Kumkikna Lamen Innkuan - Khen 17 (Azom4)

TAWLNGAKNA ZANGSEHNA NGAIHSUTKIKNA

 Tuktehna Kikhiam.—Christian nu leh patein atate’ pianpih thanemna khahthaang uh hi. Amaute mahmahin khatvei lai in akhaam uh gualnopnate phal uh hi.1

Christian nu leh pate lakah gualnopna aphal tampi om uh hi. Nu leh pate in leitung tuktehna ngah uha, mihonte ngaihsutna zui in, naupangte aneulai takun thadahna-ah khahkhiasakin, angsung gualnopna leh ahaihuai zualzanna-ah paisak uh hi. Lunglawpna atho sakdingin khaici kivawh suaka, naupang leh khangnotein kisialhna, puanlahna, lungsim puak nei uha, kimanna anei nisim bangkua nasep nungngat uh hi. Piansak ganhingte bangin nungta zaw uh hi. Pasian’ ngaihsutna neilo uha, tawntung thu zong kinlo uh hi. Khuahun tawh kituakin lengin paktui khum adawn pengpelep bangin aleengkhia uh hi. Ngaihsutna anei mihing bangin Pasian’ tuktehna tawh kituakin nungta lo-in, ahun uh anisim in sittel thuak kik ding uh ahihna theilo uh hi.2

Nute-in Gualnopna Bawl leh Makaih.—Gam lumna leh nawngkaina apia lo dingin ama’ kiang panin a tate apaikhiatsak sangin amaute’ deih theih gualnop pak theihna khat peuhpeuh vaihawmsak zaw ding hi. Tua banga tate’ deihtheih gualnopna ngaihsut tawmna nu hanciamna pen azah tampi tawh kithuk ding hi.

Khangno tate in lawm leh gual deih uh hi. Tualo-in amaute gualnuam theilo hi. Nu in tua thei-in, amah aomna khan sungah amaute tawh omkhawm ding hi. Amahin amaute en leh kemin, amaute nget hunhoihte piain, zongsat hoihlote puahsakin, angsungkhuat nate tai- in, alungsimte uh lammaanah makaihsak ding hi. Nu-in hong phal inteh, cia azon uh gualnopnate nu dongin abuainate uh nu ko ding uh hi. Thu theihnop ahau tate dotna dawnglo in lungsim nasaklo dinga, thuneu pen ahizongin awlmawh ding hi. Nu adingin aneu hangin amaute adingin thu lian zong hithei hi. Kidawpna leh makaihna ahun lapin pia in, ahoihte pahtawisak ding hi.3

Mawhbaanglo Gualnopna Nial Kei-in.—Hun leh ngaihsutna akisap manin nu-in khut manlahin mi akham laitakin, tate mawhbaanglo gualnopna nial thei khading hi. Tuabang nialna in khangnote adingin amawkna leh uangtatna aneidinga hanthotna suak thei hi. Tate in numei pasal picing asuah uhciangin hih athuaknate un kiphatsakna leh kha manneihlohna in zang thei uh hi. Tate’ khialhna ah nu in dah hinapi hibang apianna pen nu in avawh khaici a at hikha thei hi.

Nu pawlkhatte in tate abawlna kikimlo hi. Khatveivei amaute nat zawk nadingin adeihna uh zui lua thei-a, khatveivei tate lungnop nadingin mawhbaanglo gualnopna khaktan vat zel thei uh hi. Hihbang hihna ah Christ ettehlo uh hi. Christ in naupangte it a, amaute thuakna theihpihin agualnopna leh ahaksat hun in theihpih hi.4

Mrs White in Tate Bangci Uk.—Tate in a lawmte zuiding, ahihkeileh party pai ding, ci-in anget ciangin: “hong paisak zokei ning, hiah tu-in, kong phallohna ahang hong gen ning. Ka nasep in tawntung ading leh Pasian ading ahi hi. Pasianin nang kei tungah hong piazo hi. Nangmah akemdingin kei hong ap hi. Nang adingin keimah in Pasian tangding kahi hi. Pasian in asittelni ciangin kagending banglianin nang kong kem ding hi. Tate tungah tavuan khinzo lo-a, vantung laibu sungah ka min kiatloding adeih nahihiam? Galte innsungah lutin kamun aluahdingin aphalding hong deih nahi hiam? Tate aw, lampi maan kong gending hi. Nu kiang panin napaikhiat sawm uhleh siatna sungah nalut ding uha, nu in mawhbaanglo-in omdinga, note in namawhna uh nathuak ding uh hi.”

