FSS ZIRLAI 11: HRILMI MIPHUN

ZIRLAI 11: HRILMI MIPHUN  December 9-16 

SABAT TLAILAM: December 9 

TUZARH SIAR DING: Rom 10,11. 

BIBLE CANG KEN: “Pathian in a minungpawl cu a hnong maw si? Hnong lamlam hlah. Ziangahtile kei khal Israel mi Abraham tesinfa Benjamin hnam ka si” (Rom 11:1). 

TUZARH zirlai cu Rom bung 11 hmuitin mi Rom 10 sung thu a si. Paul ih ruah miphun kan ruat vivo theinak dingah himi bung pahnih kan siar a tul. 

Himi bung pahnih ah rel tlang ding tampi a um, an thu cu a fiang zet ko, Pathian duhnak kha mi hmuahhmuah hrangah a si ih, mi hmuahhmuah rundam an si ding. Tumtah mi le hmuh a duh mi a si. Rundam ngahnak dingah a hnon mi a um lo. Rom 10 ah Judah le Grik danglamnak a um lo timi fiang zetin a langter (Rom 10:12). Leitlun ah Jesuh Khrih thawngih pekmi Pathian zangfahnak a tulmi misual kan si theh. Mi hmuahhmuah hrangah zangfahnak a si ih miphun, cithlah, hrinhnam thawn a senglo, daan tuahnak ruangah a si fawn lo. Jesuh zumnak thawngih a um mi a si. Amah cu mi hmuahhmuah ai-awh in thihnak a tuartu a si. Tuahdan thlengh sisehla rundam khawkhannak hi tuah a tul lo ding. 

Rom bung 11 kha Paul in himi thupi hmangin a pehzom a si. Kan theih dingmi cu Paul in hrilmi tiih a sim tikah rundamnak kha a sim lo. Pathian khawkhan thiltuah mi kha lei killi a khat theh mi a si. Zohman rundamnak ngah lo dingih hnonmi an um lo. A tumtahmi tla a si fawn lo. Cross dunglamah Zentail hnenih thuthangtha sim hramthoknak ah Paul in phundang zetin a tuah mi a si. Zumtu hmaisapawl cun Judah siseh, Zentail siseh leitlun hmuahhmuah ih thuthangtha sim dingin tuanvo pekmi an si. 

THAWHSAL NI December 10 KHRIH LE DAAN 

Rom 10:1-4 siar aw. Hlanlai ih a fehpi mi thupawl cing ringring awla, hitawk ih thuthangtha hi ziangso a si? Mai dingfelnak rinsan in kannih the kan um maw? 

Daan kaihngettu thildang hi simfiang harsa zet a si ding. Anmai thiltha tuahmi lawng hi an hmu ih, ei in khal suupaw thei zet, sabat ulhnak khalah khoh zet, thiltha lo timi hmuahhmuah an tuah lo, an theitawk ih thiltha a simi hmuahhmuah tuah tentotupawl hi daan thlunnak thangih awk mipawl an si. Kan nun sung hmuahhmuah ah kan sualnak theiaw in Pathian thianghlimnak le nun thianghlim in pek zo mi kilhim ringring ding kan si. Cumi ihsin mai tuahnak ih dingfel tumnak ihsin kanmahten venghimaw ding kan si. Kha mi kha Khrih dingfel thianghlimnak thawn a remaw zetmi a si. 

Rom 10:4 hi a thupi zet mi cang a si ih, himi hi Paul in Rome cabu a nganmi thuthangtha ih a hnukpi a si. A hmaisabik ah a thu pehzomawkdan kan theihthiam a tul. Judah-pawl cun daan an thlunnak ruangah (Rom 10:5) dingfel thianghlimnak dinsuahpi an tum tla a si mai thei (Rom 10:3). Asinan a rami Messiah in dingfel thianghlimnak laksawng ah in pek. Khrih a zumtu hmuahhmuah hrangah dingfel thianghlimnak kha laksawng ih pek theh mi a si. Amah cu hlanlai raithawinak ih in khihhmuhmi a si. 

