Zomi Sabbath School LESSON 7: NUNGZUI MAKAI SUAHNA

LESSON 7: NUNGZUI MAKAI SUAHNA                                        MAY 6-12

NIPI NI (SABBATH) NITAK LAM May 6

SIM DINGTE: 1 Pet. 5:1-10; Act 6:1-6; Jer. 10:21; Mat. 20:24-28; Pro 3:34; Rev 12:7-9.

KAMNGAH: Pasian in note hong kem ding ahih manin na lungkhamnate khempeuh uh ama kiang tun’pih un. (1 Pet. 5:7)

Ki makaih siamna in, a khangto Pawlpi khat suaksak thei hi. Pasian thu’ tungtawn panin, ngimna hoih tawh aki makaih siamna bekin Pawlpi mi khempeuh Lungdam na thupuak a tangko khia thei dingin a neih uh khalam silpiak te zangkhia sak thei hi.

A hi zongin Pawlpi sung ki makaih na ah to na (challenge) tampi om hi. Pawlpi khantoh na ding hanciam na ah, mikim in a hun uh pia zo lo, thubuai khat a om leh a nuaknuak tawh, om thei a hih manin, Makai te in Kha tawh a kidim mahmah ding a hi hi. Peter hun lai in zong Pawlpi in nasia takin, thuaksiatna a tuam vilvel a thuak makai te na om uh hi. Tua ahih manin, hih nasep na ah kua kilawm pen ding a hi hiam?

1 Pet. 5:1-10 sungah, Khuatual huam sunga Pawlpi khat ki makaihna thu a hi hi. Tua a ki hanthot na sungah makai te ading bek ahi lo, Pawlpi mi te in atheih huai thu pawlkhat tu khanghun a dingin a kituak kammal in bangte hi ding hiam?

NIMASA NI (SUNDAY) May 7
PAWPI MASA HUN LAI A, PAWLPI UPA TE

Acts 6:1-6; 14:23; 15:6; 1 Tim. 5:17; 1 Pet. 5:2. Hih Laisiangtho mun sung te ah, Pawlpi masa lai hun in makai te a ding in bang tona (seinkhaw hmu) mukhia thei ih hi hiam?

_________________________________________________________________________

Mihon tampitak te in Pawlpi sung hong lut in, thu-um mi hong suahna pen Pasian thupha mahmah khat a hi hi. A hi zongin Pawlpi masa te sungah hi ci banga Pawlpi khantoh luatna hangin buaina hong piang mawk hi.

Gentehna in: Acts 1-5 sungah, Khasiangtho a ki buahna thu leh Christian tampi a piankhiatna thu kimu thei hi. Acts 6:1-6 sung ih et kik ciangin, thu-um mi atam luatna hangin, makai te adingin nasep ding’ a ni-ani in puahphat hong om hi.

Kimakaih dan a siam lohna hangun, kiphunsan na thu hong piang hi. Tua thu te hangin, pilna leh Kha Siangtho a nei mihing sagih hong kitengkhia uh a, deacons ci in thubuai teng a vaihawm dingin seh uh hi. Tua a kipan in tua a khentuamtuam te a uksawn dingin Elder guang uh a, Paul leh Barnabas in zong a zinna khua pawlpi simah pawlpi Elder ding sehsak uh hi, An tangin thungetna tawh amaute’ muan’ ahi Topa’ khutsungah tua mite a ap uh hi. (Acts 14:23) 

Pawlpi masa hun lai in Elder te in panmun tampi ah na kizang uh hi. Thu-um thakte thusinna apia ding ahi zongin, hanthotna a gen ding a hi zongin, kiim leh paam tawh kizop na ah a kisam bangbangin nasem uh hi. (Acts 15:6; 1 Tim. 5:17; 1 Pet 5:2).

