FSS ZIRLAI 13: KHRIHFAPAWL IH NUNDAN

ZIRLAI 13: KHRIHFAPAWL IH NUNDAN December 23-29  

SABAT TLAI LAM: December 23 

TUZARH SIAR DING: Rom 14-16. 

BIBLE CANG KEN: “Nan unaupawl ziangah so na soisel? Ziangah na unaupawl na nautat? Ziangahtile Khrih ih thuthennak tohkham hmaiah kan zaten kan ding leh ding”. (Rom 14:10) 

A tu cu Rome cabu ih a cemnetnak kan thleng ih, himi cabu ruangah Protestant a rak semsuak. Protestant kan si ih himi cabu ihsin pial lo dingin ziangtin so in sim? Protestant sinak le Adventist kan sinak hi Bible daan hrampi lawnglawngah a hngataw mi a si ih cucu zumnak tahfung umsun a si. Rome cabu ruangih rak thenaw mi thlarau lamih kan papawl in Bible thu ruangah an rak suahsan ti kan zir zo. Cui thutak cu zumnak ruangih rundamnak thutak sunglawi kha a si. Hmual nei zetih a fehmi thutak cu Paul in Rome cakuat sungah a ngan. 

A zaten a tawizawng in ngan sehla milem bia thawnginn kiltupa ih thusuhnak “Rundam si dingah ziang ka tuah ding” (Tirh. 16:30) timi kha a si. Kha mi thusuhnak kha Rome cabu sungah kan hmu ih Luther san laiah kawhhran in a rak phuan dah lo mi a si. Himi thu ruangah remthatnak hram a thokih tui nitiang a um lanta mi a si. 

Himi thu hi a netnak lamah Paul in thu dang pakhat ah a tuah. Khakha a tumtah mi cu a si lo nan, a cakuat 141 142 sungih telh dingah thupi poimawh a si. Kan hrangah a sunglawi mi cathianghlim a si. 

Paul in himi cakuat a netnak ah ziangtin so a tuah? Ziangtin so a ngan, kan hrangah thutak ziangvek so a si? Paul ih in roh ta mi lawng si loin Protestant kan papawl khalin in rohmi a si. 

THAWHSAL NI December 24 ZUMNAK CAK LO 

Rom 14:1-3 sungah mizuk biaknak ih hmanmi sa einak thusuhnak a um. Tirhthlah 15 sungih Jerusalem khawmpi ahzumtu Zentail miphunpawl hrangah ei le in ding thuah daan tuahmi a lang. Mizuk biaknak ih hlan zomi raithawinak sa bazar ih an zuarmi thuah thusuhnak an tuah theu (I Korin 10:25). Khrihfa hrekkhatpawl cun khavek kha poisak an nei lo. Mi rhekkhat in an helhkam ruangah sa ai ah thlaihnah an ei. Himi thu hi harhdamnak hrang lawngih thlaihnah thlairah einak thusim mi a si lo. Paul in eithiang le thiang lo thuah daan a tul nawn lo tiih a nganmi khal a si lo. Himi thu hi khavek ih ruah dingmi ah a ruat lo. A tong hman mi ah “Ziang hmuahhmuah ei thei” (Rom 14:2) tiih a simmi kha a thiangmi le thiang lo mi rannung thu a sim lo nan an lak sual theu a si. 

“Zumnak cak lo member pakhat hrang vekih a simmi a si. Mi pakhat ih hmuhdan kha a dik maw tiah suh ding a si lo. 

Rom 14:1-3 ah ziangvek danpawl so lak ding kan neih? Rom 14:1 ah zumnak cak lopawl soisel lo ding kha a poimawh zet (Rom 14:3). Cumipawl in ziangtin so zumnak cak an neih thei ding timi ruahnak pek sawn ding a si. Khrihfa zumtu, uluk zetih a zohtu cu Pathian a si. Pathian ih a duh lomi zumtu kan rualpi soiselnak tuah lo ding a si. Amah kha Pathian ih cohlan mi a si zo. 