Hitawk ih daan hi thukhaam (10) a tel ringring mi pakhat a si. Thukhaam (10) a cem zo a tul nawn lo tiih a sim mi pakhat hman a um lo. Thukhaam (10) in kan sualnak, kan palhnak, kan tawntaihnak a langter ih runtu bawi kan tulnak theithiam dingah in hruai. Jesuh hnen lawngih ngah theimi sual ngaithiamnak le dingfel thianghlimnak kan tulmi in sim. Daan in Khrih ih dingfelnak ah in hruai ih Khrih cu dan cemnetnak (A tawpkhawk) a si timi a sim duhmi a si. Cemnetnak timi kha Grik in, ‘teloes’ ti a si ih “a tumtah mi” (or) ‘kawl’ tiah lehlin theih a si. Khrih kha daan ih a tumtahmi ih a netnak cu a si. Curuangah dan in Khrih hnenah in hruai. 

Himi cang hi thukhaam (10) le a sungih a palinak sabat dodalnak ah an hmangih Paul le thlung thar thuzirhnak dodalnak ih hman dingah a thatnak le santlainak a nei lo. 

Midang thawn na thimawk tikah anmah hnakih tha ah na hmu-aw maw? Na tha deuh tla a si mai thei. Cumi cu ziangmi zawnah so a si? Khrih thawn thimawk sal awla ziangtluk in so thatnak na neih, ruat hnik aw. 

TLAWNGKAI NIKHAT December 11 ZANGFAHNAK IH HRILMI 

Rom 11:1-7 siar aw. Himi cangah remsal theih nawn loih hnonnak thuzirhnak ziangso a um? 
“Pathian in a minungpawl a hnong maw” tiih thusuhnak ah Paul in zangfahnak ih hrilmi a tangmi umsun a miphunpawl thu ihsin a phi a pek ih, Pathian in a minungpawl dungtun in a tlansan dah lo ding tiah a sim. Judah le Zentail bangran in rundamnak a pomtui hrangah a si tiah a sim. 

Thuthimnak ah Pentecost ni ih piangtharpawl kha Judah miphun lawng an si ding timi kha kan theih a tul. Peter hnenih langnak le thilmak zet a hmuhmi ruangah Zentail-pawl tla Khrih zangfahnak ih luh theinak ah bangrep in an co ve (Tirh. 10, zohthim ding Tirh. 15:7-9). Cuti cun thuthangtha kha an hnenah an sim a si. 

Rom 11:7-10 siar aw. Paul in Jesuh hnongtu Israel mi hrekkhatpawl in rundamnak hmu thei loin um hai seh tiah Pathian in a tuah hrim tiah a simnak a si maw? Cumi ruahdan ih a palhnak ziangso a si? 

Paul in Rom 11:8-10 Thlung Hlun sungih mi rinum zet Judah-pawl ih thu a sim. Paul in himi ca a nganmi ah Pathian in Israel mipawl kha thlarau lam ihthahnak a pekih an hmuhnak le an theihnakpawl a khamsak a si. Rundamnak ah in hruaitu tleunak kha hmu thei lo dingah Pathian in milaipawl ih mit cawtnak a venhim sak lo maw si. Lamlam ah. Himi hi Rom 9 ih a rak hrilhfiah zo mi kha a si. Paul in pumpak rundamnak thu a sim lo. Pathian in mipi kha rundamnak ihsin a hnonnak a um ve lo ti ah a ti. Hi minungpawl in anmai tuahtuannak an zoh ruangah a si. 

Rundamnak ah Pathian ih hnonnak a um timi ruahnak hi ziangtluk in so a sual. Ziangah so kha mi kha mi hmuahhmuah rundamnak ih Jesui thihnak thuthangtha dodaltu a si thei. Himi pomdan hi Judahpawl ih thuhla ihsin a suak mi a si ih, ziangtluk ih riahsiatza so a si?

