MS 9: Gam A Hoih Nate A Bawltaak Mah Hiam?

Gam A Hoih Nate A Bawltaak Mah Hiam? 

( Agen: Roman Prodanyuk – Min simzia: Pro-dan-yuk)

Nipi 9na: December 2 Ukraine

Toma pen Georgia gam ah summeetbawl mihau khat ahi hi. Amah in U.S.$15,000, kholzo in mawtaw thak khat lei nuam hi. Ahizongin, nuntakna a haksa a sanggam a u leh a naute sum tawh huh ding bekbek hong lunggulh hi. Tua a lunggulhna pen thudang in meng zo mahmah lo hi. Zaan a khanlawh ciangin zong tua bekmah ngaihsun in, suun in zong thu dang a geel ding haksa hi. A sanggam a naaihuaite huh nading thu a geengeen khat a om tawh kibangliangh hi.
A tawpkhakna ah, Toma in ngaihsutna thak khat hong nei hi. Ama’ lawm ahi Summeetbawl mihau khat tungtawnin a naaihuaite aadingin the Netherlands gam ah khuahun tawh kizui in nasep muhsak hi. Netherlands gam a pai nadingin passport bawl man leh a vanleeng saap ding piaksak phot hi. Tua khit ciangin, a omlaai sumteng a naaihuaite hawmsak hi.
A naaihuaite in lamdang salua uh hi. “Bangci bangin lungdam hong ko thei ding kahi uh hiam,” ci-in dong uh hi.
“Kong piak sum pen letson hilo hi. Sum va thalawh unla, hong loh kik un. Tua takciangin mawtaw thak ka lei ding hi,” ci-in Toma in dawngkik hi.

Mi A Lungkimsaklo Leiba Neite
Toma’ naaihuaite in Netherlands gamah tawlkhat sung thaman hoih in sum tampi ngah uh hi. Toma in a leiba uh a loh dingin ngeen taleh thudon lo uh hi. Toma in phone tawh a hopih hangin dawng nawnlo uh hi.
Toma zong heh lua hi. Amah zong Netherlands gamah va leeng vingveng in, a lawm sum meetbawl mihaupa kiangah a naaihuaite thamante a leibat uh a loh nadingin a dawhkhiat dingin va gen hi. Amah zong sumtang US $ 15,000 tawh a gam Georgia ah hong leeng vingveng leuleu hi. Ahizongin, mawtaw thak a lei ding pen lem thei nawnlo hi. Mi khat in a sum alang na guuksak ngiaumawk hi.
Tualeh ni khat, sumbawlna vai tawh Ukraine gam ii khuapi (capital) ahi, Kiev [keef] khuapi ah va in hi. Khuapi paakhuan ah naupang 12te a kimawl ngeeingaai laitak va mu hi. A lungsim om theilo in paakhuan sungah va luut hi. Tualeh, lamkabom ah a kilam Seventh-day Adventist pawlpi in a veeng naupngte aadingin a tuamdiak pawi bawlpih a hihlam uhaam papi khat kiang panin hong theikhia hi. . Tua uhaam papi in, Pastor Roman a hihlam amah leh amah ki pulaak hi.
Toma’ lungsim sungah a naaihuaite leibat vai om laai ahihmanin ama’n thupha bawl napi-in thusia a suahna geenpah hi. “Bangci ngaihsut nahi hiam? A hoih a phaa a bawlhuai mah hiam? ci-in kuppih hi.
Tua hun sungin, pastorpa’ lungsim sungah Lai Siangtho mun tampi hong phuul khia hi.
Pastor Roman in Toma lamah hong kihei in, “Nong thugeente lakah nong geen naailoh a thupi pawlkhat omlaai kha dingin ka um hi,” ci hi. “Na naaihuaite na huh ma-in a gentheihna uh Pasian mawhsak uh hi, a mawhsak mah uh hiam?” ci-in geenbeh hi.
“Bangci theih nahi hiam?” Na cih banglian ahi hi,” ci-in Toma in geen zakzak kha liangh hi.
“Thei mah ing. A hangin, Romans 3:4 sungah, ‘Na thugeen a maan naakleh nang hong kimawhsak hangin na gualzo ding hi. Mite in zuauthu a gen zongin Topa Pasian in thumaan geen veve ding hi.’
“Na naaihuaite in amau’ gentheihna hangin Topa Pasian mawhsak uha, ahizonginTopa Pasian in amate sum neih nading leh nuntaakna thak a a kipat theih nadingun hunphaa khat pia hi,” ci-in Pr. Roaman in deihsakna tak tawh geen hi.
The pastorpa in, “Thunihna pen na naaihuaite’n Georgia ah hong ciahkik ciangin a sum khem-peuhuh mawk beisakin a gentheihna uh Pasian a ngawhleuleu lamuh nong geenkei mawk hi,” ci hi. “Tua banglian himah hi. Nang bangci theih nahi hiam?,” ci-in Toma in lehdot hi.
Pastorpa in zong, “Thei mah ing, banghanghiamcihleh, Paunak 13:11 sungah ‘Oltakin hauhpakna oltak mahin kiamkik pah hi’ ci-in na kigelh hi,” ci-in dawngkik hi.

