SINNA 12: SIATNA TUNGAH HOIHNA TAWH GUALZAWHNA December 16-22
NIPINI (SABBATH) NITAAK LAM December 16
SIM DING TE: Rom. 12, 13.
KAMNGAH: “Leitung mihingte’ gamtat bangin gamta kei un la, na lungsim uh kikheelin Pasian kipuahpha sak un. Tua hi leh a hoih nate bang hi a, bangte in amah lungkim sakin, bangte a kicing hiam ci-in thei-in Pasian’ deihna na phawk thei ding uh hi.” (Rom. 12:2).
Rom mite in thukham tawh kisai a ngaihsut khialna te uh, a puahphat sawmna tawh kizui in Paul in, Christian khempeuh tungah a thumang taktak dingin zawn kawm hi. Hih thuman theihna in i lungsim ngaihsutna leh i lungtang sungtawng pan in kikhelna hi a, tua banga kikhel theihna zong Pasian vangliatna sungah a ki pumpiak te tungah a hong piang thei bek ahi hi ci hi.
Rom Laikhak sungah thumanna i cih pen, ama thu a ahong om ziau bangin genna mun khat zong om lo hi. Christian te in tua bangin a thumang mi suah theihna dingin bang teng kisam lungvak takin theihtheihna ding kisam a, tua te a amang pah dingin zong a lunggulh takpi pah ding hi. Atawpna ah, amah in a thuman loh piang thei kei cih vangliatna a ngah zawhna ding a zon kul hi.
A thu pai zia ah, Christian upmuanna sungah sepna tawh kisai kihel cihna ahi hi. Paul in zong cikmah hun in gamtatna a neusek ngei kei hi. Rom. alian 13 - 15 kikaal sungah sepna tawh kisai bulphuh mahmah hi. Tua bang i cih ciangin a masa lam a gen, Upmuanna hangin a kingah dikkisak theihna tawh kisai a nial kik ahi kei hi. A taktak in zong sepna i cih pen, Upmuanna sungah bang ci kalsuan ding cih lahkhiatna taktak hi zaw lai hi. Zeisu a hong paikhit ciangin a ki behlap thukham hangin Laisiangtho Thak sunga thukham kalhna te in Laisiangtho Lui sunga thukham kalhna te sangin haksa zaw lai hi , ki ci thei hi. Thuciam Thak khit ciangin a om thu-um mite a dingin Zeisu Khris gamtatna te tungtawn pan in i etteh theih dingin a hong kipia khin ahi hi. Midang hi lo in, tua Zeisu bek mah in eite zuih thei ding kalsuan zia te hong lak thei bek hi. (Moses, Daniel, David, Solomon, Enoch, Deborah, Elijah te lungsim bang na ci lo a) “Note in Jesuh Khrih lungsim puakzia na nei un” (Filip. 2: 5) na ci bek hi. Hih sanga sang zaw etteh ding om thei nawn lo hi.
A masa pen a dingin, Upmuan na in Pasian thuman theihna a hong kalhna pan in a hong hemkhia bangin, Upmuan na in thumanna tawh laih theih hi lo hi. Gamtat hoihna te ahih leh a tawntungin kimang tawntung ding hi a, Laisiangtho Bu thak sungah zong kicing takin kigen beh lai hi. Christian nuntakna sunah gamtat hoihna a hong kilatna thukham in ama nuntakna kep nop sak tuam hi cih pulaak na zong a om tuan kei hi. Tua bang bek lo in, khat veivei ciangin angsung kidona leh mawhna tawh kido na ah gualzawh theihna dingin atawntung in haksa (I Pet. 4: 1) hamtang hi. Ahi zongin Christian te a dingin Pasian vangliatna piak dingin kamciam om a hih manin gualzawh theihna ding muan theihna i nei thei hi. A hi zongin Leitungah nungta lai ihih manin i galte in a hong dok na dingin ze-etna tampi mah i nawk hong kul lai ding hi. A lungdam huai thu ah, mawhna sungah i puuk kha zongin, i tuukkha , palkhial kha phial zongin, eite a hong nusia ngeilo eite a dingin ahong thuumsak den Siampi lian khat anei ihi hi (Heb. 7: 25).
Rom. 12: 1 sim in. Hih sunga gentehna tungtawn pan in, Christian te a dingin bang ci bangin nungta ding cih hong hilh hiam? Hih thu in Rom. 12: 2 tawh bang ci bangin kilem thei ding hiam?
____________________________________________________________________________________
Rom. 12: 1 sungah Paul in, Laisiangtho Lui hun lai a gangawh biakpiak dan tawh kisai in hemgen pian hi. Tanglai in Ganhing tawh Pasian kiangah a biakpiak theih zel mah bangun, Tu in Christian te in amau te pumpi tawh amau leh amau kithah tawmna tungtawn in hi nawnlo in a siangtho kipiak khiatna tawh Pasian nasem dingin a ki zangkhia in ki-aap ta ding cihna ahi hi.
Tanglai Isreal te hun laitak in, biakpiakna dingin a hong paipih uh ganhing te pen, hoih tak kidawm takin sit dikdek phot uh hi. Tua ganhing tungah poi na khat teitei a muh khak uh leh tua pen sang lo pah giapgiap uh hi. Bang hang hiam cih leh Pasian in ganhing a poi peuh mah a sang lo dingun thupia khin zo hi. Tua ahih man in Christian te in zong, amau te pumpi pen, “a hingtang kipiakna, a siangtho leh Pasian santham a cing” ding in i kipiak ding a hi hi. Tua bangin a kipiak theihna dingun amaute hih theihzah in a pumpi mun tuamtuam te hi ta leh i lungsim ngaihsutna khempeuh ah a siangtho thei pen dingin kep tawntung ding ahi hi. A kuamah in pauban na a nei lo, kawk a banglo ki om hi mah ta leh, i hanciam theih zahin citakna tawh niin a banglo dingin i nuntak ding ahi hi.
“Na lungsim uh ki puahpha sak un” (Rom. 12: 2). Hih ci bangin kalsuanna tawh Paul in Christian te i khantoh zia ding hong gen hi. Hih thu pen Christian a hi khin sa te tungah a gen hi lai hi. Christian nuntak zia pen a khawl/ ding ding ki hi lo a, tu a i dinmun pan in a hoih pan in a hoih zaw sem ah a kalsuan a kikhin toto ding te a ci nuam ahi hi.”Martin Luther, Commentary on Romans, pp. 167, 168. Christian nuntakna sungah a hoih mun pan in a hoih zaw ah kikhin toto ding i cih ciangin bang a gen nuam hi ding hiam?