TLAWNGKAI NIHNIH December 12 A HNGE TEK TAKTAK 

Rom 11:11-15 siar aw. Paul ih a simmi ruahsannak hi ziangso a si? Himi ah thil bangaw ih a fehpi mi pahnih kan hmu: (1) Israel-pawl ih can bikimnak (Rom 11:12), (2) Israel-pawl cohlan an sinak Rom 11:15. Dungtun ih a umnak can karlakte sung hrang lawngah a si ih, cohlan salnak can a rak kim a si ti Paul in a theithiam. A pahnihnak a phi a pekmi kha himi bungih a hramthoknak ah a ummi thusuhnak a si ih Pathian in a minungpawl a hnong maw? timi a si. Dungtun ih ngaihsak lonak kha cantawite sung lawng a si ti a sim. 

Rom 11:16-24 siar aw. Kan hnenah Paul in ziangso a sim? Paul in Israel lak ihsin rinum zet ih a tangmi umsunpawl kha inn ih cinmi Olif kung vek a si tiah a ti. A hnge tekpawl cu sahthlak an si. Zumnak nei lotupawl tinak a si. Pathian in a minungpawl a hnong lo timi a phisinnak a si (Rom 11:2). A hram le a kungpi cu a tang thotho a si. 

Himi kungpi ah zumtu Zentail-pawl kha peh an si. Sual sirnak nei zumtu Israel a simi thingkungpi le a hrampi ihsin cahnak thazang thawn hnianghnar zetih cawm reromi an si. 

Jesuh pom duh loih hnongtu Zentail-pawl kha zumnak an neih tikah ziangtin so an um. Rundamnak hlo thei lo kha Bible ih zirhdan a si lo. Rundamnak kha laksawng pekmi a si. Pom loih um khal a theih. Ziangtik lai can khalah rundamnak lenglam ah kan tlansuak thei timi fimkhur zetih kan ruah dingmi a si. Rundam kan si lo ahcun thatnak kan neih khalah man a nei lo. Kanmai tuah thei mi zianghman kan nei lo, duhhrilnak tla kan tuah thei lo. Himipawl ruangah rundamnak kha kanmah thawn kan hlatawknak a si. Curuangah Pathian zangfahnak kan zatei hrangah voikhatah a famkim ih in pekmi thawn a remaw lo mi hmuahhmuah kha kan hnonih kan hlon theh a tul. Khami a rinsantu lawngin a net tiang thatnak an nei tlaitluan thei ding (Rom 11:12). Cuipawl cu rundam ni ah lakso mi an si ding. 

Zumtupawl in midang parih thatnak an tuahmi ruangah porhawk ding a um lo. Kan rundamnak hi kan hlawh suahmi a si lo, laksawng a si. Cross hmaiah le Pathian thianghlim hmaiah a zangfah tul, misual kan si theh. Misual in kan neih tulbik mi thianghlimnak kha a zangfahnak thawng lawngin kan ta a si. Tluang khawn ding kan nei lo. Hi leitlunah milai tisa kengih a ra mi Jesuh in kan hrangih in tuahsak mi lawng hi kan tluangkhawn ding umsun a si. Riahsiatnak kan tuarih kan sualnak ruangah a thi, ziaza mawi kan nunpi ding mi in pekih cuih nun famkim nunpit thei dingah thiltitheinak pek in tiam. Amah kan rinsan cun hipawl a zaten a famkim thei ding. Amah tel lo cun leitlun in in pekmi riahsiatnak siar lo beisei ding zianghman kan nei lo. 

TLAWNGKAI NITHUM December 13 ISRAEL HMUAHHMUAH RUNDAM AN SI DING 

Rom 11:25-27 siar aw. Paul in thil rung um ding mipawl ziangso a sim? Hlanlai ihsin tuisan tiang Rom 11:25-27 sung thu hi Khrihfapawl ih an elawk theu mi a si. A fiang zetmi thu malte a si ko. A hramthoktu Pathian in Judah mipawl a bomnak ih a sullam a si. Himi bungcang hramthoknak ih thusuhnak a phi mi a si. Pathian in a minungpawl a hnong maw si? A phi cu a hnong lo ti a si. A vun simfiangdan cu an mit cawtnak te hi a si. Grik in “porosis” Mirang in ‘hardness’, lungruhnak ti a si. (2) kha mi kha can malte sung hrang lawng a si ih Zentail-pawl can a kim hlan sung lawng a si ding. 