Rom 14:4 kan zoh tikah a simmi ziangso a si? Ziangvek in so kan hmuh? Tuni zirlai ih kan hmuhmi daan kha kan thinlungah cin ringring ding a si. Mi thinlung sungah cangvaihnak a um lo hmanah buainak suahter le relsiat rero ding a si cuang lo. 

Tuah mi zianghman a nei lo tiah kan soisel ding maw si? Isaiah 56:10 ah inn kilvengtu asinan a bo lo mi uico vek a si a ti. Tong ding can le daitei um ding can ziangtin so kan theihthiam ding. Dik zetin ziangtin so kan nung thei ding? 

TLAWNGKAI NIKHAT December 25 THUTHENNAK TOHKHAM HMAIAH 

Rom 14:10 siar aw. Midang kan soiselnak thu ah fimkhur dingin Paul in ziangthu so in zirh? 

Mi zangfah sawn loin soiseltu lamah kan tan can a um maw? Khavek kha kanmah khalin kan tuah theu mi a si. Cumi vek thil tha lo an tuahmi kha a thatlonak kan hmu thei zet. “Mi va soisel hlah, Pathian in a lo soisel ve ding”. Min a soisel vekin nangmah khal Pathian in a lo soisel ve ding. Midang parih na hmanmi tahfungin Pathian in a lo tah ve ding. Na mit sungih thingtum hman poisa loin na unau pa mitsung ih a mithnawm fate kha ziangah so na poisak. Na mitsungih thingtum um cingin ziangtin so na unau mithnawm na coihsak thei ding? (Matt. 7:1-4) 

Paul in thlung hlun thu a simmi kha a tican ziangso a si (Rom 14:11). Isaiah 45:23 ih a nganmi ihsin thuthennak hmanih kan din theinak dingah in bawm ding. 143 144 Mi hmuahhmuah ka hmai ah an khuk an bil theh dingih mi hmuahhmuah Pathian hmaiah phuangaw dingin kawh kan si ding. A sim duhmi cu pumpak ciarin mai nunih rak tuahmipawl simnak a neih cio a si ding (Rom 14:12). Midang hrang kan simsak thei lo ding. Ka unaupa kiltu ka si lo timi ih a sullam kan thei fiang ding. 

An pehparawkdan na thinlung in cingkeng awla, Rom 14:14 ah Paul in ziang a sim timi na theihthiamdan in simaw. 

A simmi cu mizuk biakpawl ih raithawinak sa an ei thu a si ko. Sa thiang le sa thiang lo ei ding thu a si lo. Paul in mizuk biaknak ih hmanmi sa ei hi a sual lo tiah a sim (I Korin 8:4). Mizuk bepawl in an sunloihmi cawzuk, butlak zukpawl hnenah ti le rawl an pek mi a si lo sawm. 

Zokhal in a sia tha thleidannak fimvar zetin thleidang thiam seh. Ziang siar loin um hlah she. Zumnak cak a nei mi in a tawntaipawl kha hmuhsuam hlah seh. Zumnak tawntaipawl kha beidongih an tluknak dingah thil tuahsak hlah hai seh. 

Bawipai lamih tangtupawl in tihphannak um lo dingin Paul in ralrinnak in pekmi ziangso a si. Kan hmuhdan ziangtluk in tha hman sehla, midang theihdan hmuhsak thiam lonak hi ziangah so fimkhur a tul? 

TLAWNGKAI NIHNIH December 26 TISUALNAK A UM LO 

Rom 14:15-23 siar aw. (Cule I Korin 8:12;13 tla siar aw). Thu laimu a simmi tawiten ngan aw. Himi cang ihsin kan nun in sawhhngettu dingah kan lak thei dingmi ziang daan so a si? 

