ZIRLAI 9 May 26- June 1
CAN NETNAK IH BUMNAK
SABAT TLAI LAM: May 26
TUZARH SIAR DING: Rev. 2:13,24; 2 Cor. 11:13-15; Ps. 146:4; Gen. 1-2:3; Rev. 13:1-17.
BIBLE CANG KEN: “Rulhreng timi khuahlan rulpi, khawsia a si lo ah Setan tiih kawhmi leilung pumpuluk a bumtu cu a vancungmipawl thawn van ihsin leilungah an vun hlon thlak” (Thup. 12:9).
SETAN kha van ihsin dawi a si hlanah van mipawl bumtu a si. Lucifer in a lungkim lonak van mipawl hnenih phuangdarh dingah Pathian hmaika a umnak hmun ihsin a suak.
Pathian tihzah upatnak langter cingin a thupte ih a tumtah mi kha lang lo dingin a tuah. Van mipawl hnenah thukhaam parih a lungkim lonak le a thinnatnak a langter ih, anmah thawn nelaw zetih komaw in Pathian thukhaam a tul lo timi thuthawn a temtawn theinak dingah a lem rero. E.G White, The Great Controversy. Pp. 495.
Eden ahcun amai sinak ngaingai thawn a lang loih Eve hnenah rul ah cangawter in a bum lala. Kum thawng tampi hnu khalah sankhat hnu sankhat tuini tiangin mi a bum ringring (Pro. 20:8). Amai ni netabik canah hlawknak ngah thei dingah a zuam rero a si.
A mak zetmi cu amah kha mi piang zet a si, thiltitheinak tampi a nei ih, kanmah hnakih fim depde a si. Curuangah a hrokhrolnak ihsin kan venhimawk theinak dingah Jesuh thawn kut kai-aw ringringih a thu vekih kan nun a tul. “Bawipa nan Pathian a rinsantu nannih cu tuisun tiang nan nunglai (Danp. 4:4). A thupi zetih an tuahmi “Bawipa rinsan in tuini tiang nan nunglai” tivek in kan um ve a tul.
Depde zetih Setan bumnak hlawhtling ngaingai mi ihsin kan him theinak dingah tuzarh sung kan zir ding.
THAWHSAL NI May 27
A MAK ZETMI BUMNAK
Lei le van huapih thu cuhaw/elawk nak zirlai hmaisabik ah kan rel tlang zo. A poi ngaingai mi cu van kumpi boruak lanih a thleng thei mi kha a si.
Hihi a poi zet, Khrihfa siseh, midang siseh, doawknak mak an zum lo ahcun Setan a um timi khal an zum lo. Bible ih a simmi Setan (or) khawsia thu le leitlun ih thil tha lo a si mi natnak le siatnak a um mipawl kha fim zirnak, fimthiamnak thawn simfiang an tum. Mi tampi in an ruah ngaingai mi cu Star war timi milai pakhat ih thiltitheinak sangbik cu midang siatnak dingah thilthar tuahnak fimnak hawlnak in a luah khat theh.
A tangih Bible cangpawl siaraw. Thuphuan sung thu lawngte an si. Setan ih mizia taktak ziangso in zirh? Lamdang zetin ni neta ah ziangtin hna a tuan ding ti in zirh. Rev 2:13,24; Rev. 12:3,7-9,12,17; 13:2; 20:2,7,10.
Thuphuan bu in ni netabik ni ah leitlun mi hmuahhmuah Setan thiltitheinak in a uk theh ding tiah a langter. Rundamnak ngah lo ding lawngin a hruai lo dingih Jesuh kha rinum zetih zumtupawl hrem dingin a hruai ding.