“Zentail-pawl can kim hlan sung” timi a sullam ziangso a si? Mi tampi in himi hi thuthangtha sim phuan thehnak mi hmuahhmuah in thuthangtha an thei theh dingmi a si tiah an ti. “Zentail a famkim hlan sung” timi a sullam hi hmuntin ah thuthangtha sim theh a si ding. Khrih ih a langter mi Israel ih zumnak hi kan zatei rundamnak a si ding. Thuthangtha hi leitlun khuazakip ah sim a si ding. Jesui ratnak can a nai zo ih, himi canah Judah miphun mi tampi cu Jesui hnen an pan thlang ding a si. 

A har zetmi thu pakhat cu “Israel hmuahhmuah rundam an si ding” timi sullam a si (Rom 11:26). Judah mi hrangah can cem zikah Pathian in rundamnak a pe ding timi a sim duhnak a si lo. Vai kai timi rundamnak hi Bible zirhdan a si lo ih, milai hmuahhmuah zaten (or) a dangte ih um mi thenkhatpawl ti tla a si lo. Paul in kha mi lakih mi hrekkhat cu rundam an si ding ti a zum (Rom 11:14). Mi hrekkhat in Messiah an pom ih, mi hrekkhat in an hnong. Cumi cu mi hmuahhmuah lakih thil umdan a si ko. 

E.G White in Rom 11 a hrilhfiahnak ah, “Thuthangtha sim theh a si tikah” tiin a can thu a sim. Cutikah Judah miphun tampipawl cu ….. Khrih kha anmah runtu Bawi ah zumnak in an pom ding. The Acts of Apostles. P. 381. 

Himi hnatuan tumpi hi kan leilung tlunah tuan theh a si ding. Bawipa in Zentail-pawl kawhkhawm an si ding tiah a ti. Zentail-pawl lawng a si lo ding. Judah-pawl 125 126 khal an tel ve ding. Judah miphun sung ihsin mi piangthar tampi an um ding. Anmai ruangah Pathian ih rundamnak meifar a tleu mi kha kan hmu thei ding. Judah miphunpawl kha hmuntin ah an um ih an hnenah tlaitluan thutak tleunak kha an thlenter. Pathian in daan thu a siat thei lomi huham mak zet a nei mi an phuan ruangah anmai lak ihsin mi tampi cu tleunak lam an pan ding. 

Khrihfapawl ih zumnak hrampi kha Judah sakhuanak ihsin a si timi kha thaten in ruat aw. Hril mi miphun Judah-pawl ih sakhua zirhawknak ruangah zumnak na fehpi mi theithiam dingah ziangtin so a lo bawm? 

TLAWNGKAI NILI December 14 MISUALPAWL RUNDAMNAK 

Paul in a miphun a duhdawtnak kha fiang zetin Rom 11:25-27 ah kan hmu thei. Amah le a thuthangtha thutak duh loih dodaltu a miphun a ram mipi a duhdawt timi hi amah hrangah ziangtluk in so a har. Hivek ih a um tla le mi tampi cun Jesuh kha Messiah tiah an zum leh ding. 

Rom 11:28-36 siar aw. Pathian duhdawtnak hi Judah-pawl hrang lawng a si lo. Minung hmuahhmuah hrangah a si timi Paul in ziangtin so a langter. Pathian ih huham le zangfahnak mangbangza kha Paul in ziangtin so a fehpi? 

Rom 11:28-36 sung hmuahhmuah ah Judah le Zentail-pawl tahthim in fiang zetih a simmi cu: Pathian lainatnak, duhdawtnak le zangfahnak kha misual parah a burh mi a si. Leilung sersiam hlan ihsin milai rundamnak dingih Pathian in khawkhannak a nei zo. Himi hrangah minungpawl a hmang thei. Miphun pakhat Pathian in a duhmi famkim dingah hmanrua ah a hmang thei. 

Rom 11:31 kha thlacamnak thawn fimkhur zetin siar aw. Judah-pawl hrang lawng si loin mi hmuahhmuah amah thawn pehzomawknak ah thuthangtha kan simmi ih a thupitnak ziangso kan hmuh thei? 