A hi zongin Thukham sunga akigelh laimal te theihna in a thupi hi masa lo a, tua thukham nunga a om (kha) ahi a deihna bulpi ki mangngilh kha zel hi. Thukham in a deihna bulpi pen Itna hi a Pasian It theihna leh i mipihte tawh ki-It theihna ahi hi. Mi a kuamah peuhin ki-itna anei dan, a It thei dingin kigen thei mah uh a, nisim nuntakna ah Itna lahkhiat theih ding pen thudang pi khat hong suak leuleu hi.
Rom. 12: 3 - 21 sim in. Midang te i It zia bang ci bangin langkhia sak thei ding ihi hiam?
______________________________________________________________________________________
1 Kor 12 leh 13 sungah Paul in Khasiangtho letsong a tuamtuam te a gen khit ciangin, tua te khempeuh sangin a thupi zaw mun-ah itna pen na sangkhai mahmah hi. Itna i cih (Greek kam in “agape” ki ci ) in a hoihpha mahmah pen ahi hi. “Pasian in Itna hi” (1 John 4: 8) na cih hi. Tua ahih manin, Itna in Pasian zia leh tong kician takin hong lak hi. Midangte tungah itna i lah theihna dingin, Pasian in amau te tungah a bawl ding dan in i bawlna hi a, Pasian in a kep dan mahin i kep na ahi hi.
Hih lai munah Paul in, Itna pen bang ci bangin a taka langkhia sak ding cih tawh kisai hong hilh hi. A thupi mahmah khatin, kiniam khiat theihna ding lunggulh theihna hi a: tua kiniam khiat theihna pen a ma dinmun sangin a khengval “a kituakzah valin kilian ngaihsut lohna” (Rom. 12: 3), “khatlekhat kizahtak bawl” in ki deihsak na (Rom. 12: 10), leh amau ngaihsutna tawh “ki pilsak lo ding” (Rom. 12: 16) cih te ahi hi. Khris in zong a mah leh a mah a kigen na ah “Keima hakkol zamin kisuan un la, kei kiangah hong kisin dih un. Kei pen kiniamkhiatin neem hithiat ka hih manin ka kiangah na tawl uh a dam ding hi (Mat. 11: 29) na ci hi. Tua banga Khris kammal in itna laigil tawh kisai na telcian sak hi.
Mi khempeuh lak pan in Christian te pen a kiniamkhiat pen dingte ihi hi. A taktak in zong eite pen bang zah hong huh ding a om lo te, bang zah tak in mawhna sungah a puuk khin te i hiam cih ki en in. Gupkhiatna ngah theihna dingin eite septheih a hi lo midik suah theihna a ngahte i hi a, ei leh ei a kikheel thei ngeilo ding dinmun pan in eite sungah kikheelna a hong om theihna dingin na a hong sem vangliatna sungah bangzah takin kinga zo beek ihi hiam cih zong ki ngaihsut huai hi. Eite sungah bang kiphatsak pih ding, bang kisak theihna ding om mawk hiam? Eite i kipaak theihna dingin eite sungah bang om mawk hiam? Bangmah om lo hi. Hih kiniam khiatna tawh kisai in, Pasian mai ah bek hi lo in, i mihing pih te tung mahmah ah zong ki pankhia in, Paul in hih sunga a hong hilhna thu khempeuh tungtawn pan in nuntak pih tek ciat ni.
Rom. 12: 18 sim in. Tu a na dinmun, na nuntakna sungah hih Laisiangtho mun tungtawn pan in bang ci zatkhiat theih sawm na hi hiam? Hih sunga a hong genna tungtawn panin, na nuntakna tawh a kituak thei dingin bang ci gamtat ding na hi hiam?
____________________________________________________________________________________
Paul kammal te sung pan in, a lunglut huai mahmah thu khat in, hih Laikhak agelh lai takin, Rome gam sungah a thukhualna a nei lo a hiamgamh mahmah milim bia Kumpi te in Leitung a uk lai tak uh hi a, tua mite gamtat na a siat mahmah a, a maan Pasian thu a thei ngei lo makai te a hi lai uh hi. A sawt lo in amaan Pasian a bia te tungah nasia takin bawlsiatna hong tung takpi hi. Tua Kumpi te mahin Paul nangawn hong that takpi uh hi. Tua bang Kumpi gilo te ki-ukna nuai ah a om uh hangun, Paul in Christian te pen, gam mihoih a hi dingin hong hanthawn hi.
Hi mah hi. Tua bangin a genna ahangin Laisiangtho sung limlim ah, kumpi ki-ukna tawh kisai kalsuan zia ding mun tampi ah kimu thei hi. Kumpi ki-ukna, a om dingin Pasian in a ngimsa (ordained) ngiat ahi hi. Mihing i cih pen,mihoih suah theihna dingin hi bangin thukhun leh thukham ki-ukna sungah a om kul hi. Ki-ukna neihlohna, vaihawm om lohna pen, Laisiangtho deihna dan hi lo hi.
Hih bangin i genna hangin Pasian in kumpi te’ kiukna kalsuan zia te, bang ci bangin kalsuan ding cih a geelna te khempeuh tungah pomsak hi cihna hi tuanlo hi. A beisa hun sunga tangthu te leh, tulai hun mahmah in zong, Ki-ukna sungah mipi te tungah a gamhtat mahmah, a thuakhak mahmah makai te om uh hi. Tua bang hi mah ta leh, Chrisitian te in Pasian’ thu tawh a kikalh thukhun te zuih dingin a hong kisawl masiah gammi hoih suah theihna dingin, ei hong uk Kumpi tetungah citak takin panpih siamna tawh gam thukhunte i zuih zawh sawm ding hi. Hong uk Kumpi te langkhat ah mapan/ malak khakna a hong om khak mah leh zong nasia takin thungetna tawh mapang in la, midangte kiang pan in a cianpiak na zong na ngen ding hi. Mangmuhna sunga genkholhna te tungtawn pan in i muhtheih thu in, hun khat teitei ciangin, Pasian a dingin a citak nungzui khempeuh te in Leitung Kumpi makai te ukna langpan na hangin buaina tuak ding cih genkholhna bel om khin zo hi. (Rev. 13). Tua hun ding a hong tun masiah, bang gam, bang gam ah i om phial zongin, eite’ Pasian mai ah, gammi hoih a suak thei dingin, i hih theih zahin i kalsuan ding hi.
