ZSS LESSON 9: PAUL' THUUMNA

LESSON 9: PAUL’ THUUMNA                                              August 19 – 25                                        

NIPI NI (SABBATH) NITAK LAM

SIMDING TE: Gal. 4: 12 – 20; 1 Cor. 11: 1; Fil. 3: 17; 1 Cor. 9: 19 – 23; 2 Cor. 4: 7 – 12.

KAMNGAH: “Ute naute aw, Keimah in note bang ka hih man-in ah keimah bangin na hi un ci-in ka hong thuum hi (Gal. 4: 12 RSV).

I theihsa mah bangin, Paul in Galati mite’ gamtat khialhna hangin lungnuam lo pi mah in gen kul sa ahih mah bangin, ama phuat Pawlpi sungah deihsak takin, Kha lam cidamna a om theihna dingin a lunggulh luatna tawh, a kammal te zong hong khauh pai mai hi. Tua bek tham lo in, Galati mite tungah Paul in laikhak tawh, hih bangin a sai tawntung na in, Pasian tawh kisai (Theological) amaan Biakna thu up Guipi te bang zah takin thupi hiam cih a theihsak nop man zong ahi hi. I upna te a thupi lo hi hen la, Upna bulpi (doctrine) te zong puahphat a kul khol lo dan hi leh, a lagelh te sungah Paul in hi zah in, lungkia lo zah dong phial in, kinbawl lo kha mai ding hi. A taktak in, Lungdamna thupuak I cih dotna sungah, I upna in bang hi mawk hiam cih ngaihsut theihna, gamtat theihna, lunglut theihna in a thupi mahmah kalsuan na khat ahi hi.

Gal. 4: 12 – 20 sungah Paul in, Galati mite buaina tawh kisai a vekpi in ahi kei phial zongin, a zai tei pen in hong gelh ta hi. Amau te’ khialh na te hangin Paul in, Pasian thu tawh kisai buaina a tuamtuam te a ven theihna dingin a mimal in ahi zongin, tuu cing khat ahih na tawh thuum bawl hi. Ama langpang a lampial pawlpi sung a don lo, Pawlpi makai te dan hi lo in, Paul in lung hi mawhna leh lungkham sinkham na tawh lam maan a hilh dingin a lampial a tuuhon te tungah itna leh lam-etna tawh tuucing hoih ahih na lak khia hi. Paul in, Pasian thu guipi a puahpha bek a hi kei a, A ma’ it te tungah Topa nasem dingin a lunggulh pa zong ahi hi. 

NIMASA NI (SUNDAY)
PAUL’ LUNGSIM July 20

Gal. 4:12–20 sim in. Hih Laisiangtho mun sung pan in, Paul’ lungsim a phulkhia sak thupuak in bang ahi hiam?

______________________________________________________________________________

A masa pen pen Paul in, a lungsim vangik a suahkhiat nop thu in (aneu 12 sunga) a ma aituam lunggulhna tawh kisai in a thuumnop a om hi. Tua bangin Galati mite tungah, Paul  in, a phulkhiat nop teng a gen khit ciangin, “keimah bang in” cih kammal tawh na thuum hi. Tua kammal “thuum” cih a deihna in, Greek kammal in, “deomai” ki ci a, “kutna”(NKJV), cihna ahi zongin, “ngen keikaai”(ESV) cih bangin ki let thei hi. Greek kammal sungah a khiatna a thuk zaw in, lamet beina tungtawn panin thuum na kammal in ki zang hi (2 Cor. 5:20; 8:4; 10:2). Paul in a cih taktak in, “Kong thuum hi” ci ngaungau liang hi. 

