Sinna 17: Pasian' Thukham

 SINNA 17 – PASIAN' THUKHAM

Thupatna: A maanin gamta-a a hotkhiatna ih ngah ding Pasian in hong deih sakna thu ih sin khin zo hi. A maan bang hiam cih ih koici theih ding hiam? Leitung ah awging tam mahmaha, hih maan zaw, hua maan zaw, cih vive a hihi. A hi zongin Pasian' kammal a hi Lai Siangtho in gammang tulaka lampi a hong lak meivak ahi hi. Tua sung panin Pasian' deihna ih theithei ding hi.

1. Pasian' gam bang zahin zai hiam? Late 103:9.

Theih ding: Pasian in na khempeuh piang saka, tua na khempeuhte a ukpa Amah hi pah hi. Amah in ukna gam nei a hih mah bangin tua gam vai a hawmna dingin thukham a hih kei leh ngeina nei ding cih theihsa hi pah hi.

2. Pasian in mihing' kiangah Ama thukhaam bangci hilh hiam? Thuhilhkikna 4:12,13.

Theih ding: Pasian in A Thupiakte gen khia masa hi (Paikhiatna 20 leh Thuhilhkikna 5). Tua khit ciangin suangpek nih tungah gelh hi. Pasian in A thukham thupi sak a hihna leh tua thukham kikhel ngei lo a hihna, tua in hong kilang sak hi.

3. Pasian mahmah leh A thukham kikhel thei lo a hihna Lai Siangtho in koici gen hiam? Malakhi 3:6; Luke 16:17.

Theih ding: Pasian kikhel lo a hih mah bangin a thukham zong kikhel lo hi.

4. Sinai mual pan thukham a kipiak ma-in mite in Pasian' thukham thei khin a hihna bang tawh kilang hiam? Rome 5:13, 14; 1 John 3:4.

Theih ding: Adam leh Eve hun lai pekin mawhna om khin zo hi. Thukham om kei leh mawhna cih theih ding om lo hi. Adam' hun lai-in thukham kithei khin zo hi. Abel a thah ciangin Pasian' thukham palsat a hih lam Cain ki thei hi (Piancilna 26:5).

5. Ama thukham sungah Pasian' zia-leh-tong bang khawng kimu thei hiam? Rome 7:12.

Theih ding: Pasian in ki-itna hi. Ki-itna tungah Ama thukham a kinga hi-a, ki-itna pan bekin picing thei hi. Thukham siangtho in hoih hi. Pasia' zia-leh-tong hong kilang sak hi.

6. Pasian a itte in Ama thukham bangci ngaihsut uh hiam? Late 111:97,165.

Theih ding: Pasian ih it leh Ama deih bangbang kihih nuam ding hi. Nawngkai, gimhuai kisa lo dinga (1 John 5:3), tua in suahtakna lampi hong hilh zaw ding hi (Jacob 2:12).

7. Tua thukham-i deihna bang zahin zai hiam? Thuhilhsia 12:13,14.

Theih ding: Mihing in bang teng hih ding cih Thupiak Sawm sungah om khin hi.

8. Bangn piciang tawh mite' nuntakna (gamtatna) kiteh ding hiam? Jacob 2:10-12.

Theih ding: Pasian' thukham in mite' nuntakzia a kitehna piciang a hihi.

9. Jesu in Pasian' thupiakte bangci ngaihsut hiam? John 15:10.

Theih ding: Pasian' thupiakte kizui thei a hih lam Jesu in hong lak hi. Tua thupiakte ih zuih theihna dingin Pasian tawh kiho den kul a hihna zong hong lak hi.

10. Thukham tawh kisai-in Jesu in bang hong hilh hiam? Matthew 5:17,18.

Theih ding: Pasian' gam leh ukna ah thukham in a pangpi a hihi. Pasian' thukham thupi a hih manin Jesu in hong sih lawh zaw hi. Pasian' thukham kikhel thei, kiphiat thei hi leh Jesu hong sih ding kisam lo hi.

11. Jesu in, thukham buppi-i tawphah bang hi, ci hiam? Matthew 22:37-40.

Theih ding: Thupiak khatna pan lina in Pasian' ih it lam a kilatna hi-a, ngana pan sawmna in, Pasian in eite hong it zah maha a it, midangte zong ih itna ding hong lak hi. Tua a hih manin ki-itna in thupiak buppi-i

tawphah a hihi.

12. Khrist a dawn dinga kigingkholte' thu koi bangin kigen hiam? Mangmuhna 14:12.         Theih ding: Ni tawp ni cianga vantung ah laktohna a ngah ding mite in Pasian' deihna bangbang a mangte hi ding hi. Pasian' deihna pen amau' deihna hi pah ding hi.

Thukhupna: Satan in, Pasian' thukham khauh lua hi, zuih zawh ding hi lo hi, ci hi. Leitung ah Jesu a om lai-in Ama gamtatna tawh, Pasia' a iti takpite in midangte zong it a hih lam, tua in Pasian' thukha a kicinna a hih lam, hong lak hi. Thukham in Pasian a kimuhtelna limlang a hih man bangin, eite in Pasian' koici ngaihsut cih Ama thukham ih ngaihsut dan in hong lak hi. Amah ih it nak leh Ama deihna kizui (kibawl) nuam hi.