Pawlpi sungah makai te tawh ih kalsuan khopna ah, mun khatkhat ah, ki thutuak lohna a om phial zongin koi ci bangin mapang khawm thei veve ding ih hi hiam?

NINIH NI (MONDAY) May 8
ELDER – UPA TE

1 Pet. 5:1-4 sim in. Pawlpi sunga Upa sepna ah, koi ci bangin lungsim puak zia neih kul hiam? Ih ngeina, I zia ahi kei phial zongin koi ci bangin kalsuan theih ding ih hi hiam?

_______________________________________________________________________

Hih laisiangtho mun ah Peter in, a mah pawlpi mi dangin kituat photin, Elder te a thuhilhna ahi hi. A ,mah leh amah tung panin, thu nih in na hanthawn a, “Khrih thuakna a mit tawh a mu-pa leh, mailam hunah a hong kilang ding minthan’na zong a ngah dingpa” ki ci hi. Tua tungtawn in Peter in Elder te a thuhilh nop thu in, ih lamet minthan na a picing sak Zeisu’ ei tang dingin a hong thuakna Elder te in a phawk ding uh a hi hi.

Peter in Elder te pen Pasian’ tuuhon te acing tuu cingpa tawh na genteh hi. Tuu te bangin Pawlpi mite zong a mau thuthu tawh gamtang, taimang gawp thei uh hi. Tua bang hun ciangin Elder te in, Tuuhuang omna mun ah a makaih ding uh a hi uh hi. Tuu cing te mah bangin Elder te Pawlpi mite tungah migit na tawh a kalsuan ding uh ahi hi.

Jer. 10:21; Ezk. 34:8-10; Zech. 11:17 sim in. Hih Laisiangtho mun te ah, Tuu-cing te adingin, I kidop ding bang hong gen hiam?

_______________________________________________________________________

Pawlpi sung’ kimakaih ah a thupi pen in, tuucing te in a tuu te tungah a lungduai uh mah bangin Elder te in Pawlpi mite adingin biakpiakna makaihna te leh Gupna thu a lunglut te tungah Zeisu thu lungduai takin a hop ding a hi hi.

Pawlpi kiteel na aom ciangin, Makai cih pen baih lo a hih man in, ut lo pipi in Elder ding khawng teel tentan, teel teitei ding cih hi lo hi. Utna lungsim a nei te bekin a sep ding uh a hi hi. Tua in Pawlpi hoihtak in kalsuan pih thei bek ding hi. Makai hoih suah na dingin hun tampi zong piak kula, midang khat in kilawm a sak nai loh, ei mitmuh ah kicing I sak khat pen, a sem ding pa in a kingap nak leh Peter hong thukim pih khat in sem sak ziau in, cih thu a hi hi. Pawlpi sungah ih mutheih pak loh a behlap huai vai tampi om hi, tua alawp khat

tungtawn panin lawhcin na om thei ding hi.

NITHUM NI (TUESDAY) May 9
NUNGZUI MAKAI SUAHNA

1 Pet. 5:3, Mat. 20:24-28 sim in. Christian makaite a dingin a thupi mahmah thugui pi in bang hiam?

__________________________________________________________________________

A tunga Laisiangtho mun nih sunga om kammal khat in, Greek pau in, “katakurieuontes “cih hi a, “aana tawh ukna” cih a hi hi. Tua ahih manin Elder te theih ding thu in” Note’ kepdingin a hong kipia tuute, aana neihna tawh a cing lo ding” cihna hi a, Mat. 20:25 sunga Zeisu kammal tawh a kibang ahi hi. 