2 Corin 2:11 ih thu kha Setan ih hriamhrei pawl a ti ih Grik tongin “neomata” timi tongfang a hmang ih ‘mind’ thinlung tiih lehlin a si. Setan a um lo rori a si tiah minung ih zum dingin a tuah mi kha bumnak nasa bik a si. Kan ralpai huham thlazar hnuaiih beunak a hawltu cu a dik ngaingai mi thil a zum thei pei maw? A mak tukmi cu Khrihfa tiawpawl khalin setan timi khawsia hi a um rori ko tiah khoh zetin zumnak an nei lo. Daithlang zetin Khrihfa dinhmun kha an kai ringring. Bible thu hrampi lehlin nonsal rero mi a si ruangah leitlun cemnetnak kan nai sinsin vekin bumnak ih neh a tumnak kha a langter. Curuangah mi tampi in Bible ih thil cangmipawl hmu hman sehla Setan a um rori ti an zum lo. A thupi zetmi Bible thu theithiam dingih in zirh mipawl kha hmual nei zetin in theihter sal.
A thupte ih Setan thil tuah tummi kha thuphuan in a sim. Ni netabik ni ah Thuphuan 12 sungih thu, ruahsannak sunglawi ziangso kan hmuh thei? Khawsia do theinak thiltitheinak khui in so kan ngah?
TLAWNGKAI NIKHAT May 28
A NASA ZETMI PALHNAK PAHNIH
A tangih Bible cangpawl siar aw: Setan thiltitheinak ih bumnak thu ziangpawl so in sim?
2 Corin 11:13-15 ………………………………………………
2 Thess 2:9,10 ………………………………………………
Rev 12:9 ………………………………………………
Rev 20:10 ………………………………………………
Kan zir zo mi zirlaipawl hminsin aw. Can netnak ih bumnak thu Jesuh in a dungthluntupawl hnenah ralrinnak thu a sim. Khrih deu le Profet deu-pawl a hleice in an suak dingih mi tampi an bum ding tiah a sim (Matt. 24:5).
Khrih deu le Profet deu pawl hi can netnak ih bumnak lawng si loin kan ralrin dingmi a si. Do-awknak mak ah bumnak in neh a tum ih, a cang theitawk in in bum ding. Neh tumih bumnak kha Khrihfa kan si vekin ralrin kan tul. Bible thu zirhmi vekin zawnlung ih thuthlunnak lawngin kan neh thei ding.
A mak zetmi bumnak pahnih thu E.G White ih a simdan ahcun: Minungin thi thei lo thlarau neihmi le Sunday Pathian biak ni ih hmannak hi a rapthlak mi palhnak pahnih an si. Setan in himi bumnak pahnih hnuai ah mipi a kharhkhum. Mithi thlarau thawn biakawk theinak in hlanlai ah hram a rak thok. Cuih hnuah Rome thawn lungrualnak an tuah. America ramih Protestant-pawl hi mithi thlarau biaknak sakhua thawn lungrualnak tuah hmaisabiktu an si. Cuih hnuah thuneihnak pathum ih hruainak Rom kut tangih um dingin an karlak ih thenawknak nasa zet a ummi kha rualremnak an tuah. Cule a dingfel mi le a thianghlim mi ansia tha thleidannak cu Rome in a ke tangih palbek dingin cui ram uknak cun a hun dawi vivo. The Great Controversy. Pp. 588.
Himi thu a ngan hnu kum reipi tiang kan zum thei ngaingai lo. A nasa zetmi palhnak pahnih hi hmuntin ah ziangtluk in a khat zo ti a tu ah kan hmu ih, Khrihfa khawvel ah a um vivo lai ding ti khal kan thei.
Bible thutak kha thinlung takte ih theih le thlunnak hi ni neta hrangah a hleice in Setan bumnak dodal dingah ziangah so hreihriam thabik a si thei.
TLAWNGKAI NIHNIH May 29
THI THEI LO MINUNG THLARAU
Mithi umdan thu a tanglam Bible cangpawl in ziangtin so in zirh? A nasa zetmi sualnak pahnih lak ihsin humhimnak tha ziangso himi Bible cangpawl in in pek. Eccle. 9:5,6,10; Ps. 115:17; 146:4; I Cor. 15:16-18; Dan. 12:2.