Mailam Thu Genkholhna Lamdang Sa
“ Nong geenloh a nunungpen thu khat omlaai hi. Netherlands panin lungkia sa in Georgia ah na ciahkik ciangin na summeetbawlna khangto hi,” ci-in Pastor Toma in geenbeh hi.
“Bangci theih nahi hiam?, Ka summeetbawlna ka lawhcing takpia, lamdang kasa hi,” ci-in lungdamtakin Toma in dawngkik hi.
“Ka thei hi, banghanghiamcihleh Paunak 19:17 sungah, ‘Mizawngte tungah a piate in a hehpihte’n Topa tungah a pia hia, Topa in a cingin amaute tungah lohkik ding hi’ ci-in kigelh hi,” ci-in geen hi.
Pastorpa in ama’ vaai a geensak theihmawk pen Toma in lamdang sa hi. Ahizongin thu omziate ama’n telsiang naailo hi. Pastorpa in a geenthuah laai nadingin thuum hi.
Pastor Roman in: “Na naaihuaite zawngin, amau gentheihnate Pasian ngawh uh hi. Thukhen ni ciangin amaute’n Pasian a mawhsak theihloh nadingun amaute hunphaa khat piak dingin khensat hi. Pasian in amate sum apia ding mi khat zong hi. Tua pa pen nang na hia, Kha Siangtho in naa naaihuaite na huh nop nadingin hong tawsawn hi. Na nial zawhloh dingin na naaihuaaite huhnopna na nei vanvan hi. Ahizongin na naaihuaite thumaanlo uha, a hunphaa ngah uh a hoih in zanglo uh hi. Tua ahihmanin, Pasian in hunphaa hong pialo hi ci-in Thukhenni ciang in paulap a neih theihloh nadingin nang hong huhsak ahi hi. Nang zong thukhenni ciangin Pasian’ mai ah na ding dinga, ‘Banghangin ka naaihuaite tungah thu hoih bawl napicin, kei tungah hong bawl lo nahi hiam?” ci-in na dongkha ding hi. Topa Pasian in, ‘Nang tungah bang hong baa kahi hiam? Na naaihuaite muantaak hetlo himataleh, na sum piakkhiat zah kong ngahsakkik hi. Na piaakkhiat sum na ngahkik hi,” hong ci ding hi.
Tua kammalte a zaak ciaangin Toma hong kapkhia a, “Topa Pasian in ka naaihuaite ka piakkhiat zahbek hong piakik loin, a zah thumtak hong piakik hi,” ci hi.
Pastor Roman in aw neem tawh, “Tua ahihmanin, a phaa a hoih a bawlhuai mah hiam? ci-in dong hiathiat hi.
“A phaa a hoih thu bawlhuai mawk mah,” Toma in ci hi.
Na thungetna uah, Adventist pastorte leh a pualam va phaakna a nasepna aadingin nong phawkpih uh lungdam mahmah ung.

Pr. Roman Prodanyuk pen Kiev Conference president ahi hi.

##########@@@@@@@@@@##########