Falam Sabbath Skul Zirlai ROME CA BU ZUMNAK LAWNGIH RUNDAMNAK

UPA SABAT SKUL ZIRLAI

ROME CA BU ZUMNAK LAWNGIH RUNDAMNAK

A Ngantu: ABSG. Staff

October, November, December

2017

ဖလမ်းချင်းဘာသာ

ပုံနှိပ်သူ

ဦးဖုန်းနိုင် (ဝဝ၃၅၄)

မန်နေဂျာ

ကင်းစောင့်ပုံနှိပ်တိုက်

၂ဝ၆ ရွေသစ္စာလမ်း၊ ရန်ကင်းဦမိ့နယ်

ရန်ကုန်မြို့

ထုတ်ဝေသူ

ဦးစောထီမသေ (ဝဝ၅၉ဝ)

ဥက္ကဌ

မြန်မာပြည်သတ္တမနေ့ဥပုသ်အသင်းတော်

၆၈ ဦးဝိစာရလမ်း၊

ရန်ကုန်မြို့

အုပ်ရေ - ၇ဝဝ

ဓမ္မဒါန

ပထမအကြိမ်

A Sung Thupawl
1. Rome Cabu sungih tirhthlah Paul (Sept 30-Oct.6) ........................................ 6
2. Thu Elawknak (Oct. 7- 13) ......................................
3. Milai Sinak (Oct. 14-20) ..........................................
4. Zumnak Ih Thiam Conak (Oct. 21-27) ...................
5. Abraham Ih Zumnak (Oct 28-Nov 3) .......................
6. Adam Le Jesuh (Nov. 4-10) .....................................
7. Sual Nehnak (Nov.11-17) ..........................................
8. Rome Bung 7 ah Zo Ih Thu So A Sim (Nov.18-24) ..........................................
9. Daan Tatnak A Um Nawn Lo (Nov 25-Dec.1) ..........................................
10. Thukam Fatepawl (Dec 2-8) ....................................
11. Lungkim Ih Hrilmi (Dec. 9-15)................................
12. Thatnak In That Lonak A Neh (Dec. 16-22) ..........................................
13. Khrihfa Nun (Dec.22-29) ..........................................

RCM Pawl Parih Luther Ih a Thusuahmi Le Tui Kan Dinhmun

Tui hlan kum 500 lai ih theology tlawng ca zirhtu Martin Luther ion thesis 95 (fiang zetih a nganmi thu) a rak tarmi kha kan zir dingmi a si. Hlanlai ihsin tuisan tiang a um dah lo mi Protestant remthatnak mei ci ihsin mei-alh hlio zet a rak suahnak kha, sual thlahnak ca, lethmat (ticket) (indulgences) an zuar ruangah Martin Luther in Pope le a kaihruaimipawl parah tihzah lo zetih thil a tuahmi ihsin a hung langsuak. Himi thil a tuahmi kha Pope dodalnak menih a thu hawlmi a si lo. 

Curuangah 1517 kum ihsin thlengawknak nasa zet a hung suak. Asinan zumnak ruangih rundamnak in mi thawng tampi luatnak a thlenpi nan Pathian tongkam thutak in R.C.M Kawhhran remthat ih thlengaw dingin zumnak thu zirhnak kha a thlengaw lo.

Tu kuata sungah himi thuhrampi sirhsan in kan zir ding. Rome cabu ihsin R.C.M parah Luther ih canganmi a hrilhfiah. Himi cakuat hi Thlung Thar sungih thuthangtha ziktluak le thupi zetpawl umkhawmnak hmun a si. Khrihfapawl in a thu ih theih men dingah si loin thinlung sungah camter dingmi, nitin an tonnun ih hmang dingah le nitin thlarau nun hrangih rawl thabik ih hman dingah a tangkai mi a si. Martin Luther Commentary on Rome,

translated by, J. Theodore Mueller (Grand Rapid, Mich. Kregel. Publication 1976), P. 8.