Rom 14:7-20 sungah Khrihfapawl in kan hmaiih thil thleng dingmi hmu thiamtu si dingah a duh. Ti le rawl hi a poimawh zetih milem biaknak ih hlan zo mi sapawl hnakin thlaihniah, thlairah a duhsawn in ei dingih a hriltupawl in buainak tuahsak ding a si lo. Cuhnakin thlarau thianghlim hnenah lungawinak daihnak le dingfel thianghlimnak kha tumtah sawn ding a si. Tuisan kan kawhhran ah ei-in thuah thusuhnak a ummipawl ziangtin so kan hmangthiam ding. Harhdamnak thucah tampi a um ih, a hleice in ei-in thu zirhawknak hi kan hrangah malsawmnak a si. Khavek ih a hmuthiam lotupawl hrangah cun kan danglamawknak kha hmaizahnak pek kan thiam a tul. 

Rom 14:22 sungah amai sia le tha thleidan thiamtupawl ih thu a rel laiah a sim betmi cu thil dik tiih a ruahmi sirawknak nei loih a tuahtu cu milungawi a si (NIV). Fimkhur dingah Paul in ziangso in sim? Hihi thildang a sim mipawl thawn ziangvek in so a remawk? “Ka nun hlimnak dingah ka hnipuan hruh le ka ei-in ah zohman buai hlah uh” timi tong na thei theu ding. Khati a si ahcun zohman um lonak hmunih kan um a tul ding. Kan umdan kan tongkaa, kan tuahmi, kan ei-in pawl a thatnak lam (or) a siatnaklamin midang a zelbuaiter thotho. Thil tha lo na tuahmi a lo hmutu cun na tuahmi vek tuah duhnak a nei a si. Ka fim kan ti-awk lai hi kan aat lai tak a si. Na thu a lo eltu khan a pomdan pom ve dingah na nor thei lo. Khrihfapawl hi kan tuahmi in midang nun a hloter thei ruangah mawhsiat tlak kan si. Pakhat le pakhat parah mawhphurhnak kan nei cio asi. 

Zohthimtlak ziangvek in na langter ding? A hleice in thalaipawl (or) ringtu tharpawl in na tuahmipawl an lo cawng theinak dingah na tuahmi an hmuh tikah nuam na ti maw? 

TLAWNGKAI NITHUM December 27 NI ULHNAKPAWL 

Kan umdan vekih a umlotupawl ih thu kan rel ruangah midang tluknak dingih mi soiseltu kan si thotho. Paul in midangpawl ih an ulh duh lomi ni hleice a serhtupawl ih thu a sim. 

Rom 14:4-10 siar aw. Paul ih thusimmi ziangso kan theithiam ding mi a si? Thukhaam (10) ih a palinak thu a simmi a si maw? Ziangruangahso? 

Ziang ni serh thu so Paul in a sim? Ni ulh mi pakhat hman a nei lo mi le ni ulh hleice a neitupawl thawn an doawknak thupawl a simnak thu a bang. Himi doawknak hi Galati 4:9,10 thawn kan zohtlang ahcun Paul in ni hleice, thla hleice, can serh hleice, kum serh hleice an ulh mi thu ah Galati Khrihfapawl a kawknak a bang sawn a si. Zirlai 2 nak kan zohsal a si ahcun Galati kawhhran sungih Khrihfapawl kha vunzim tan ding le Mosi daan sungih thupek dangpawl ul dingih a sawmnak thu a um. Rome kawhhranpawl in himi zirnak an pom pang ding tihi a thinphannak a si. Rome Khrihfapawl kha harsatnak an tonnak ihsin an rak bumih a tul nawn lo mi Judah-pawl ih puai ni kha an ulhter. Hitawkah Paul ih a simmi cu: nangmai duhdanin tuah ko awla, nangmai tuah vekih a tuah lotupawl ih an hmuhdan kha soisel hlah tiah a ti. Khrihfa hrekkhatpawl ih an ruahdan ahcun Judah-pawl ih an ulh mi nikhat (or) cuhnak ih tam an ulh cun himnak ding a um tiih tuahnak an neihmi kan hmu thei. Paul in anmai duhzawng le an thinlung duhdan in um ko seh tiah a ti. 

