Zo Phualva Thupuak Vol 07, Issue 19: TOPA DAWN DINGIN KIGING UN

Topa hong pai ding sawt lai dinga ih seh khak lohna dingin thu hong kipia hi. Vantung mi in hong genna ah: “Kiging un, kiging un, leitunga hong piang ding thute ah kiging un. Na upna bangun na gamtatna uh zui sak un,” hong ci hi. Ih lungsim Pasian ih ap takpi leh, ih om zia zong Pasian leh A thumaan kimuhna suak ding hi, cih ka mu hi. Pasian zahtak napi ih gamtat kidawm lo leh kikheel lo cih bang om thei lo ding hi. Zulh tat sa pipi -in Ama min kipahtawi thei lo hi. A lung si dudu pipi-in Amah kipahtawi thei lo hi. Eima kha gupna ding leh midangte gupna ngahna ding zong ih hanciam ding hi.

Hih thu-a a kisam nate ngaihsun masa dinga, thu dang khempeuh te in tua nung hong zui phing ding hi. Vantung meel hoihna ka mu hi. Vantung mite in nakpi lungdamna la a sa ka za-a, Jesu phatna, zahtakna, minthansakna tawh kithuah la a hihi. Tua ka zak ciangin Pasian Tapa’ hong itna lamdang ka phawk beh laina zong hong om hi. Amah in vantunga a neih minthanna leh zahtakna khempeuh nusia-a, eite gupna ngahna ding a deih manin lungduai tak leh lungneem taka mihingte zangkhai bawlna simmawhna teng a hong thuak ahi hi. Amah kiliam saka, kisatin kutum hi; Mite in sihna pana ih suahtak theihna dingin, Kalvary mual singlamteh tungah kikhai-a, eite in Ama sisan tawh ih kisil siang leh, Amah tawh tho kik khawmin, eite’ a dinga a bawl kholh sa innpi sungah, vantung minthanna khawvak sungah, vantung mite’ lungdamna lasak za-in, ei zong ih sak pih theihna ding ahi hi.

Vantung khempeuh in eite gupna ngah theihna ding hong deih sak uh ka mu hi. Tua hi napi awlmawh lo-in om tentan mawk ding kilawm ding hiam? Thu neuno khat bang lelin sehin gupna ih ngaha ih ngah kei mai zongin phamawh sa lo-in om mawkmawk ding ih hi hiam? Eite’ a dinga kithoihna kipia khia sa pen zangkhai ngaihsut mawk ding ih hi hiam? Mi pawl khat a tua ci om hi. Amau in hong kipia hehpihna neuseh uha, Pasian in amaute mit siin hi. Pasian’ Kha Siangtho in buai pihpih zo ngitnget lo ding hi. A awlmawh kei lailai uh leh nusia ta ding hi. Pasian in mite gupna ding a bawl theih teng a bawl khit ciangin, Jesu hong piak hehpihna te a zangkhai ngaihsut lailai uh leh, amau tan ding sihna bek hi ta ding

hi. Tua sihna in a lipkhap huai sihna hi ding hi; bang hang hiam cih leh, amaute gupna ngah na dinga leina, singlamteh tunga Khris lung gimnate nial uh a hih manin a thuak lel mah ding uh a hihi. Tua tak ciangin amau in, a tawntung nuntakna leh sih theih lohna gamh luahna taan hiau uh a hih lam a phawk pha san ding uh hi. Kha gupna dinga kibawl kithoihna lianpi in khate manphatna hong lak hi. Tua a manpha kha khat vei mangthang leh a tawntungin mangthang ding hi.

Vantung mi khat in tawi khaina a khut ah tawi-in Pasian mite a zaw diakin khangnote’ lungsim tawi teh ka mu hi. A lang khat ah vantung lam a ngaihsutna leh a lawpna khai in, a lang khat ah leitung lam a ngaihsutna leh a lawpna khai hi. Tua tehna ah, angthu bute peuh, kizep nopnate, a mawkna kisak theihna leh a tuamtuam te kiteh hi. Aw, bang zahin mulkim huai hiam? Pasian vantung mi dingin a tawi khaina tawh Ama mi hi’ng a kici te’ lungsim tawi khaikhai hi-tua mite lah leitung’ a dingin ka si-a, Pasian’ a dingin ka nungta hi, a ci te a hi uh hi. Tua tawi khaina leitung lungsimte, a mawknate, kisak theihnate in leekin kia suk valval hiau zen hi. Vantung lam ngaihsutnate a hih leh, kilaam to-in zang mahmah hi. Ka muh bang lela kong gen hi-a, Pasian’ mite tawi khai dinga vantung mi tawi tehna tawh ding ka muh cianga ka lungsim a hong khoih khakna thupina zah tel gen khin thei ngei lo ding hi’ng. Vantung mi in, “Hih bang lel te mah vantung ah lut thei ding hiam? Hi lo hi, lut ngei lo ding hi. Manlang taka a kisik kik kei uh leh, tu-a a neih uh lam-etna bang lel pen a mawkna hi-a, gupna ngah zo lo in kisiatna sung tung ding uh hi,” ci hi.

Pasian mi kineihna lel bek in gupna tun zo lo hi. Mi khempeuh in nak ngaihsuta, a ngaihsutna zahin zuih pah ding a hihi. Lungkham hun ciangin a hong huh ding hi bang a hihi. Amau’ nasepnate kize-et dinga, kham leh 

ngun leh suang manphate a hih leh Topa buuk sungah

bukna ngah ding hi. A hih hangin a maute nasepna in,

sing peuh, lopa peuh, buhtu peuh a hih leh, puuk dinga,

Pasian’ hehna pan a liah zo om lo ding hi.