Kan dung kum 10 a liam zo mi ah minung ih tonmi thihnak thu ah thaw thaw thei loih an umnak kha lungtur a cawl ruangah a si ih, thil thei theisal dingah an tuah tum timi thuanthu tla kan thei. Ziang thei lo ih a thih hnuah theihmi dang a nei ding ti zum har zetmi thil phun tam zet an sim. Mi tampi in thli lakah hmuh thei loin an um ih, an ruangpi kha tlun van ihsin an run zoh tiah an ti. Mi hrekkhat ih simdan cu a taksa ihsin a thlarau kha a suakih a lamdang zetmi tleunak thawn a um ih, duhdawtnak zawnruahnak, thutakpawl kha thinlung takten an dinpi tiah an ti. Mithipawl thawn biakawk a theih a si tiah midangpawl khalin an sim.
Hivek thil mak zetpawl hmuh ding a um ih, fim zirnak lamih hminpek mi cu (NDES) thi zik zawngih tonnun (Near Death Experience) tiah an ti. Himi NDES in thu elawknak kha in theihter sal. Khrihfa tampipawl cun an thih hnu ih a thi thei lo mi an thlarau taktak ah an ruat. A thlarau ih a suak mi kha theih theinak nei lai ih hmundangte ih a um mi tiah an ti.
Asinan, NDES pawl hi palhnak nasa zet phun hnih a um mi pakhat langtertu a si. Mi a thih tikah a thla kha a nungih hitawk ihsin hmundang ah piandan phundang nei in a um tiin mi in hlanlai pi ihsin zumnak an nei. Thlarau khawvel lam a si tiah kau zetin thlarau sual bumawknak kha an phuang. Himi bumnak hi olten an pom ih olten a karhzai. Cuvek pomtupawl in Jesuh kha langhngan in siseh, a thupte in siseh kan lo hai lo tiah an ti. NDES timi thih zikzawngih theihnak nei mi tampipawl in an thlarau kha anmah rori ih tongin an sim. Cui a thi mi thlarau thawn biakawk thei ih duhdawtnak thu thawn an hnemaw ih, lungdaih hnangamnak thu, Khrih ih in tuahsak mi kha rundamnak hrangah thathnemnak a um lo an ti ih, Bible sungih ummi sirhsan in sual timi le thuthennak a ra thleng dingmi khal a um lo an ti. Ruah ding a ummi pakhat cu a thi zo hnu a thosalpawl ih tonteh nun ih theih mipawl kha Khrihfapawl in an zirhaw. Cule santhar zumnak ih cohlan ding (pom ding) ih zirhmi a si an ti.
TLAWNGKAI NITHUM May 30
NUAMTE TEIH THLENGAWKNAK LE SABAT THUZIR-
HNAK (Sabbath and the Theory of Evolution)
Minung in thlarau thi thei lo a nei timi zumnak hmangin setan in leitlun mi a bum neh theh. Culawng si loin zirlai 6 nak le 8 nak ah Khrihfa thuanthu ah Bible Sabath ai ah Sunday ni zarhih hmang dingin an thuneihnak hmangih an tuah mi tampi kan hmu.
A liamcia mi kum rei lote ah Setan in bumnak a tuah ih, ni sarih Sabath thu kha minung thinlung sungah a thiatsak theinak dingah nuamte tein zirhnak a suahpi.
Gen. 1-2:3 siar aw. Bawipa in ziangtin so leilung a tuah timi ziangso in zirh? Ziangtluk ih rei so a tuah?
Himi cang kan siar tikah sersiam dan thu phun hnih Bible in a langter. (1) Thil ziangkim khawkhan lairel cia mi a si, tumtah nei loin a menmen ih tuahmi an um lo. Bawng mal timi vanthatnak ruangih thil ummi a um lo. Bible simdan ahcun sersiammi an sit heh ih, vanthat ruangih a um mi zianghman a um lo tiah a ti.