Rom 14:5 thu hi zarhtin sabat thu a si an ti. Himi thu a sim duhmi a si lo. Paul in thukham palinak a sim duh ruangih a lakmi a si tiah an ruat men thei. Tu kuata sungih kan zir zo mi vekin Paul in dan thlunnak hi phurrit a sinak a langter. Milem biaknak ih hlan zomi sa a eitupawl ruangah a hungsuak mi thu a si ih, himi ni ulh thu hi Paul in sabat thawn bangaw in a retnak a um lamlam lo. Hihi ni sarih sabat thu thawn tahthimnak ah hmang hman sehla sabat ni ulhnak thawn pehparawknak a nei lo. Sabath ni ulhnak thu a sim duhmi a si lo. Piter in Paul cakuat nganmi ih ralrinnak a rak simmi vek kha a si. A ca nganmi le cakuat hmuahhmuah ah hivek in a ngan theu. A cakuat mi sungih a nganmi thuhla hrekkhat cu thei harsa an si ruangah mi aa le mi hnget lopawl cun Ca Thianghlim cangdang ih a sullam an hrilhfiah sual vekin a pingpeng in an sim theu ih, cuti cun anmai parah siatnak an thlenter a si a ti (2 Pet. 3:16). 

Sabat thawn pehparaw in tonnun na neihmi a um maw? Na hrangah lungawinak a si ve maw? Sabat ni Bawipai thlawsuah a pekmi vekih co thei ding le tuah thei dingah nun thlenghnak ziangso na neih mi um? 

TLAWNGKAI NILI December 28 A NETABIK TONGKAMPAWL 

Rom 15:1-3 tiang siar aw. Himi catlangah Khrihfa hrangah a thupi zetmi ziangso kan hmuh thei? Himi bungcang sungah Jesuh thluntui nunih a sullam kan theih dingmi thu tampi a um. 

Bible cang dangpawl in kha mi vek pomdan in zirh ve. Hi mi daan hrampi na nunah na langter thei ding hi a thupi zet a si. Paul in thunetnak le thukharnak danglam zetin a tuah. (Rom 15:5,6,13,33). 

Zawnruattu Pathian timi cu a fatepawl hngetkhoh zetih ding thei dingah bawmtu Pathian tinak a si. Zawi theitu timi hi ‘hupomone’ ti a si ih “tuar theinak” hngetkhoh zetih tuar tento theitu tinak a si. “Consolation” timi hnangamnak hi ‘tha peknak (or) forhnak’ tiih lehlin theih a si. Tha petu timi cu minungpawl ruahsannak a petu tinak a si. Daihnak Pathian kan ti tikah remdaihnak petu Pathian tinak a si ih amahlawng in remdaihnak a nei. 

Mi tampi kutkaih cibai buknak a tuah hnu ah thunetnak ziangtin so a tuah (Rom 16:25-27). 

Paul in a netnak ih ca a nganmi ah Pathian thangthat sunloihnak a tuah. Pathian hi Rome Khrihfa le Khrihfa hmuahhmuah umpitu a si. Pathian ih rundamfa lepawl hrangah Pathian rinsannak hngetkhoh zetih an neih theinak dingah a kilhim thei. An zumnak thawngin thiam a coter ih, a tu ah Thlarau Thianghlim hmangin lam a hruai. 

Paul hi cankhat ih hmun pakhat hrangah tuah dingmi tuanvo le mawhphurhnak neitu a si ih, himi cakuat ngan dingah Bawipai thawkkhum mi a si. Hmailam thil thleng ding mi thu Paul hnenah Bawipa ih a phuanlang mi cipciar ih kan theih mi a um lo. 

