Kumkikna Lamen Innkuan - Khen 13 (Azom1)

INNKUAN SUMZEKNA THUKHUN

Sumin Samsiatna ahihkeileh Thupha.—Sumin samsiatna ahihloh aphamawh hilo hi. Sumin man nei a, phatakin kizek thei hileh kha tampi kigup lawhding hi. Eite sangin azawngzawte zong thupha piakna in kizang thei hi. Pilvanglo takin sum zang lengh, azangpa adingin thaang suak thei hi. Kiphatsak nading, tupliat nadingin sum kizang leh samsiatna suak hi. Sumin ngaihna sittelna khat hikinken hi. Ama kitangsapna sangin atamzaw akaikhawmte in alungsim tawng atheih nadingin pilna leh hehpihna zong hen. Amau’ lungsim sunga ngaihsutna bek azong ahih uhleh athumaanlo sumkempa hia, a Topa sumbulte azangkhial ahi hi.

Pasian ih it takpi ciangin, abeitheinate in amaute mun maanah ngaihna neiding uh hi. Topa’ vante maantakin azang theidingin pilna leh theihna kiniamkhiat takin ihzonciangin vantung panin pilna ihngah ding hi. Lunggulh maimai thute ah eite’ lungsim ahoi ciangin Pasian’ maipha piakna omlopi in sumin lungnopna pia thei hi, cih hong ngaihsun sak hi. Tuaciangin sum in gilopa suaka, mihing ukin, pasian-in biakna angah hi. Zahtakna, thumaan, dikna, leh thutannate kisuplawh hi. Pasian’ kammal ie thupiakte kihemkhia in, sumin apiak leitung’ ngeina leh zatdante in eite hong uk ta hi.1

Innneihnaah Ngaihmuanna Zongin.—Pasianin ahong piak thukhamte kizangsuak hileh, tuhun leitung omdan thuzuihna lam, khalam, leh tutawm nuntakna kilamdang ding hi. Tu-a angsungkhuatna leh ei leh ei thupi ihkisaknate omlo dinga, midangte nopsak ding leh khantoh nading ihngaihsun zaw ding hi. Mihaute in sikciangkhut tawh mizawngte asikcipna uh, leitungna leh khalam adingin midangte khuakin amaute adingin angim asawm saksangin, ngaihsutna leh gamtatna ah suahtakna ngah zaw ding uh hi.

Innkhat neihnopna in khantohnopna neisak hi. Ngimna leh sawmna adingin siamna lamto uha, atate uhzong belna, sumcilna ah zongsat nadingin pilna pia uh hi. Amaute in sila hilo, cih theihna tawh amansuahsa uh zahtakna leh asiangtho nuntak nadingin akhe uh tawh dingin ngahkik ding ahanciamding uh hi.2

Ihmite khuapi panin khuataah paikhia in, amau leh atate adingin inn leh huan angah nading pilna pia un.3

Inn Zuaknaah Kidopding.—Azawng numei pasal pawlkhatte in Pasian’ nasep nadingin inn zuak le ung bangci nasa hiam, ci in lai hong khak uh hi. Huhngetna in amaute lungsim lawngkha a, na khempeuh amaute adingin asepsak Topa adingin banglo khat sem nuam uh hi. Amaute’ kiangah kageninah, “Na inn neute uh azuakdingin tavuan nanei kei uh hi, natavuan uh atelsiamdingin thungen le-uhcin Topain hongza ding hi.”4

Amite om nadingin akisam innte azuakdingin Topa in hong ngenlo hi; ahihhangin ahaute in Topa’ ngetna zalo, leitung panin kikhenkhia in, Pasian adingin akipiakzawh kei uhleh, amaute kinusia dinga, Ama’ nasep nadingin innzuak akisap phial lehzong Jesu’ na asem nuam mite kisam ding hi.5

Ei leh Ei Dinzawhna Pahtakhuai.—Mi’ tungah kingamlo, suaktakna in phathuai mahmah hi. Nangma’ van puain, mite’ an neksaklohna in thumaan hi. Ei leh ei dinnopna in apicing, acingh tupna ahi hi. Kuhkalna leh cilna in akisam zongsatna hoih ahi hi.6

Sumzek Siamna.—Mi tampite in asum ngahna tawh kituakin zang siamlo uh hi. Ahun leh amun tawh kituakin nuntakdan theiloin, sum leeitawi den uha, leeiba tampi aneih ciangin lungkia in lungsim neu uh hi.7

Nazatnate Ciamtehin.—Duh leh dahna zuihna ahihkeileh nu leh zi in siamna leh teina aneihloh manin sum ngai thei mahmah hi. Zi in ama’ deihnate khiamlo, tate’ deihna zong khiamlo, innsung sumzek dingin teitanglo a, pilna kipia ngeilo ahihmanin ahoihpen asem mahin kingaihsun hi. Tuahangin innkuan nih avak zoding sum tawh innkuan khat bek kivak zo hi. Sum sazian bawl theihnadingin sinding ahi hi. Pawl khatte in kisam kei, ci uh hi. Akisam thu hia, sum zatna khempeuh ciapteh ding ahi hi.8

Sumza’ang Zongsatna Asiatna.—Cillo takin sum za’ang zatna ie asiatna tawh kisai in Topa in hong lak nuam hi. Tua tawh nu leh pate in tate tungah sumcilna ahilh theih nading ahi hi. Akitangsamlopi in sumzatna in siatna ahi hi.9

Sum aza’ang thei zongsatna naneihleh tumahin paai in. Natuacih keileh nakhantawntung sum nanei ngeikei ding hi. Sumcilna, kuhkalna zongsatnate in sum tampi gaamin naluah sangin tate adingin ahoihzaw gaam ahi hi.

