“Hanciam A Kisapna leh Gualzawhna” by Janeesh Kumar

September 23                                                                                                          India Gam Khanglam

Agen: Janeesh Kumar (Janeesh Kumaal), 30

“Hanciam A Kisapna leh Gualzawhna”

             Janeesh pen zatopi ah siavuan te-in kensa (cancer) natna tawh kha guk sung bek a nungta laai dingin lamet sak uh hi. A veengte un, “Kensa natna na thuakna a hang pen Seventh-day Adventist na suah hang ahi hi. Tua baan ah, Sunday zui Pastorpa tawh Pasian’ thu na kinial ngamna hang ahi hi,” ci-in mawhsak uh hi.

            Kum 2 khit ciangin India gam khanglam ah nungta bek loin, cidamkik hi. Topa Zeisu thu a gen ciangin lamdangsakna tawh ngai uh hi. “Lai Siangtho sung man in thumaan ka gen ciangin lawptakin hong ngai uh hi, banghanghiam cih leh ka tuahkhaak thute tawh ka gen thuah hi,” ci-in kum 30 a pha Janesh in tha ngah takin gen hi.

            Janeesh pen khuaneu khat aa Khristian pawlpi khat pan khangkhia hi. Hong tangval ciangin Lai Siangtho thu sinna saang khat ah saang kah hi. A saangkah sungin a Adventist lawmte in Kiginni (Friday) nitaak kikhopna ah zawn uh hi. Pastorpa in tua nitaak in mailamthu genkholhna thu tawh kisai thu hilh a, Janeesh in limpha takin na ngai hi. Amah in dotna tampi dong a, saangsiate tungah saangvai zong dong hi.

            Amah in ni sagih ni Sabbaath thu a zaak ciangin, a maan loh lam gen nuaam hi. Amah zong a saangkahna ah Lai Siangtho saangsiate kiangah pai in Sunday pen Pasian biak ni ding ahihna Lai Siangtho munte va dong hi. Tua saangsiate in Sunday zuih nading Lai Siangtho mun lak theilo uh hi.  Tua ahih manin amah zong Saturday ni-in Adventist biakinn ah kikhawm a, Sunday ni-in amau biakinn ah kikhawm hi. Tawlkhat khit ciangin Adventist pawlpi sungah tui kiphuum ding khensat ahih manin a Lai Siangtho sangkahna pan khawl a, Adventist saangah saang kah ta hi.

Pasian Nesepna Mun Thak

            A pa a sih zawh kum khat ciangin a nu a keem dingin Janeesh a inn vuah ciah hi. Amah zong a veengte leh a lawmte kiangah a upna  genpih hi. A Adventist lawm tampite tawh tua khuasung aa teeng mimal khempeuh kiangah Pasian thu kisai laihawmte pia uh hi. Khangnote in vantungmi thumte taangkona kikup theih nadingin nit hum sung kikhopna cih hong phuan uh hi.  Tua kikhopna ah mi tampitak mah hong pai uh a, dotna tuamtuam zong nei uh hi. Sunday a zui pastorpa in ama’ pawlpi ah ni sagih ni Sabbath thu kikuppih dingin  Janeesh leh a lawmte zawn hi. Pastorpa leh a pawlpimi khempeuh in Sabbath thumaan hong saang thei ta uh hi.

            Ahi zongin Khristian dangte in langpan uh hi. Amau zong nithum sung kikhopna hong phuan uh hi. Nisagih ni Sabbath a maan lohna a gen dingin a khangno laai pastor kha thong tonpih uh hi. 

            Janeesh leh a lawmte zong tua kikhopna ah hong kihel uh a, a thugente ciamteh uh hi. A tawpna ni ciangin thuhilh siapa in hong kikhawm te lak ah Sunday sianthona tawh kisai a um phalo a om leh gen theih ding hun hong hi.