“Mihing te’ vaihawm ki-ukna hi mah ta leh, Pasian in a sehsak, a pompih bangin sangsiam ding hanga, Kumpi te in amaute uk theihna kuam sungah i om nak leh, a hong kipia thukhun khempeuh tungah, a thumang thei tek dingin ki ngaihsut theihna leh tua bangin a mangsiam dingin zong i kihilh ding hi. A hi zongin Pasian thu tawh a kikalh thukhun te a hong om khak leh, Pasian kam sung pan in pusuak Ama thu pen, mihing te bawltawm a thukhun te tungah a sanglap toh thei dingin i khensat ngam ding hi.
“Eite in kumpi thunei te tungah, a thu omlo pi in zahtak lohna tawh i vau kha kei ding hi. I kammal te ah, i gen khiatna hi ta leh i gelh khiatna pan hi ta leh, kidawm takin i ngaihsun masa phot ding hi. Tua a hih kei leh thukhun leh thukham te a awlmawh lo cih bangin kumpi te in hong ngawh kha thei ding uh hi. A kul lo pi in, I nasep na lampi a hong daltan thei ding gamtat kampau na te i zang kha kei ding hi.” - Ellen G. White: The Acts of Apostles, p. 69
____________________________________________________________________________________
Mual tung thuhilhna sungah Zeisu in a gen mah bangin, Paul in Thukham tawh kisai gamtat zia ding gencianna hong nei leuleu a, eite in i sepkhiatna khempeuh ah anung pan in a hong gamtang khia sak thei vangliatna pen Itna bulphuhna tungtawn pan in a hi dingin hong gen hi. Bang hang hiam cih leh, Thukham in Pasian zia leh tong kilah khiatna ahih na leh Pasian in ki-itna a hih manin, midangte i it theihna in thukham deihna khempeuh a zui khin ki hi tak pi hi. A hi zongin, Paul in kician taka lungsim gamtat zia ding a hong lak Pasian thukham te leh a thu kician sinsen lo in a hi nem-num peuh ahi itna mawkmawk tawh teh theih dingin hi lo hi. Pasian’ zia leh tong lahna ahi Pasian Thukham pen zuih ding in om den lai hi. Bang hang hiam cih leh, mawhna in bang hiam cih a hong kilang khia sak theih hang zong ahi hi. Mawhna a om zia tawh kisai kua in nial ngam mawk mah ding ahi hiam? A hi zongin Thukham pen Itna taktak tungtawn pan bekin a kizui thei bek ahi hi. Singlamteh tungah Khris a that mi honkhat te in thukham a zui dingin inn lam a delh vingveng na uh zong a phawk huai mahmah thu khat ahi hi.
Itna guipi in thukham zuih zawhna hi ci in Paul in a gentehna mun ah, bang thukham te bulphuh khia ahi hiam? Bang hangin tua mun te a tuam vilvel in hong teeng khia hiam? Rom. 13: 9, 10.
A lungluthuai mahmah thu khat in, hih Itna gui pi tawh kisai a hong piankhiatna pen a thak in a hong om phing hi pan lo hi. Lev 19: 18 sungah “nomau na ki-it uh bangin na vengte uh na it ding uh hi” a cihna Paul in lasawn in, tua bang ki it theihna pen, Thuciam Lui hun lai pek a kipan in kicing takin tua thugui tawh kizui in, a zuih khit zia uh hong gen hi. Ama Lungdamna thupuak a huh dingin Thuciam Lui sunga thu te hong zang kik ahi hi. Hih Paul in a bulphuh Thukham nihte te bek mah bulphuh in mi honkhat te in thukham a tuamtuam sung pan in, hih thukham nih bek mah a om lai bek dan in gen uh hi. Tua bangin a hi takpi ding hi leh, Christian te a dingin, nu leh pa zahtak kul nawnlo dinga, milim biakna phamawh lo dinga, Pasian lo milim pasian dangte zong aki bia thei ta cihna a hi ding hiam? Hi thei lo hi.
Hih thu a genkhiatna ahang en kik ni. Paul in midang te tawh bang ci bangin kizom thei ding cih a hong genna ahi hi. Mimal kizopna a limgen nuam pen ahih manin, tua thu tawh kisai a ki zawitawn pen thukham a tengkhia a hi hi. Hih sunga a genna hangin Thukham a dang khempeuh phiatsiang khin cih na dingin paulap zon theihna ding a om kei hi (Acts 15:20; 1 The. 1:9; 1 John 5:21 te zong en in). Laisiangtho thak a gelh khempeuh te in zong a hong gen mah bangun, Midangte na it ciangun, Pasian na itna uh ki latkhiatna hi ci uh hi. (Mat. 25:40; 1 John 4:20,21).
Pasian tawh na kizopna ngaihsun kik in la, tua na kizopna in, midangte tawh na kizopna ah bang ci bangin kilang khia sak thei na hi hiam? Tua banga kizopna sungah ki itna in a bang zah in mun lian hong luah zo hiam? Tua bang na gamtat theihna dingin a hong dal in bang hiam?
Tu Quarter bup i sin khin sa mah bangin, Rome mite tungah a laikhakna sungah Paul in a lunggulh a vei mahmah thukhat a nei hi. Tua in Rome gama om pawlpi sung pan in, a diakdiak in Jew thu-um mite in a theihtel ding un Thuciamna kalsuan na sungah Upna leh Sepna tawh kisai a thupit na a telna dingun hilhcian nuam mahmah hi. A buaina uh in Gupkhiatna tawh kisai in, mimawh khatin Pasian mai ah bang ci bangin midik in leh mi siangtho in kiciamteh thei hiam cih thu ahi hi. Thukham a bulphuh mahmah te a panpih theihna dingin Thukham pen a om na ding mun a hi a sep a bawlna te thukim takin bulphuh pih hi. Jew biakna limlim zong Laisiangtho Lui hun lai in, hehpihna mah a bulphuh Biakna mah ahi hi. Thukham zuihna bek tawh diktan theihna upna (Legalism) a hong laang gawp ciangin tua in siatna tampi hong tun hi. Tua bangin khialhna leh buaina a pian lohna dingin i Pawlpi in zong bang zah takin kidop huai hiam?