Paul’ ngaihsut na leh alunggulh thu in, Pasian thu tawh kisai thupian zia te leh Upna guipi sutna cih te hi masa lo hi. A lungsim sung a hencip thu in, ama nasep na tungtawn pan in Zeisu kiangah mite tun theihna ding bek mah hi zaw hi. Mite tawh a kizop na ah zong, amah leh amah lawmta ki cih sangin, amau te khalam ah Pa hihna leh, a mau te in a tate a hi dingin ki ngaihsun zaw hi. Galati pawlpi mite tungah a lunggim na leh alungkham na te a agen na ah, “naupai nupi in ta a suahding a gimpih bangin note ka hong lunggimpih ding hi”, (Gal. 4:19) ci liang hi. A beisa hun in Pawlpi a dingin, ama “sepna” te hangin amau te in a”muanhuai suahtak theihna”ciang tun khin dan in kingaih sun hi. A hi zongin Galati mite in, ama lamet bang hi lo in, thuma lampi pan in hong pial mang khin mawk uh hi. Tua ahih manin, amau te in a muanhuai dinmun atun kik theihna dingun, Paul in haksatna thuakin hamciam kul ahih zia kithei mahmah hi.

Galati mite tungah Paul in bang tupna ngimna a sep dingin geelna nei ahi hiam? Amau aitang dingin a “nasep”na tungtawn panin bang gah muhsawm hiam?

______________________________________________________________________________

Paul in Galati mite tungah, a lametna in, a nu naubu sunga asuak ding naungek ki kibawl  dan in  gen a, tu in bel Galati mite leuleu in nau asuak khia ding nupi khatin a lamet na a theisiam dingin ngen hi. Hih Laisiangtho sungah “lemtak in kibawl” (formed) cih kammal a khiatna in, zatui lam tawh kisai in, nu gilsunga om naungek khantoh zia tawh tawh kisai in agenna hi. Hih gentehna in, a mimal in ahih zongin ahon in ahi zongin, Christian hihna ah khantoh theih na ding deihsakna tawh a gen na ahi hi. Christian nungzui I cih ciangin Upna ki pulaakna ciang bek hi lo in, sung lam pan in Zeisu tawh kibat theihna dingin kibawl phatna a hi hi. Paul in Galati mite tungah a zon thu in, a thupi khollo a puatham kikheelna ciang bek hi lo in, amau te a muh ciangin Zeisu a mu dan in kituat zah ciang dong ki pumkheelna lamet hi. (Downers Grove, Ill.: Intervarsity Press, 1996, p. 142.

Na nuntakna sungah a koi ci zia leh tong tawh, Zeisu pian zia (gamtat luhek)ki langh khia sak thei in ki mu na hi hiam? A koi lai dinmun pan in kipuah phat dingin tampi nei lai kisa na hi hiam?

NINIH NI (MONDAY) August 21
PIANZIA DING TO’ NA

Gal. 4:12 sung ah bang thu tawh kisai gen hiam? Tua agen thu’ a deihna I teltheih na dingin, 1 Cor. 11:1; Fil. 3:17; 2 The. 3:7–9; Acts. 26:28,29 sung sim in. A koi ci bangin agennop thu (point) thei siam ding I hi hiam?

______________________________________________________________________________

Paul in a Laikhak te khempeuh sungah, ama ii lim a cing dingin,(ama gamtat bangin a gamtadingin) tamvei pi tak a hanthawt na kimu hi. Tua bang hun ciangin, Paul in amah leh amah ki thunei sak tak in, amau te etteh dingin kipia hi. 2 The. 3:7–9 sungah, Thessalonica thu-um mite kiangah, midang te a dingin vangik a suah loh na dingun, nekna dawnna tungtawn ah thadah lo in, nasep a hanciam na ding uh a hanthot kawm in, amah leh amah ki genteh in, a etteh na ding un thu apia hi. 1 Cor. 11:1 sungah Korin khua a thu- um mite kiangah zong, vai tuamtuam te sungah midang te mah masak theihna ding a kul zia, a etteh theihna dingun ki genteh hi. Galati mite tunga Paul in a lunggulh na bel tuamkai pian zek hi. 

