“Pasian’ Nasem Khat Ka Suak Nuam Hi”

Ghukato Yeptho, (16) Northeast, India a om
Nagaland Seventh-day Adventist School maiah a tut laitak. (Andrew McChesney / Adventist Mission)

August 12                                                                                                 India Gam Saklam leh 

Nisuahna lam“Pasian’ Nasem Khat Ka Suak Nuam Hi”

Agen: Ghukato Yeptho (sim daan- Guukato Zeptho) 

Kum 16 a phaa  Ghukato [guu-ka-toh] pen India gam saklam leh nisuahna lam ah saang a kah saang-naupang khat hi  a, ni khatni ciangin Pasian nasem a suak nuam khat ahi hi.  Ahi zongin a saang zawh khit dong ama’n ngaak tuan loin, midang tungah Topa Zeisu hong itna genkhia hi. Guuhato in Adventist ahi nailo a saang kahpi a lawmte kiangah hun a ngah bangin Topa Zeisu hong pai kik ding a lametna  thu genpih hi. A uut uh leh zong Lai Siangtho sin khawm dingin zawn hi. Guukato in kum 13 a phak lai tui a kiphum ni aa kipan Topa Zeisu thu a gen a khawl theihlohna thu gen hi. Amah in, “Pasian’ nasem thuhilhsia khat ka ssuak nuam hi,” ci-in nuihmai takin gen hi.

A Moi Khuavaak Innpi

            Guukato ii nu leh pa in amah kum 9 a phaak lai in a kibawl Lungdamnathu taangkona ah thu ngai uh a, taangkona a man ciangin Seventh-day Adventist Pawlpi sungah hong luut uh hi. Amah leh  amah saang aa kum 2 a moi zaw a sanggampa in India gam saklam leh nitumna lam aa kihong Nagaland Adventist saang ah saang kah uh hi. Tua saang ah saangnaupang 204 kah uh a, Adventist a hilo, Khristian innkuan panin saangnaupang tampi mah saang hong kah uh hi.

            Guukato in bel, huang sung ah a kibawl khalam nasepnate lungluut mahmah hi. Zingsang in sangkahna hun masa sungah saangnaupang teng in la sa khawm, thu ngen khawm leh Lai Siangtho a sim khop uh nuamsa mahmah hi.

            Guukato in aa lawmte innlai a bawl uh ciangin a huhna leh hunpha a ngah sim in a upna a hopsawnna a  saangsiate in a muh ciangin a lungsim uh sukha hi. A saangsiate khat in, “Amah pen khop ni sim in biakinn ah kikhop den bek loin, a lawmte zong a kikhawm dingin zawn hi,” ci-in phat hi.

            Guukato in a upna thu a hawmkhiat pen a tawntungin olsa tuan lo hi. A saangkahpih te ii nu leh pa pawlkhat in a tate Sabbath ni aa a kikhop dinguh deih lo hi.  Ahi zongin Guukato in biakinn ah a kikhawm dingin sam teeiteei hi.

            Khat veivei ciangin kinolh zel hi mah taleh, Guukato in, “Phamawh kei lawmte aw, hehpihna tawh khat vei teeiteei hong kikhawm vo maw,” ci-in aw neem tawh sam teeiteei hi.  Hi bangin mi a zolna hangin a lawmte tampi takmah hong kikhawm in, tui a kiphum nuam na ngawn om hi. Guukato in, “Ka lawmte khat Lai Siangtho ki sinpih hangin a nu leh a pa in akituiphum ding phaI lo uh hi,” ci-in lungkia het loin gen hi.

            A lawmte khat zong biakinn ah khat vei hong kikhop lam a nu leh a pa in thei ahih manin kikhawm sak nawnlo uh hi.

Midangte Huhna

            Nialnate in Guukato pen lungkiasak tuan lo hi. A lawm ding mi dang mu veve lel a, khat veivei saang huang pualam panin lawm nei hi. Khua sung vanzuakna saipi khat ah a sem Albert tawh kimeeltheih uh hi. Amah in Topa Zeisu hong paikik nading vai leh Sabbath thu Albert tawh kikum uh hi. Albert in biakinn kikhawm man lo ding ahihna gen a, a lawmpa Guukto piak Adventist World magazine leh a dang laihawmte lngdam takin saang hi.

            Guukato in Pasian a itna pen a inn pan kipan a,  a inn vai uh kin bawl pen hi. A nu cina in biakinn a hah zawh loh ciangin a dam dongin lupna ah tawlnga hithiat sak hi. A nu cidam kik aa, tha a neih kik dong Guukato in biakin leh a inn uh hahsiang hi.

A Saang A Khantoh Nadingin Huhna

            A saang vuah a kisap lianpen uh a kidot ciangin, Guukato in manlang takin saangnaupangte om nading bawdaa a kisapna pulaak pah hi. Amau saang ah bawdaa om nai lo hi. Bawdaa nei uh hileh saangnaupang tampi te saang hong kah thei ding uh hi.

Tu kuata Sabbath sawm leh thumn sumpi pawlkhat tawh saangnaupang numeite om nadingin bawdaa khat kilam ding hi. Tua baanah, pasalte om nading bawdaa zong sum a kicing ngah zawh leh lam dingin kigeel hi.

            Guukato in, saangnaupang tampi takte nisim in a kileh uh haksa lua ahih manin bawdaa nih lam zawh ding kisam lua mahmah ahihna gen hi.

            Guukato in Topa Zeisu hong pai ciangin a kigngsa aa om ding longal a dang lunggulh a neihlohna gen khia hi. Ama deih Lai Siangtho munin, Matthew 24:42, Topa Zeisu vaikhaakna, “Bang hunin na Topa uh hong pai ding cih thei lo nahih manun na pilvang un.”

            Hehpihna tawh Nagaland Seventh-day Adventist Saang aadingin thu hong ngetsak un la, tu kuata Sabbath sawm leh thumna sumpi zong phaltak cinghtakin hong pia ta un. Lungdam lua hi.

                          @@@@@@@@@@@@@%%%%%%%%%@@@@@@@@@@@@