Rom. 13 : 11 - 14 sim in. Bang thupiang tawh kisai Paul in gen a, tua thupiang ding i ngak kawm in bang ci bangin nungta in kalsuan ding ihi hiam?
________________________________________________________________________________________________________________________
Paul in thu-um mite tungah, Zeisu ahong pai kikna ding thu hong nai ta ahih na tawh kizui in khanlawh theihna ding leh ki pumkhat theihna ding hong gen hi. Hih thu pen tuma kum tulnih lai in a kigen khol ahi phial zongin awlmawh loh ding hi peuhmah lo hi. Khris a hong kum ding a hong nai mahmah ta hi cih lam-en tawntung kawm sa mah in i nuntakna i zang toto ding hi. I awlmawh na tungtawn pan in ahi zongin, i tunga thupiang te tungtawn pan in ahi zongin, i sihni ding ahong nai semsem mah bangin Zeisu ahong pai na ding zong hong nai mahmah ta hi. Kaal kik ciang maw, ahong tung ding tu zawh kum 40 ciangin ahi zongin a si ding zong i hi thei a, han sung mah ah zong i ihmut sung ni 4 khawng maw kum 400 bang a ihmu lai phial ding i hi zongin- eite a dingin a ki lamdanna om nawnlo hi. I khanlawh kik ciangin i muh masak pen dingin Zeisu a hong pai na hi ding hi. Sihna in eite kiang bang hun bang hun ah a hong tun theih mah bangin, i hun neih te zong tom mahmah a, eite Gupkhiatna ni ding zong i pianthak tunglai sangin hong nai semsem ta hi.
Zeisu a hong kumkikna ding tawh kisai Paul in Rom Laikhak sungah a tam genloh hangin, Thessalonia laikhak sungleh, Korin laikhak te sungah kicing takin hong gelh hi. Hih thu in Laisiangtho Thak bu sungah a ki bulphuh penpen thu ahi hi. Kumkikna leh kumkik ding lam-etna a om kei leh, eite Upna in a mawkna hong suak ding hi. Atak tak in zong, “Upmuanna tawh Diktansakna ngah” i cih ii deihna zong, Zeisu ahong kumkik tawh tua thumaan a hong picin sak zo kei mawk leh bang a khiatna nei nawn tuan mawk ding ahi hiam?
Zeisu in mai kha kik teh a hong kumsuk vat dingin kician takin a thei bang hi le teh, na nuntakna na bang ci kheel tam? Banghangin kheel sawm limlim na hia? Tua thu te Zeisu ahong pai ma kha khat bangin kheel man ding kisa na hih leh, bang hangin tuni mah in kheel sawmlo na hi hiam? A bang ngak lai lai na hiam?
NINGANI (FRIDAY) December 22
SINBEH DING: Laisiangtho bu sungah Pasian’ lunggulhna khempeuh kilang khia hi. Pasian kammal sunga thuman thutak khempeuh te in Sangpen pa’ thupuak te ahi hi. Hih thumaan thutak te a nuntakna sungah a kalsuan pih, anuntak pih kha te in, a nuntakna sungah mithak hong suak pah ding hi. Ama tungah lungsim vangliatna thak a kipiak loh hangin theih theihloh na te leh mawhna hangin telsiamna ding khempeuh a khaktan meeipi teng kihem khia ta ding hi. “Lungsim thak ka hong pia ding hi” cih a khiatna in, “ngaihsutna thak ka hong pia ding hi” acih na ahi hi. A kikheel lungsim in thuman thutak a telsiam thei dinga, Christian i hihna tawh kizui in i hih dingin a kilawm kituak te hong semkhia sak ding hi. Laisiangtho a sim den khat leh, thu a ngen tawntung khatin a kician thubul mattheihna nei pah dinga khensat theihna maan zong nei a hih manin, Pasian lam ah a kihei na tungtawn pan in, theihna lam ah a sang semsem na mun ah ki lamsang to ding hi.” - Ellen G. White: My life Today. p. 24.
“Topa hong pai kik dekdek ta hi. Ama hong kilaak na ni a dingin a kiging kawm a ngaklah kawm in i om ding hi. Oh! tua ni bang zah takin a nuam ding hiam, Ama tawh kimuh thei dingin leh a hong tatsa a hong muak ni ding! Sawt vei pi ngak khin mah ta leng, I lam-etna te a kiam ngei kei hi. Kumpipa leh Ama hoihna a mu ding i hih leh, tawntung in thupha i ngah ta ding hi. “Ka van Innpi ngai si’ing maw! ci a nakpi taka kapkhiat ding ka lunggulh kha phial hi. Khris in Ama vangliatna leh A minthanna tawh a teelsa mite tawntung nuntak theihna dingin Ama’ tawntung Innpi sung ah a teeng dingin a hong laakni ding a ni ani in hong nai semsem hi”.- Ellen G. White: Testimonies for the Church, Vol. 8. p. 253.
Rom Laikhak sungah thumanna i cih pen, ama thu a ahong om ziau bangin genna mun khat zong om lo hi. Christian te in tua bangin a thumang mi suah theihna dingin bang teng kisam lungvak takin theihtheihna ding kisam a, tua te a amang pah dingin zong a lunggulh takpi pah ding hi. Atawpna ah, amah in a thuman loh piang thei kei cih vangliatna a ngah zawhna ding a zon kul hi.
A thu pai zia ah, Christian upmuanna sungah sepna tawh kisai kihel cihna ahi hi. Paul in zong cikmah hun in gamtatna a neusek ngei kei hi. Rom. alian 13 - 15 kikaal sungah sepna tawh kisai bulphuh mahmah hi. Tua bang i cih ciangin a masa lam a gen, Upmuanna hangin a kingah dikkisak theihna tawh kisai a nial kik ahi kei hi. A taktak in zong sepna i cih pen, Upmuanna sungah bang ci kalsuan ding cih lahkhiatna taktak hi zaw lai hi. Zeisu a hong paikhit ciangin a ki behlap thukham hangin Laisiangtho Thak sunga thukham kalhna te in Laisiangtho Lui sunga thukham kalhna te sangin haksa zaw lai hi , ki ci thei hi. Thuciam Thak khit ciangin a om thu-um mite a dingin Zeisu Khris gamtatna te tungtawn pan in i etteh theih dingin a hong kipia khin ahi hi. Midang hi lo in, tua Zeisu bek mah in eite zuih thei ding kalsuan zia te hong lak thei bek hi. (Moses, Daniel, David, Solomon, Enoch, Deborah, Elijah te lungsim bang na ci lo a) “Note in Jesuh Khrih lungsim puakzia na nei un” (Filip. 2: 5) na ci bek hi. Hih sanga sang zaw etteh ding om thei nawn lo hi.