Gal. 4: 12 sungah Paul in, Galati mite tungah amah a ki etteh (ciing) na dingun ngen lo hi.  A hi zongin amau te tungah, ki neih tawm na lam ahi lo, “amah bang lian hihna” aneihna ding un kun zaw hi. Bang hang hi ding hiam? Galati pawlpi sunga buai na in, Korin pawlpi sunga buaina ahih leh, minam buaina leh, Pasian zahtak lohna tungtawn pan in a biakna vailo buaina tuamtuam te hi lo hi. Galati pawlpi sunga buaina ahong piankhiat na limlim in, Christian hihna sung mahmah hi pah hi. Tua buaina in, “gamtatna/sepna” cih lamsang hi lo a, “hihna/ Christian hihna”cih hi zaw hi. Paul in zong kei bangin gamta un ci lo in Keibang hi un, ci pah hi. Gal. 4:12 sunga a kizang kammal in, Acts 26:29 sunga Paul in Herod Agrippa II na pa tungah agen kammal tawh kibang hi. Tua sungah Paul in, “Nangmah-a kipan tuni-a ka thugen a za mi khempeuh hun tomno sung ahi a, hunsau sungin ahi zongin, hih bangin sikkhau hong kikhihna simloh, keimah nong batkimna dingun Pasian kiangah thu ka ngen hi,” a ci hi. Kammal zatna tungtawn pan in Paul in, Christian nuntakna I cih in, Christ Zeisu’ sung bek ah kingak na dingin bulphuhna kip om a, thukham te zuihna gamtatna te suan na tungtawn panin hi lo in, eite a dingin ahong sepsak Khris Zeisu tungah Upmuanna tawh kimuang taka kingak na hi zaw hi, ci hi. Galati mite in bel Zeisu sungah hihna taktak tawh om theihna dinmun sangin agamtatna uh mah a mannei zaw cih ngaihsut na tawh kalsuan zaw mawk uh hi. 

A hi zong in Paul in, bang ci bangin amah a bat na dingun a kician sinsen in a genna ki mu  lo na pi in, a nuntakna a vai khempeuh ah etteh dingin a cihna hi khin sam lo ding hi cih kimu thei hi. Ama awlmawh deuh thu in, Thukham a bulphuh Galati mite Biakna hi pha diak hi. Paul in bel Zeisu sungah amuh Gupkhiatna kician aneih tungtawn pan in angah suahtakna leh alamdang Pasian Itna mah a lungsim sungah teeng zaw hi. A lamdang mahmah Zeisu Khris khawvak in, a lungsim khempeuh khuum khin ahih manin, tua Khris tawh ka kipawl theihna hangin na dang khempeuh ninneng bang lelin hong ngaihsun ta hi (Fil. 3:5–9), tua bang nuntak zia anei thei dingin Galati mite zong lunggulh sak mahmah hi.

Na nuntakna sungah etteh dingin a hoih mahmah mikhat (Zeisu a hi lo) muh na nei hiam? Muh na eih leh, tua pa/nu tungtawn pan in,etteh dingin na deih tua a tuamdiak hoihna te bang hi a, na nuntakna bang ci bangin ahoih zaw in lakkhia thei pah ding na hi hiam?

NITHUM NI (TUESDAY) August 22
NO BANG’ KA HIH NA

1 Cor. 9:19–23 sung sim in. Hih Laisiantho sung pan a Paul in a gen thu te tungtawn pan in, Gal. 4:12 atawp lam laigual hong bang ci telsak thei zaw hiam? (Acts. 17:16–34; 1 Cor. 8:8–13; Gal. 2:11–14 te zong sim in).

______________________________________________________________________________

Gal. 4:12 sung thu in tawmcik hong buaihuai pian hi. Paul in Galati mite bangin om khin ahih leh bang hangin amau te in Paul bangin a hih dinguh kul hiam?