Paul in lamzin dangih an pial hlonak thu a thei (2 Thess. 2:3). Ziangtlukin a thei timi Bible cang in a tarlang lo. Cakuat a nganmi ah a hleice in ni netabik canah ziangvek thil a cang ding ti kan theih lomi thil umdan a thlite in theihmi a nei. Protestant rak suahnak himi Bible cangah a um ih, leitlun mipawl in mangbangza in sahrang dung an thlun a si (Thup. 13:3). Jesui hnenah rinum zetih an din theinak cu Bible sirhsan ih an pumpekawknak le zumnak an neih ruangah a si. 

TLAWNGKAI NINGA December 29 
RUAHBET DING: E.G White in Pathian minungpawl le zumtu unau dangpawl hnenah an donharnak cingfel dingah ruahnak pe dingih a pantupawl hrangah tihnung zetmi kha I hmuhter. Hivek ding a si lo. Anmah zawn ruattu le duhdawttu in a hnenah ra dingin a sawmmi an si. Amah cu donhar vansang phurrit thawn an um laiah an phurrit sawng theitu a si….. Thuhla zingzoi in kan hnenah mi tampi an ra ding. Hihi ka tuah ding a si maw? Hi mi hnatuannak ih tel ve dingah thukam ka tuah kem? (or) Ziangvek hnipuan so ka hruh ding. An thu ka lehsalnak cu Khrih ih daan pek zo mi nan si ih Bible zoh uhla zir uh ti a si. Hi leitlun mipawl lakih a rak tlanglengtu kan Bawipai umdan kha thlacamnak nasa zet le Bible siarnak thawn zir uh. Amai nun cawng uhla lamzin fialmi ihsin nan pial lo ding. Na ruahmipawl cu hnon pumhlum a si. Na tuah dingmi lawng kan lo sim thei ding. Nangmai ruahnak menin Jesuh pan lo ih kan lo hruaidan kha zoh aw. E.G. White, Testimonies for the Church vol. 2. Pp. 118,119. 

Kanmai tuah dingmi ah midang kan tuahter ding a si lo. Kan tuah ding in simmi hngakin kan um ding a si lo Milai ruahnak pekmi rinsan in kan um lo ding. Bawipa in midang kha duhsak zetih kan zirh theinak dingah duhsak zetin in zirh zo … Pathian duh lo mi tuah lo dingi ah thuthen catnak a neitu cun an theifiang ding. Amai hmaiah tuah ding mipawl sim theh a si zo ih, tuah rero dingmi a si. E.G. White, Desire of Ages. P. 668. 

Kawhhran sungah mah le mah rinsanaw in amai pumpak duhnak lawngih a feh rero mi na hmu dah ding. Thiltitheinak a neitu thlarau lo cun tuah theimi ngaingai an nei lo. Mah le mah rinsanawknak ngaingai nei dingih hruaitu cu thlarau a si. Cuvek minungpawl cun mi ih tihzah upat mipawl ih ruahnak peknak le mithiam sangpawl ih thuthennak hnakin amai thuthen catnak a rinsan sawn. Acts of Apostles. Pp. 163,164. 

RELTLANG DING: 1. Khrihfapawl hi famkim zetin ziangtin so kan um thei ding? Tuzarh sungih kan zir mi ih a tumtah mi ziangso a si? 

(a) Kan zumnak ah rinum zetih um dingin kan nundan vekih a nung lotupawl kan hmuh tikah relsia loin ziangtin so kan um ding? 

(b) Midang ruahnak dil loin kanmah ih ruahnak dik kan neih mi ihsin zumnak a pialsantupawl ziangtin so kan bawm thei ding? Ziangvek canih daitei kan um ruangah, mawhthluk kan si ding. Bawipa ah miluat kan sinak le mi zohthimtlak nun kan neih mi kan langter ding a si.