NIMASANI (SUNDAY) December 17 NANGMA NASEPNA AHANG’
Rom Laikhak sungah doctrine (Thu Guilet) tawh kisai a gelhna alian 11 pan in man ta hi. A lian 12 pan in 16 kikaal pen ataka nuntak theihpih pah ding gamtatna te tawh kisai kihilhna te leh, aituam ciaptehna a tuamtuam te ahi hi. Ahi zongin hih ka nunglam a kigelh thu te nakpi takin thupi mahmah hi. Bang hang hiam cih leh, Upna sunga kalsuanna ah bang ci bangin nungta ding cih hong lak hi.A masa pen a dingin, Upmuan na in Pasian thuman theihna a hong kalhna pan in a hong hemkhia bangin, Upmuan na in thumanna tawh laih theih hi lo hi. Gamtat hoihna te ahih leh a tawntungin kimang tawntung ding hi a, Laisiangtho Bu thak sungah zong kicing takin kigen beh lai hi. Christian nuntakna sunah gamtat hoihna a hong kilatna thukham in ama nuntakna kep nop sak tuam hi cih pulaak na zong a om tuan kei hi. Tua bang bek lo in, khat veivei ciangin angsung kidona leh mawhna tawh kido na ah gualzawh theihna dingin atawntung in haksa (I Pet. 4: 1) hamtang hi. Ahi zongin Christian te a dingin Pasian vangliatna piak dingin kamciam om a hih manin gualzawh theihna ding muan theihna i nei thei hi. A hi zongin Leitungah nungta lai ihih manin i galte in a hong dok na dingin ze-etna tampi mah i nawk hong kul lai ding hi. A lungdam huai thu ah, mawhna sungah i puuk kha zongin, i tuukkha , palkhial kha phial zongin, eite a hong nusia ngeilo eite a dingin ahong thuumsak den Siampi lian khat anei ihi hi (Heb. 7: 25).
Rom. 12: 1 sim in. Hih sunga gentehna tungtawn pan in, Christian te a dingin bang ci bangin nungta ding cih hong hilh hiam? Hih thu in Rom. 12: 2 tawh bang ci bangin kilem thei ding hiam?
____________________________________________________________________________________
Rom. 12: 1 sungah Paul in, Laisiangtho Lui hun lai a gangawh biakpiak dan tawh kisai in hemgen pian hi. Tanglai in Ganhing tawh Pasian kiangah a biakpiak theih zel mah bangun, Tu in Christian te in amau te pumpi tawh amau leh amau kithah tawmna tungtawn in hi nawnlo in a siangtho kipiak khiatna tawh Pasian nasem dingin a ki zangkhia in ki-aap ta ding cihna ahi hi.
Tanglai Isreal te hun laitak in, biakpiakna dingin a hong paipih uh ganhing te pen, hoih tak kidawm takin sit dikdek phot uh hi. Tua ganhing tungah poi na khat teitei a muh khak uh leh tua pen sang lo pah giapgiap uh hi. Bang hang hiam cih leh Pasian in ganhing a poi peuh mah a sang lo dingun thupia khin zo hi. Tua ahih man in Christian te in zong, amau te pumpi pen, “a hingtang kipiakna, a siangtho leh Pasian santham a cing” ding in i kipiak ding a hi hi. Tua bangin a kipiak theihna dingun amaute hih theihzah in a pumpi mun tuamtuam te hi ta leh i lungsim ngaihsutna khempeuh ah a siangtho thei pen dingin kep tawntung ding ahi hi. A kuamah in pauban na a nei lo, kawk a banglo ki om hi mah ta leh, i hanciam theih zahin citakna tawh niin a banglo dingin i nuntak ding ahi hi.
“Na lungsim uh ki puahpha sak un” (Rom. 12: 2). Hih ci bangin kalsuanna tawh Paul in Christian te i khantoh zia ding hong gen hi. Hih thu pen Christian a hi khin sa te tungah a gen hi lai hi. Christian nuntak zia pen a khawl/ ding ding ki hi lo a, tu a i dinmun pan in a hoih pan in a hoih zaw sem ah a kalsuan a kikhin toto ding te a ci nuam ahi hi.”Martin Luther, Commentary on Romans, pp. 167, 168. Christian nuntakna sungah a hoih mun pan in a hoih zaw ah kikhin toto ding i cih ciangin bang a gen nuam hi ding hiam?
NINIHNI (MONDAY) December 18 A KILAWM IN NGAIHSUT THEIHNA
Tu Quater i Lesson sungah Pasian Thukham a kip a hih zia i sinkhit tak ciangin, Rom Laikhat sunga Paul in agennop thu in, Thukham Sawm in bei khin ta cihna a hi zongin Upna in thukham pen bangmah lo ah tunkhin ta cihna ahi zongin ngaihsut khialh khak lohna dingin a hong gen kik kikna te i sin zo hi.A hi zongin Thukham sunga akigelh laimal te theihna in a thupi hi masa lo a, tua thukham nunga a om (kha) ahi a deihna bulpi ki mangngilh kha zel hi. Thukham in a deihna bulpi pen Itna hi a Pasian It theihna leh i mipihte tawh ki-It theihna ahi hi. Mi a kuamah peuhin ki-itna anei dan, a It thei dingin kigen thei mah uh a, nisim nuntakna ah Itna lahkhiat theih ding pen thudang pi khat hong suak leuleu hi.
Rom. 12: 3 - 21 sim in. Midang te i It zia bang ci bangin langkhia sak thei ding ihi hiam?