___________________________________________________________________________________

Zanni in I sinna tungtawn pan in, Paul in Gupkhiatna ngah theihna dingin Zeisu sungah na khempeuh kicing takin om a hih zia, a bucing Upmuanna leh kimuan taktak tawh a neih theihna dingun, lunggulh hi. Amaute tawh kibang in om a kicih na ah bel, amah Jew mi ahih hangin Gentile mite tungah Lungdamna thu a gentheihna dingin “thukham anei lo” Gentile te dan in a om na a kigen nuam ahi hi. A minthang Missionary khat ahih na tawh Paul in, Gentile te tenna Gam khempeuh sunga om Jew te ahi zongin Gentile ngiatte ahih zongin amau zaktheih ding un, bangci bangin tua Lungdamna Thupuak gen ding cih thei mahmah hi. 1 Cor. 9:19–23 sungah, a gospel thupuak in a kibang ahih hangin, tua Lungdamna thu a ngah ding mite dinmun tawh kizui in, a nasepdan pen atuamtuam in kheel kawikawi hi.

“Tu khanghun laitak in, a kizang “contextualization”a kici, Lungdamna thupuak I va genna ding amun tawh kizui in, amau ngeina te aki zatpih na tawh, amau santheih dingin gamtat  kizopna tungtawn pan in, thupuak tangko na tawh kisai in, Paul in, a madawk mahmah Missionary pa khat ahi ih.” – Timothy George, The New American Commentary: Galatians, 1994, p. 321. 

A mahmah in agen, 1 Cor. 9:21 sungah, a gamla a om mite kiangah, Lungdamna thu  tangko dingin, kalsuan ciangin Ngeina leh khuasakzia zatpihna (Contextualization) in, ciangtan neihna ciang khat om ahih zia Paul in um hi. Gentehna in: Mikhat in Lungdamna thupuak a gen khiat dan lampi tuamtuam tawh Jew te kiang leh Gentile te kiangah suakta tak in vaphai thei hi. Ahi zongin, Christian te in “Khris thukham sungah om” ci in, ki suakta sakin, ama ut dandan in thukham a nei lo te nuntak kalsuan bangin ki om thei tuan lo hi.

Lungdamna thu a kizelh na dingin mite’ ngeina te zatpihna (Contextualization) a baih ding  hi dek lo hi. A hi zongin Khris thupuak bek kizelh na ding bek a lunggulh mite adingin, bang  ci bang ngeina sungah a kihel zongin a lemtuah theihna ding lampi om hi. Tua ci bangin ei te in, Paul zia ki ciing thei ding hi.” - Timorthy George, Galatians, pp. 321, 322.

Ngeina kibat pih lo mikhat tawh ki lem tuahna bawl pen baih lel hi. Christian hihna a sawt sem leh midang te telsiam theihna ding baih zaw hi. Tua bangin mite tawh kilembawl luatna hangin bangzah ciang bang kiphal na nei na hi hiam? Tua bang dinmun tawh bang dinmun ciang na ki diksak kha hiam? Tua na dinmun pan in koi ci bangin kileh kik thei ding na hiam?

NILI NI (WEDNESDAY) Aug 23
A NUNGCIANG IN LEH TU’N

Paul leh Galati thu-um mite kizop na in atawntung in a buai tawntung, a kilem lo hi khin sam lo hi. Lungdamna thupuak gen dingin Galati khua ah a hong pai masak laitak in, zindo siam tak in, a na khoi na uh, limgen mahmah kik hi. Tua hun laitak in bang thu piang hiam? Galati gam ah Lungdamna thupuak gen dingin Paul in a khensatna bang thupiang hang hi ding hiam? Gal. 4: 13. 

A tung in, Galati khua ah Lungdamna thupuak a gen dingin Paul in a ngim masak a hih loh zia ki thei hi. A khualzin na pan in, damlohna namkhat khat in a hong buah khak ciangin, lam-et na sangin a sawt vei khop mah a nop tuam masiah, Galati ah hong taam phot uh hi. Mi pawlkhat te genna ah, nattun natna a vei hi kha ding hi ci uh hi. Mipawl khat te leuleu in, (Paul thugen na tungtawn pan in,  Galati mite in a mit uh a piak nop na uh hang in) 2 Cor 12:7 – 9 sunga “pum hong sun ling” a cih tawh kizom kha ding hi a ci zong om hi.