Tua ciangin amaute’ lakah, amau leh amau kiteh

tawmtawm hon uh ka mu-a, khat in ama gamtat leh

midangte’ gamtat teh kak ciatin om uh ka mu hi. Tua, hi

lo hi. Khris longal etteh ding hong kipia lo hi. Amah

etteh ding a maan hi-a, eite in Amah tawh ih kibat zawhna

ding ih hanciam ciat ding bek a hihi. Khris tawh

nasem khawm te ih hih kei nak leh, A galpa tawh a semkhawm

te ih hihi. Khris tawh a kai khawm te ih hih kei nak leh a theh thang te ih hihi. Kician taka lungsim a khen sat Khristian ih hih kei nak leh bang mah a hi keei lo ih hihi. Khris in, “Vot a hi-a, sa a hi zongin ka deih hi. A hih hangin nang na lum lel a hih ciangin, ka kam sung pan kong sia khia ding hi,” Mang. 3:15,16 ah ci hi.

Mi kim khat in eima deihna niala kipiakna cih thu leh thumaan adinga thuakna cih khawng te bang hi hiam theih hak a sa mahmah a om ka mu hi. Kipiakna taktak a nei lo mi khat beek vantung ah lut lo ding hi. Eima deihna niala, kipiakna taktak om ding hi. Kim khat te amau’ pumpi Pasian biakna tau ah kipia lo mah hi. Pasian’ thu ngaihsut meel nei lo-in, ama lawpna peuh bawlin, a duh peuh ne-in, amah leh amah kisiang sak kinawl khin thei hi. A hih hangin tawntung nuntakna a deih taktak mite in, kipia taktak dinga, ngah ding hi. Thuak dinga, thuak zo ding hi. Amah leh amah singlamteh ah kikilh dinga, a lim bek a hi na khempeuh paai khia ding hi. A tawntung minthanna in a hong liah thei na khempeuh, leitung nopsaknate, leek gawpin valh tum ding hi. 1T. laimai 123-125. White, Pawlpi Thu Lamlak, Khawkpi 3.

Cidam Nading in:

1 Na kal a to ding na ut leh kisiil kawm in zun tha kei in.

2 Gil sung sasa te Anthul teh hing suzaan in a tui dawn leh hoih hi.

3 Ngasa guh na gawl ah a awk leh Aktui sial dawn le cin hoih pah hi.

4 Sik khat pepeuh in ong sut leh siing leh ci gawi in la belh le cin guu lut lo ding hi.

5 Pasal cil kia thei te lothang san patak in at inla, cikhum tawh diah ding in a tui dawn leh ah bawk kiam hi.

6 Na nak a siit(bleeding) leh lothang san sialnek leteh veng pah hi.

7 Na bil ngek a nat leh lothang kang mal 45 ne lecin dam hi.

8 Gilsan natna na veileh Makeeng pak leh thangkhuai pum huan khawm in a tui dawn leh dam hi.

9 Ui in ong peh leh (a hai a hih kei nak leh) baal pum phel kham inla ah naai nuh in dam baih pen hi.

10 Sinbawk natna veite in Makeeng gah hawng mei ah hal vui in keelzun tawh hel in dawn le uh dam hi.

Thupilte:

1. Ih lawp khempeuh i talent hipah lo aa i talent i theih kul hi. I lawp khempeuh i sep sangin, i talent khat sem leng kigual zo zaw hi. Mihingte deihna sangin Topa hong piak mikim tung a letsong pen atheih huai mah" thu hi. - ABraham Muan Pi

2. Haksatna tawh kidim hih leitungah, nopsakna bukim anei ZEISU i neih ding pen, i kisap lianpen hi. - David Tuang

3. Na zahtaak ding sangin, na zat theih ding teel zaw in.—Lucy Chiinta

4. Khantohna a om theih lohna mun a tamzaw pen, kideidanna leh kihawmthawhna atamna munte ahi hi.- David Tuang

5. Mi gi kicih ding thupi sa zaw na hia, A kisia puahphat ding hoih sa zaw na? - Zuan Cing

6. Kineih cih limlim pen a taktak ahih loh mah bangin kip cih ngeilo hi. Kineihna tampite' lakah, Pasian' min paulap a, a kineih na hih khak ding lauhuaipen hi. - David Tuang

English Laimal akikhial thei gige (2)

council counsel	Thu van ding leh amakaih ding mi hon khat kipawlna, Ngaihsutna pia, deihsakna gen.
cue queue	Ciangtawn, limlahna a kam hemgenna Kigual, kikhil diitdeet
currant current	Lenggah keu Thu laitak lian, mei, tui luang
defuse diffuse	Thubuai nem sak, apuak kham ding dal Kithehzaak, kilawnkhia
desert dessert	Tui omlohna mun, sehnel gam An neek khit ciang neek ding a kilui singgah, tui, … cihte
disinterested uninterested	Khentuam neilo, angsung khuallo, deidan neilo Lunggulh lo, lunglut lo
draught draft	Huih nunna, tui luanna, huupna Laigelh ding a haampi gelh masakna, geel masakna
draw drawer	Kidin, kimawlna ah a zo le a lel omlo, ki-si-kim A kidok thei sabuai nuai a bawm, an-suai
dual duel	Akop, nih tawh kisai, nam nih pha, thu nih om Mi 2 kitot, kilai, kiselna
ensure insure	A takpi dinga kiciam, kamciam pia Tuahsiatna a neih leh a ngah ding hamphatna zah ciangtan
envelop envelope	Tuam, sin, khuh, vuk Laikhak guanna lai-ip
exercise exorcise	Kisinna, pumpi thahtna sinna nei Kha-nin hawlkhia,

Zo Phualva Thupuak - Vol 07, Issue 19 by DavidLian on Scribd