______________________________________________________________________________________
1 Kor 12 leh 13 sungah Paul in Khasiangtho letsong a tuamtuam te a gen khit ciangin, tua te khempeuh sangin a thupi zaw mun-ah itna pen na sangkhai mahmah hi. Itna i cih (Greek kam in “agape” ki ci ) in a hoihpha mahmah pen ahi hi. “Pasian in Itna hi” (1 John 4: 8) na cih hi. Tua ahih manin, Itna in Pasian zia leh tong kician takin hong lak hi. Midangte tungah itna i lah theihna dingin, Pasian in amau te tungah a bawl ding dan in i bawlna hi a, Pasian in a kep dan mahin i kep na ahi hi.
Hih lai munah Paul in, Itna pen bang ci bangin a taka langkhia sak ding cih tawh kisai hong hilh hi. A thupi mahmah khatin, kiniam khiat theihna ding lunggulh theihna hi a: tua kiniam khiat theihna pen a ma dinmun sangin a khengval “a kituakzah valin kilian ngaihsut lohna” (Rom. 12: 3), “khatlekhat kizahtak bawl” in ki deihsak na (Rom. 12: 10), leh amau ngaihsutna tawh “ki pilsak lo ding” (Rom. 12: 16) cih te ahi hi. Khris in zong a mah leh a mah a kigen na ah “Keima hakkol zamin kisuan un la, kei kiangah hong kisin dih un. Kei pen kiniamkhiatin neem hithiat ka hih manin ka kiangah na tawl uh a dam ding hi (Mat. 11: 29) na ci hi. Tua banga Khris kammal in itna laigil tawh kisai na telcian sak hi.
Mi khempeuh lak pan in Christian te pen a kiniamkhiat pen dingte ihi hi. A taktak in zong eite pen bang zah hong huh ding a om lo te, bang zah tak in mawhna sungah a puuk khin te i hiam cih ki en in. Gupkhiatna ngah theihna dingin eite septheih a hi lo midik suah theihna a ngahte i hi a, ei leh ei a kikheel thei ngeilo ding dinmun pan in eite sungah kikheelna a hong om theihna dingin na a hong sem vangliatna sungah bangzah takin kinga zo beek ihi hiam cih zong ki ngaihsut huai hi. Eite sungah bang kiphatsak pih ding, bang kisak theihna ding om mawk hiam? Eite i kipaak theihna dingin eite sungah bang om mawk hiam? Bangmah om lo hi. Hih kiniam khiatna tawh kisai in, Pasian mai ah bek hi lo in, i mihing pih te tung mahmah ah zong ki pankhia in, Paul in hih sunga a hong hilhna thu khempeuh tungtawn pan in nuntak pih tek ciat ni.
Rom. 12: 18 sim in. Tu a na dinmun, na nuntakna sungah hih Laisiangtho mun tungtawn pan in bang ci zatkhiat theih sawm na hi hiam? Hih sunga a hong genna tungtawn panin, na nuntakna tawh a kituak thei dingin bang ci gamtat ding na hi hiam?
NITHUMNI (TUESDAY) December 19 CHRISTIAN TE LEH KUMPI
Rom. 13: 1 - 7 sim in. Hih lai mun pan in Kumpi Ulian te leh eite i kizopna ding tawh kisai in, bang thu bulpi, thugui te zuih theih dingin mu thei ihi hiam?____________________________________________________________________________________
Paul kammal te sung pan in, a lunglut huai mahmah thu khat in, hih Laikhak agelh lai takin, Rome gam sungah a thukhualna a nei lo a hiamgamh mahmah milim bia Kumpi te in Leitung a uk lai tak uh hi a, tua mite gamtat na a siat mahmah a, a maan Pasian thu a thei ngei lo makai te a hi lai uh hi. A sawt lo in amaan Pasian a bia te tungah nasia takin bawlsiatna hong tung takpi hi. Tua Kumpi te mahin Paul nangawn hong that takpi uh hi. Tua bang Kumpi gilo te ki-ukna nuai ah a om uh hangun, Paul in Christian te pen, gam mihoih a hi dingin hong hanthawn hi.
Hi mah hi. Tua bangin a genna ahangin Laisiangtho sung limlim ah, kumpi ki-ukna tawh kisai kalsuan zia ding mun tampi ah kimu thei hi. Kumpi ki-ukna, a om dingin Pasian in a ngimsa (ordained) ngiat ahi hi. Mihing i cih pen,mihoih suah theihna dingin hi bangin thukhun leh thukham ki-ukna sungah a om kul hi. Ki-ukna neihlohna, vaihawm om lohna pen, Laisiangtho deihna dan hi lo hi.
Hih bangin i genna hangin Pasian in kumpi te’ kiukna kalsuan zia te, bang ci bangin kalsuan ding cih a geelna te khempeuh tungah pomsak hi cihna hi tuanlo hi. A beisa hun sunga tangthu te leh, tulai hun mahmah in zong, Ki-ukna sungah mipi te tungah a gamhtat mahmah, a thuakhak mahmah makai te om uh hi. Tua bang hi mah ta leh, Chrisitian te in Pasian’ thu tawh a kikalh thukhun te zuih dingin a hong kisawl masiah gammi hoih suah theihna dingin, ei hong uk Kumpi tetungah citak takin panpih siamna tawh gam thukhunte i zuih zawh sawm ding hi. Hong uk Kumpi te langkhat ah mapan/ malak khakna a hong om khak mah leh zong nasia takin thungetna tawh mapang in la, midangte kiang pan in a cianpiak na zong na ngen ding hi. Mangmuhna sunga genkholhna te tungtawn pan in i muhtheih thu in, hun khat teitei ciangin, Pasian a dingin a citak nungzui khempeuh te in Leitung Kumpi makai te ukna langpan na hangin buaina tuak ding cih genkholhna bel om khin zo hi. (Rev. 13). Tua hun ding a hong tun masiah, bang gam, bang gam ah i om phial zongin, eite’ Pasian mai ah, gammi hoih a suak thei dingin, i hih theih zahin i kalsuan ding hi.
“Mihing te’ vaihawm ki-ukna hi mah ta leh, Pasian in a sehsak, a pompih bangin sangsiam ding hanga, Kumpi te in amaute uk theihna kuam sungah i om nak leh, a hong kipia thukhun khempeuh tungah, a thumang thei tek dingin ki ngaihsut theihna leh tua bangin a mangsiam dingin zong i kihilh ding hi. A hi zongin Pasian thu tawh a kikalh thukhun te a hong om khak leh, Pasian kam sung pan in pusuak Ama thu pen, mihing te bawltawm a thukhun te tungah a sanglap toh thei dingin i khensat ngam ding hi.