(2) Bible in Sersiam mi ramsapawl anmah ih ci umdan vekte ih pungzai dingin tuahmi a si. Curuangah phunkhat le phunkhat bangaw loih tuahmi a si. Phunkhat le phunkhat cawkrawi ruri ih um dingin taksa le thisen a nei mi an um lo. Thil umdan ihsin Semtirnak hrilhfiah ih lehlinnak a um lo. Himi ah a fiang zetmi thu pahnih a um. (1) Tumtahmi um loih a menmen ih sersiam mi zianghman a um lo. (2) Sersiam mi thilah mai cithlah teih thlahawkdan a si ih, a tawmaw thei mi ci pakhat hman a um lo.
Darwin zumnak a thluntupawl in nuamte tein a thlengaw vivo mi a si an ti. Tumtah mi um lo timi le cithlah hmuahhmuah ci tawmaw ih thlahaw thei tiah an ti.
Himi zirhdan in Semtirnak a sullam an hrilhfiah tikah thil tampi ih a hrampi dinhmun thawn an kalhaw. Ziangah a si ding? Himi in leitlun mi tampi fimnak sang zet a nei mipawl a hruaisual hleiah Khrihfapawl in himi thurin thawn rem thei dingin an zumnak thu an zirhaw ih a kalhawknak sim tel mi tla zohsalnak an nei nawn lo.
Nuamte teih thlengaw vivo mi umdan hi can netih thil thleng tihnung mi phenah bumawknak tihnung tampi a lang. Ni sarih Sabat hi ni ruk sung lei le van sersiamnak hngilh lonak a si. Asinan, hipawl ih an simdan ahcun sersiam mi pakhat kha kum billion 3 rei in an tuat. (Cumi cu leitlun ah nunnak a um thoknak a malbik ih an tuatdan a si.) Ziangah so hipawl in ni le can kum hi thupi zetin an tuat. Ni ruk sungah thil ziangkim tuah a si ih, ni sarih ni hi sersiamnak hminsinnak ni a si. Himi a poimawhnak kha Darwin zirhnak in a hnong. Sersiamnak kha phuahcop thuanthu vekah an cangter. Ni ruk sung sersiamnak a si lo timi zumnak in kum tampi sersiam tul timi zumtupawl in Pathian zumtupawl hremnak a suahter dingih thahawknak tiang a suahter ding. Sunday dodal in Sabat an ul tiah sual in puh ding.
TLAWNGKAI NILI May 31
THUMKOM PATHIAN LEMCANGNAK (The Counterfeit
Trinity)
Bible sungah thumkom Pathian pomdan lawng hi Pathian sinak a langmi kan hmu. Can netnak ih bumnak le hremnak thawn pehawknak an neihdan Thuphuan sungah a langih rulhreng tipi sungih sahrang le leilung in a suakmi sahrangpawl hi thumkom Pathian vekih an umnak kha Thup. 13 sungah kan hmu.
Rev. 12:17; Rev. 13:1,2; hitawk ah ziangtin a langter.
Hitawk ah rulhreng hi Pa Pathian vekih hmuh theinak a um, amah hi thu neitubik a si. Tipi sung ihsin a suak mi sahrang kha amah in uk theinak thuneihnak a pek ih, Bawi tohkham tla a pek. Cumi cu Khrih lem cangih a tuahawknak a si. Thuneitu pahnihnak hi ziangruangah Khrih lemcang ih hmuh a si.
Rev. 13:2-5 siar aw. Tipi sungih sahrang ziaza ziangpawl so a neih?
Rulhreng hnen ihsin thuneihnak a ngahmi kha Pa Pathian hnenin thuneihnak a ngah thu Jesui a simmi kha a let zawngin sahrang pa in amah ah sullam a neither (Matt. 28:18). Himi tipi sungih sahrang in Jesuh sinak vek a nei, a thi zo ih a nungsal (Rev. 13:3). Himi sahrang ih thuneihnak hi thla 42 sung a si (or) kum thum le hrek sung a si. Bawi Khrih ih rawng a bawlnak kum thum le hrek sung kha simsung thu ih ni tuatdan in nikhat kumkhat ih an simnak kum thum le hrek kha a si.
Rev. 13:11-17 siar aw. Lei sung ihsin a hungsuak mi sahrang in ziangso a sim duh?
