Mission Story: Pasian’ Thu In Kongkhaak Khat Hong by Nikolai

Nikolai, 20   

Nipi Nihna

October 14                                                                             Kazakhstan Gam

 Pasian’ Thu In Kongkhaak Khat Hong        Agen: Nikolai, 20         

 (Nikolai in  patauhhuai phone tawh a kisapna hangin innkuan khat kikheelsak hi)

Kum 20 a phata Nikolai pen Seventh-day Adventist pawlpimi khat hia, Tapidaw a hihlam a ki theihkhak dingbek nangawn a lauhuaina Muslim minam sungah teeng hi. Amah in gamdang khat ah Adventist pawlpi in a phuat uh cina bawlna sinna ah  kha khat sung cina bawlzia va sin hi. Inn hong ciahkik ciangin, a facebook panin mi cinate bawl ahihna taangko khia hi.

Lametna Bei Nuu

A sawt loin a taangkona facebook panin a na mu nuu khat in patauhna tawh phone tawh hopih hi. A khangnolaai a tapa a bawlsak dingin tua nuu in thuum hi.

Nikolai in tua pasalno ii natna a muh ciangin bawl huai maw, bawl huai lo cih thu ah a lung kaa hi.  “Hi bang natnate bawl ngei nai keng. A kipantuung hipan ing,” Nicolai in ci hi.

Ahizongin tua nuu in, “Hehpihna tawh hong pai hoh in. Kuama’n ka tapa bawl nuam lo uh hi,” ci-in thuum teeiteei hi.

Nikolai zong uutlo pipi in tua pasalno cinatna en dingin va hawh hi. Pasalno’ pa inn a va tun ciangin, pasalno’ pa natna nasialua saa hi. Tua nupinu kiangah, “Ka dah hi. Na tapa bawl theih nadingin pilna leh siamna ka nei naai kei hi,” ci hi.

Pasalno’ nu a khitui luang hi. “Hehpihna tawh ka tapa hong bawlsak tapeuh in. Cina bawlte ka kimuhpihte kiangah huhna ka nget hangin hong huh nuam lo uh hi. Nang pen ka lamet tawpna nahi hi,” ci-in thuum ngeungeu hi.

                                                                                                                                                                                         

Thu Hong Ngensak In

Nupinu khitui luanna leh thuumna in Nikolai’ lungsim sukha mahmah hi. “Hoih hi. Kong huh theih nading lampi khat bek om hi. Kei Tapidaw khat kahi a, na tapa ka damask theih nadingin Topa Pasian kiangpan ciimna ka nget kul ding hi,” Nicolas in ci hi. “Na tapa ka bawl ma-in Topa Pasian kiangah thu ka nget ding nong phal leh Topa Pasian in ta tapa ka damask nadingin ciimna hong pia kha ding hi,” ci-in Nicolas in genbeh hi. Lamet ngamlohpi in tua nupinu thukim bilbel hi.

Nicolai in pasalno a thumveina a bawl dingin hong pai ciangin tua pasalno’ pa zong om a, Nicolai’ thunget zia leh a tapa a bawlzia theihnop mahmahna leh muanmawh giauguauna tawh encik giigee hi. Pasalno’ pa pen a thunei kumpilam ulian khat ahih lam Nikolai in hong thei hi. Nicolai in tua pasalno damsak theih nading siamna nei lo ahih hangin Topa Pasian in hong huh ding hi cih upna tawh thukim in pasalno natna a bawlna thu pasalno’ pa kiangah gen hi.

Tua kumpi ulianpa zong Nikolai’ thugen tawh kisai lungkim in a tapa bawl zomsuak sak hi.

Nicolai in a cina bawl zom toto hi. Ni khat, pasalno natna a bawl laitakin pasalno’ pa pen  phone tawh hong kihopih hi. Nikolai in phone tawh a kigen uh thu a theihpih kei hangin, thukin khaat a hihlam bel theipian hi. Pasalno’ pa manlaangtakin kithawipah a, nawhsa takin kongkhaak lam piakhiata hi. Nikolai in kongkhak ah khawlsak hi. “Siapipa aw, hih thukin pen bang thu hiam cih ka theikei hi. Ahizongin na pai ma-in thu ngeen khawm ni,” ci-in kamkhum takin gen hi.

Pasalno’ pa zong thukima, Nicolai in aama’ aading thu ngetsak hi. Nikolai in tua thukin vai theihpih kha ngeilo ahihhangin, buaina om nawn lo ahih lam hong thei hi.

Lametloh Hoihsakpih Thugeenna

Pasalno’ natna Nicolai in bawl toto a, a nu leh a pa in zong atapa uh a damzawk semsemna mu uh hi. Pasalno pen dam siang nailo himah taleh cidamna lam ah khangto hi. Nidangin a hih theihlohte tawmtawm in hong hih theita ahihmanin a nu leh a pa lungdam mahmah uh hi. Pasalno’ pa in a dang kumpi uliante tungah thugen kipanin, “Ka tapa’ natna a bawlpa pen i gam ah a siampenpen hi. Na cinate uh bawlsak tapeuh un,” ci-in thangah takin gen hi.

Tua hoihsakpih thugeenna hangin kumpi uliante teenna kiimah Nicolai pen cina bawlsiampa in hong minthangta hi. Ahizongin, Nicolai in bel Philippians 4:13: “Kei hong thahaatsak Topa Zeisu Khazih hangin na khempeuh ka hih zo hi,” cih Topa Pasian’ kamciamna bulphuh in Topa Pasian tungah lungdam ko hi.

Hih bangin suahtakna a kiciangtan gamte ah Topa Pasian hong itna thu va genkhiat theih pen lamdangsak huai mah hi. Nikolai’ taangthu in a vaanglian Topa Pasian a bia i hihlam hong phawksak hi. Nicolai bangin tamveipi phuutkhaakna na nei kei kha ding hi. Ahizongin Topa Pasian kiangpan ciimna na nget ciangin, Topa Pasian in mihingte phattuam nadingin lampi hong honsak ding hi.

Hehpihna tawh Euro-Asia Division sungpan Adventist pawlpi nasepna a kiciangtanna gamte leh Nicolai aadingin thu hong ngetsak un. Sabbath School sumpi tawh nong huh uh lungdam mahmah ung. Tua sumpi in leitung ah Topa hong gupkhiatna lungdamna thu taangko nading a haksatna munte ah lugdamnathu taangko nadingin hong huh ding hi.

Theih ding:

• Euro-Asia Division sunga om gam a tamzaw pen khat vei lai-in Russia gam sungah om uh hi.

• Tuni-in, Today, Euro-Asia Division sungah mi awn 322 teeng uha,  ahizongin Adventistte  1125000 pha dektak uh hi.  Adventist pawlpimi khat ciangin gammi  2,888 tawh kikim hi.

• Euro-Asia Division ii a khanglam aa om gamte in Afghanistan, Kazakhstan, Kyrgyzstan, Tajikistan, Turkmenistan leh Uzbekistan hia, Muslimte ukna ahihmanin a tuamdiak tona ahi hi. Gammi awn 103 teeng uha, tua lakah Adventistte 4,200 teeng uh i. Tua hia, Adventist pawlpimi khat leh gammi 24,000 kikim hi. Kha lam nasep ding pen vai sah mahmah lai hi.

##########@@@@@@@@@@#########