Eite in leengla leh khualzin mite ihhi hi. Ih sum neihte duh leh dah adingin zangloin, Pasianin ahong zatsaknopdanin zat zawkding ahi hi. Eite’ upna tawh akituakin ihdeih maimaite khiam ni.10

Uangtatna Hangin Nu leh Pa kitai.—Ciltakin sumzatdan nathei kei hi. Nadeih maimaite zong nasum neih tawh kituakin naciangtan thei kei hi. Sum tampi ngahding nakin mahmah a, nalunggulh bangin nazang ziahziah nuam hi. Na hilhna leh nalimlahnate in natate adingin samsiatna atung zo hi. Amaute in thukhun khat zong awlmawhlo uh hi. Pasian mangngilh tektek uha, Ama’ deihna alangpan ding zong launa aneikei semsem uh hi. Kiuk kikhal nameel zong aneikei uh hi. Sum ngah semsem, lungdam ko lah semsem uh hi.11

Ngahna sanga Atamzatzaw Innkuan.—Nasum zatnain nasum lut sangin atamzawk loh nadingin kidawmin. Nadeih maimainate khiamin.

Nasum zatna ah nazi in nang hong sun mahmah hi. Sum tampi aluankhiatloh nadingin nazi in hong huh theilo hi. Na innkuan sungah akitangsap vetlo na tampi kilei hi. Nazi in natate kizem leh deih hi. Namuhna sangin atamzaw in nazang hi. Natate muhdan leh lungsim paai inzong note hong suun uha, kiphatsak ding leh mawk nuntak uh hi. Sumcilna thei hilecin nang leh natate siatnate namu dinga, hih namawkzat sumte tawh Pasian’ nasepna tampi kizo theiding natheidinga, Christian zia leh tong apicing zaw nalamto thei ding hi. Tuabang thuakna naneih keileh natate anuntak laitengin pilna hoihlo angah ding uh hi.

Sum tampi akhol dingin kong hanthawn keiding hi. Ahihhangin nanihun sum kidawmtakin azangdingin leh nisim nuntaknaah sumcilnaah etteh thamcingin anungta dingin kong gen hi. Natate zong thuhilhna leh limlahna tawh hilh phatmahmah kisam hi.12

Deihna Nialding Innkuan Kisam.—Sanggamnu leh sanggampa in nasinding uh thu tam lai ahihlam hong kilak hi. Naneih zah uh tawh kituakin nanungta thei kei uh hi. Cil nameel nathei kei uh hi. Khasum tam sang leuhcin sawtvei akikhom theithei dingin nageel theikei uh hi. Pilna donglo in naduh nadahna uh dongin nagamtang uh hi. Khatvei vei, nasanggamte in alei zawhloh ante lei in nanese uh hi. Sum in naip sungpanin baihlam takin taikhia zialzial hi. Nanih un kei-nialna nasin ding uh kisam hi.13

Nu leh pate in asum ngahzah uh tawh kituakin anuntakding uh ahi hi. Atate sungah deihna nialna pantah ding uh hi. Thuhilhna leh limlahna zang ding uh hi. Adeihte uh tawmsak dinga, lungsim leh khalam khantoh nadingin hunpia ding uh hi.14

Deihdeih Zuihna in Itna Lahna hilo.—Tate kiphatsakna, uangtatna leh kihoihsaknate aphal leh a awi- amna in itna ahihlohlam tak tate hilh un. Sum atam theithei zattheih nading lampi tuamtuam zon hun hi lo hi. Sumcil theih nadingin naneihnate sazian bawl in.15

Sumcilna pen Citna tawh Kitangaihdending.— Tuhun khangnote in cilna awlmawhlo, simmawh uh hi. Cilna pen phincilna leh lungsim toina in ngaihsun uh hi. Ahihhangin sumcilna in muhna azai leh thuakna aliante adingin kibangden hi. Cilna omlo in citna amaan omtheilo hi. Sumcil ding sinna in kei ading hikei, sumnen khawng kep teltal kisam kei, ci kei hen.16

Lehtatna in Amaanlo Cilna.—Pumpi uang takin pammaihsaklohna in Pasian zahtakna hilo hi. Tuabang hihna in Pasian’ nasep nadinga kilawmlohna ahi hi. Pumpi an khamsakin cidam thahatin koihna in innkuan makai khat ie tavuan ahi hi. Atam man puan leh innsung vanzatte tawmneih zaw in, inn sungah an kicing a piakna in hoihzaw pek hi.