“Eite in kumpi thunei te tungah, a thu omlo pi in zahtak lohna tawh i vau kha kei ding hi. I kammal te ah, i gen khiatna hi ta leh i gelh khiatna pan hi ta leh, kidawm takin i ngaihsun masa phot ding hi. Tua a hih kei leh thukhun leh thukham te a awlmawh lo cih bangin kumpi te in hong ngawh kha thei ding uh hi. A kul lo pi in, I nasep na lampi a hong daltan thei ding gamtat kampau na te i zang kha kei ding hi.” - Ellen G. White: The Acts of Apostles, p. 69
NILINI (WEDNESDAY) December 20 KHAT LEH KHAT KI-ITNA
“Khatlekhat ki-it ding cih lohbuang, kuama tungah leiba nei kei un. Midang a itte in Thukham deihna teng a zuikhin ahi hi.” (Rom. 13: 8). Hih lai mun pen bang ci bangin tel thei ding i hi hiam? Khat leh khat tungah, Ki Itna i nei nak leh Pasian thukham te a zuih kul tentan nawn lo hi a ci nuam ahi diam?____________________________________________________________________________________
Mual tung thuhilhna sungah Zeisu in a gen mah bangin, Paul in Thukham tawh kisai gamtat zia ding gencianna hong nei leuleu a, eite in i sepkhiatna khempeuh ah anung pan in a hong gamtang khia sak thei vangliatna pen Itna bulphuhna tungtawn pan in a hi dingin hong gen hi. Bang hang hiam cih leh, Thukham in Pasian zia leh tong kilah khiatna ahih na leh Pasian in ki-itna a hih manin, midangte i it theihna in thukham deihna khempeuh a zui khin ki hi tak pi hi. A hi zongin, Paul in kician taka lungsim gamtat zia ding a hong lak Pasian thukham te leh a thu kician sinsen lo in a hi nem-num peuh ahi itna mawkmawk tawh teh theih dingin hi lo hi. Pasian’ zia leh tong lahna ahi Pasian Thukham pen zuih ding in om den lai hi. Bang hang hiam cih leh, mawhna in bang hiam cih a hong kilang khia sak theih hang zong ahi hi. Mawhna a om zia tawh kisai kua in nial ngam mawk mah ding ahi hiam? A hi zongin Thukham pen Itna taktak tungtawn pan bekin a kizui thei bek ahi hi. Singlamteh tungah Khris a that mi honkhat te in thukham a zui dingin inn lam a delh vingveng na uh zong a phawk huai mahmah thu khat ahi hi.
Itna guipi in thukham zuih zawhna hi ci in Paul in a gentehna mun ah, bang thukham te bulphuh khia ahi hiam? Bang hangin tua mun te a tuam vilvel in hong teeng khia hiam? Rom. 13: 9, 10.
A lungluthuai mahmah thu khat in, hih Itna gui pi tawh kisai a hong piankhiatna pen a thak in a hong om phing hi pan lo hi. Lev 19: 18 sungah “nomau na ki-it uh bangin na vengte uh na it ding uh hi” a cihna Paul in lasawn in, tua bang ki it theihna pen, Thuciam Lui hun lai pek a kipan in kicing takin tua thugui tawh kizui in, a zuih khit zia uh hong gen hi. Ama Lungdamna thupuak a huh dingin Thuciam Lui sunga thu te hong zang kik ahi hi. Hih Paul in a bulphuh Thukham nihte te bek mah bulphuh in mi honkhat te in thukham a tuamtuam sung pan in, hih thukham nih bek mah a om lai bek dan in gen uh hi. Tua bangin a hi takpi ding hi leh, Christian te a dingin, nu leh pa zahtak kul nawnlo dinga, milim biakna phamawh lo dinga, Pasian lo milim pasian dangte zong aki bia thei ta cihna a hi ding hiam? Hi thei lo hi.
Hih thu a genkhiatna ahang en kik ni. Paul in midang te tawh bang ci bangin kizom thei ding cih a hong genna ahi hi. Mimal kizopna a limgen nuam pen ahih manin, tua thu tawh kisai a ki zawitawn pen thukham a tengkhia a hi hi. Hih sunga a genna hangin Thukham a dang khempeuh phiatsiang khin cih na dingin paulap zon theihna ding a om kei hi (Acts 15:20; 1 The. 1:9; 1 John 5:21 te zong en in). Laisiangtho thak a gelh khempeuh te in zong a hong gen mah bangun, Midangte na it ciangun, Pasian na itna uh ki latkhiatna hi ci uh hi. (Mat. 25:40; 1 John 4:20,21).
Pasian tawh na kizopna ngaihsun kik in la, tua na kizopna in, midangte tawh na kizopna ah bang ci bangin kilang khia sak thei na hi hiam? Tua banga kizopna sungah ki itna in a bang zah in mun lian hong luah zo hiam? Tua bang na gamtat theihna dingin a hong dal in bang hiam?
NINGANI (THURSDAY) December 21 TUNI IN EITE GUPKHIATNA NI HI
“Tu-in note in khua phawkin na khan’lawh ding uh hun hita hi. Bang hang hiam cih leh Jesuh Khrih i up cil lai hun sangin tu-in Pasian in leitung haksatna panin eite hong hotkhiat ding hun hong naizaw hi.” (Rom. 13: 11)Tu Quarter bup i sin khin sa mah bangin, Rome mite tungah a laikhakna sungah Paul in a lunggulh a vei mahmah thukhat a nei hi. Tua in Rome gama om pawlpi sung pan in, a diakdiak in Jew thu-um mite in a theihtel ding un Thuciamna kalsuan na sungah Upna leh Sepna tawh kisai a thupit na a telna dingun hilhcian nuam mahmah hi. A buaina uh in Gupkhiatna tawh kisai in, mimawh khatin Pasian mai ah bang ci bangin midik in leh mi siangtho in kiciamteh thei hiam cih thu ahi hi. Thukham a bulphuh mahmah te a panpih theihna dingin Thukham pen a om na ding mun a hi a sep a bawlna te thukim takin bulphuh pih hi. Jew biakna limlim zong Laisiangtho Lui hun lai in, hehpihna mah a bulphuh Biakna mah ahi hi. Thukham zuihna bek tawh diktan theihna upna (Legalism) a hong laang gawp ciangin tua in siatna tampi hong tun hi. Tua bangin khialhna leh buaina a pian lohna dingin i Pawlpi in zong bang zah takin kidop huai hiam?