Mat. 20:20-23 sungah Nungzui James leh Johan te nu in a tate a dingin munkhat a nget sak na ah “Kumpi-in na om ciangin hih ka tate khat na taklamah, khat na veilamah a tutna dingin thu pia lecin ka ut hi,”

 “Zeisu in amau te dawmtak in don khiankhian in, a lawmte tungah a tungtuan nopna te uh zong taai bawl beek lo in, A lungsim te uh en in ama tungah bangzah in kingah cih a thei hi. A mau te Leitung vai te tawh kidiah lua ahih manin ki-elna tawh kidim uh hi. A hi zongin A mahin a Itna kip tawh, a nuntakna te uh a thuk zaw leh a ma siantho na sungah, siansuah sawm zaw hi.” EG.Whte:DA. p.548

Tua nupi nu tungah Zeisu dawnna in, "ka veilam ka taklama tutding pen kei’ hong piaktheih hilo hi. Ka Pa in a sehsa mite-a’ ding bek ahi hi,” cihsan hi. Dinmun vai ah, Pasian gam leh Gentile gam a ki lamdan zia a genna ah zong, Gentail-te pen “thuneihna tawh ki ukna” deihna hi a, Pasian gam ah bel, a lian ahi nuam te “nasem” te bang hi ding hi. “Mihing Tapa zong nasem nei dingin hong pai hiloin mi dangte-a’ ding na semin, mi tampi tatna ding a si

dingin a hong pai” (Mat. 20:28) ka hi hi “ci hi. 

Tua mah bangin Peter in zong Pawlpi makai te kiangah, To Zeisu mah bangin, Zeisu sungah ki aap na leh angsung nialna tawh mapan ding hong hanthawn hi. 

Phil. 2:4-8 sim in. Paul in Peter mah bangin, sapna angah mite om zia ding hong koi ci gen hiam?

NILI NI (WEDNESDAY) May 10
KINIAM KHIATNA PUAN BANG SILH-IN

Peter hun lai in, kipawlna sung a thuap athuap in om ditdet hi. Tu lai hun dan mahin, a zalain pian te in huzapna nei mahmah uh hi. A zaniam pen te sila te hi paha, khuanawl khuapam ah busa uh hi. A za aneu te in, a zalian te tungah ki niamkhiat taka om ding a hi hi. Greek pau in kiniamkhiatna in, za niam, thupitna nei lo, thaneem, zawng cihna a hi hi. Kim leh pam kipawlna sungah bangmah za leh dinmun nei lo te cihna a hi hi. A hi zongin Christian te ading in za neu leh za lian cih thu ah, akhiatna atuam pi khat kawk hi.

1 Pet. 5:5-7 simin, Hih Peter laikhak in, Amau hun dinmun tawh kituak in koi ci bangin a thupian zia tel thei ding I hi hiam?

__________________________________________________________________________

Laisiangtho sunga “Kiniamkhiatna” kammal’ deihna na in, Peter te hun Ki-ukna sunga aki zang kammal tawh kibang lo hi. Peter in hih kiniamkhiatna kammal pen Prov 3:34 sung panin alak a hi hi. Jame. 4:6 in zong tua kammal mah na la hi.

Pasian kiang zuatna ah Mihing in, kiniam khiat takna om ding a hi hi. “Pasian in ama hoihsak hun ciangin a hong laptoh theihna dingin a thahat Pasian’ khutnuai-ah kiniamkhiatin na om”ding hi zaw hi. (1 Pet. 5:6). Kisaktheihna sangin kiniamkhiat taka om na in, Pasian bek tawh hi lo in, mihing leh mihing kikaal ah ih om dan ding athupi pen a hi hi.(1 Pet. 5:5)

Bangzah takin dinmun sangah ih om zongin, Pasian hehpihna hang beka anungta vive te ih hi hi. Singlamteh in mikhempeup hong kibang kim thei sak hi. Na khempeuh a bawlpa Pasian mai ah, kiniamkhiat ding bel a baihin tuat ni. Tua mah bangin, ei sangin dinmun sangte kiangah kiniam khiat ding baih hi. “Kiniamkhiat taktak” a ki cih theihna a lem pen hun in, eite sangin dinmun, a zaniam zaw te tungah kiniamkhiat taka mapan khop theihna ahi hi. Tua dinmun pen Peter gennop zong a hi hi. 

