a bangaw. Thukhaam zate lakah hmuitin mi pakhat nei in a zuam rero ih, a thununnak tangah amai nun cawnnak hi daan buarnak a si ih thukhaam zate buar mi sualah a cang (Jame 2:10). E.G White, The Great Controversy. Pp. 582. RELTLANG DING:

1.   Nan zir canah leitlun thil thlengpawl reltlang uh. Nineta lamah kan zum tulih a ummi ziangso a sawh duh. A thupi phuan tul ziangso a um lai? Bible simsung thu le E.G White cangan mi ah ral tha zetin ni le thla can tuatin thu lungkhen nei ih ral tha zetin kha can hminsinnak simphuannak tuahnak thu ziangtin so kan hrial thei ding? Fimkhur ih kan kilhimawknak ziangtin so kan zir ding?

2.   Biaknak ih thubuai kha ruat rero aw. Thildang biaktimi ziangso a si? Mi tampi ih an biakmi ziangtin so kan biak ve thei?

3  Babulon khawlipi ah Pathian in a mi le sa pawl a neilai timi kha ruat aw. Babulon a sim duhmi ziangtin so kan theihfiang thei ding? Ram uk thuneihnak le sakhua thurin an zumnak san a tlaih lonak thucah midang hnenah sim ding tuanvo kan neih thu ziangtin so in zirh?