Rom. 13 : 11 - 14 sim in. Bang thupiang tawh kisai Paul in gen a, tua thupiang ding i ngak kawm in bang ci bangin nungta in kalsuan ding ihi hiam?
________________________________________________________________________________________________________________________
Paul in thu-um mite tungah, Zeisu ahong pai kikna ding thu hong nai ta ahih na tawh kizui in khanlawh theihna ding leh ki pumkhat theihna ding hong gen hi. Hih thu pen tuma kum tulnih lai in a kigen khol ahi phial zongin awlmawh loh ding hi peuhmah lo hi. Khris a hong kum ding a hong nai mahmah ta hi cih lam-en tawntung kawm sa mah in i nuntakna i zang toto ding hi. I awlmawh na tungtawn pan in ahi zongin, i tunga thupiang te tungtawn pan in ahi zongin, i sihni ding ahong nai semsem mah bangin Zeisu ahong pai na ding zong hong nai mahmah ta hi. Kaal kik ciang maw, ahong tung ding tu zawh kum 40 ciangin ahi zongin a si ding zong i hi thei a, han sung mah ah zong i ihmut sung ni 4 khawng maw kum 400 bang a ihmu lai phial ding i hi zongin- eite a dingin a ki lamdanna om nawnlo hi. I khanlawh kik ciangin i muh masak pen dingin Zeisu a hong pai na hi ding hi. Sihna in eite kiang bang hun bang hun ah a hong tun theih mah bangin, i hun neih te zong tom mahmah a, eite Gupkhiatna ni ding zong i pianthak tunglai sangin hong nai semsem ta hi.
Zeisu a hong kumkikna ding tawh kisai Paul in Rom Laikhak sungah a tam genloh hangin, Thessalonia laikhak sungleh, Korin laikhak te sungah kicing takin hong gelh hi. Hih thu in Laisiangtho Thak bu sungah a ki bulphuh penpen thu ahi hi. Kumkikna leh kumkik ding lam-etna a om kei leh, eite Upna in a mawkna hong suak ding hi. Atak tak in zong, “Upmuanna tawh Diktansakna ngah” i cih ii deihna zong, Zeisu ahong kumkik tawh tua thumaan a hong picin sak zo kei mawk leh bang a khiatna nei nawn tuan mawk ding ahi hiam?
Zeisu in mai kha kik teh a hong kumsuk vat dingin kician takin a thei bang hi le teh, na nuntakna na bang ci kheel tam? Banghangin kheel sawm limlim na hia? Tua thu te Zeisu ahong pai ma kha khat bangin kheel man ding kisa na hih leh, bang hangin tuni mah in kheel sawmlo na hi hiam? A bang ngak lai lai na hiam?
NINGANI (FRIDAY) December 22
SINBEH DING: Laisiangtho bu sungah Pasian’ lunggulhna khempeuh kilang khia hi. Pasian kammal sunga thuman thutak khempeuh te in Sangpen pa’ thupuak te ahi hi. Hih thumaan thutak te a nuntakna sungah a kalsuan pih, anuntak pih kha te in, a nuntakna sungah mithak hong suak pah ding hi. Ama tungah lungsim vangliatna thak a kipiak loh hangin theih theihloh na te leh mawhna hangin telsiamna ding khempeuh a khaktan meeipi teng kihem khia ta ding hi. “Lungsim thak ka hong pia ding hi” cih a khiatna in, “ngaihsutna thak ka hong pia ding hi” acih na ahi hi. A kikheel lungsim in thuman thutak a telsiam thei dinga, Christian i hihna tawh kizui in i hih dingin a kilawm kituak te hong semkhia sak ding hi. Laisiangtho a sim den khat leh, thu a ngen tawntung khatin a kician thubul mattheihna nei pah dinga khensat theihna maan zong nei a hih manin, Pasian lam ah a kihei na tungtawn pan in, theihna lam ah a sang semsem na mun ah ki lamsang to ding hi.” - Ellen G. White: My life Today. p. 24.
“Topa hong pai kik dekdek ta hi. Ama hong kilaak na ni a dingin a kiging kawm a ngaklah kawm in i om ding hi. Oh! tua ni bang zah takin a nuam ding hiam, Ama tawh kimuh thei dingin leh a hong tatsa a hong muak ni ding! Sawt vei pi ngak khin mah ta leng, I lam-etna te a kiam ngei kei hi. Kumpipa leh Ama hoihna a mu ding i hih leh, tawntung in thupha i ngah ta ding hi. “Ka van Innpi ngai si’ing maw! ci a nakpi taka kapkhiat ding ka lunggulh kha phial hi. Khris in Ama vangliatna leh A minthanna tawh a teelsa mite tawntung nuntak theihna dingin Ama’ tawntung Innpi sung ah a teeng dingin a hong laakni ding a ni ani in hong nai semsem hi”.- Ellen G. White: Testimonies for the Church, Vol. 8. p. 253.
KIKUP DINGTE:
1. Khat veivei ciangin gammi hoih suah theihna ding leh Christian hoih i suahna ding baih tuak lo hi. Mikhat in Pasian deih dan ci-in Kumpi te deihna tawh a kituak lo gamtatna khat a gamta dingin hong gen hi leh, bang ci bangin huh thei ding na hi hiam? Bang hangin hi ci bang hun ah na sia takin thunget na tawh khensat pan ding kisam hiam?
2. Thukham tawh kisai in, a thukham mah zuih ding baih zaw maw, a mi mahmah tungah pau banglo in itna tawh lahkhiatna baih zaw? Hi ci bang teel kawikawi ding thu tawh kisai kul na sa maw? Kul na sak kei leh bang hangin kul sa lo? 3. Rom Bu sung na sinna pan un, ki puahphat ding a kul zia bang ci bangin hong thei sak hiam? Rom Laikhak in i upna in bang hi a, bang hangin um cih hong bang ci hilh hiam?
Post a Comment
Lametna Aw hong ging lai hi. Hun bei ta ding hi. Lametna a om lai in na bil ngat inla, Topa hong sapna ngai in.