Lei sungih a suakmi sahrang in tipi sungih a suakmi sahrang upatnak a pekmi kha Jesuh in sunlawih upatnak a pekaw loih Thiang Thlarau in a tuahsak mi bangin a sim (John 16:13,14). Thlarau Thianghlim in hmual nei zetih thiltitheinak van ihsin mei a run tlakter. Lei ih a hung suakmi sahrang khalin cumi thawn bangaw in thil a tuah ve (Rev. 13:13).
Pentecost ni thil umdan vekin lei ihsin a hung suak mi sahrang in tumtah mi nei in lem a cang ve. Leitlun pum huapin thumkom Pathian hi a dikmi Pathian tiah pom a si. Cumi lemcang ih thil tuahdan a si. “Jon Paullen, What the Bible Say About the End Time (Hagerstown, Md: Review and Herald @ Publishing Association. 1998) pp. 111.
Ni neta hrangih fimkhur ding bumnak dang ziangso um lai? Himi bumnak midang ih an theihthiam theinak dingah ziangvek in so kan bawm ding?
TLAWNGKAI NINGA June 1
RUAH BET DING: Nuamte teih mahte a thlengaw mi zirhnak kha ni neta thil thleng dingih a tel ve mi kha ruat aw. A thupibik in Sabat thuhla ah ruat aw. Charles Darwin ih a ruahmi pakhat cu nuamte tein amahte ih thlengaw vivo mi hi doawknak mak a bawmtu thu pakhat a si tiah a hramthokah a ruat ban lo. Duhdawtnak neitu Pathian hi thil tha lo le nat tuarnakpawl thawn a kalhaw tiah a ruat. Curuagnah himi thil fiangternak phundang ih a hawlnak hi a palhnak a si. Himi hi AD 1800 cem zik lamih thil a ra suak pangmi a si lo. Nuamte tein amahte ih a thlengaw vivonak thuzirhnak hi Darwin ih hliakhlainak a tuah rero theu. Pathian in Seventh-day Adventist a dinsuah ah khan Darwin thuzirhnak a um zo. Seventh-day Adventist timi hi sersiamnak a langter ih a kiltu a sinak hi a mak zetmi hmin a si. Himi kawhhran a ra suak can le Darwin thuzirhnak can hi a bangaw.
E.G White cangan mi Education. Pp. 26 sungah, “Camsiatnak ngetih a ei ral rero mi leilungpi hi minung hrangih zirlai cabupi a si. A tu ahcun thatnak lawnghi langter theih a sin awn lo, hmun tinah sualin a luah khatih leilung, tipi le ni le thlapawl tla a baalter ih a siatsuah rero. Thatnak famkim a langter mi, Pathian ziaza ngannak leilungpi kha Setan ziaza ngannak ah a cang. A tu ih leitlun thil thleng mipawl hi sual theihthiamtertu ah a cang ih, sualnak ih tha man theithiam dingah minungpawl ralrinnak pe ringringtu a si” tiih nganmi ca tawite a siarih a ruat ve ding ti zoso thei thei. Nuamte tein cithlahawknak dan phun khat ihsin phun khatah amahten a thlengaw vivo timi hi a nasa zetmi leilungpi ih palhsualnak hi milai thinlung ruahnak ah a um ding timi tla zohman in an thei lo.
Darwin in amahte in nuamte ten thil a thlengaw vivo timi hliakhlainak le ruahnak a suahpi mi hi a tluse mi leitlun sualnak lakih kan umnak, leilung umdan le Pathian nun ziaza theihsualnak ruangih a ummi a si. A suahpi mi zirhnak in nineta ih do-awknak ah milai hmuahhmuah kha Setan bumnak sungah a kharhkhum.
RELTLANG DING:
1. Setan a um rori timi Khrihfapawl in ziangah so anhnong? Himi zirhnak thlirdan hi Bible zirhnak tihnung zetih hnonnak a si.
2. A thi zik mi kha kan thih hnuah kan nung lehsalding timi thu ziangtin so na sim ding?
إرسال تعليق
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.