MS 12: Pasian in Hong Keem

Sim peuhmah ke’n!!, Geen in!!

Nipi 12na: Pasian in Hong Keem

March 24 Jamaica Gam

(Agen: Raglan Waite, 50)

Tuni taangthu pen Seventh-day Adventist phualpi aa om Good Samaritan Inn, a keemcing Kum 50 a phaa Raglan Waite ii taangthu ahi hi.

Naupangte omna inn sungpan ka khangkhia aa, kum (6) ka phaak ciangin Sunday tang innsung ah hong kikeem hi. Kum 17 ka phaak ciangin hong keem ka nu le pa in hong sihsanaa, neek ding an tawmbek ka nei hi. Ka nuntak nadingin ka pianna taktak ka nu leh pa ka zong hi.

Naupangte kikepna inn ah ka paikikaa, ka pianna ka nu min ka thei ta hi. Ahizongin, kuaman ama’ teenna hong genlo uh hi. Tua zom in, kumpite phuat, mi cimawhte a huh Khuasung mizawng huhna phual ah ka pai hi. Tua lai-ah a sem nupi khat in ka pianna ka nu leh ka innkuanpihte zong huhna sazian lakah a kihel lam hong gen hi. Ka pianpih ka upa zong ama’ tan (10) saangah saangsia a hihna thu hong genbeh hi. Ka upa ka muh nop leh hong sapsak dingin hong kamciam hi.

Ni khat, bawlung kidemna ka et laitakin, taan 10 saangsia khat in ka liangko hong lawng hi. “Nang Raglan na hiam? Ei unau hi hang,” hong ci hi. Ka lungdam lua hi! Carl pen kei saangin kum 7 upa zaw aa, a inn ah hong ompih nuam hi.Ka vante guangin, ka upa inn ahi ka inn thak ah ka kikhiin hi.Ka nu ka muh a khatveina hi. Amah a lungsim na picing nawnlo in, hong theihtuak nawnlo hi. Ahizongin, ka nu ka muh khak limlim, ka lungkim lua hi.

Ka upa pen Seventh-day Adventist hiaa, Sabbath ni kikhawm dingin hong zol hi. Pawlpi mite in hong huh mahmah uh hi. Laai gina ka sim theikeiaa, Khanghaam Sabbath School Lai Siangtho sinna zangin, lai simm daan leh laaigelh daan hong hilh uh hi. Adventist university ah kibawl khaal sangkhaak sung thusinna ah ka kah theih nadingin hong huh uhaa, Lai Siangtho hilhcian zia ka sin hi. 

Kum 22 ka cin ciangin, zi ka neiaa, ta khat nei-in, khualzin mite hawh theihna Monteo tuipi piau aa om an huanna huih namsia (gas) zuakna ah na ka seem hi. Pawlpi upa (Elder) khat ka hiaa, pawlpi sungah zat tangzaang khat kahi hi. Pawlpi makaite in upna a khauh Adventistte, a nungtolhte omna ah Sabbath School meeng (branch) khat phuan dingin hong sawl uh hi. Sabbath School lesson bu sung panin laidalte balkhia in hong suaksa a tawp pawlpi mite tungah ka hawm uh hi. Tua bangdaan in ka zawng mahmah uh hi.

Pawlpi mi hong suaksa 50 te ka zol kik uh hi. Kum 36 ka cin ciangin ka nuntakna kiamlam manawh hi. Ka zi ka maa-aa, zi kik ka nei hi. Pawlpi makaipa tawh kam ka kinial khitciangin pawlpi panin ka pusuak hi. Sabbath ni ka tang laai-aa, ka inn ah biakpiakna ka bawl hi. Tumaa kum thum laai-in, Jamaica gam ii khuapi Kingston ah ka kikhiinaa, lawm khat tawh kipwlkhawm in sumzonna ka nei uh hi. Ka vanzuak nasep hanciam in, manlah ka hihmanin, ka zi pen khuapi dang khat ah a teeng naaihuaite kiang ah om hi. Ahi zongin, ka vanzuak nasepna ah ka lawmpa tawh kinialna ka neih khit uh ciangin ka vanzuaak uh ka zom thei nawnkei hi. Nasep dang haksa takin ka zong hi. A tawpkhakna ah, ka inn na-ngawn ka taanaa, ka kiphatsakna hangin ka zi in hong taaisan laailaai-in, kuama’n hong huh nuamlo uh hi. Lamdung ah kha thum sung vilvel ka lum hi.

Ni khat, paakhuan ah ka tu-aa, inn a neilo mah khat pasal khat tawh kisil theih nading, puan kheek theih nading leh an neek theih nading mun ka kikum uh hi. Amah in, “A hoih Samaritan Inn ah pai lecin, an hong vaak ding hi,” hong ci hi. Kei zong, “Tua mun ah pai nuam mah ing ei,” ka cipah hi.

A hoih Samaritan Inn aa omte cing thei mahmah uhaa, an hong vaakin, puan thak hong silhsak uh hi. A sawt loin, tua a hoih Samaritan Inn pen Seventh-day Adventist pawlpi neihsa ahihlam leh pawlpi mite in a keemcing ahihlam ka thei hi. 

 A hoih Samaritan Inn (Good Samaritan Inn) ah hun maan takin ka pai hi. Hi zahtakin hong kikhualna pen thuhkik loh a phamawh in ka ngaihsutna hong om ta hi. Tua ahihmanin, huangsung hah ka kipan hi. Tua khitciangin, Adventist pawlpi ah ka kikhawmkikaa, tui ka kiphumkik hi. 

 Tu-in kum 50 ka phata aa, A hoih Samaritan Inn ka keem hi. Hih huang sungah teengin, zum zong a tuam in ka nei hi. Ka zi nihna tawh ki thutuak takin Topa sungah ka nungta khawm uh hi. 

 Lamdungah nuntakna haksa lua hi. Kei aadingin hong kikep pen hoihaa, Pasian in hong kep pen hoihzaw kaan laai hi. 

 2015 kum Sabbath 13na sumpi tawh Jamaica gam aa om Kingston khuapi ah a kiphuan ‘A Hoih Samaritan Inn’ kipuah pha in, zatui a khongin piakna leh inn neilo te aadingin ha bawlna kibehlap hi. 

 Raglan bangdaan mi cimawhte huh nadingin phalna tawh sumpi nong piakkhiat uh lungdam mahmah hi. 


 ############@@@@@@@@@#############