Mission Story: Topa in "Shh" Ci hi by Christian Muller

Christian Müller, 33

Nipi Masa

October 7                                                                                           Kyrgyzstan Gam

Topa Pasian In “Shh” Ci Hi.       Agen: Christian Muller, 33

       

(Hih thu a gen dingin pasal: upa ahihkeileh siate khat sawl in!)

Ka innkuanpihte pen Russia gam Kyrgyzstan khua ah aa kipumpiak Sevent-day Adventist pawlpimi ahi uh hi. Kum simin nasepna panin kha khat sung khawl nading phalna ka ngah uh hi.  Ahizongin Argentina ah June kha sungin ka ciah nuam kei hi. Banghanghiam cihleh tua hun pen phalbi laitak ahi hi. December kha in ka ciah nuam hi, banghanghiam cihleh khuakhaal hun tawh kituak a, ka nu tawh lungdambawl pawi ah zong ka kihel thei ding uh hi.

Ka zi a ciina ahihmanin a kibawl ding kisam hi. Tua ahihmanin ka vanpuak dingte uh kithawi-in, Seventh-day Adventist saang panin ka dingkhia uh hi. Tua saang pen Kyrgyzstan gam ii khuapi lian khat ahi, Tokmok khuapi ah om a, tua saang ah tuuma kum 4 laai-in khantohna lam makai (director) ka seem hi.

Hih bang hunin Argentina ah ka paina uhpen Topa Pasian’ deihna hang a hih baanah ka zi zong ciina hi. Topa Pasian in Ama’ hun geelzia hong hilh nuam hi.

Topa Pasian’ Hong Tona, Ei Aadingin Thupha

Argentina ah ka om laitakin, nupi khat in hong sam hi. Amah pen Adventist nupi khat hi a, ahi zongin ka kimuh masakpenna uh ahi hi Adventist saang aadingin sum dong ka hihlam ama’n na thei a, a inn ah va hawh in saanginn lamna vaai ka kuppih ding hong deih hi.

Ama’ kiang ka tun ciangin, “Tuma kum nih aa kipan ka inn ka zuak a, ka khawng thei naikei hi. Ka inn man a lang khiam in ka zuak nangawn ka khawng theinai tuankei lailai hi. Topa Pasian tung-ah, ‘Ka inn ka khot theih aaleh, biakinn lamna khat ah $100,000 pia ning,’ ci-in ka gen hi,” ci-in lawp takin  hong gen hi.

Limtakin a thugen ka ngai a, lamdangsa lua in ka thuzaak ka um zokei phial a, ka hak leelaa kha liangh hi. “Pawlpi tuamtuamte phone tawh ka hopih kawikawi hangin kuama’n hong dawng lo uh hi. Tua khitciangin saang aadingin sum dong dingin nong pailam ka za hi,” hong ci sawnsawn hi.

Tu laitakin saang a kah saangnaupang 330 pha a, saangnaupang a zah nih Adventist saang ah a kah theih nadingin saanginnpi thaat thum lam ding ka geelna uh nupinu tung ka gen hi. Tua saanginnpi lam nadingin  U.S.$400,000 bei ding a hihna leh nung kum in saangnaupang 40 a kah theih lohna thu ka genpih hi.

Nupinu in, “Pha hi, hih saanginnpi aadingin U. S. $400,000 kong pia ding hi,” ci-in maitai takin hong gen hi. “Ahizongin, thu nong ngetpih uh kisam ding hi. Inn ka zuak zawh kum 2 bang phata napi ka khawng thei naikei hi.” Hong cithuah hi.

Thungetna leh Sapna

Thu ka ngenkhawm uha, tua khit ciangin ka ciah hi. A nitaak ciangin ka zi leh kum 6 leh kum 7 a pha ka tapate tungah nupinu Adventist saangpi aadinin a kipiakna thu ka genpih hi. Tua nitaak leh a zingsang in Topa Pasian muanna tak tawh ka innkuan-un thu ka ngenkhawm uh hi.

A zingciangin nupinu inn papi khat in lei peetmahta hi.

Nupinu inn a lei ding a om nadingin thu ka nget uh hangin, ka thunget uh upmawh saangin Topa Pasian in hong dawngpah seisai mawk ahihmanin lamdang kasa vat hi. Ka lung kia dikdek hi, banghanghiamcih leh phalbi sung hia, khuadam lua hi. Ahizongin, Topa Pasian in geelna khat na nei giigee hi.  Nupinu inn zuakna tungtaang ah, “Om hiithiat unla, Pasian ka hihna hei un” (Late 46:10) Topa Pasian in hong ci tawh kibang hi. 

Topa Pasian in nupinu inn zuakna hangin a lungkhamna thei a, nupinu hong piak sum tawh Kyrgyzstan gam ah a kilam ding thaat thum saanginnpi lamna ah a bei khempeuh ii sehli suah seh khat nupinu in hong huh ding hi. Saangpi aadingin huhna hong pia nupinu leh a dangte tungah lungdam kong ko uh hi. Saangpi pen tukum ciangin kihong ding hi.

Khuanh ka laak sungin, sum dong dingin America gamah ka zin hi. Ka hih theihzahin ka hanciam hangin, Argentina nupinu hong piakzah ii sehli suah sehkhat nangawn ka ngah zo kei hi.

Sumdon pen upna leh thungetna tawh kalsuan kul hi. Topa Pasian in hong deihsakna mun peuhpeuh ah hong paisak hi cih thu ka thei khia hi.

Tu quarter Sabbath sawm leh thumna sumpi pawlkhat tawh Kyrgyzstan gam Tokmok khuapi ah saanginnpi lamkhit zawh nadingin kihuh ding hi. Tua saanginnpi thak ah a tuamtuam aa zat ding innpi leh mipi kikhop nading innpi khat kilam ding hi.

Saangpi lam zawh nadingin thu nong ngetsakna uh leh Sabbath School sumpi phaltakin nong piakna uh hangin lungdam mahmah ung. Topa Pasian in a zah tampi thupha tawh hong thuhsak ta hen. Amen!

##########@@@@@@@@@@#########