Mission Story: Sabbath-A Iit Kongcingpa

October 21                                                                Kazakhstan Gam

Nipi Thumna: Sabbath-A Iit Kongcingpa                  Agen: Yelena Golubeva

Yelena in a lungkham nading a haang tampi nei hi. Nung kum in Sabbath hangin a nasep ngah nawnlo hi. Nasep a neihloh sungin thaman tawm tawh kongcing seem hi.  Tu-in Kazakhstan gamah a dang nupi khat Sabbath ni a kikhopsak nop manin thah ding ciangdong kivau hi. Ahihhangin, Yelena lungdam veve hi.

Amah in, “TopaPasian’ n aka seem nuam hi,” ci hi.

Hih gam ah mi awn 17 teeng uha, Adventistte 3,500 bek phaa in, Sabbath zuih ding pen tona lian khat ahi hi.  Pawlpi saang kihong lo a, taangpi saangah Ninihni (Monday) pan Sanini (Sabbath-Saturday) ni dong saang kikah hi. Adventistte’n Sabbthni nasep kuan loh ding leh Sunday ni tawh loh kik dingin a thuum uh hangin thudon vetlo uh hi.  Tua thu hangin mi tampitakin Adventist pawlpi taaisan in pawlpi daangah kikhawm uh hi.  

Tuizawn bawlna company ah Yelena in kum nga sung seem khin hi. Kaal khat ni nga sungta na a seem hia,  ahizongin kaal khatin ni guk sung nasep dingin Coampany in khensatta a, buaina hong kipanta hi. 2011 kum in Yelena nasep a kipan hia, naseem ukpa kiangah Lai Siangtho hong hilh nisagihni Sabbath ni-in Pasian bia uh ahihna a gen ciangin, “Buaihuai kei e. Kaal khat in ni 5 sungta bek na akiseem hi. Na Sabbath ni uh pen tawlngakni tawh kituakpah hi,” ci-in nasepna ukpa in dawngkik hi.

Ahizongin, 2016 kum aa kipanin kaal khat in ni 6 sung nasep dingin hong khensatta uha, teel theih ding omtuan lo ahihmanin Yelena pen a nasepna panin hong khawlta hi.

Kha nih sung nasep neilo in a om khit ciangin, a lawm Adventist khat in van ponna sai-ah hun lang kongcing nasep a ngah nadingin huh hi. Tua baanah, Yelena in cina bawlzia sin khina, Adventist pawlpi in a phuat, veeng leh paam aadingin cidamna phualpi ah kipumpiaka a seem dingin zong kiphal hi.

Piteek Faina

Yelena’ nasep pen cina bawl ahihmahbangin  kum 75 aphaa piteek Faina tawh hong kimukha uh hi.  Pawlpimi khat tungtawnin hong kimukha uh hia, Yelena in zong tua piteeknu ni 10 sung a khawnkhongin bawl dingin thukim hi.

Piteek Faina pen, a neulaai-in tuahsiatna panin a thaguite na saa hi. Piteeknu Faina in zong a cii dam seemseem ahihmanin Yelena tungah a lungdamna gen ziahziah hi. Piteek Faina in lungdamna akhoh simin, Yelena in, “Kei Tapidawh kahi hi, Topa Pasian tungah lungdam ko in,” ci-in hanthawn hi.

Ni sawm hong cingziau hi. A tawpna a kibawlni un, Yelena in piteek Faina Lai Siangtho sinkhawm dingin zawn hi. Piteek Faina zong thukimpah in kaal khatin khatveita, thusinna 24 a phaa Lai Siangho thu sin khawm dingin hong kituah uh hi.  

Piteek Faina in a zaak thumaante saang thei in, ama’ nuntakzia zong hong kikheeltoto hi. Amah in Sabbath maansa in hong tung ding Sabbath ni-in Adventist biakinn ah kikhop sawmpah hi.

Amah in atapa Pavel tungah a upna thak a gen ciangin a tapa heh luamahmah hi. Pavel pen a zi tawh kikhen in a nu bektawh a teengkhawm hia, a nu tungah a lungkimlohnate  pawlpimite tungah gen hi.

“Ka nu pen nidang tawh kibang nawnlo hi. Anlim a huan pahpah hia, ahizongin, tu-in voksa meh  huan nuam nawnlo hi.  Nidang in pawibawl ni ciangin zuu dawn napi, tu-in dawn nuam nawnlo hi,” ci-in pulaakkhia hi.

That Dingin Tawnna

Pavel in, “Lai Siangtho thu na sinlaai peuhmah leh thukhen zum ah kong paipih ding hi,” ci-in a nu tawng in lauthawngsak hi.

Tawlkhat khit ciangin, a nu in Lai Siangtho thu sinna a khawl noploh ciangin, a tapa Pavel in a nu naak tot seemseem hi. “Ka inn uah, nong hawhlaai peuhmah leh kong that ding hi,” ci-in Yelena tawnggawp hi.

Lai Siangtho sinna kaal nih sung khawl uh hi. Pawlpimite in thu ngetsak uh hi. Phone tawh Lai Siangtho sinpih dingin kikhensat hi.  

“A tapa naseem dingin a paikhiat khit ciangin Piteek Faina in phone tawh hong hopih hi. Phone mah tawh thu ngen in Lai Siangtho thu ka sin khawm uh hi,” ci-in Yelena in gen hi.

Thusinna 24 lakpanin 2 bek omlaai hi. Ahizongin, a tapa Pavel in nasep nei nawnlo a, a inn uah omcip hi. Tua bangin Lai Siangtho sinna kaal nih sung khawlthuah leuleu uh hi.  A tapa in nasep a ngah baih nadingin pawlpimite in thu ngetsak uh hi.

Yelena in, “Topa Pasian in ka thungetna uh hong za hi,” ci-in lungdamtakin gen hi. Pavel in nasep ngahkik a, Lai Siangtho thusinna kizomkik thei hi.

Lai Siangtho thu a sinpihna ah Topa Pasian in amakihzia Yelena in lawptakin gen khia hi.

“Thu ka nget uh ciangin, piteek Faina in ama’ cidam zawk nading leh Topa Pasian a telsiam nadingin a huh ding mi tawh kimukha thei ahihmanin Topa Pasian phat hi,” ci-in Yelena in gen hi. “Nung Sabbathni in pawlpi khempeuh tungah ka phawkna na gen sakin ci-in phone tawh hong hopih hi,” ci-in gen beh hi.

Leitung mun khempeuh Lungdamnathu taangkona tawh haksa kha mah ding hi cih Golubeva in gen hi. Ahizongin, ama’ nasep a suplawh phialzongin, a thaman a tawmzaw phialzongin, Topa Pasian’ thu mangin Ama’ hong itna thu midangte kiangah a genkhiat theih nakleh ka hih theih bangbang in Topa hong itna thu ka genkhia kawikawi ding ahihna Golubeva in gen hi.

Tua kuata Sabbath sawmleh thumna sumpi pawlkhat tawh Kazakhstan gam,Yelena’ teenna khuapi Pavlodar ah a kiphuan Seventh-day Adventist saang lambeh nadingin kihuh ding hi.

#######@@@@@@@#######