Singlamteh ih cih in bang hi a, bang hangin tua singlamteh in kiniamkhiat theihna dingin hong sawl hiam?

NINGA NI (THURSDAY) May 11
A HAWK HUMPINELKAI BANGIN

Peter laikhak te a tam zaw ah bawlsiatna mah bulphuh hi. Ki dona Lianpi ih cih pen, a om khin takpi leh, ih muhkhak pelmawh, ih tuahkhak pel mawh, a hong tung lai ding thu a hih man a hi hi. 

1 Pet. 5:8-10, Rev 12:7-9 sim in. Hih Laisiangtho mun te in, Siatna a hong kipat khiatna leh, Leitung ah Satan nasep bang hi ci hiam?

________________________________________________________________________

Mangmuhna thubu sungah Christian te in, Leitung, Vannuai sunga avang nei asia leh apha kido na sungah a kihel ih hih zia hong lak hi. A vangnei a pha zaw a makaih pen, Zeisu hi a, a mah pen "Pasian’ Thu” a kici pa leh “Kumpite’ Kumpi, topate’ Topa,” a kici pa ahi hi. (Rev 19: 13, 16). A vangnei veve siatna a makaih pen, Dawimangpa’ akici Satan hia, Gulpi zong kici hi. (Rev 12: 7,9; 20:7,8) Tua Satan pen om taktak a hih lam a sang theilo mitampi om hi. A hi zongin, a lungdam huai thu in, ni tawp ni ciangin tua Dawi mangpa ki susia ding hi. (Rev 20:9, 10)

Peter in bel tua Dawimangpa a lauhuai zia agen na ah, a hawk thei Humpinelkai bangin kuami ka nei ding hiam ci in, zong kawikawi” ci hi. (I Pet. 5:8), A hi zongin tua Dawimangpa hangin “Tawlkhat na thuak uh hangin, Khrih tawh na kipawlna hangun tawntung minthan’na a ngah ding uh” hi ci hi. (1 Pet. 5:10)

Koi ci bangin, ih galpa ngian thei lo pi pi in, ih Upna tawh atawp dongin kip thei ding I hi hiam?

KIGINNI (FRIDAY) May 12

SINBEH DING: Zeisu sungah I etteh theih ding nungzui makai suahna in, Nekkhawm a neek ni un a gamtat zia panin ki mu thei hi. Pasian tapa a hih zia leh, a pa kiangah ciah kuan ta ding cih zong kithei hi.(John 13:1) Tua munah, ki niamkhiatna tawh a nungzui te khe siksak kawm in, “Note’ Topa leh Siapa in na khe uh hong silsak ka hih leh note khatlekhat na kisilsak kan ding uh kilawm hi. Note tungah ka hong gamtat bangin note na gamtat theihna dingun a lim a hong lak ka hi hi” (John 13:14,15) ci hi. Tua a kipan in Nungzui te zong a mau leh a mau’ te khe kisil sak thei tek ta uh hi. Pasian Gam adingin makai suah theih na dingin sila suah phot ding a hih zia hong tel ta uh hi. 

KIKUP DINGTE:

1. Zeisu a nasepna akipat dingin, Dawimangpa tawh kiphu phot uh hi. Ni 40 sunga antang khit ciangin Dawimangpa Ze-etna khempeuh Pasian kammal tungtawn in na nang zo hi. Tua mah bangin eite in zong Dawimangpa ze-etna eikhom in koi ci nang zo ding ih hi hiam?

2. Midang te khat tung panin, kiniamkhiatna maan na muhkhiat na tungtawn pan in, nang a dingin koi ci kisin theih ding na hi hiam?

3. Leitung vai ah Makai te neih ding a kisam thu leh, Biakna Makai te’ neih ding a kisam, makai hoih suahna koi ci dan in kilam dang hiam?