MS 11: Topa Zeisu Aadingin Puankhui

Sim peuhmah ke’n!!, Geen in!!

Nipi 11na: Topa Zeisu Aadingin Puankhui

March 17 Jamaica Gam

(Agen: Mavis Burrell Spencer, 66)

Mavis Burrell Spencer in tuma kum (10) laai-in puankhui a siam a pasal in a sihsan ciangin banghih ding cih khensat theihna neilo hi. A pasal in Jamaica gam ah puankhui sai mun thum ah hong aa, khuapi Kingston ah zong puankhui sai nasia mahmah khat hong hi.

Tua munah puankhui thei 25 tawh puan khui hi. Mavis teenna pen lamkabom hiaa, sai lianpi khat bawl sawm hi. Tua zawh kum sawm ciangin, Mavis in buaina khat nei leu leu hi. Seventh-day Adventist pawlpi ah amah tui kiphum nuamaa, Sabbath (Saturday) ni pen a van khot penpen ni hi sawnsawn hi. Bangcih ding cih Pasian tungah thu ngeen hi. 

Sunday pawlpi ah a kikhawm Mavis in a Adventist lawmte kiangpanin nisagihni Sabbath thu hong za hi. Ahizongin, Thukham (4)na ah “Sabbath ni siangtho aa zat ding phawk in” Tapidaw khempeuh 25 aading a hihlam ama’n thei kha naailo hi. Ama’ lawmte in kaalsim Lai Siangtho sinna ah a sap zawh nungsang, Mavis nuntakna tampi hong kikheel hi. A lawm, Adventist sumzon siam khat in Mavis pasal tawh a sih ma-in thu ngenkhawm uh hi. Mavis zong kikhawm dingin a sap hinapi, amah manlah lua kisa hi. 

Hi phialmahleh, kaal khat khatveita Pawl khenneu Lai Siaangtho sinna ah a kihel nadingin sam phaaphaa hi. Mavis in Lai Siangtho thu a telloh lam hong kithei pan hi. “Lai Siangtho sung aa thute kei aadingin thu thak vive hi,” ci-in kisuangtaak kawm in gen hi. Sabbath Thumaan baanah, Topa Zeisu hong pai baih dingaa, mi siangthote hong la ding ahihna zong telcian lo hi. Leitung thak thu Lai Siaangtho hilhna zong Mavis in lamdang sa hi. 

“Tua thu hong kigen ciangin zaknop kasa hi,” Mavis in ci hi. Ahizongin, Sabbath ni-in a puankhui sai hong laai hi. Nitaak khat, Lai Siangtho sinna panin mawtaw tawh hong ciah ciangin, “Na taaisim theiaa, ahizongin, na bu theikei hi” cih hopihna aw neu khat a za tawh kibang hi. Sabbath thu a tel nadingin naakpi takin Mavis in thu ngeen hi. Mavis in, “Ka sin thu pen a vekin a saang khinlo kahi hi. Topa in Amah ka taaisan hangin Ama’ mai ah ka buk theihloh lam itna tawh hong hilh hi cih ka um hi,” ci hi.

Kum 2016, December khaa in, amahin khensatna khat bawl hi. A puankhui sai (3)te kongkhak tungah, “January 7ni aa kipanin, Nisagihni (Saturday) ni sim, Spencer Puankhui sai kikhaak ding hi.” cih laai suang hi. Sunday ni sai kihong ding ahihna zong suang hi. Mavis pen January 7 ni-in tui kiphum hi. A nasem tampite in Saturday (Sabbath) ni sai a khaak vaai in phun ngeingai uh hi.

Khat in, “Bangcih thei tuan ding nai vua?” cih san hi. “Saturdayni nasep hoihpen ni, banghangin khak nai vua?” a dang khat in ci leuleu hi. Mavis in, “Vantung aa ka Pa in Ka Sabbaath ni siangtho sak un hong cih man hi,” ci-in lungduai takin dawngkik hi. Sabbath ni-in, a puankhui sai a khak haangun, daupai ding kipan hi. A puankhui naseemte in Sunday ni nasep ding a khensatna phat ding hong kipan uh hi. Sabbath ni in vanzuakna sai lianpi ah mi tam ahihman mawtaw koih nading haksa hi. Sunday ni ahihleh tua saipi ah gamdaai hi.

“Ka van zuak khang seemsem hi. Mi tampitak Sabbath ni saang in Sunday ni hong pai ding lem sazaw uh hi. Mawtaw koihna ah mun kituh ding utlo uh hi. Sum saang in a thupi zawlaai pen, pawlpi sungah innkuan thak ka ngah beh hi,” Mavis in lungdam takin gen hi. Hong kikhop masak Sabbath ni-in hoihtak a na kimuakna pen ama’n mangngilh ngeilo ding hi.

“Kei aadingin kongkhak pi a kihong tawh kibang hi. Pawlpi mi khempeuh in hong naih uh hi. Pawlpi mite in ka up theihloh zah dong dingin itna nei-in, migi thei uh hi. Tua zah in ka lungnop ni ka nuntak sung in om naailo hi,” Mavis in ci hi. Tu-in kum 66 a phata Mavis in a sai uh a hon ma-in, zingsang sim in, a naseppihte tawh thu ngen uh hi. Amah in van hong leite Pasian in thupha a piak nading leh a naseppihte cidam thahat in khat leh khat a ki-it nadingun thu ngetsak hi. 

Mavis in a naseppihte pawlneu Lai Siangtho sinna ah zawnaa, khat pen tui kiphum dingin kiging ta hi. Sabbath tanna tawh kisai-in thu a kidot ciangin, “Bangmah sup ding om lo hi. Topa Pasian tungah ki-ap in na piakkhiat leh a meet na ngah hamtang ding hi,” ci-in thuhilhna nei hi. 

Ama’ Lai Siangtho mun deih pen: Philippians 4:13 -“Khazih in a hong piak vangliatna tawh hihte khempeuh nawkzawh nading thahatna a nei kahi hi.” ahi hi. “Topa Zeisu tung bek ah mitsuan in, banghanghiam cihleh Amah pen nuntakna naakpi ahi hi. Amah loin, bangmah na neikei hi. Amah tawh na khempeuh na hih thei hi,” ci-in a naseppihte tha pia hi. 

############@@@@@@@@@#############