Janeesh leh a lawmte zong a mai ah hong ding a, Sabbath tawh kisai Lai Siangtho munte ngaih takin simkhia uh hi. Mipite in lamdang sa uh a, thuhilh siapa in bel a pau nading thei nawn lo hi. Mipi tungah a taltaak zaw pastor in thu kheempeuh a hilh dingin zawn dingin kamciam pia hi.

            Tua kikhopna khit ciangin khuasungmi tampi in Janeesh pen lamdang sakna tawh en in zahtaak uh hi. Pawlkhatte Lai Siangtho thu sin ding kipan uh hi. 

Tona Thak Khat

            Janeesh zatopi ah cancer natna tawh a kibawl laitak thu piang hi. Sunday tang pastor pawlkhat leh a pawlpimite in, “Janeesh Adventist a suah manin Pasian in daan a pia hi,” ci uh hi. Pastorte tawh Pasian thu a kinial manin daan a tuak hi,” ci sawnsawn uh hi. Sunday langpanna tawh thu a hilhte Pasian in daan pia hi ci-in genkholuh hi.

            Janeesh zong a upna tawh haksatna hong tuak hi. A upna hong neu seemseem a, kaal tampi sung mah Topa Zeisu thu gen nawnlo hiau mawk hi. A lawmte in a lung a kiatsak hetloh nadingin thuum in hanthawn uh hi.  His friends urged him not to lose heart. Janeesh pen lungno sihna zatui tawh kibawl a, pawlpimite in a dam baih nadingin thu ngetsak uh hi.

            Zatui ne kawmkawm mah in Lai Siangtho sinpih dingin Janeesh hong kipan kik hi. Sunday tang  pastorte in Sabbath thu a hilh laai teeiteei leh Janeesh natna nasia zaw ding in gen uh hi. Ahi zongin Janeesh in thudon selo in, a lawmte tawh Sabbath thumaan taangko dingin khensat uh hi. Tua a taangkona vuah kha manpha a thak (8) tui hong kiphuum hi. Amau khua ah pawlpimi a zah nih 16 hong phapah uh hi.

            Janeesh in inndei neu khat saap in, nipi kaal khaat in nih veita, Lai Siangtho sinpih hi. Tua inndei neu sung mah ah thunget kikhopna phuan hi. Mi 20 bang sual tungah tu thei uh hi. Kikhawm a tam zawk ciangin a pua lam ah tu-in ngai uh hi.

A Nungta Teci Panna

            Siavuante in Janeesh kensa (cancer) natna dam sing ding hi cih pulaakna nei lo uh hi. Ahi zongin kha guk bek nungta laai ding hi ci-in a pulaak pen uh khial kisa uh hi. Tuni in, Janeesh pen cidam a, amah leh a khuapih tampi in hih damna pen Pasian hong dam sakna na lamdang hi ci ciat uh hi.

            “Pasian in hong daamsak ahih manin a nungta teci kahi hi. Tu-in midangte kiangah Thumaan gen nading olzaw ta hi,” Janeesh in lawptakin gen hi.

            While few Adventists live in Janeesh ii khua ah Adventistte a tawm hangin damdam in khangto hi. Tua khua ah Maanglai tawh laisinna Adventist saang kihong in, pilna a sin saangnaupang pawlkhat hong om leh a sawt loin, a kizen a thanuam pawlpi hong piang ding hi.

            Janeesh ii khua panin minute 90 sung mawtaw a kihawlna khuapi neu khat ah a kihong Adventist saang in laisinna inndeite lam nadingin tua kuata Sabbath sawm leh thumna sumpi pawl khat ngah ding uh hi. A kibehlap ding laisinna inndeite ah innkuan a tam zaw hong om thei ding uh a,  a tate in pilna hoih  ngah thei tading uh hi. Tua saang ah pilna saang ngah bek loin, Pasian pen a Pa uh leh a Gumpa a hih lam hong sin hong thei ding uh hi.

              @@@@@@@@@@@@@@@@@##################@@@@@@@@@@@@@@@