Luther in Rome cabu sungah zumnak ih thiamconak thutak a hmu. Rundam sinak theihfiangawknak hi a buaipi ih a sunglawi mi hi thutak hi thuhmi a si lo. Rome cakuat sung Le Thulung Thar sung lawngih a ummi Khal a si lo. Rundam khawkhannak thuthawn pehaw in Bible sung hmuahhmuah ih nganmi a si. Cumi cu can hramthok ihsin Jesuh in kan hnenah in pek zo mi a si (2 Tim. 1:9 NKJV). Himi hi Jesuh Khrih dingfelnak ruang lawngih rundamnak kan hmuh thei mi umsun a si. Cumi dingfelnak cu zumnak in kan ngahmi a si hi, thukham thlunnak ruangah a si lo. Curuangah daan thiltinak tel loin kan zumnak ruangah

Pathian in thiam in coter timi hi kan thunetnak a si (Rom 3:28 NKJV).

Luther in himi thutak thawn pehaw in tholung le cangcel rawlih a can hlanah, R.C.M puithiampawl ih lalnak le leitlun ukawknak thuneihnak daan hrampipawl poisaknak um loin 1521 kum ah hiti in a phuangsuak. “Thu ka suahpi mi ka sutkirsal theinawn lo. Mai sia le tha

thleidannak kalhih thusim hi Khrihfa hrangah himnak a um thei dah lo. Atu ih ka dinpi mi thu ti lo cu zianghman ka tuah thei lo (or) tuah theimi ka nei lo”. J.H. Mede. D. Aubigne D.D. History of the Reformation translated by H. White (New York: American Tract Society 1848), P. 249.

Protestant ah rinum zetih a um mipawl in Pathian thu siar lo dinpi mi an nei lo. Bible lenglam pupa nunphung le an zummi thil an zirhawk mipawl kha an dodal mi a si. Khrihfapawl in Luther san ihsin thansonak nasa zet an ngah. An rak aat tuk ruangah kum tampi midang kha thupi zetih an tuah mi le thuthangtha kha a ping a peng ah an fehpi mi ah poi tinak um loten a dik lomi zumnak ah anmahten an luatteraw rero a si.

Harh tharnak le remthatnak kha kum tampi temtawn in a rak um. Hmun hrekkhat ahcun thansonak aiah hlanlai ih tuahdan kel vekin an tuahsal. A kum a rei cun remthatnak cangvaihdan a derthawm vivo ih an tlasia deuhdeuh. Hmun hrekkhat ahcun thansonak hnakin a thing zetih san man lo mi hlanlai tuahdan kel an tuahsal ih mi hrekkhat cu R.C.M lamah an kirsal. Tuisan khalah Khrihfapawl thansonak tumtahmi nei Kawhhran tampi in remthatsal dingah forhawknak an nei nan, a theifiang lo mi tampi an um. Luther san hnakin tui sanah zumnak danglam thuthup hrampi cat loih an hman mi bumawknak tongfang an hmanmi hi Luther ih a phorsuah mi hnakih tha tuah theitu tuisan ah an um lo. Deut 7:23-25 le Dan. 8:9-12 le Rev 13, 14 sungah Rom cabu sungih nganmi zumnak ruangih thiamconak thuthangtha sunglawi kan hmu. Protestant hruaitu hmaipawl in Bible thutak rinum zetin an kai hngetih nunnak thapin an kilhim.

Seventh-day Adventist in Bible daan hrampi ah kan thumaw. Zumnak remthatnak a um hlanah Khrihfapawl hi R.C.M ih kirsal an tum laiah thinlung khoh zetih rak hnongtu kan si. Kumkhua a hmunmi thuthangtha phuan ding tuanvo kan nei ih anmah donak Bible cang Rev. 18:4 ih a langmi a um. Kumkhua a hmunmi thuthangtha sim dingah a liamzo mi kum 500 lai ah Martin Luther in leitlun ah sim dingin thawkkhumnak nun a rak ngah.

à à à