Kumkikna Lamen Innkuan - Khen 16 (Azom1)

MUAN LEH MUANLOH LAWMTE

Ei leh Tate Ahuzaap Nate.—Ihpawlbawlna in aneu ahiphial zongin eite tungah huzaap hong nei veve hi. Tua huzaapna ihzuih nazah tawh kituakin ihkizopna anai agamla, amaute tawh kizopdenna leh ihkithuahpihte in ih itna leh ihpahtakna agen ahi hi.1

Pasian’ hongsapna dinmunsaang amangngilh dingin ihlawmte in ahong huzaap ciangin ze-etna sungah hong lutpih ahi hi. Ihnanzawhloh ding khalam thanem nading kongvang ahong ahi hi. Ihlawmte’ lungsim leh tupnate ih iplahzawk leh lawmte’ ngaihsutna sangin tawntung thu anuaisiahzaw ih hi hi. Atomin, dikna khempeuh ie galpa in angim bangin ama silngo ahong sawh ahi hi.

Khangnote in hih huzaapna sungah alut uhleh akhanghamte sangin mawhna sungah lut baihsa zaw hi. Na khempeuhin ih ciaptehna khuak sungah kikhenkip a, amuh maipuakte, azak awte, avakna munte, akithuahpih lawm, leh asim uh laibute mawkman lo hi. Hih leitung leh ahong paiding ihtel lawmte’ thupina ihseh khialhloh ding thupi hi. Adiakdiakin ihtate ading ihtelsaknate thupi diakdiak hi.2

Pasian aneilote tawh kithuah alauhuaina.— Nuntak tuktehna in leitung hilo hi. Pasian aneilote tawh kithuahding hilo hi. Amaute’ lungsim zong puakding hilo hi. Tua hikeileh, eite’ lungsim Pasian kiang panin hong paikhiatpih in, pasian maanlote hong biakpih ding hi. Akip kha nuntakna, akho upna in ahoih tampi semzo hi. Amahin asiangthopen thupha zong alawmte tungah piatheiding hi. Ahangin, Topa’ thukhamin ama’ lungtang sungah om hi. Ahizongin Topa’ thukham atuancil mite tawh ihkithuah ciangin ih upna asiangtho ninbaanglo in ihkem thei kei hi. Amaute tawh ihkikhenkhiat keileh amau’ lungsim ei sungah hong lut dinga, khuamial azangkhawm dingin ihkilomkhawm khading hi.3

Hebia mite in milim biate leh amaute pawite ah akithuahna hangun Pasian’ thukham palsatin, amaute tungah thukhenna tungsak uh hi. Jesu’ nungzuite in Pasian aneilote nungzui dingin leh amaute gualnopna ah akiheldingin ahonghzolna tawh Satan gualzo kisapen hi. “Ka mite aw, hong paikhia un. Hong kikhenkhia un,” Topa in ci hi. Asiangtholo nate lawng kei un. Pasian’ mite in leitungmite’ ngeina, zongsatna, leh thukhunte tawh kilamdanna alianpi aneidingin tanglai Israelte asap bangin ei hongsam hi.4

Samson ie Deihteelna.—Samsonin Pasian’ na asem dingin akithawi naah Pasianin amah kem hi. Nasep kipat hun panin anuntak khuahun hoih a, thatang neiin, pilin, siangtho hi. Lawmhoihlo tawh kithuahin, Pasian aletna khut khahin, ngaihmuanna mansuah a, mawhna tuihual kitaisak hi. Tavuan aneite in ze-etna tuak uha, Pasianin kemcing hi. Ahihhangin mihingin adeihteelna tawh ze-etna sungah alutleh mawhna sungah kiading hi.5