Bang bang hi ta leh, Paul in a nop lo mahmah thuakna hangin Galati mite a dingin sittel na  khat hong suak hi. Tua hun laitak in, natna khat a kineih khak ciangin, amau te muhna ah, Pasian kiang pan in lungkim lohna a ngah kha te in tuat uh hi (John 9:1,2; Luke 13:1–4). Paul damlohna leuleu in, Galati mite in, amahmah leh a thugen te a nial theihna ding pan un maisak theihsiam na ngahlawh sak hi. A mau te in Paul pen lungsiam takpi tawh na muak thei uh hi. Bang hang hi mawk ding hiam? Bang hang hian cih leh khasiangtho in kiphawkna a piakna tungtawn un, Singlamteh thu (Gal. 3:1) a tangko tak ciangin a lungnuam sa mahmah uh hi. A hi zongin bang hangin tu in ahih leh a lungsim puak zia uh ki

kheel ta mawk hiam?

Paul in natna athuak dingin Pasian in bang hangin phalna pia hiam? Ama aituam buaina tawh a ki do laitak mah in, midang te a dingin, Paul in bang ci bangin na sem thei hiam? Rom. 8: 28; 2 Cor. 4:7 – 12; 12: 7 – 10.

______________________________________________________________________________

Bangbang natna ahi phial zongin Paul natna in, a nasia mahmah hi a, tua a buaina hangin ol no tak a Pasian mawhsak theihna dingin leh Lungdamna Thupuak a khawl theihna dingin, a hun lem mahmah hi ta leh, bang mah in Paul buaisak lo hi. A dinmun tungtawn pan in lungkiat ding sang in, Pasian tungah kingak theihna dingin hunpha khat a ngahin kituat zaw hi. “A nuntak sung hun tampi a lungdam Thupuak na sungah Pasian hehpihna leh deihsakna theisiam in a picin tohtoh theihna dingin, Natna atuamttuam thuakna, bawlsiatna, gentheihna, huihsia guahsia nuai ah tuahsiatna, a kigencian theilo dahna lungngaihna te a hong thuak hi”. – Timothy George, Galations, pp. 323, 324.

Haksatna thuaksiatna na tuahkhak ciangin Pasian tungah a kinga thei dingin bang ci bangin kisin thei ding na hi hiam? (tua lo a dang bang nei lai?)

NINGA NI (THURSDAY) August 24
THUMAAN GENKHIAT NA

Gal. 4:16 sim in. Paul in bang thu tawh kisai in khauh gen pian hiam? Hih thu tawh a kituak nangma tuahkhak thu te a om kha hiam? (John 3:19; Mat. 26:64,65; Jer. 36:17–23).

______________________________________________________________________________

“Thumaan gen”cih kammal in, khat veivei ciangin asia lam ah ki la thei hi. A diak diak ei khang hun laitak in, puak giapgiap a genna, aana lo taka sukgiap na, kuamah khuallo taka genkhiat na te cih te in a za te a dingin a thumaan mahmah hangin zaknop khol lo te hi thei hi. A hi zongin Gal. 4:12-20 sunga kipan Gal. 6:9,10 cih I sim ciangin Paul in a thuman a genkhiat te Itna tawh ki hel lo hi ki ci thei lo hi. Tu dong ciang mah I muhkhak thu in, Paul in Galati mite tungah “a thuman Lungdamna thupuak” (Gal. 2:5,14) aneih theihna in, amau te a kin man, a it man ahi hi. Ei te sungah zong mi khatkhat in, mawh hi cih a kitheih manin, siang taka ki thuhilh ciangin, a kigen thu te hangin na a sak mahmah na leh, zak thadah a asak mahmah hun ki tuakkha thei hi. Tua bangin nop a kisak loh hangin kigen mah akul hun zong om hi, bang hang hiam cih leh, ama ading lunghimawh na hangin aphattuam theih na ding in, a kigen ahi hi. Amah aki siatsak nop man hi lo in, a ki deihsak man hi zaw hi. Tua bangin a ki thuhilh ciangin hong heh mai dinga zong hong langpan kha mai mah ding hi. A hi zongin a mah in a zak nop het loh hangin I thuhilh teitei na thu in, tua pa/ tua nu in thuman a theih ding a ki ut man zen hi.

