MS 12: Topa Tawh Thuneihna Agen: Victor Bufteac

Topa Tawh Thuneihna 

Agen: Victor Bufteac, 40 (Min lawhzia: Victor Baptek)

Nipi 12na: December 23      Moldova Gam

(Hih thu a gen dingin pasal: upa ahih keileh siate khat sawl in!)

Ka teenna Moldova gamah nuntaakna haksa simsim hi. Tua laaiah ka naseppeen thatang tawh muh bangbang nasep ahihmanin ka gim hi. Tua ahihmanin, a kibawlsa passport (gamdang pai theihna letmat) ka lei a, nuntaakna nuamzaw lamen in Ireland gamah ka lal hi. 

Inndei khat ah ka ompihpa pen Seventh-day Adventist pawlpimi khat ahi hi.

Hong Buaisak Inndei Sungah Ka Ompihpa 

Alexander in Lai Siangtho tatsat loin a simna hangin ka naak heh mahmah hi. “Ka neu laai aa kipan ka zuih pawlpi ii upna pen maan hi,” ci-in ka geen hi. Alexander in a Lai Siangtho leem in ka pawlpi a maanlohna Lai Siangtho mun hong lak hi. Sunday ni kikhoppih dingin leh a siangtholo an neekpih dingin ka zawn zo ngeikei hi. Amah tawh ka omkhop uh nuam kasa hetkei hi. Alexander in tui a kiphuum zawhkhit ciangn Lai Siangtho nisim in sima, kum 8 sungin Lai Siangthp bup 8 vei a simkhit zawhna hong geen hi. Lai Siangtho ka sim ngei peuhmah kei hi. 

“Kum 2000 sungin Lai Siangtho a kikheeI lohna nong lak thei ding hiam?” ci-in ka to hi. Alexander in Lai Siangtho sungah a kigelhte a maanmah ahihna hong geencian hi. Nisim-in minute 90 sungta Dublin khuapi kanasepna ah hun la in ka simden hi. Lai Siangtho cikmahin a kikheel lohlam kaa telsiam seemseemta hi. 

Alexander sim Lai Siangtho peen Adventistte bawl tuam hi dingin ka um hi. Tua ahihmanin kei Lai Siangtho leh ama’ Lai Siangtho ka enkaak hi. Then I decided that Alexander was reading from a special Adventist Bible. So, I got my own Bible and compared it with his. A bu nih in kibanglian hi.

Alexander Ka Khialhsakna

Niguk (Friday) nitaak khat, Sabbath dawn kikhawm dingin a kithawi Alexander ka muh ciangin ka lung hong kiasak dikdek hi. Siikzop nasep a seemlel Alexander in Lai Siangtho thu hihzah takin a theih mawkpen ka telssiam thei kei hi. Lai Siangtho sim hanciam ding leh Alexander a khialh lam lah ding ka khensat ta hi. Kei zong hanciamin ka nial zawh nadingin keima bawltawm dotna 100 ka gelh hi. Gentehna in;

* Banghangin Sunday a hilo Saturday ni-in kikhawm ding?

* Banghangin voksa nelo ding?

* Banghangin Daniel bu 2 sung genkholhnate thupisak mahmah? 

A Kikheel Lungtang

Lai Siangtho ka sim kawmkawmin, ka bawl dotnate, a dawnna ka mu toto hi. Ka mit hong kihong in, ka khankhiatna pawlpi in thumaan a zuihloh lam ka telsiamta hi. Ka lawmpa Alexaander kiangah ka khialh lam ka pulaak kuul ding hi. Tua baanah, Pasian’ thu mangin, Sabbathni kikhop ka kipat pah ding a hihlam ka telsiamta hi.

Amah tawh biakinn kikhop ding ka geen ciangin Alexander in lamdang savat hi. Tua zawh kum khat ciangin tui ka kiphuum hi. 

