MS 4: ITNA MASAPEN TAWH KIMU

James Pescascio leh Louise

MS 4: ITNA MASAPEN TAWH KIMU
January 27, 2018

America laizang Belize gam ah James Pescascio leh Louise te pen neutung panin a kilawmta mahmah uh hi.

Ong gol uh ciangin, na sem dingin US ah hong lal uh hi. Louise in California ah kum 30 sung nasep tuamtuam sem in,  James in California, Texas le Illinois te ah Motorola company ah Engineer sem hi..

Pension hun hong tung ding hita a, a nih un Belize ah ciahkik in, lawm luite tawh kimu kik in, amau te nih pen koppih nei nailo (single) ahi uh hi. James in Louise hingn vakpih hialhial hi. Louise in dotna khat hong bawl vat hi.

“Na nuntakna ah kua masa hiam?” ci in James kiang dong hi.

“Pasian” ci in dawng kik hi.

“A hoih ve, tua leh kiho thei ni ei,” ci seisai hi.

Louise in a theih thak Sabbath thu pen James kiang gen nuam mahmah hi. James in bel ama neih thuthak khat gen nuam hi. A nih un hong kiho uh hi.

Louise in Sabbath thu a zak masakna pen US a om lai a gupna thu tangkona pan hi a, ahi zong Belize ah hotel neuno khat a hon masiah bel thuk ngaihsut hetlo hi.

Lai Siangtho thuk taka kan ding hong kipan ta hi. Sawm a khat thua  sim khit ciangin, a sum ngah zah pan sawm a khat pen Pasian kiang piak kik ding hong khentat hi. Nu le pa tawh kisai lungsim puakzia a sim khit ciangin, a inn a sap nuam a kiteng nailo nupa kop banga omkhawm te nial hi . Tua the, biakpiak ni ding a dik pen koi hiam cih hong kan cian hi. Sunday ni biakinn pai ding la hut mahmah lai napi in Lai Siangtho genna lah mang le hut zel hi.

Dangriga  khua a a inn ah “Sunday ni a biakpiak nading tawh kisai in nakpi in ka kankhia hi” ci in gen hi. “Himah leh, ka kan tektek ciangin, Topa in Sabbath ni pen biakpiak ni ding ahih zia hong lak hi” cilai hi.

Louise in Hebrews 4:4-11 sung a “Pasian in a nasep khempeuh zo in ni sagih ni in a tawlnga hi” cih leh, “Tuni in ama aw na zak uh leh, Na lungtang uh khauhsak kei un” (ZSV) cih thuumna pen hong sim hi..

“Tua ka sim ciangin, Khawl in ka genkhia a, ‘Pasian kiang thu ka ngen a Sunday ni a biakpiakna bawl zom ding thu ka dot sa hi’” “Hih pen hong hilhcianna hi.” Ci in Louise in genkhia hi.

A thu muh in a lungkaak sak hi. Hotel te lah kal khata ni 7 hon kul lai ahih manin Louise in a hih ding thei nawn lo hi. Lai Siangtho bu leh Mrs White laigelh ahi “Christ Kiang Zuatna” cihte Hotel inndei sim ah va koih hi. Sabbath ni in puansep leh nidanga  sep ngeite hong khawlsan hi. A hoihbek ta diam cih bel thei sam lo hi..

Louise tawh kum tampi sung akimeltheih ahi James in zong bang cih tading cih thei lo hi. Thungen in Pasian aw ngak ding kisam hi ci hi.

Louise kiangah a saggampa khat in California panin Belize lam ah pai dingin a sapna thu James in gen hi. Ahizong, a zinkhiat ma in a lawmte innkhat panin kikhawlsak hi.

A lawmpa in, “Pai kei in, A sunglam pan ahong gingkhia ngai dih in” ci hi.

Himah leh James in a sanggampa kiang a kamciamsa ahih manin pai ding hoih sa hi. Tua nitak lam ciangin, a mataw ki start theilo in, a sanggampa in dong mawtaw kaihna te tawh a kaihpei hong kul hi.

“Sunglam pan hong kigen ‘Pai kei in’ cih pen ka mangnuam kei lai hi” ci in James in gen hi.

Zingsang ciangin a unau un paikhia ta uh hi. Mexico lampi tungah, James ie mataw pei hong kitam hi. Mawtaw kibung in a sanggampa mawtaw tungpan kilawnkhia hi. James ahihleh a maitang leh a ban ah nakpi liamna tuak in, Mexico zato khat ah ni nih lum hi. Belize ah ah ni tawmkhat a om khit ciangin, ki-en pha sak kik in, US ah a mittang khei kisam ahih manin nawhsa takin pai kik pah hi.

“Biakinn pai in Pasian lamah ka hei kik a, sunglam pan hong ging aw ngai hi zenleng hi bang buaina ka tuak kei ding hi” ci in gen hi.

James le Louise te in Pasian deihna bang zuihding hanciam uh a, kiteen ding hong gel ta uh hi.

Amaute in Sabbath sim in biakinn ah pai uh a, hotel nasepte nusia in khawlsan kul ding cih tehi uh hi. Tun e le?

“Tun ahih leh pasian in ko ading na alamdang takin hong sem hi” ci in Louise in gen hi.

Ni khat, US gama a nasepna panin kum 20 a sep sungin off day a lakhetloh thu leh tu in a lak ding deihsakna thu hong kihopih hi. A zingciangin, tua a hopih te in a hotel nasep teng tavuan laksak uh hi.

Louise le James te zong tu in tui hong kiphum in Adventist pawlpi ah Makai hong sem uh hi. Sabbath ni pen tawlngak ni dingin Pasian in amaute tungah a piak pen lungdam ko uh a, nipi sim in kikhawm uh hi.

“Ko nasepna le sumbawlna ah hiong piang thu te pen a lamdang mahmah hi” ci in Louise in gen hi.

2015 kum Nipi 13na sumpi pawlkhat tawh Belize ah Pasian thu tangkona phualpi lamna in kizang ngei hi. Nong puak uh sumpi te hangin ka lung uh dam mahmah hi.