Siatna Silngo.—Sangnaupangte aw, asun azan a nanu napa’ thungetnate in nanung uh hong zuiding hi. Amaute’ hilhna leh ngetnate ngai unla, lawmhoihlo teel kei un. Siatna silngo in nalungsim susia in, zongsatna siasakin, siatna ah zongsatna abawl kikkik dingin ahong zolna, gamtat hoihlo ahong piaknate natheiban kei uh hi. Lauhuaina zong namu pak keidinga, khialhna kabawl ma-in ahoih bawlzo buang ning, ci in nangaihsun hi. Tua in khialhna ahi hi. Pasian akihta nu leh pa leh siate in hilh, tai leh genkhol khamah ding hi. Pasian’ tungah nakiap keileh amawkna suakding hi. Ama’ minthan nadinga nangah talentte zong pungsak in.6

Biaknaah akilamdanglote kidawmin.—Tate in leitungvai, ataktailo mi tawh kithuah leh kikhangkhanna omlo ding hi. Biakna thukhun thupi salo-in, upna thuneu sakin, thumaan ciamnuih bawlin aseelnate uh zaksak leuh abilkha leh azia atong uhah mangnawnlo ding hi.7

Khuaksunga athupi thumaan khetcipnate adal ding ahihkeileh apaimangzoding thu-in ahoihdeihna hilo, mumal neilo mite, kinneilo, lungsimsiate tawh kithuahna ahi hi. Tuabang mitein mi hupna bangnei hiam, thudang hilo, aciamnuihna, athusawi genna, leh biakna manneilo bangin thu gen uh a, tate tawh kithuah keileuh hoih pen hi. Thudangteah akihel manun amaute’ huzaapna lauhuai semsem a, biakna neilo bangin akam paunatein alauhuai mihupna ahi hi.8

Leitung kithuahnate in mihing lungsim phongtho a, upna, Pasian kihtakna leh thumaanna in mite akipdingin kemzolo hi. Akiniamkhiat, Christ ie thuduhlohnain mi huplo hi. Pasian’ tanu tapa ka hi, aci mi tampite in, Jesu, vantung Kumpipa, pen “leikeu laka singzung bang hia, meelhoihna leh lim leh lai neilo hi.”9

Leitungvai Meltheihte Ngaihna Laitakken.— Pasian’ na leh leitung’ na kisemkop theilo hi. A leitungvaitat meeltheihte laitaakin ih nungta keiding hi. Amaute in thumaan theinuamlo uh hi. Amaute tawh kithuahna ah lampi tuamtuam zangin khuavak ihtaan hangin ihpuansilh, ihkampau, ihngeina, leh ihkizeknatein amaute’ ngaihsutna leh ngeina tawh akibang dingin suih ihkiphal keiding hi. Amau tawh kimuhna khempeuh ah thumaan ihlakding hi. Tuabangin ihbawltheih keileh kizom keivet lengh khalamah ei adingin hoihzaw hi.10

Kha Tuktehna-ah Tualngiamte Pelin.—Kha nuntakna ah atualniamte tawh kithuahna-in khialhna hi. Pilna leh khalamah piakkhiat ding aneilo mite tawh naitakin kithuahnain lauhuai hi. Tuabang mite kimkotah sianthona huih akidik khak kei a, siatna abanleh, akithuahpihte in zong theihloh kawmkalin ama’ siatna gu akidawn ahi hi. Khalamah alungngiamte tawh holim ding hilo hi. Damdamin, theihbanlohin, sianthona leh itnate in ama’ tualngiamna ah kiatsukna thuak ding hi. Ama’ khalam hawmsuahna hehpihin nangiamtuah khading hi.11

Minhoih in kham sangin manphazaw hi. Khangnote in amaute sangin lungsim leh khalamah angiamzawte tawh kithuah nuam uh hi. Ngaihsutna, thuakna, kizepna ah angiam mi tawh kithuahna panin bang lungnopna tak kingahding hiam? Pawlkhatte in zongsatna sia in, asia ngiamna anei tuabangte lawmin nei in amau’ tat bangin ta uh hi. Hunhaksa sungah akinungta hia, mite khempeuhte’ lungtang linglawngsak hi.12