Innkuan pawlkhatah an nek nading sum cil mahmah a, leengla anvakna ah aciltang zang uh hi. Hih zong pillohna hi. Leengla anvakna ah anasia kullo zaw hi. Innkuanpihte kitangsapna masa sakpen in.

Sumcil khialhna leh akineihtawm ngeina pawlkhatah leengla do ding utlo thei uh hi. Leengladona in thupha hia, akisam thu zong ahi hi. Innkuan sung nisim an ding pen leengla hong pai lehzong anek theihdingin bawlden ding hi. Avalthau in inn nupi buaisak ding hilo hi.17

Sumcilna in gilvah nabek dinga an leina ahiding hilo hi. Sangnaupangte in acidamhuai an neding uh hi. An ahuante in athemthemte kaikhawmin bangmah mang thang saklo ding hi.18

Sumcil ihcih ciangin phincilna hilo hi. Pil takin sumzatna leh akitangsam nateah zatna ahi hi.19

Zite Nasep Anuamdingin Vanguan.—Sanggam E in sumcil thukhun tawh kituakin nungta hi. Anbuk dingin singbuk lamlo hi, ahangin, Pasian’ nasepnaah huhna akisap laitakin mimal nopsakna thupi sak in asumte zang nuamlo hi. Ahizongin atate lungsim leh azi cidamna ding ngaihsunin anbuk hoih alamsak ding kahanthawn hi.20

Mimal adinga Zatding Zi’ Sum.—Khat leh khat nakihuh ding uh hi. Sumbawm sincip teltalin zi in amimal sumding piakloh ding hilo hi.21

Nipi kal khatin amimal a zatding nazi sum pawlkhat napiakhia ding hi. Ama’ deih bangin nazek sak ding hi. Ama’ kivekna leh siamna azangdingin khatvei zong hun napia naikei hi. Nazi panmun taktak banghiam, cihzong natheihpih kei hi. Nazi in acidam huai, akikhaikim lungsim puak nei hi.22

Nasum ngahna lakpanin nazi ading nakhenkhiat ding hi. Ama’ aituamdingin nazek sak ding hi. Adeih bangin zang sakin. Ama’ sumglutte zong ama lungsim bangin azekding naphal ding hizaw hi. Ama’ deihna bangin zatding sum neihileh kimawhsakna omlo in, ama’ lungsaim panin vangikpi kilakhia ding hi.23

Anuamding leh Cidamna Zongin.—Sanggam P in sumcil mahmah hi. Atate’ kitangsapnate adingin thukhensatna ahoih neilo hi. Akitangsam vaite bekah asum zangin adang sehkak theilo hi. Adiakdiakin cidam nading leh nopsak nadinga aleidingte saikak lo hi. A innkuanbup un hihsanah kipuahphat kul hi. Innkuan nopsak nading leh cidam nading akisam nate ngaihsut mahmah kisam hi. Innkuan sungah vai khinkhaina omlo a, vaihawmnate in asialam leh khantohlohna ahi hi.24

Thaangippipuan ihsilhna leh ihsilhsaklohna tawh lungsim asiangtho zaw in bawltheih ahi kei hi. Thuhilhsia inn zong anuamding, akilawm leh azatnuam dingin ihbawllohna tawh zong Pasian’ maiah asiangtho tuanding ihhi kei hi.25

Cidam nading leh anuama omna panin kidek dingin Pasianin ahong deih hilo hi. Ahihhangin uangtatna, mimuhdinga lahna cihte adeihlo ahi hi.26

Banghunin Zang, Banghunin Zangloding.— Banghunin zangdinga banghunin zatlohding nakisin ding ahi hi. Eite leh ei’ deihna ihnial lo-in, ihsingkhuam ihpuak keileh Jesu’ nungzuite kisuak theilo ding hi. Ih kalsuan tawh kituakin ihpiakkhiat ding ahi hi. Puankhuina khauzang kiate kaikhop hun, anawl kiphelte khuituak hun, te natheih kul hi. Nang nopsak zon nadinga nazatte enkikin. Zualzanna tawh nazat sumte, nang leh nang kilungkimsak nadinga nazatte na thei hi. Kimanna aneilo duhgawl adinga abei sumte tawh anuam leh acidam huai dingin inn napuah thei hi. Nang leh nang phincil kei in. Phincilna in Pasian’ piaknate zatkhialhna ahi hi. Thaangzatna in zatkhialhna mah ahi hi. Atawpna ah apaikhia nasumte in bangmah amanlo nasa nawn kei ding hi.27

Akiap Lungtang kimakaihding hi.—Banghun ciangin sumcilna kizang theiding hiam, cih aneng atawngin gending kisam kasa kei hi. Pasian tungah bit takin akiapte in Ama’ kammalte makai in koiha, nisim tavuante sepkhiatnaah bangci gamtatding cih theiding uh hi. Jesu’ thu sinding uha, alungduai leh aziadam theiin, Christ ie ziadamna lamtoin, ze-etna tampite adingin alungsim kongkhak uh khakding uh hi.28