Hihbangin katate kabawl hi. Thugen ka man ma-in amaute kap thei zel uha, “Ko ading thu hong ngetsak loding nahiam? ci uh hi. Amaute ading thunget sakding kanial ngeikei hi. Amaute kiangah khukdin in thu kanget sak hi. Tuaciangin paikhia in zingsang ni asuah dongin Pasian kiangah kathum sak hi. Satan’ khemna akisiat dongin zan thapai thu kangen hi. Gualzawhna kangah hi. Zankhat nasep kasuplawh hangin tate in kangawngah luaiin “nu aw, kavak nop hunin nongphalloh lungdam. Vak hile ung khial theikhading hi ung” acih uhciangin thaman ngah kakisa hi.

Nu leh pate aw, hihbangin nasem ding uh hi. Pasian gam sungah tate agumkhia ding nahih uhleh nakuhkal ding uh ahi hi.5

Khangnote Buaina.—Tuhun in, Laisiangtho tawh kituakin, tate hilhin pattahding baih hilo hi. Tate ihkhal ciangin thuakzolo thei uha, amau’ utut in sungtum pusuak thei uh hi. Adiakdiakin kum 10 panin 18 kikalte- in leitung gualnopnaah ihpaikhiat hangin bangmah lauhuaina omkei, ci uh hi. Phulkhakna anei nu leh pate in lauhuaina tampi mu uh hi. Tate lungsim puak te thei uha, tuate in amaute bangci huzaap cih zong thei uh hi. Amaute gupna nangahsak nopna tawh lungsim alawpsak gualnopnate panin kaikhia in.6

Kikhel khitciangin Etcikding Kisam.—Leitung gualnopnate nusia-in Jesu’ nung azui dingin tate in akhensat khit uhciangin akin athumaan nu leh pate vangik bangzahta in zang tuam hiam? Hita leh nu leh pa nasep khawlthei tuanlo hi. Khangnote in mawhna leh apianpih uh mawhna thanemnate galsim akipan uh hita hi. Tuabang hunin nu leh pa thuhilhna leh vilna kisam zawkan uh hi.7

Lei Gualnopna panin Tate Kepna Thusim.—Nu leh pa tampite in: Tate in inn ngailo, innah om nuamlo hi, ci-in thum uh hi. Aneu tung panun amaute in leengla tawh kithuah nuam pah uha, agol phet uhleh anu apa khalna pen thongkiatna dan in ngaihsun in amaute thuhilhna leh pattahna panin taikhiatding sawmpah uh hi. Hihbang apianna uh pen nu leh pa kongbiangah om hi. Inn pen inn bangin bawllo uh hi. Inn pen anuam, omkhop nopna, awnem tawh pauna, maitaina, leh itna maan aom namunin bawllo uh hi.

Tate gupkhiat nadingin inn pen anuam leh mihup dingin bawl in. Nu leh pate’ zongsatna in tate Pasian tawh khihlo dinga, inn zong Pasian tawh khihlo ding hi. Pasian kihtakna tawh kiptakin tate pantah dinga, akhuak uh pilna pia ding hi.8

Nu leh pate in tate sungtum pusuahna acinding tavuan nei hi. Inn ah aom nop nadingun hanthawn ding leh zol ding uh hi. Nu leh pa in tate kin ahihna lakding uh hi. Inn pen maitaina leh nopsakna mun in bawlding uh hi.9