Gal. 4:17–20 sungah ama’ langpan te tungah bang thu gen hiam? Pasian thu tawh ahi lo, Bang thu dang tawh kisai in to’na nei hiam?

______________________________________________________________________________

Paul in a Lungdamna Thupuak tawh kizui in ip nei se lo in a genkhiat gawpna hangin Galati mite hong heh uh ahih manin a langpang te’in mipi te tungah maipha ngah lawh bilbel uh hi. A hi zongin amaute in mipi te itna tawh a kin bawl hi tuan lo in, angsung khualna tawh kidim ahih zia Paul in thei lua hi. Tua hi a, “kei kiang panin note a hong khenkhia nuam” uh hi ci in, Paul in a gal te tungtang angen na a kician in I tel loh hangin, Vun-atna a neih masiah uh Lungdamna thu sung pan in, Biakna hanga hamphatna pan in khenkhiat sawm hi kha ding uh hi.

Na kampau khat a maan mahmah leh akisam mahmah khat hi na pi in, tua na paukhiatna hangin mikhat in nang tungah a hong hehna te ngaihsun kik in. Tua tawh kisai in nidang ciangin tua bang dinmun tun theihna ding pan in bang ci bangin kisin thei ding na hi hiam?

KIGIN NI (FRIDAY) August 25

SINBEH DING: Galati Pawlpi sungah lampial upna te kihong lua ahih manin a thumaan Lungdamna sangin mun hong la zaw hi. Jew te ngeina Upna maan zungpi ding ahi Zeisu Khris tawh kalsuan khop na ding mun khempeuh ah, Jew te ngeina te in mun hong la ta hi. Galati mite sungah hi ci bangin a lauhuai huzap na in hong luahkhat ta cih Sawltak Pau in a hong muh ciangin, a hiam mahmah warning piak a kul ding hi tah ci ki thei hi.

“A thupi pen Khris nasem te sin ding thu in, a ma nasep in a nasep naphual te phattuam  theihna ding tawh kizui in a septheih na dingun a kisin ding uh ahi hi. Nunneem na, Lungduaina, khentat siamna, kip khona cih te kisap mahmah hi. Tua te pen a tuam vilvel a khentel theih ding a hi hi. A siangtho Pasian Kha’ tawh lungsim ngaihsutna atuamtuam te tungah vaihawm siamna, a mun ahun zui a piang, a hong om buaina te leptuah theihna, Pilna tawh lungvaak tak a thukhen siamna te kisam hi.

“Sawltak te in lungduai takin a thumna atau na kammal te uh gah lo in amawkna asuak ngeikei hi. Lungdamna thu sungah Upna tawh mun tuamtuam lampi tuamtuam tawh a kalsuan te khe te, Khasiangtho in a vangliatna sepzawhna guan pah hi. Tua a kipan in, a maute in suahtakna apia Zeisu Khris sungah suahtakna tawh kip bikbek in ding tang ding uh hi.” –Ellen G. White: The Acts of the Aposstles, pp. 385, 388.

KIKUP DINGTE:

1. Dotna tampi ahi, haksatna sungah Pasian in bang ci bangin hong zang thei hiam. Haksatna hangin thuhoih khat mahmah a kidawk loh laitak kek mahin bang ci kalsuan theih ding I hi hiam?

 2. Zeisu mahmah in eite sungah a hong om cih a khiatna in bang hi ding hiam? A hong om takpi mah ahih leh ki koi ci theih ding I hi hiam? 

o0o