Kiselphoding Lau-in Ze-etna sung Lut.—Tate in asiangtho, akilawm thute aselpho thei lawm neilo ding hi. Thumaan adingin adingngamte lawmin neiding uh hi. Selpho ding lau ahihmanun khangno tampite ze-etna sungah lutin Pasian aneilote lampi ah pai uh hi. Zahpihna leh selphona lakah thumaan takin aom theih nadingun nute in thuhilhna leh limlahna tawh thuvan ding uh hi.13

Banghangin khangnote in akiphallo lampi ah mite makaihin mawhna sungah alutding, leh Satan’ khutzat suakin, zongsatna hoihlo hanthawnin, lungsim siangtho tawh anungtate selpho in anuihsanna uh ngaihsunlo-in omleuh amaute dikna kuain kepcing pih ding hiam?14

Pasian’ maiah aom bangin Leenglate maiah omin.— Asiangtho Pasian’ nasep nadingin kilawmna ahong pialo khangno lawmte tawh kithuah kei in. Nanu leh napa maiah nahih ngamlohding nalawmte maiah hihkei in. Christ leh avantungmite mai-ah nazum ding nalawmte maiah gamta kei in. Sabbath tangte adingin hih thuhilhna kisam kei ni, cikei un. Hih ka genna azate in ka gen nop thei uh hi. Khangnote aw, kidawm un. Pasian’ vantungmite maiah nalah ngamlohding uh bangmah hihkei un. Nabawl siatna in midangte lawhlo, cih omlo hi. Nagamtatna in zia leh tong lamtohnaah akizang nate kilangsak a, midangte tungah huzaapna nei hi. Pasian’ neihsa nahihna mangngilh ngei kei in. Amahin man tawh ahong leisa ahi hi. Amahin ahongpiak talentte hong kisit kikding hi.15

Na kitangsap ciangin Huhding Kamciam om.— Akisia khangnote tawh tate kithuahsak ding hilo hi. Khatvei vei, Pasianin asiangtholo, akikhallo khangnote tawh kithuahna ah paipih thei hi. Ze-etna athuakzo ding vangliatna piading hi. Amah tawh kikopin om peuh leuh Babylon gamah Daniel leh alawmte bangin Pasian in ompih ding hi. Amaute in Pasian tawh atawntungin kizom ding uh hi. Pasian azahla sak ding nakhempeuh lawnglo ding uha, asiangtho in omding uh hi.  Pasian’ minthanna khatbek mitsuanin nungta ding uh hi. Pasian’ lim leh meel akimual khate adingin vil uha, puahphat nading, sanglap nading leh asiangtho sakdingin nasem ding uh hi.16

Thu angaihsun, athupi Lawm Teelin.—Christ tawh akithuhualtein ahoih nasepna ah apanpih theite lawmbawlin, thukhun hoih leh ngimna ahoihte apanpihlo lawmte peel ding hi. Mun khempeuhah apicinglo lungsim anei tam hi. Ngaihsutna leh asiangtho lungsim in maan hi, acih thu ah kiptakin Christ tawh anungta khawmtein lungsimsiate tawh akithuah uhhangin buaisaklo ding hi.17

Gamtat hoih alamto dingte in thu angaihsun thei, mithupite, leh biakna lamah akipdente lawm in teel uh hi. Kha nuntakna ih.lamtohnaah ihpiakding aman leh tawntung adingin bang na ka zang hiam, cih seh in. Singmuat zangin, apicinglo zia leh tong tawh lungkim baih uh hileh asiading inn alam uh ahi hi. Ze-etna huihpite hong nungding a, kiptakin leh beltakin akilamlo innte in sittelna thuakzolo ding hi.18

Thukhun nei-in, akhangkhia mite tawh kithuahna in kin aneihloh uhhangin dikna hong iplah sakding uh hi. Ahoih nasep aneite asemte tungah Pasian’ kammal abanglo thumaimaite lim saklohna kipia ding hi.19