Kum zabi tam zet Khrihfapawl in Judah-pawl hnakin Messiah thuhla hi tha sawnin an zirh timi kha zum lo ding a um lo. Jesui thih hnu kum zabi malte sungah nasa zetih tluknak a rak um. Milem bia mi kulmuk zetpawl kha Khrihfa ah an lutih Judah-pawl ih ni sarih sabat colhni kha an hnongih Sunday ni an uar sawn tikah Jesui hnen thleng dingah a ol nawn lo. 

Jesui hnen ihsin zangfahnak pek cio a si mi Khrihfa hmuahhmuah hrangah ziangtluk ih thupi so a si? Zangfahnak ngahnak ding a dang a um lo. Khrihfa rak si hlah sehla a poi lo ding nan (Matt. 18:23-26). 

Na zangfahnak na langter ding a tul mi parah tuahsak lawn ziangtin so na um thei ding? Kha mi zangfahnak a langter lo mi hrangah cun thil harsa a si ih a poinak a um lo, ziangah so? Kha mi kha Khrih in kan hrangah a tuah zo mi a si lo sawm? 

TLAWNGKAI NINGA December 15 

RUAHBET DING: Israel-pawl in tuar theinak an rak neih lo ruangah an miphun in an sung. Mi tha a tangmi umsun lawng rundam an si ding. Runtu Bawi Jesui rat lai ih mi rinumpawl cun tipil petu Johan ih thuken mi kha lungawi 127 128 zetin an rak pom. Cumi in Messiah thuhla sim sungnak thuzirhnak lamah a hruai. Nazareth khua mi Jesuh kha an rak hngah rero mi a si titu Judah-pawl lak ih mi rinumpawl kha Khrihfa hmaisa an rak si. E.G. White, The Acts of Apostles. P. 376,377. 

Judah miphun lakih mi hrekkhatpawl cu Tarsas khua mi Saul vekih Bible lamih kulmuk zet an si. Hipawl in Pathian thukhaam a siat thei lo timi kha mak zet le hmual nei zetin an phuang. Zumnak nei ih a hnatuantu a siahhlawhpawl in a lang dingmi rundamnak kha rei tuk an hngak ruangah beidong zet le daithlang in an um. Ibid. p. 381. 

Thuthangtha a netkharnak kha tuini ih thuthangtha sunglawi a thei lotupawl hnenah thucah phurtupawl in lei killi ih a ummi Judah-pawl kha mak zetin an va hmu ding. Jahovah Pathian ih tumtahmi hrilhfiahnak dingah thlung hlun le thlung thar kha a remcandan ih hman vivo a si. Himi hi Judah miphunpawl hrangah thawhsalnak le siamtharnak a rungsuahnak ding a thlan an rak langter mi thuthangtha rawngbawlnak, Khrih Jesuh an hmuhnak ding a si. Cule Thlung Hlun kha Thlung Thar in ziangtluk in a simfiang timi an theithiam ding. Cutikah zianghman thei loih itthat zomi anmah sungih thiltitheinak kha a thangharh ding ih, Khrih kha leitlun runtu bawi a si tiah an pom ding. Anmah runtu Bawi ah Khrih kha an pom dingih mi tampi rundam an si ding. Ibid p. 381. 

RELTLANG DING: 

1. Pathian thukam pek ciami a um vekin Sabat thu hi ni neta lamah a thupi zetmi ah a cang. Judah-pawl cu thukhaam sunsak zetmi an si ih, annih hrang ahcun relbuai ciamco ding a tul lo. Adventist-pawl ih fehpidan ahhin leilung semhlan ih a rak um zo mi thu a si ti fiangternak ah bawmtu an si ding. Adventist le Judah-pawl zohthim sehla “Zirhnak thar dawnkhamtu a um”. Cumi reltlang uh. 

2. Kawhhran dang hmuahhmuah hnakin Adventist kawhhranpawl in Judah-pawl hnenah kan lut thei sawn. Ziangruangah a si ding? Na khua le na ramah Judah miphun hawl awla nangmai tualsung kawhhran in an hnen thleng thei dingah tuah theimi ziangso a um? 

3. Hlanlai Israel-pawl ih an palhnakpawl ihsin ziangso kan zir thei? Cupawl ziangtin so kan hrial thei ding?