Thungetna In Tui A phul Zuazua Tuikhuk Khat Piangsak

August 5                                      India Gam Nitumnalam

Thungetna In Tui A phul Zuazua Tuikhuk Khat Piangsak

Agen: Sunita Hegde (Sunita Hekde)

Lokhopa khat ii zi ahi Sunita pen, biakinn ah kikhop ding a lawp khat hi a, ahi zongin Khristian a hilo a pasal a heh ding zong aman deih lo hi. Tua ahih manin gamdaai takin a inn vuah Sabbath ni in Pasian biakna bawl hi. Thungetna a tuamdiak a neih ciangin bel, biakinn ah thu van gen hi. Nung kum in Sabath ni-in Sunita biakinn ah pai a, tuikhuk khat neih zawh nadingin thu ngen hi.

Sunday a zui innkuan panin a khankhiat hangin pasal a neih ciangin kikhawm nawn lo hi. Himah taleh amah in Lai Siangtho sim hanciam hi. Lai Siangtho hong sim kawmkawm in Adventist pawlpi a maanna hong tel seemseem hi.

A Lamdang Thupiang Khat Aadingin Thungetna

Innkuante anciinna zanglei vai sah simsim hi. Guah tawm mahmah sii, a zanglei aa tuikhuk (2) ah tui kang dek sawn laai. Lo ah lah tui kisam lua ta! Sunita leh a pasal in sum nei phalo sawnsawn!

Sunita’pasal in a lo ah tui a ngah nadingun Hihdu biakna tawh zon sawm hi. Anita in a pasal kiangah Pasian tungah thungetna bek tawh tui ngah ding cih genpih hi.

Sunita zong lamdang takin tui a ngah nadingun biakinn ah pai in Pasian tungah thu ngen hi. Tui khuk thak to dinngin tuikhuk tote a cial uh ciangin manlang takin tui a ngah theih nadinguh Pasian kiangah thu ngen hi. A nupa un tuikhuk mun tampi tawh nading sum kicing nei lo uh hi.

Pastorpa leh pawlpimite zong Sunitate zaanglo ah tui a ngah nadingun thu ngetpih uh hi. Topa Pasian tungah Sunita in Pasian a upna leh Sabbath ni Pasian a biakna hangin lungdam ko uh a, tui a ngah zawh nadinguh zong thu ngetpih uh hi.

A zingciangin tuikhuk tote hong tung peetmah ta hi. Pastorpa leh pawlpimite zong hong pai uh hi. Koilai mun ah tuikhuk to ding cih zong thei nailo uh hi. Sunita in lah, pi 150 a thuuk tawh nading  bek sum nei hi.

Pawlpimite in upna tawh tuikhk tawh nading mun khat teel uh a, Pastorpa in, “Topa aw, hih leitang panin na tate kisap tui tampi hong phuulkhiat nadingin thupha hong piaksak in,” ci-in thu ngen hi. Tua khitphet in tuikhuk topa nasep kipan pah hi.

Pi 50 thuuk to khin ta! Baangci! Tui om nai lo.

Pi 100 thuuk to khin leuleu! Baangci! Tui om nai tuan lo.

Pi 150 thuuk to khin peetmah ta! Baangci! Tui om nai tuan mahmah lo.  

Tuikhuk topa zong khawl in Sinita kiangah, “Pi 150 to khin ta ing. Ka tawh zom ding na ut leh sum nong piakbeh kul ding hi,” hong cita!

Pastorpa leh pawlpimite tawh Sunita in thu hong ngen khawmkik uh hi. Tuikhuk topa kiangah tawm mahmah a tawhbeh saklai nadingin thuum uh hi. Amah zong thukim bilbel in, tuikhuk tawm a tawhbeh leh lei sung panin tui hong phuulkhia ziahziah hi.

Sunita nuihmia siusiau kawm in, “Ka lungdam lua!  Upna tawh thu ih ngen hi. Pasian in ih thungetna hong dawng hi. Topa in tui hong pia hi,” ci-in hong awng khia hi.

Tuni dong mahin, tua tui khuk hangin Sunita te innkuan tungah tuisiangtho kicing takin ngah uh hi.

Tuni ciang dongmah, a veengte in tua nalamdang tuikhuk thu lamdang sa mahmah uh hi. Amau in, “Sunita aw, zawng napi cin, banghangin hih zahtak thupha saang na hiam?” ci-in lamdang sakna tawh dong uh hi.

Sunita in tomcingkim in a dawnna: “Pasian in Amah a zahtaakte thupha pia hi”

Pasian in Suinta in Amah a upna hangin thupha pia hi; Tuikhuk in amau kisap zah val in tui ngah sak hi. Pasian ih zahtaak a, ih pahtawi ciangin Amah in ciangtan nei lo nuntakna ciktui hong pia hi.

Sunita’ inn naai ah Alate Adventist saang om hi.

Tu kuata Sabbath sawm leh thumna sumpi pawlkhat laaisin theihna inndei 14 te kilam ding a, thungetna hong dawng Pasian thu saangnaupang a tam semsem in sin thei ding uh hi.

Hehpihna tawh Sabbath School sumpi na don uh ciangin na thungetna vuah Sunita leh Alate sang aading zong hong phawk sak un. Lungdam lua!

                          @@@@@@@@@@@@@%%%%%%%%%@@@@@@@@@@@@