Pawl dang ka suah a theih ciangun, ka innkuanpihte leh ka naaihuaite lungdam khollo uh hi. Ireland aa a teeng ka lawm khat in a hai bangin hong ngaihsun tazen hi. Bangmahmah in kei hong khaaktan zolo hi. Kei aadingin a thupipeen in Topa Zeisu sungah ka nuntaak ding leh Amah tawh ka kikhawlhkhop ding ahi hi. 

Cihtak Kadingin Nohbawlna

Ireland gam ah ka om theih nadingin ka lei a maanlo ka passport (gamdang pai theihna letmat) vaai in, Alexander in hong no hi. Mi’ thu man ding saangin Pasian’ thu manhuaizaw a hihna ka um seemseem hi. Tua a hihmanin ka passport balkeekin ka paai hi. Ka Moldovan passport bek kanei laaia, tua tawh Ireland gam ki om theilo ding hi. Palik ulian khat pepeuh in hong sit le uh uut leh uutloh tawh kisai lo-in ka gam ah hong ciahsak ding hi. 

“Topa aw hih gamh ka om ding nong deih keileh Nangma’ deih bangin hong makaih in,” ci-in thu ka ngeen hi. 

Tua laai hun innasep ka neikei a, passport lo tawh nasep a kingah theilo ahi hi. Ahizongin, thu ka ngetkhit a sawt loin, cidamna lam kipawlna ah zaancingte makaai nasep ka ngah hi. Sabbath ni na ka seem khakei hi. 

Tua ciangin, “Topa Pasian aw, ka cihtak theih nadingin midangte piak mahbangin kumpi tungah siah ka pia nuam hi,” ci-in thu ka ngeen hi. 

Siah ka piak theih nadingin siah nambat ngah masak ding kisam ahihmanin ka Moldovan passport tawh ka kigual hi. Ka mai ah Latvia gam panin hong pai, Mangpau a siam hetlo nupa kopkhat zong kigual uh hi. Siah dong ulian pa in amaute sawtpitak paupih hi. Amau zom ah kigual kahih manin ka pataau sim giigee hi. Ireland gam ah a thumaan lopi in ka om lam siahdong ulianpa in hong thei leh bang hong ci peuhmah ding cih bekbek ka ngaihsun hi. 

Latviante nupa a man khituh ciangin tawlet vang ah ka passport ka lah kawmin, siah nambat ka deihna ka geen hi. Siahdong ulianpa in ka nungah a kigual deetdaatte sawi-et in, ka passport hong piakik ziau in ka gelh ding laai kha thong pia hi. Ka passport pen a et mahmah in zong enlo laai hi. Kaal khat khit ciangin laito panin siah piakna nambat ka ngah a, siah ka pia pah hi. Ka lawmte in hong uppih theilo in lamdang sa mahmah uh hi. 

Kum sawtpi khit ciangin ka gam Moldova ah ka leengkik vingveng a, Ireland gam siahdong uliante in ka siah piak a vaalteng nangawn hong piakik liangh uh hi. 

Moldova gam ka tunkik ciangin M A lukhu neelkaai ka ngah a, Germany gamte company khat ah thukhun tawh kituakin ngaihsutna hoih a pia pa (legal adviser) zaa tawh na ka seem hi. Tua laai-ah zong Sabbath ni n aka seem keia, thumaantakin siah ka pia hi.

Topa Pasian hong hehpihna tawh, tuni-in Topa Pasian Thukhaam leh mite thukhaam ka zui hi. Topa Pasian in ka ngaihsut zah saangin thupha tampi hong pia hi. 

Mission Dinmun

• Orthodox Tapidawte 100 ciangin 90 pha uha, awn thum leh saang nga ( tengh sawmthum leh nga) phaa uh hi. 

• Moldova ah Adventist pawlpimi 9,000 pha in, Adventist pawlpimi khat ciangin gammi 388 tawh kikim hi. Euro-Asia Division bup sungah pawlpimi a tampeenna gam ahi hi. 

Moldova gam ah Adventist pawlpi 238 oma, gambup ah Adventist saang khatbek nei uh hi. Hih saang pen, khuapi (Capital city) panin tai 50 a gamlaatna ah kihong hi. 

##########@@@@@@@@@@##########